- खानापूर तालुक्यातील घटना
खानापूर / प्रतिनिधी
दुचाकी आणि स्कूल बस यांच्यात झालेल्या भीषण अपघातात दुचाकीवरील दोघांचाही जागीच मृत्यू झाला. खानापूर तालुक्यातील नंदगडनजीक गर्भाणट्टी येथे ही घटना घडली.
याबाबत घटनास्थळावरून प्राप्त माहिती अशी की, बी.डी. गावातून विद्यार्थ्यांना सोडून परत येत असलेल्या इंग्रजी माध्यमाच्या शाळेच्या बसला नंदगडकडून बी.डी. कडे जाणाऱ्या दुचाकीने नियंत्रण सुटल्यामुळे धडक दिली. यात दुचाकीवरील दोन्ही प्रवाशांचा जागीच मृत्यू झाल्याचे समजते. मृतांची ओळख अद्याप पटलेली नाही. दरम्यान घटनेची माहिती मिळताच नंदगड पोलिसांनी तात्काळ घटनास्थळी दाखल होऊन अधिक तपास सुरु केला आहे.
