- लोकवर्गणीच्या आवाहनाला उत्स्फूर्त प्रतिसाद
बेळगाव / प्रतिनिधी
महाराष्ट्र एकीकरण युवा समिती सीमाभागच्या वतीने सीमाभागात काढण्यात येणाऱ्या मराठी सन्मान यात्रेला मदतीचा हात पुढे येत असून, लोकवर्गणीच्या आवाहनाला उत्स्फूर्त प्रतिसाद मिळत आहे. येत्या प्रजासत्ताकदिनी, म्हणजेच २६ जानेवारी रोजी किल्ले रायगड येथून या यात्रेची सुरुवात होणार आहे.
या यात्रेसाठी युवा समिती सीमाभागकडून आर्थिक सहकार्याचे आवाहन करण्यात आले होते. त्यास प्रतिसाद देत धर्मवीर संभाजी महाराज युवक मंडळ, गाडे मार्ग शहापूर यांच्या वतीने ३० हजार रुपये, तर बिचू गल्ली, शहापूर येथील युवा कार्यकर्ते ओमकार संजय बैलूर यांच्या वतीने ५ हजार रुपये अशी एकूण ३५ हजार रुपयांची मदत समितीचे अध्यक्ष शुभम शेळके यांच्याकडे सुपूर्द करण्यात आली.
यावेळी महाराष्ट्र एकीकरण युवा समिती सीमाभागचे कार्याध्यक्ष धनंजय पाटील, अशोक घगवे, सुरज जाधव, राजू पाटील, उमेश पाटील, अमित पाटील, ओमकार बैलूरकर आदी कार्यकर्ते उपस्थित होते.
