बेळगाव : १ नोव्हेंबर २०२३ रोजी बेळगावात महाराष्ट्र एकीकरण समितीच्या वतीने काळा दिवस पाळण्यात आला होता. आणि मूक सायकल फेरीचे आयोजन केले होते. त्यामध्ये संयुक्त महाराष्ट्राच्या घोषणा आणि कर्नाटक विरोधी घोषणा देणे, भाषिक तेढ निर्माण करण्याचा ठपका ठेवून कार्यकर्त्यांवर भारतीय दंड सहित कलम १४२, १४७, १५३, २९० सह कलम १४९ प्रमाणे त्यांच्या वर मार्केट पोलिस स्थानकात गुन्हा नोंद करण्यात आला होता. या प्रकरणात एकूण १४ नेत्यांविरोधात गुन्हा दाखल झाला होता. त्यापैकी ९ जणांचा जामीन अर्ज दाखल करण्यात आला होत. JMFC कोर्ट क्रमांक २, बेळगाव येथे हा खटला सुरू असून, CC केस क्र. २९१७/२०२४ मध्ये जामीन मंजूर करण्यात आला.पुढील सुनावणी १८ डिसेंबर २०२६ रोजी निश्चित करण्यात आली आहे.
आजच्या सुनावणीत मालोजी अष्टेकर, प्रकाश मरगाळे, अंकुश केसरकर, रवी साळुंखे, वैशाली भातखांडे, गजानन पाटील, शिवाजी सुंठकर, नेताजी जाधव, विकास कलघटगी यांना कोर्टाने सशर्त जामीन मंजूर केला. या खटल्याचे काम ॲड. महेश बिर्जे, ॲड. बालासाहेब कागणकर,ॲड. एम.बी. बोंद्रे, ॲड. वैभव कुट्रे आणि ॲड अश्वजीत चौधरी यांनी पाहिले.
