बेळगाव : आई-वडिलांच्या तीव्र विरोधाला न जुमानता लग्न केलेल्या गोकाक येथील प्रेमीयुगुलाने आज बेळगाव जिल्हा पोलीस अधीक्षक कार्यालयात धाव घेत संरक्षणाची मागणी केली आहे. “जात वेगळी असली तरी प्रेम एकच आहे,” असे म्हणत या जोडप्याने आपल्या सुरक्षिततेसाठी पोलिसांचे सहकार्य मागितले.

गोकाक फॉल्स परिसरातील शिवाप्पा मूकगोळ आणि विमला भोवी हे गेल्या दोन वर्षांपासून प्रेमसंबंधात होते. कुटुंबीयांच्या परवानगीशिवाय त्यांनी मंदिरात विवाह केला. मात्र विवाहाची माहिती मिळताच मुलीच्या कुटुंबीयांनी तिच्यावर घरातच नजरकैद केल्याचा आरोप करण्यात आला आहे. नजरकैदेत असतानाही विमलाने घरातून सुटका करून थेट एसपी कार्यालय गाठले आणि आपल्या पतीसह संरक्षणाची मागणी केली.

यावेळी विमलाने सांगितले की, ती बी.ए. प्रथम वर्षात शिक्षण घेत आहे. “शिवाप्पाच्या घरच्यांनी आमच्या लग्नाला मान्यता दिली आहे, पण माझ्या कुटुंबीयांनी मला घराबाहेर जाऊ दिले नाही. मी कशीबशी तिथून पळून आले,” अशी तिने आपली व्यथा मांडली.

अनुसूचित जातीतील असलेल्या या नवविवाहित जोडप्याने त्यांच्या वैवाहिक आयुष्यात कुटुंबीयांकडून कोणताही अडथळा येऊ नये, यासाठी पोलिस संरक्षण देण्याची मागणी केली आहे.

The post आई-वडिलांच्या विरोधात लग्न appeared first on News 24 Tass Marathi.

एसपी के. रामराजन यांनी पत्रकार परिषदेत स्पष्ट केले की, काही लोक अवैध धंद्यांवर पोलिसांनी पायबंद घालल्यामुळे सूडबुद्धीने कर्मचाऱ्यांविरोधात खोट्या तक्रारी करत आहेत. अशा तक्रारींची सत्यता पडताळल्यानंतरच योग्य ती कारवाई केली जाईल.

नागरिकांनी चोरीला गेलेले दागिने किंवा मोबाईल न घाबरता स्थानिक पोलिस ठाण्यात तातडीने फिर्याद द्यावी, असे आवाहन प्रशासनाकडून करण्यात आले आहे. रायबाग व कागवाड तालुक्यात सुरू असलेल्या मटका व्यवसाय, रेशन तांदळाची तस्करी आणि अवैध दारू विक्रीविषयी माहिती मिळताच कठोर कायदेशीर कारवाई करण्याचे आदेश एसपींनी दिले आहेत.

गोकाकमध्ये बेकायदेशीर सावकारी (मीटर व्याज) संदर्भात आलेल्या तक्रारींच्या चौकशीसाठी पोलिसांनी व्याजाच्या नावाखाली मालमत्तांची चुकीची नोंदणी रद्द करण्याचे आश्वासन दिले. पीडितांनी थेट पोलिसांकडे येऊन तक्रार करावी, असेही त्यांनी सांगितले. आरबीआयच्या नियमांचे उल्लंघन करून व्याज वसुली करणाऱ्यांवर नवीन व जुन्या कायद्यानुसार कडक कारवाई केली जाईल, असा इशारा त्यांनी दिला.

एसपींनी गोकाक उपविभागातील पोलिसांनी रात्रंदिवस मेहनत घेऊन चोरीचा मुद्देमाल हस्तगत केल्याबद्दल पथकाचे कौतुक केले. पत्रकार परिषदेला गोकाकचे डीएसपी रवी नायक, सीपीआय आर. सुरेशबाबू, श्रीशैल बॅकूड, पीएसआय के. वालीकार, कुरण मोहिते, यमनप्पा मांग, आनंद, निखिल कांबळे यांच्यासह इतर पोलीस कर्मचारी उपस्थित होते.

The post गोकाक पोलिसांकडून चोरीचा मुद्देमाल मूळ मालकांना सुपूर्द appeared first on News 24 Tass Marathi.

बेळगाव जिल्ह्यातील गोकाक शहरात शॉर्ट सर्किटमुळे एका घराला अचानक आग लागल्याची घटना घडली. या घटनेत गंगाधर गुडगुडी गंभीररित्या जखमी झाले, परंतु अग्निशमन दलाच्या तात्काळ बचावकार्यामुळे जीवितहानी टळली.

शहरातील लँडमार्कजवळील एका घरात ही घटना घडली. घरात अचानक विद्युत शॉर्ट सर्किट होऊन आग घरभर पसरली. मात्र ज्वाळांमध्ये सापडलेल्या गंगाधर यांची अग्निशमन दलाने तत्काळ सुटका केली.

जखमी गंगाधर यांना स्थानिक रुग्णालयात दाखल केले असून त्यांच्यावर उपचार सुरू आहेत. गोकाक शहर पोलिसांनी घटनास्थळी भेट देऊन प्राथमिक तपास केला आहे. अग्निशमन दलाच्या तत्परतेमुळे आग शेजारच्या घरांपर्यंत पसरण्यापासून रोखली गेली. या प्रकरणाची नोंद गोकाक शहर पोलीस स्थानकात करण्यात आली आहे.

The post गोकाक शहरात शॉर्ट सर्किटमुळे घराला आग ; एक जखमी appeared first on News 24 Tass Marathi.

बेळगाव / प्रतिनिधी

पैसे दुप्पट करून देण्याचे आमिष दाखवून सर्वसामान्य नागरिकांची फसवणूक करणाऱ्या आंतरराज्य टोळीचा गोकाक शहरात पोलिसांनी पर्दाफाश केला आहे. या कारवाईत महाराष्ट्र पोलीस दलातील दोन कर्मचाऱ्यांसह एकूण सात जणांना अटक करण्यात आली असून त्यांच्या ताब्यातून बनावट नोटा तयार करण्याचे साहित्य, रोख रक्कम व मोबाईल जप्त करण्यात आले आहेत. या घटनेमुळे परिसरात मोठी खळबळ उडाली आहे.

पोलिसांनी दिलेल्या माहितीनुसार, गोकाकमधील श्रीनगर परिसरातील एका घरात पैसे चारपट करून देण्याच्या नावाखाली फसवणूक सुरू असल्याची माहिती मिळाल्यानंतर गोकाक शहर पोलिसांनी तत्काळ छापा टाकला. या कारवाईत परशुराम बडकरी, इम्रान जुनेदी, जयश्री कांबळे, मनीषा गायकवाड, उज्ज्वला बिलाने तसेच महाराष्ट्र पोलीस दलातील कर्मचारी अनंत नरवाडे व दिलदार शेख यांना अटक करण्यात आली. आरोपी पांढऱ्या कागदावर काळा रंग लावून तो खऱ्या नोटांप्रमाणे भासवून लोकांना पैसे दुप्पट करून देण्याचे आमिष दाखवत फसवणूक करत असल्याचे तपासात उघड झाले आहे.

जिल्हा पोलीस अधीक्षक के. रामराजन यांच्या मार्गदर्शनाखाली अतिरिक्त पोलीस अधीक्षक रामगोंडा बसरगी, डीवायएसपी रवी नाईकोडी आणि सीपीआय सुरेशबाबू आर. बी. यांच्या नेतृत्वाखाली ही कारवाई करण्यात आली. गोकाक शहर पोलीस ठाण्याचे पीएसआय किरण मोहिते व त्यांच्या पथकाने आरोपींना जेरबंद करत त्यांच्या ताब्यातील नोटा तयार करण्याचे मशीन, रोख रक्कम व मोबाईल जप्त केले आहेत. या प्रकरणी गोकाक शहर पोलीस ठाण्यात गुन्हा नोंदवण्यात आला असून सर्व आरोपींना न्यायालयीन कोठडीत पाठवण्यात आले आहे. या प्रकरणाचा पुढील तपास पीएसआय निखिल कांबळे करत आहेत. तसेच उत्कृष्ट कामगिरी केल्याबद्दल कारवाईत सहभागी पोलीस पथकाचे वरिष्ठ अधिकाऱ्यांनी कौतुक केले आहे.

The post गोकाकमध्ये ‘पैसे दुप्पट’ करण्याचे आमिष देणाऱ्या आंतरराज्य टोळीचा पर्दाफाश appeared first on News 24 Tass Marathi.

मंजुनाथ सुभाष येने (वय २३, रा. राजापूर) असे मृत तरुणाचे नाव आहे. काही दिवसांपासून सुरू असलेल्या गैरसमजातून गावातील एका व्यक्तीने संशयातून मंजुनाथबद्दल मनात तीव्र राग धरल्याचे पोलिस तपासात पुढे येत आहे. याच कारणातून त्याच्यावर प्राणघातक हल्ला करण्यात आला.

१९ जानेवारी २०२६ रोजी सकाळी सहा वाजण्याच्या सुमारास मंजुनाथ विठ्ठल मंदिरात दर्शनासाठी गेला असताना, तेथे दबा धरून बसलेल्या व्यक्तीने अचानक त्याच्यावर लोखंडी रॉडने वार केले. लोखंडी रॉडने डोक्यावर जोरदार वार केल्याने मंजुनाथ गंभीर जखमी झाला आणि घटनास्थळीच त्याचा मृत्यू झाला.

या प्रकरणी मृत मंजुनाथच्या नातेवाईकांनी दिलेल्या फिर्यादीनुसार घटप्रभा पोलीस स्थानकात गुन्हा क्रमांक २८/२०२६ नोंदवण्यात आला. या प्रकरणी बीएनएस २०२३ मधील कलम १०३(१) अंतर्गत तपास सुरू आहे. घटनेनंतर पोलिसांनी घटनास्थळी भेट देऊन पंचनामा केला असून पोलीस निरीक्षक एच.डी. मुल्ला या प्रकरणाचा पुढील तपास करत आहेत.

The post गोकाक तालुक्यातील राजापूर गावात तरुणाची निर्घृण हत्या appeared first on News 24 Tass Marathi.

बेळगाव / प्रतिनिधी

गेल्या २० दिवसांपूर्वी गोकाक येथे झालेल्या एका घरफोडी प्रकरणाचा गोकाक पोलिसांनी छडा लावला आहे. केशवापूर, हुबळी येथील तिघा जणांना अटक करून त्यांच्याजवळून चोरीचे दागिने जप्त करण्यात आले आहेत. आरोपींनी हुबळी येथील सोने तारणावर कर्ज देणाऱ्या एका कंपनीत ३९ ग्रॅम दागिने गहाण ठेवल्याचे उघडकीस आले आहे.

३१ ऑक्टोबर २०२५ च्या सायंकाळी ७ ते दुसऱ्या दिवशी १ नोव्हेंबरच्या रात्री ८ या वेळेत लक्ष्मी वसाहत, गोकाक येथील सचिन अशोक गोंधळी यांच्या घराचा कडीकोयंडा तोडून तिजोरीतील ३३० ग्रॅम सोन्याचे दागिने, ९०० ग्रॅम चांदी व दीड लाख रुपये रोख रक्कम पळविली होती.सोन्याच्या दागिन्यांची किंमतच १९ लाख ८० हजार रुपये इतकी होते. तर ८० हजाराची चांदी चोरट्यांनी पळविली आहे.

गोकाकचे पोलीस उपअधीक्षक रवी नायक यांच्या मार्गदर्शनाखाली पोलीस निरीक्षक सुरेशबाबू आर. बी., पोलीस उपनिरीक्षक किरण मोहिते, उपनिरीक्षक निखिल कांबळे, के. एन. इळगेर, जे. एच. गुडली, ए. सी. कापसी, एम. एल. हुच्चगौडर, एस. एस. कुरबेट, तांत्रिक विभागाचे सचिन पाटील व विनोद ठक्कन्नावर आदींनी चोरी प्रकरणातील आरोपींच्या मुसक्या आवळल्या आहेत.

१२ नोव्हेंबर रोजी नंदीश हणमंतप्पा सक्रेप्पन्नावर (वय १९) याला तर १३ नोव्हेंबर रोजी नवीन अशोक मुंडरगी (वय २६) व रमेश शंकऱ्याप्पा अगडी वय २७) तिघेही राहणार केशवापूर हुबळी यांना अटक करण्यात आली आहे. त्यांच्याजवळून सोन्याचे नेकलेस, मंगळसूत्र, चार बांगड्या असे ६४ ग्रॅम सोने, ५९० ग्रॅम चांदी व दागिने विक्रीतून आलेले ५ लाख ६ हजार रुपये रोकड जप्त करण्यात आली आहे. या त्रिकुटाने ३९ ग्रॅम सोन्याचे दागिने हुबळी येथील एका सोने तारण कर्ज देणाऱ्या कंपनीत ठेवले असून त्याची किंमत ६ लाख ६८ हजार इतकी होते. कायदेशीर प्रक्रिया पूर्ण करून ते दागिने ताब्यात घेण्यात येणार असल्याचे जिल्हा पोलीसप्रमुख डॉ. भीमाशंकर गुळेद यांनी एका पत्रकाद्वारे सांगितले आहे.

The post गोकाकमधील घरफोडी प्रकरणाचा छडा appeared first on News 24 Tass Marathi.

पोलिसांनी दरोडा आणि सामूहिक बलात्कार प्रकरणातील आरोपीच्या पायात गोळी झाडली. बेळगाव जिल्ह्यातील कित्तूर शहराच्या बाहेरील भागात आज शनिवारी सकाळी सकाळी ६ वाजता आरोपी रमेश किल्लार याला अटक करण्यासाठी जात असताना ही घटना घडली.

आरोपीने पोलीस हवालदार शरीफ दफेदार यांना चाकूने मारहाण करून तेथून पळून जाण्याचा प्रयत्न केला. यावेळी त्या आरोपीला हवेत गोळी झाडून पळून न जाण्याचा इशारा पीएसआय प्रवीण गोंगोली यांनी दिला.परंतु पोलिसांच्या इशाऱ्याला न जुमानता आरोपीने पळून जाण्याचा प्रयत्न केला. त्यावेळी पोलिसांनी झाडलेली गोळी त्याच्या पायात लागली.जखमी आरोपीला बेळगावच्या बिम्स रुग्णालयात पाठवण्यात आले आहे. ही घटना कित्तूर पोलिस ठाण्याच्या हद्दीत घडली.

The post पोलिसांवर हल्ला करणाऱ्या आरोपीवर गोळीबार appeared first on News 24 Tass Marathi.

महाराष्ट्राच्या पश्चिम घाटात आणि बेळगाव जिल्ह्यात सुरू असलेल्या मुसळधार पावसामुळे हुक्केरी तालुक्यातील हिडकल आणि शिरूर ही धरणे भरली आहेत. त्यामुळे, घटप्रभा नदीत पाण्याचा विसर्ग सुरू आहे. नदीतील पाण्याच्या पातळीव झाल्याने, गोकाक शहराबाहेरील लोळसूर गावाजवळ असलेला पूल पाण्याखाली गेला आहे.

हा पूल संकेश्वर आणि सौंदत्तीला जोडणाऱ्या राज्य महामार्गावर आहे. पूल पाण्याखाली गेल्याने या मार्गावरील वाहतूक थांबली असून, लोकांना पर्यायी मार्गाचा वापर करावा लागत आहे.

The post हिडकल धरणातून पाणी सोडल्याने लोळसूर पूल पाण्याखाली appeared first on News 24 Tass Marathi.

बेळगाव / प्रतिनिधी

बेळगाव जिल्ह्यात संततधार सुरु असलेल्या पावसामुळे गोकाक शहरातील लोळसूर पूल पूर्णपणे पाण्याखाली गेला आहे. बुधवार दि. २० ऑगस्ट रोजी जिल्हाधिकारी मोहम्मद रोशन यांनी येथील पूरग्रस्त भागाला भेट देऊन पाहणी केली.

यावेळी पत्रकारांशी बोलताना जिल्हाधिकारी म्हणाले की, जिल्ह्याच्या विविध तालुक्यातील पुराच्या पाण्याखाली गेलेल्या पुलांचे सर्वेक्षण केले जाईल आणि नवीन पूल बांधण्यासाठी सरकारला प्रस्ताव सादर केला जाईल. नदीकाठच्या गावांमधील पूरग्रस्त भागातील लोकांना स्थलांतरित करण्याच्या सूचना आधीच देण्यात आल्या आहेत.कोयना जलाशय आणि पंचगंगा नदीत १२ हजार क्युसेक पाणी साठवले जात असून तेवढ्याच क्षमतेने पाणी वाहत आहे. दूधगंगा – वेदगंगा जोडणीद्वारे कृष्णा नदीत १ लाख ४८ हजार क्युसेक पाण्याची आवक झाली आहे.

सध्या हिप्परगी बॅरेजजवळ १ लाख १२ हजार क्युसेक पाणी वाहत आहे आणि ते आलमट्टी जलाशयात जोडले जाईल असे मुख्य अभियंत्यांना आधीच कळविण्यात आले आहे. आलमट्टी जलाशयात साठलेले अतिरिक्त पाणी आधीच सोडले जात आहे. हिडकल जलाशयातून ३६ हजार क्युसेक पाणी सोडण्यात येत आहे. शेतकऱ्यांची गैरसोय होऊ शकते म्हणून खबरदारी घेत टप्प्याटप्प्याने पाणी सोडण्याचा सल्ला देण्यात आला आहे, असे जिल्हाधिकाऱ्यांनी सांगितले.

लोक स्थलांतर करत असल्याने तहसीलदारांनी स्थानिकांना पुराच्या पाण्याखाली गेलेल्या लोळसुर पुलावर बॅरिकेड्स लावण्याच्या सूचना दिल्या आहेत. पाऊस थोडा कमी झाला असला तरी, खबरदारी म्हणून २ दिवसांसाठी रेड अलर्ट जाहीर करण्यात आला आहे.

• तात्काळ मदतीची सूचना :

नदीकाठच्या शेतकऱ्यांनी काळजी घ्यावी. गोकाकमध्ये एका जीर्ण घर कोसळल्याने एका ५७ वर्षीय महिलेचा मृत्यू झाला. याबाबत स्थानिक आमदारांना कळवण्यात आले आहे. तर जिल्हा प्रशासनानेही तात्काळ मदत जाहीर केली आहे. मृत महिलेचे नातेवाईक जखमी झाले आहेत आणि त्यांच्यावर रुग्णालयात उपचार सुरू आहेत. आपत्ती व्यवस्थापन प्राधिकरणाकडूनही मदत पुरवली जात आहे, असे ते म्हणाले.

जिल्ह्यात एसडीआरएफ – एनडीआरएफ पथके तयार ठेवण्यात आली आहेत. सर्व मदत केंद्रांना भेट देऊन पाहणी करण्यात आली आहे. लोळसुरवर आलेल्या पुराच्या पाण्यामुळे गोकाकमधील सुमारे २०० घरे बाधित झाली आहेत.

मदत केंद्रात येणाऱ्यांना बाहेर काढण्यात आले आहे आणि नियुक्त अधिकारी मदत केंद्राला भेट देऊन सुविधा पुरवत आहेत. कृष्णा नदीने १.५ लाख क्युसेकची पाण्याची पातळी ओलांडल्यानंतर पूर येण्याची शक्यता आहे. निपाणी, चिक्कोडी, कागवाड आणि अथणी येथील लोकांना बाहेर काढण्यात आले आहे, असे ते म्हणाले.

जिल्ह्यात एकूण ५५० केंद्रे तयार करण्यात आली आहेत. जिल्हाधिकारी मोहम्मद रोशन यांनी माहिती दिली की ६३ केंद्रांची आवश्यकता असू शकते, परंतु सध्या गोकाक आणि निपाणी येथे फक्त २ काळजी केंद्रे कार्यरत आहेत.

• काळजी केंद्राला भेट :

दरम्यान जिल्हाधिकारी मोहम्मद रोशन यांनी काळजी केंद्राला भेट दिली आणि पिण्याचे पाणी, अन्न, निवारा आणि शौचालये यासारख्या मूलभूत सुविधांची तपासणी केली आणि कायमस्वरूपी घर नसलेल्या शेजारील पीडितांना घरे वाटप केली जातील असे आश्वासन दिले.

यावेळी जिल्हा पंचायतचे मुख्य कार्यकारी अधिकारी राहुल शिंदे, प्रोबेशनरी आयएएस अधिकारी अभिनव जैन, तहसीलदार मोहन भस्मे, नुडल अधिकारी बसवराज कुरिहुली, तालुका आरोग्य अधिकारी मुथन्ना कोप्पड आणि विविध अधिकारी उपस्थित होते.

The post गोकाकमधील पूरग्रस्त भागाची जिल्हाप्रशासनाकडून पाहणी appeared first on News 24 Tass Marathi.

गोकाक येथील यात्रेच्या बंदोबस्तासाठी नियुक्त असलेले सहायक उपनिरीक्षक लालसाब मिरानायक (वय ५६) यांचे हृदयविकाराच्या झटक्याने निधन झाले. प्राप्त माहितीनुसार आज सकाळी ६.३० च्या सुमारास गोकाक शहरातील एस.सी./एस.टी. वसतिगृहात वास्तव्यास असताना त्यांना हृदयविकाराचा झटका आला.  ते  हुबळी एपीएमसी पोलिस स्थानकात सहायक उपनिरीक्षकपदी  कार्यरत होते.

मृत लालासाब यांनी १९९४ मध्ये पोलिस दलात सेवा सुरू केली होती. ते सध्या गोकाक येथील ग्रामदेवता यात्रेच्या बंदोबस्तासाठी नियुक्त होते आणि एस.सी./एस.टी. वसतिगृहात थांबले होते. तिथेच आज सकाळी ही दुर्दैवी घटना घडली. यासंदर्भात गोकाक शहर पोलिस ठाण्यात गुन्हा दाखल करण्याची प्रक्रिया सुरू असून, पुढील तपास सुरू आहे.

The post गोकाक यात्रेत बंदोबस्तावरील पोलीस कर्मचाऱ्याचे हृदयविकाराने निधन appeared first on News 24 Tass Marathi.