बेळगाव / प्रतिनिधी
इतके दिवस सामान्य लोकांच्या नावाने बनावट फेसबुक अकाउंट तयार करून लोकांना फसवणाऱ्या सायबर गुन्हेगारांनी आता बेळगाव पोलिस आयुक्तांच्या नावाने बनावट अकाउंट तयार करून एका आयपीएस अधिकाऱ्याला धक्का दिला आहे.
बेळगाव पोलीस आयुक्तांच्या नावाने बनावट फेसबुक अकाउंट उघडण्यात आले आहे. याबाबत पोलीस आयुक्त भूषण गुलाबराव बोरसे यांनी तक्रार दाखल केली आहे. याप्रकरणी एफआयआर दाखल करण्यात आला आहे. भूषण गुलाबराव बोरसे यांच्या नावाने बनावट अकाउंट उघडण्यात आले आहे. बनावट फेसबुक अकाउंट बंद करण्यास थोडा वेळ लागतो. “बी. भूषण गुलाबराव” असे बनावट फेसबुक अकाउंटचे नाव आहे. सदर बनावट फेसबुक अकाउंट नावावरून येणारे कोणतेही संदेश स्वीकारू नयेत असे आवाहन आयुक्तांनी जनतेला केले आहे. त्यांनी स्पष्ट केले की ते फक्त बेळगाव शहर पोलीस आयुक्तांच्या सोशल मीडिया प्लॅटफॉर्मचा वापर करत आहेत आणि त्यांचे फेसबुक अकाउंट किंवा इतर कोणत्याही वैयक्तिक नावाने सोशल मीडिया अकाउंट नाही.
