चलवेनहट्टी : येथील भाविक रविवार दि. २५ जानेवारी २०२६ रोजी सौंदत्ती येथील श्री रेणुका देवी (यल्लाम्मा) यात्रेसाठी रवाना होणार आहेत. यात्रेचे नियोजन ठरल्याप्रमाणे शांततेत व शिस्तीत पार पाडावे, असे आवाहन ग्रामपंचायत सदस्यांनी केले आहे.
नियोजनानुसार, २५ जानेवारी रोजी गावातून यात्रेसाठी प्रस्थान करण्यात येणार असून, जोगुळभावी येथील परड्या भरून रेणुका देवीचा डोंगर चढण्यात येणार आहे. मंगळवार दि. २७ जानेवारी हा यात्रेचा मुख्य दिवस असून, त्या दिवशी यात्रास्थळी परड्या भरण्यात येणार आहेत.
बुधवार दि. २८ जानेवारी रोजी भाविक यात्रेहून परत गावाकडे येणार असून लक्ष्मी देवस्थान येथे मुक्काम राहणार आहे. त्यानंतर गुरुवार दि. २९ जानेवारी रोजी दुपारी गावातील लक्ष्मी देवस्थान येथे परड्या भरणे तसेच मारग मळणे हा धार्मिक विधी पार पडणार आहे. या यात्रेदरम्यान सर्व भाविकांनी परंपरा जपत, शांततेत आणि सलोख्याने यात्रा साजरी करावी, असे आवाहन ग्रामपंचायतीकडून करण्यात आले आहे.
