- मस्णांगाई सौहार्द सहकारी सोसायटीच्यावतीने आयोजन
चलवेनहट्टी : पर्यावरणप्रेमी, ज्येष्ठ समाजसेवक तसेच नुकतेच राणी चन्नम्मा विद्यापीठाकडून मानद डॉक्टरेट पदवीने सन्मानित झालेले शिवाजी दादा कागणीकर यांचा भव्य सत्कार सोहळा मस्णांगाई सौहार्द सहकारी सोसायटीच्यावतीने आयोजित करण्यात आला आहे.
मस्णांगाई सौहार्द सोसायटीकडून दरवर्षी गुणवंत विद्यार्थ्यांचा सत्कार केला जातो. त्याच परंपरेनुसार यंदा समाजकार्याला वाहून घेतलेल्या ज्येष्ठ समाजसेवक शिवाजी दादा कागणीकर यांच्या उल्लेखनीय कार्याची दखल घेऊन त्यांचा गौरव करण्यात येणार आहे.
हा सत्कार सोहळा रविवार, दिनांक १८ जानेवारी रोजी सकाळी ११ वाजता चलवेनहट्टी येथील मराठी शाळेच्या प्रांगणात होणार आहे. या कार्यक्रमास संस्थेचे चेअरमन, व्हा. चेअरमन, सेक्रेटरी, सर्व संचालक मंडळ, सल्लागार तसेच कर्मचारी वर्ग उपस्थित राहणार आहेत.
तरी या सत्कार सोहळ्यास पंचक्रोशीतील सामाजिक कार्यकर्ते, गावातील युवक मंडळे, महिला मंडळे तसेच सर्व नागरिकांनी मोठ्या संख्येने उपस्थित राहावे, असे आवाहन मस्णांगाई सौहार्द सहकारी सोसायटीच्यावतीने करण्यात आले आहे.
