येळ्ळूर दि. २ जुलै : येथील सरकारी मराठी मॉडेल शाळेत मंगळवार दि. १ जुलै २०२५ रोजी मासिक पालक सभेचे आयोजन करण्यात आले होते. प्रारंभी शाळेच्या विद्यार्थिनींनी ईशस्तवन व स्वागतगीत सादर केले.
प्रास्ताविक मुख्याध्यापक राजेंद्र चलवादी यांनी केले. यामध्ये २०२५ – २६ या शैक्षणिक वर्षातील विद्यार्थ्यांची गुणवत्ता वाढविण्यासाठी प्रयत्न करणे, शाळा व शाळेमध्ये शौचालय स्वच्छता ठेवणे व इतर विषयावर पालक व शिक्षकांमध्ये चर्चा करण्यात आली. काही विषायावर सर्वानुमते निर्णय घेऊन ठरावावर शिक्कामोर्तब करण्यात आले. यावेळी इयत्ता ५ वीच्या वर्गातील विद्यार्थ्यांना बसण्यासाठी राजहंसगड गावातील डॉ. संतोष बोंगाळे, जयवंत पवार, राजू हलगेकर, महादेव करडी, मनोहर हलगेकर या शाळेच्या पालकानी १६ बेंच देणगी स्वरुपात दिले. या सभेमध्ये शाळेच्या वतीने त्यांचा सत्कार करण्यात आला.
कार्यक्रमाचे सुत्रसंचलन एम्.एस्.मंडोळकर यांनी केले. तर सातेरी पाखरे यांनी आभार मानले. या कार्यक्रमाला मुख्याध्यापक, शिक्षक, पालक व सर्व एसडीएमसी सदस्य उपस्थित होते.
