बेळगाव / प्रतिनिधी
बेळगावसह देशातील इतर राज्यांमधून येणाऱ्या पर्यटकांच्या वाहनांना पीआय दर्जाच्या खाली असलेल्या कोणत्याही पोलिस कर्मचाऱ्यांनी दिवसा चलन काढू नये तसेच पीआय दर्जाच्या वरील अधिकाऱ्यांनी नियमांचे उल्लंघन करणाऱ्यांना एमव्ही चलन जारी करावे, असा आदेश देण्याचे निर्देश गोव्याच्या एडीजीपींना दिल्याबद्दल भाजप कर्नाटक राज्य उपाध्यक्ष आणि बेळगाव उत्तर मतदारसंघाचे माजी आमदार अॅड. अनिल बेनके यांनी गोव्याचे मुख्यमंत्री प्रमोद सावंत यांचे आभार मानले आहेत. यासंदर्भात यापूर्वी माजी आमदार अॅड. अनिल बेनके यांनी १६ जून २०२४ रोजी गोव्याच्या मुख्यमंत्र्यांना निवेदन सादर केले होते. त्याची दखल घेत मुख्यमंत्री प्रमोद सावंत यांनी गोव्याच्या एडीजेपींना वरील प्रमाणे निर्देश दिले आहेत.
