सुळगे (ये.) : येथील दक्षिण महाराष्ट्र शिक्षण मंडळ संचलित नेताजी हायस्कूल शाळेतील विद्यार्थी, विद्यार्थिनी, शिक्षक यांच्या संयुक्त विद्यमाने आषाढी एकादशीनिमित्त भव्य वारकरी दिंडीचे आयोजन करण्यात आले होते. या दिंडीचा शुभारंभ शाळेच्या प्रांगणातून करण्यात आला. विद्यार्थ्यांनी वारकरी संतांच्या वेशभूषा साकारल्या होत्या. शाळेच्या पटांगणातून या दिंडीचा शुभारंभ शाळेचे मुख्याध्यापक श्री.टी.वाय भोगण आणि सर्व शिक्षकांच्या हस्ते करण्यात आला. दिंदीत विठ्ठल रखुमाई तसेच तुकाराम महाराज, सोपानदेव, ज्ञानदेव ,चोखामेळा मुक्ताई, जनाई यांच्या वेशभूषा साकारल्या होत्या.
प्रारंभी शाळेच्या पटांगणातून सुळगे (ये.) गावातील विठ्ठल रखुमाई मंदिर, भावकेश्वरी मंदिर आणि मारुती मंदिर पर्यंत पायी दिंडी काढून सर्वांचे लक्ष या दिंडीकडे वेधण्यात आले.
या कार्यक्रमात शाळेचे मुख्याध्यापक व इतर शिक्षकांच्या हस्ते विठ्ठल – रखुमाई यांची यथोचित पूजा करण्यात आली. यावेळी शिक्षकांनी विद्यार्थ्यांना आषाढीवारी निमित्त काढल्या जाणाऱ्या पायी दिंडीचे महत्त्व सांगितले. यानंतर पायी दिंडी कार्यक्रमाची सांगता करण्यात आली.
