विजयपूर / दिपक शिंत्रे
एका युवकावर भर दुपारी धारदार शस्त्रांनी हल्ला करून त्याची निर्घृण हत्या करण्यात आल्याची घटना शहरातील एस. एस. रस्त्यावरील एस. एस. कॉम्प्लेक्समध्ये असलेल्या अमर वर्षिणी सौहार्द सहकारी संस्थेच्या कार्यालयात दुपारी १.३० च्या सुमारास घडली आहे. सुशील काळे (वय ४३) असे हत्या झालेल्या युवकाचे नाव आहे. दि. ९ रोजी शहरातील गॅगबाऊडी परिसरात एका युवकाची हत्या झाली होती गेल्या आठ दिवसात हत्येची ही दुसरी घटना घडली आहे
या युवकावर सौहार्द सहकारी संस्था (पतसंस्था) च्या कार्यालयात चार जणांनी धारदार शस्त्रांनी हल्ला केला होता. गंभीर जखमी अवस्थेत तो रक्ताच्या थारोळ्यात पडलेल्या युवकास त्वरित उपचारासाठी शहरातील बी. एल. डी. ई. रुग्णालयात दाखल करण्यात आले. मात्र चिंताजनक स्थितीत असलेल्या काळे यांचा उपचारादरम्यान मृत्यू झाला. या घटनेमुळे सहकारी संस्थेच्या च्या परिसरात नागरिकांमध्ये भीतीचे वातावरण पसरले आहे. गांधी चौक पोलीस घटनास्थळी दाखल होऊन तपास सुरू केला आहे.
हल्ला करून पळ काढलेल्या आरोपींचा शोध पोलीस घेत आहेत. या हल्ल्यामागचे कारण काय, तसेच हल्लेखोर कोण होते, याचा तपास सुरू आहे. याप्रकरणी गांधी चौक पोलीस स्थानकात गुन्हा नोंदवण्यात आला आहे.
