बेळगाव / प्रतिनिधी
चार महिन्यांपूर्वी विवाह झालेल्या तीन महिन्यांच्या गर्भवती महिलेने गळफास घेऊन आत्महत्या केली. विजय गल्ली, मच्छे (ता. बेळगाव) येथे ही धक्कादायक घटना घडली. अनिता निलेश नंद्याळकर असे आत्महत्या केलेल्या तरुणीचे नाव आहे.
बेळगाव तालुक्यातील मच्छे गावातील विजय गल्लीमध्ये तीन महिन्यांच्या गर्भवती महिलेने गळफास लावून आत्महत्या केल्याची धक्कादायक घटना घडली आहे. या घटनेमुळे महिलेच्या कुटुंबीयांनी संताप व्यक्त केला आहे.
अनिताने निलेशशी ७ वर्षांच्या प्रेमसंबंधानंतर चार महिन्यांपूर्वी आंतरजातीय विवाह केला होता. विवाहानंतर ते दोघे वेगळ्या घरात राहत होते. आंतरजातीय विवाह असल्यामुळे पतीच्या कुटुंबाकडून सतत होणाऱ्या छळाला कंटाळून तिने आत्महत्या केल्याचा संशय व्यक्त करण्यात येत आहे. या घटनेची माहिती मिळताच ग्रामीण एसीपी शेखरप्पा यांच्यासह पोलिसांनी घटनास्थळी भेट देऊन पाहणी केली. या प्रकरणी बेळगाव ग्रामीण पोलीस स्थानकात गुन्हा दाखल करण्यात आला आहे.
