- मा. आमदार आसिफ सेठ यांच्याहस्ते सन्मान
बेळगाव : उद्योगक्षेत्रातील नवकल्पना आणि नेतृत्वाची दखल घेत, रोटरी क्लब ऑफ बेलगाव दर्पण तर्फे कुमारी निवेदिता शिवकांत सिद्नाळ यांना युवा उद्योजक पुरस्कार प्रदान करण्यात आला. व्यवसाय जगतात त्यांनी केलेल्या उल्लेखनीय कामगिरीचा हा गौरव आहे.
विजयकांत डेअरी अँड फूड प्रॉडक्ट्स लिमिटेडच्या प्रगतीत कुमारी सिद्नाळ यांनी उत्पादनक्षमता वाढ, गुणवत्तावृद्धी तसेच स्थानिक युवकांना रोजगार उपलब्ध करून देण्यासारखे महत्त्वपूर्ण उपक्रम राबवले आहेत. शाश्वत व्यावसायिक दृष्टिकोनामुळे त्यांचे नाव कर्नाटकातील उदयोन्मुख उद्योजकांमध्ये विशेष ठरत आहे.
हा पुरस्कार मिलेनियम गार्डन, बेळगाव येथे झालेल्या सोहळ्यात कर्नाटक विधानसभेचे आमदार आसिफ सेठ यांच्याहस्ते प्रदान करण्यात आला. याप्रसंगी पोलीस उपायुक्त नारायण बरमणी यांच्यासह मान्यवर उपस्थित होते.
कार्यक्रमाला व्यवस्थापकीय संचालिका सौ. दीपा शिवकांत सिद्नाळ, रोटरी क्लबच्या अध्यक्षा रोटेरियन अॅड. विजयलक्ष्मी मन्निकेरी, सचिव रोटेरियन कावेरी करुर, असिस्टंट गव्हर्नर रोटेरियन उदय जोशी, डीजीएन रोटेरियन अशोक नाईक, वोकेशनल सर्व्हिस डायरेक्टर रोटेरियन शीला पाटील आणि कार्यक्रम अध्यक्षा रोटेरियन सुरेखा मुम्मिगट्टी आदी मान्यवर उपस्थित होते.
हा सन्मान निवेदिता सिद्नाळ यांच्या यशस्वी प्रवासातील एक महत्त्वाचा टप्पा ठरला असून, तरुण पिढीसमोर प्रगती, उत्कृष्टता आणि सामाजिक जबाबदारी यांचा आदर्श घालून देणारा ठरला आहे.
