बेळगाव : हिंदवाडी येथील श्री घुमटमाळ मारुती मंदिर येथे हनुमान जन्मोत्सवानिमित्त काल व आज विविध कार्यक्रमांचे आयोजन करण्यात आले आहे.
काल रात्री वारकरी संप्रदाय भजनी मंडळाचे भजन झाले. आज पहाटे हनुमान मूर्तीवर शेकडो भक्तांचे अभिषेक झाल्यानंतर पहाटे ५ वाजल्यापासून ह. भ. प. श्री कृष्णमूर्ती बोंगाळे यांचे हनुमान जन्मोत्सवावर प्रवचन झाले. ठीक 6 वाजून 25 मिनिटांनी हनुमान जन्मोत्सवाचा सोहळा अनेक भक्तांच्या उपस्थितीत संपन्न झाला. त्यानंतर महिलांच्या भजनाचे कार्यक्रम झाले. घुमटमाळ मारुती मंदिर ट्रस्ट कमिटीच्या वतीने उपस्थितांचे स्वागत करण्यात आले. दुपारी महाप्रसाद होणार आहे.