बेळगाव : रोटरी क्लब ऑफ बेळगाव दर्पणच्या सहप्रायोजकत्वाखाली श्री तात्यासाहेब मुसळे कन्नड प्राथमिक शाळा, प्रभाग क्र. ११, बेळगाव येथे बनशंकरी इंटरॅक्ट क्लबचा पदग्रहण समारंभ मोठ्या उत्साहात पार पडला. या कार्यक्रमात इंट्र. पूर्वी तेलगीनमणी यांनी अध्यक्षा तर इंट्र. युवराज अंगवाडी यांनी सचिव पदाची शपथ घेतली. संस्थापन अधिकारी रोटे. ॲड. विजयलक्ष्मी मण्णीकेरी यांनी त्यांना अधिकाराची पदाची शपथ दिली. यानंतर रोटे.ॲड. विजयलक्ष्मी मण्णीकेरी यांनी आपल्या भाषणात सेवाभाव, नेतृत्व व चारित्र्य विकासाचे महत्त्व अधोरेखित केले.
प्रारंभी शाळेच्या मुख्याध्यापिका सौ. शिल्पा कवडी यांनी सर्व उपस्थितांचे स्वागत केले, तसेच शालेय विद्यार्थ्यांसाठी रोटरीच्या योगदानाचे कौतुक केले. इंटरॅक्ट मेंटर सौ. नेत्रावती मिराशी यांनी इंटरॅक्ट क्लबचे कार्य आणि गेल्या कार्यकाळातील क्लबच्या यशाबद्दल माहिती दिली. यावेळी रोटे. कावेरी करूर, क्लब सचिव, रोटे. कोमल कोळीमठ, न्यू जनरेशन डायरेक्टर, रोटे. पुष्पा पर्वतराव, इंटरॅक्ट चेअरपर्सन रोटे. सविता वेसणे व रोटे. शीला पाटील यांनीही विद्यार्थ्यांना प्रोत्साहन दिले.
कार्यक्रमाला विशेष अतिथी म्हणून हॉकी बेळगावचे सचिव तथा निवृत्त सुभेदार मेजर (भारतीय लष्कर) सुधाकर चाळके उपस्थित होते. त्यांनी विद्यार्थ्यांना शिस्त व सेवाभावाचे महत्त्व पटवून दिले.
आभारप्रदर्शनानंतर राष्ट्रगीताने कार्यक्रमाचा समारोप करण्यात आला. यावेळी रोटे. प्रकाश कालकुंद्रीकर यांच्यासह रोटरी क्लब ऑफ बेळगाव दर्पणचे सदस्य उपस्थित होते. एकंदरीत हा सोहळा युवा नेतृत्व व सेवाभावना यांचे प्रतीक ठरला.
