बेळगाव / प्रतिनिधी
कोरिया येथे पार पडलेल्या २० व्या एशियन स्पर्धेत भारतीय संघातून निवड झालेला बेळगावचा स्केटर देवेन बामणे याने चमकदार कामगिरी करत ८ व्या स्थानपर्यंत मजल मारली नुकतेच त्याचे बेळगाव विमानतळावर आगमन होताच, विमानतळ प्रशासन प्राधिकरणातर्फे स्वागत व सत्कार करण्यात आला. हा सत्कार एस. त्यागराजन (बेळगांव विमानतळ संचालक), ब्रह्मानंद रेड्डी (विमानतळ टर्मिनल व्यवस्थापक एएआय बेळगाव) बेक्कल व कौशिक यांच्याहस्ते हार आणि बुके देऊन करण्यात आला. यावेळी बेळगाव जिल्हा रोलर स्केटिंग असो स्केटिंग प्रशिक्षक सुर्यकांत हिंडलगेकर यांनी त्याला शाल व हार घालून त्याचे अभिनंदन केले व त्यांच्या पुढील वाटचालीस शुभेच्छा दिल्या. यावेळी देवेनचे आई – वडील विनोद बामणे, ज्योती बामणे, लीना कोरिशेट्टी, बसवराज कोरिशेट्टी, स्मिता मेंडके, श्रीकांत मेंडके, शिवराज, नैना शिवराज, बेळगाव जिल्हा रोलर स्केटिंग असो. चे स्केटर्स व पालक वर्ग उपस्थित होते.
