बेळगाव / प्रतिनिधी
बेळगाव जिल्ह्याच्या स्केटर्सनी ४१ व्या राज्यस्तरीय रोलर स्केटिंग स्पर्धेत उत्कृष्ट कामगिरी करत एकूण २६ पदके पटकावली. या स्पर्धा तुमकूर व बेंगळुरू येथे पार पडल्या असून, राज्यभरातील २०० हून अधिक सर्वोत्तम स्केटर्सनी यात सहभाग घेतला होता. बेळगाव जिल्हा रोलर स्केटिंग असोसिएशनतर्फे निवड झालेल्या खेळाडूंनी १३ सुवर्ण, ८ रौप्य आणि ३ कांस्य अशी एकूण २६ पदकांची कमाई केली.
- पदक विजेते स्केटर्स :
देवेन बामणे (१ सुवर्ण), साईराज मेंडके (२ सुवर्ण), हिरेन राज (१ सुवर्ण, १ रौप्य), दृष्टी अंकले (१ सुवर्ण, १ रौप्य), अवनीश कोरिशेट्टी (१ सुवर्ण, १ रौप्य), मनन अंबीगा (१ सुवर्ण), जयध्यान राज (२ रौप्य), रश्मिता अंबीगा (२ रौप्य), अभिषेक नावले (१ रौप्य), खुशी आगशिमनी (२ रौप्य), अथर्व हडपद (१ कांस्य), अन्वी सोनार (१ सुवर्ण), शेफाली शंकरगौडा (१ सुवर्ण), खुशी घोटीवरेकर (१ सुवर्ण), सई शिंदे (१ सुवर्ण), मुद्दलसिका मुलाणी (१ सुवर्ण), आणि आहद मुलाणी (१ सुवर्ण) या सर्व स्केटर्सनी केएलई सोसायटी स्केटिंग रिंक आणि गुड शेफर्ड स्केटिंग रिंक येथे प्रशिक्षक सूर्यकांत हिंडलगेकर, मंजुनाथ मंडोलकर, विठ्ठल गंगणे व योगेश कुलकर्णी यांच्या मार्गदर्शनाखाली सराव केला.
खेळाडूंच्या यशामागे डॉ. प्रभाकर कोरे, माजी आमदार शाम घाटगे, राज घाटगे, उमेश कलघटगी, प्रसाद तेंडुलकर तसेच कर्नाटक रोलर स्केटिंग असोसिएशनचे सरचिटणीस इंदुधर सीताराम यांचे मोलाचे प्रोत्साहन लाभले.
