बेळगाव : ग्रामीण भागातील नागरिकांना खरेदी करण्यासाठी बसने बेळगाव शहरात यावे लागते. यासाठी ग्रामीण भागात बस निवारा आवश्यक आहेत. म्हणून राज्यसभा खासदारांच्या स्थानिक क्षेत्र विकास निधीतून बस निवारा बांधून देण्यात येत आहेत असे राज्यसभा खासदार इराण्णा कडाडी यांनी सांगितले. आज सोमवारी बेळगाव ग्रामीण विधानसभा मतदारसंघातील बेक्कीनकेरे, बेळगुंदी आणि सावगाव येथे राज्यसभा खासदारांच्या स्थानिक क्षेत्र विकास योजनेअंतर्गत बस प्रवासी निवारा बांधण्याचे भूमिपूजन केल्यानंतर ते बोलत होते.
बेळगाव ग्रामीण विधानसभा मतदारसंघात, कुकडोळी गावात व्यायामशाळा (व्यायामशाळा) बांधण्यासाठी १० लाख रुपये, नंदीहळ्ळी गावात विठ्ठल बीरदेव देवस्थाना जवळ सामुदायिक सभागृह बांधण्यासाठी ५ लाख रुपये, नंदीहळ्ळी गावात विठ्ठल बीरदेव देवस्थानजवळील सामुदायिक सभागृह बांधण्यासाठी ५ लाख रुपये, अतवाड गावात सरकारी मराठी शाळेजवळ व्यायामशाळेच्या इमारतीच्या बांधकामासाठी ५ लाख रुपये, शिंदोळी गावात सांस्कृतिक सभागृहाच्या बांधकामासाठी ५ लाख रुपये, कुकाडोळी गावातील ग्रामपंचायत परिसरात पेव्हर बसवण्यासाठी ५ लाख रुपये, नागेनहट्टी गावात बस प्रवासी निवारा साठी ५ लाख रुपये, कल्लेहोळ गावात बस प्रवासी निवारा साठी ५ लाख रुपये, बेक्कीनकेरे गावात बस प्रवासी निवारा साठी ५ लाख रुपये, बेळगुंदी गावात बस प्रवासी निवारा साठी ५ लाख रुपये, सावगाव गावात बस प्रवासी निवारा साठी ५ लाख रुपये, बेळगाव ग्रामीण विधानसभा मतदारसंघात एकूण ६० लाख रुपये अनुदान खर्च करण्यात येत आहेत. माझ्या कार्यकाळात राज्यसभा खासदारांच्या अनुदानातून विकास कामे करत शक्य तितक्या जास्त लोकांपर्यंत पोहोचण्याचा प्रामाणिक प्रयत्न करत असल्याचे खास.कडाडी यांनी सांगितले.
बेक्कीनकेरे ग्रामपंचायत अध्यक्षा छब्बूबाई कांबळे, लक्ष्मी सावंत, धनंजय जाधव,सनथकुमार पाटील, सुरेश सावंत, अर्जुन डोमळे, राजू सावंत, भरमा होनकेरी, भावकू सावंत, लक्ष्मी गावडे, बेळगुंदी ग्रामपंचायत अध्यक्ष प्रताप सुरेंद्र पाटील, मनोज बिदगीकर, शंकर शहापूरकर, संतोष बेळगावकर, सावगाव ग्रामपंचायत अध्यक्ष डॉ. यल्लाप्पा पाटील, बेळगाव ग्रामीण मंडळाचे अध्यक्ष युवराज जाधव, विनय कदम, धनंजय जाधव, चेतन पाटील, कल्लाप्पा पाटील, संगीता बाणेकर, कल्लाप्पा पाटील यांच्यासह गावातील नेते व ग्रामस्थ यावेळी उपस्थित होते.
