बेळगाव / प्रतिनिधी
गुरु पौर्णिमेचे औचित्य साधून चव्हाट गल्ली येथील मराठी शाळा नं. ५ आणि माजी विद्यार्थी संघाच्या वतीने गुरुवंदना कार्यक्रम अत्यंत उत्साहात साजरा करण्यात आला. कार्यक्रमाला सर्व पालक आणि विद्यार्थी पारंपारिक वेशभूषेत हजर होते. कार्यक्रमाच्या सुरुवातीला शाळेतील सर्व शिक्षक व विद्यार्थ्यांनी गल्लीमध्ये आषाढी दिंडीची फेरी काढली यामध्ये सर्व विद्यार्थी टाळ वाजवत ज्ञानोबा माऊली तुकाराम घोष करत उत्साहाने सहभागी झाले. त्यानंतर शाळेच्या आवारामध्ये रिंगण घालून विद्यार्थ्यांनी दिंडीचा आनंद सर्वतोपरी लुटला. कार्यक्रमाच्या अध्यक्षस्थानी दीपक किल्लेकर हे होते. प्रमुख पाहुणे म्हणून प्राचार्य कार्यक्रम आनंद आपटेकर हे उपस्थित होते.
यानंतर कार्यक्रमामध्ये सर्व मुलांच्याकडून उपस्थित सर्व पालक तसेच सर्व मान्यवर आणि गुरुजनांच्या पाद्यपूजनाचा कार्यक्रम संपन्न झाला यावेळी सर्वच विद्यार्थ्यांनी अतिशय उत्साहाने आपल्या आई- वडिलांच्या तसेच गुरुजनांच्या आशीर्वाद घेतले. या कार्यक्रमाचे प्रास्ताविक नाथबुवा यांनी केले. सूत्रसंचालन पी. ए. माळी आणि आभार राजू कांबळे यांनी मानले. या कार्यक्रमाला दीपक किल्लेकर, रवी नाईक, श्रीकांत कडोलकर, आनंद आपटेकर, माजी विद्यार्थी, क्रिकेट कोच विठ्ठल भट व एसडीएमसी चे सर्व पदाधिकारी, सर्व पालक आणि मुख्याध्यापक पी. के. मुचंडीकर, शाळेचे सर्व स्टाफ आणि सर्व विद्यार्थी उपस्थित होते.
