बेळगाव : चिदंबर नगर येथील प्रतिष्ठित नागरिक आणि जीआयटी कॉलेजमधील सेवानिवृत्त प्राध्यापक संजीव गोविंदराव कुलकर्णी (वय ६२) यांचे रविवार दि. १७ मे २०२६ रोजी निधन झाले. त्यांच्यावर चिदंबर नगर स्मशानभूमीत अंत्यसंस्कार करण्यात आले. त्यांच्या पश्चात पत्नी, मुलगा, सून आणि नात असा परिवार आहे. चिदंबर देवस्थानाचे ते सदस्य होते. गेली अनेक वर्षे त्यांनी चिदंबर मंदिरात शेकडो जणांना मंत्रपाठाचे शिक्षण दिले. संगीत आणि तत्वज्ञानाचे अभ्यासक म्हणून ते ओळखले जात होते.