बेळगाव / प्रतिनिधी
मोहरम मिरवणुकीवेळी झालेल्या किरकोळ वादाचे रूपांतर हाणामारीत होऊन तलवारीने प्राणघातक हल्ला केला. या हल्ल्यात एक तरुण गंभीर जखमी झाला आहे.
बेळगाव शहरातील कसई गल्लीत सदर घटना घडली. या घटनेत रेहान अस्लम मुजावर (१६) नावाचा मुलगा गंभीर जखमी झाला असून त्याची प्रकृती चिंताजनक आहे. घटना उघडकीस येताच, पोलिस आयुक्त भूषण गुलाबराव बोरसे आणि डीसीपी नारायण बारामणी यांनी घटनास्थळी भेट देऊन पाहणी केली. घटनास्थळी तणावपूर्ण वातावरण होते आणि पोलिस बंदोबस्त तैनात करण्यात आला आहे. या घटनेचे कारण अद्याप समजू शकलेले नाही.
