बेळगाव / प्रतिनिधी
ओडिसा येथील कलिंगा स्टेडियम, भुवनेश्वर येथे आयोजित ४० व्या राष्ट्रीय कनिष्ठ ॲथलेटिक्स चॅम्पियनशिपमध्ये अनगोळ, बेळगावच्या कु. वैभवी बाळू बुद्रुक हिने उत्कृष्ट कामगिरी करत कर्नाटक राज्याला रौप्य पदक मिळवून दिले.
कु. वैभवीने ४ × १०० मीटर्स रिले स्पर्धेत ४७.७५ सेकंदांचा वेळ नोंदवत संघाला दुसरे स्थान मिळवून दिले. या संघात वैभवी बुद्रुकसोबत स्तुती शेट्टी, लेखना एस. आणि वर्षीथा यांचा सहभाग होता.
वैभवी ही लिंगराज कॉलेजची विद्यार्थिनी असून तिला ॲथलेटिक्स प्रशिक्षक अशोक शिंत्रे आणि मधुकर देसाई यांच्या मार्गदर्शनाखाली प्रशिक्षण मिळत आहे. अनगोळ येथील प्रतिष्ठित नागरिक बाळू बुद्रुक यांची कन्या असलेल्या वैभवीला तिच्या आई-वडिलांसोबतच कॉलेजचे प्राचार्य व क्रीडा शिक्षक श्री रामराव यांचेही सतत प्रोत्साहन लाभत आहे.
