- पार्किंगमधून वाहन बाहेर काढताना अपघात
- कार चालविणाऱ्या महिलेविरुद्ध एफआयआर
बेळगाव / प्रतिनिधी
बेळगावमधील न्यू गुड्सशेड रोड परिसरात रविवारी (दि. १२) ऑक्टोबर रोजी सकाळी १०.३० वा. सुमारास अपार्टमेंटच्या पार्किंगमधून कार बाहेर काढताना धडक बसून सिक्युरिटी गार्ड नागेश शट्टुप्पा देवजी (वय ५६) गंभीर जखमी झाले. त्यांना ताबडतोब खासगी रुग्णालयात दाखल केले गेले, मात्र उपचाराचा उपयोग न होता त्यांचा मृत्यू झाला. या घटनेची माहिती मिळताच वाहतूक दक्षिण विभागाचे पोलीस निरीक्षक बसगौडा पाटील व त्यांच्या सहकाऱ्यांनी घटनास्थळी पाहणी केली.
नागेश यांच्या पश्चात आई, पत्नी, मुलगा, मुलगी तसेच दोन भाऊ आणि बहीण असा परिवार आहे. ते टेंगिनकेरा गल्ली येथील राजगुरु युवक मंडळाचे माजी अध्यक्ष होते. सोमवार (दि. १३) ऑक्टोबर रोजी सकाळी ११ वाजता कामत गल्ली स्मशानभूमी येथे त्यांच्यावर अंत्यसंस्कार करण्यात आले. पोलिसांनी या घटनेसंदर्भात कार चालविणाऱ्या महिलेविरुद्ध एफआयआर नोंद केला असून, पुढील तपास सुरू आहे.
