- शिक्षण, आरोग्य आणि ग्रामीण विकासातील योगदानाची राष्ट्रीय पातळीवर दखल
बेळगाव : शिक्षण, आरोग्य सेवा आणि ग्रामीण विकास क्षेत्रात उल्लेखनीय कार्य करणारे डॉ. प्रभाकर बसप्रभू कोरे यांना ‘पद्मश्री २०२६’ या देशातील प्रतिष्ठित नागरी पुरस्काराने सन्मानित करण्यात आले आहे. दिल्ली येथे आयोजित विशेष समारंभात द्रौपदी मुर्मू यांच्या हस्ते त्यांना हा पुरस्कार प्रदान करण्यात आला.
शिक्षण क्षेत्रातील दूरदृष्टी आणि ग्रामीण भागाच्या विकासासाठी केलेल्या कार्यामुळे डॉ. कोरे यांनी राज्यासह देशभरात वेगळी ओळख निर्माण केली आहे. कर्नाटक लिंगायत एज्युकेशन सोसायटी चे अध्यक्ष म्हणून त्यांनी ग्रामीण आणि शहरी भागात अनेक शैक्षणिक संस्था उभारून हजारो विद्यार्थ्यांना शिक्षणाची संधी उपलब्ध करून दिली आहे.
शैक्षणिक क्षेत्राबरोबरच आरोग्य सेवेतही त्यांनी महत्त्वपूर्ण योगदान दिले आहे. विविध रुग्णालये आणि वैद्यकीय संस्थांच्या माध्यमातून सर्वसामान्य नागरिकांना दर्जेदार आरोग्य सुविधा उपलब्ध करून देण्याचे काम त्यांनी केले आहे. विशेषतः ग्रामीण भागातील आरोग्यसेवा अधिक सक्षम करण्यासाठी त्यांनी अनेक उपक्रम राबविले आहेत.
त्यांच्या दीर्घकालीन आणि समाजाभिमुख कार्याची दखल घेत केंद्र सरकारने त्यांना २०२६ चा पद्मश्री पुरस्कार जाहीर केला. राष्ट्रपती भवनात झालेल्या समारंभात हा सन्मान स्वीकारताना त्यांच्यावरील गौरव हा केवळ त्यांच्यासाठीच नव्हे, तर संपूर्ण कर्नाटकासाठी अभिमानाचा क्षण ठरल्याची भावना विविध स्तरांतून व्यक्त करण्यात येत आहे.
