बेळगाव / प्रतिनिधी
नेगील योगी रयत सेवा संघ कर्नाटकच्या बेळगाव जिल्हा शाखेतर्फे शेतकऱ्यांच्या वतीने विविध मागण्यांचे निवेदन जिल्हाधिकाऱ्यांना सादर करण्यात आले. नेगील योगी रयत सेवा संघ या शेतकरी संघटनेचे राज्याध्यक्ष रवी पाटील यांच्या नेतृत्वाखाली उपरोक्त मागणीचे निवेदन जिल्हाधिकाऱ्यांना (डीसी) सादर करण्यात आले. जिल्हाधिकाऱ्यांच्या सहाय्यकांनी निवेदनाचा स्वीकार करून ते सरकार दरबारी पाठवण्याचे आश्वासन दिले. पिक विमा उतरवणाऱ्या कंपन्यांनी संबंधित शेतकऱ्यांना मध्यंतर नुकसान भरपाई द्यावी, या मागणीसह विविध मागण्या निवेदनाद्वारे प्रशासनासमोर मांडण्यात आल्या आहेत. निवेदन सादर करतेवेळी बसवराज पागाद, सुरेश नागनूर, सागनगौड पाटील, वीरभद्र तुरमुरी, बसवराज असुंडी आदींसह नेगिल योगी संघटनेचे संघटनेचे अन्य पदाधिकारी व बहुसंख्य शेतकरी उपस्थित होते.
