चंदगड / प्रतिनिधी
चंदगड विधानसभा मतदारसंघाचे आमदार मा. शिवाजीराव पाटील यांच्या वाढदिवसानिमित्त आयोजित करण्यात आलेल्या कार्यक्रमाला सीमाभागातील महाराष्ट्र एकीकरण समितीचे शिष्ट मंडळाने उपस्थित राहून शुभेच्छा दिल्या.
आमदार शिवाजीराव पाटील यांच्या वाढदिवसानिमित्त महाराष्ट्र राज्याचे उपमुख्यमंत्री एकनाथ शिंदे यांचे विशेष अधिकारी मंगेश चिवटे आणि महाराष्ट्र एकीकरण समिती सीमाभाग बेळगावचे नेते रमाकांत कोंडुसकर यांच्या मार्गदर्शनाखाली सीमाभागातील वैद्यकीय समन्वयक प्राचार्य आनंद आपटेकर यांच्याकडून पाच व्हील चेअर विकलांग रुग्णासाठी भेट स्वरूपात देण्यात आल्या.
याप्रसंगी चंदगड भाजपचे अध्यक्ष शांताराम (बापू) पाटील, मध्यवर्ती महाराष्ट्र एकीकरण समिती बेळगावचे जनसंपर्क प्रमुख विकास कलघटगी, अनिल अमरोळे, लक्ष्मण किल्लेकर महाराष्ट्र एकीकरण समितीचे युवा नेते सागर पाटील, कपिल भोसले, राजेंद्र बैलूर, राजू तलवार, विनायक बिर्जे, विराज मुरकुंबी व बेळगावसह सीमाभागातील नागरिक उपस्थित होते.
