शहापूर येथील बसवाण्णा देवस्थान यात्रेच्या आज मुख्य दिवशी मंगळवारी हजारो भाविकांच्या उपस्थितीत इंगळ्यांचा पार पडला. हर हर महादेव गजराने संपूर्ण देवस्थान परिसर दुमदुमून गेला होता. बेळगाव सह परिसरातील भाविक इंगळ्यांच्या कार्यक्रमाला मोठ्या संख्येने उपस्थित होते.

काल सोमवारी शहापूर परिसरातील प्रमुख गल्या मधून आंबील गाडे काढण्यात आले. बैलजोड्या, गाडे, मर्दानी खेळ अशी भव्य मिरवणूक मध्यरात्रीपर्यंत काढण्यात आली होती.आज सकाळी बसवांण्णा देवाला अभिषेक घालण्यात आला.सायंकाळी जेड गल्ली, कोरे गल्ली, दाणे गल्ली, सराफ गल्ली यासह प्रमुख मार्गावर पालखी मिरवणूक काढण्यात आली. सायंकाळी इंगळ्यांचा कार्यक्रम झाला.

शहापूर पंच कमिटी व बसवांण्णा मंदिराचे पुजारी यांच्या उपस्थितीत डोळ्यांचे पाळणे फेडणारा इंगळ्यांचा सोहळा पार पडला. विधिवत पूजनानंतर प्रदक्षिणा होताच हर हर महादेव गजरात बसवाण्णा देवाचा जयघोष करत निखार्‍यांमधून भाविक धावले.

The post हर हर महादेव गजरात शहापूर श्री बसवाण्णा यात्रा उत्साहात appeared first on News 24 Tass Marathi.

त्यानंतर गुरुवारी, २ एप्रिल रोजी पहाटे ६ वाजता हनुमान जन्मोत्सव साजरा केला जाणार आहे. या वेळी बाल हनुमानाची प्रतिमा पाळण्यात ठेवून नामकरण विधी पार पाडला जाईल. त्यानंतर मंदिर भाविकांसाठी दर्शनासाठी खुले करण्यात येणार आहे.

सायंकाळी ४ वाजता हनुमान जयंतीनिमित्त बैलगाड्यांची शोभायात्रा काढण्यात येणार आहे. तसेच श्री क्षेत्र जोतिबा देवस्थानाशी संबंधित सासनकाठ्यांचे (चांगभले) पूजन करण्यात येईल.

या पूजनानंतर उपस्थित भाविकांना आंबिल व घुगऱ्यांचा प्रसाद वितरित केला जाणार आहे. या सर्व कार्यक्रमांना मोठ्या संख्येने उपस्थित राहण्याचे आवाहन ग्रामपंचायत सदस्यांनी केले आहे.

The post चलवेनहट्टी येथे हनुमान जयंतीनिमित्त विविध धार्मिक कार्यक्रम appeared first on News 24 Tass Marathi.

कुद्रेमानी गावात रामनवमीच्या मुहुर्तावर श्री ग्रंथराज ज्ञानेश्वरी सांप्रदायिक पारायण आणि अखंड हनुमान जन्मोत्सव सोहळ्याचे मुहूर्तमेढ मोठ्या उत्साहात आणि भक्तिमय वातावरणात संपन्न झाले.

या पवित्र सोहळ्याचे अधिष्ठान ह.भ.प. बाबूराव महाराज व ह.भ.प. रामचंद्र रवळू पाटील यांच्या मार्गदर्शनाखाली पार पडले. मुहूर्तमेढ करण्याचा मान ह.भ.प. अरुण पुंडलिक देवण आणि ह.भ.प. तुकाराम पुंडलिक बडसकर यांना लाभला. त्यांच्या शुभहस्ते विधीवत मुहूर्तमेढ पूजन करण्यात आले. यावेळी भजनी मंडळाने सप्रदायिक भजन सादर करून वातावरण भक्तिरसात रंगवले.

कार्यक्रमादरम्यान दोन्ही मान्यवरांनी या धार्मिक उपक्रमासाठी आर्थिक मदत दिली. त्याबद्दल त्यांचा सत्कार वर्शिलदार गावडा धोंडिबा पाटील यांच्या हस्ते ह.भ.प. अरुण देवण यांना, तसेच वर्शिलदार गुरव शिवाजी महादेव गुरव यांच्या हस्ते ह.भ.प. तुकाराम पुंडलिक बडसकर यांना टोपी, शाल व श्रीफळ देऊन करण्यात आला. मंडप डेकोरेटर यल्लापा नाईक यांनाही पानविडा व श्रीफळ देण्यात आले.

यावेळी दीपक पाटील, सुरेश पाटील, नाना मारुती पाटील, बाळाराम कदम, संजय राजगोळकर, गावडू संभाजी पाटील, मधु पन्हाळकर, शंकर पाटील, रुक्माणा कागणकर, बबन गुरव, सुरेश केदारी पाटील, प्रकाश यळळूरकर, गोविंद तरवाळ, आप्पाजी नाईक, लक्ष्मण राजगोळकर यांसह गावातील ह.भ.प. सांप्रदायिक भाविक मोठ्या संख्येने उपस्थित होते.

कार्यक्रमाचे सूत्रसंचालन रवी पाटील यांनी केले, तर आभार प्रदर्शन परशराम काकतकर यांनी मानले. या सोहळ्यामुळे कुद्रेमानी परिसरात भक्तिमय वातावरण निर्माण झाले असून, आगामी ज्ञानेश्वरी सप्ताह व हनुमान जन्मोत्सव साठी भाविकांमध्ये उत्साहाचे वातावरण आहे.

The post कुद्रेमानीत ज्ञानेश्वरी पारायण आणि अखंड हनुमान जन्मोत्सव सोहळ्याची मुहूर्तमेढ उत्साहात appeared first on News 24 Tass Marathi.

दि. २३ फेब्रुवारी रोजी मान्यवरांच्या उपस्थितीत पारायणाची मुहूर्तमेढ रोवण्यात आली. दि. ४ मार्च रोजी ज्ञानेश्वर महाराज व तुकाराम महाराज यांच्या मूर्तींची गावातून टाळ-मृदुंगाच्या गजरात भव्य दिंडी काढण्यात आली. या वेळी हभप मारुती पाटील, जोतिबा मोरे, संजय ओऊळकर, मारुती बाचीकर, गंगुबाई मोरे, भरमाणा मोरे, लक्ष्मण जाधव, वाय. पी. नाईक, पांडुरंग मोरे, ह.भ.प. श्रीधर पाटील (हंगरगा), परशराम पाटील (सावगाव), मोणापा मोरे, काशिनाथ मोरे, भावकाणा गावडा आदी उपस्थित होते.

दि. ५ मार्च रोजी अधिष्ठान हभप मारुती पाटील व उप-अधिष्ठान हभप शिवाजी जाधव महाराज यांच्या उपस्थितीत प्रवचन हभप यल्लापा लोहार (आंबेवाडी) यांचे झाले, तर किर्तन निरुपण यल्लापा पाटील महाराज (सावगाव) यांनी केले.

दि. ६ मार्च रोजी महिला भजनी मंडळ, हरिपाठ तसेच रात्री दीपोत्सवाचे आयोजन मोहन मोरे यांच्या अध्यक्षतेखाली करण्यात आले आहे. दीपोत्सवाचे मानकरी शरद पाटील, जोतिबा फगरे, अॅड. नामदेव मोरे, भाऊराव मोरे, गोपाळ पाटील, मोणापा भास्कर आदी मान्यवर उपस्थित राहणार आहेत. किर्तन हभप प्रा. संदीप हातकर (आजरा) यांचे होणार आहे.

दि. ७ मार्च रोजी हभप मारुती पाटील (मंडोळी) यांचे काला किर्तन, मंडपाभोवती प्रदक्षिणा आणि महाप्रसादाने पारायणाची सांगता होणार आहे. या अध्यात्मिक सोहळ्याचा भाविकांनी लाभ घ्यावा, असे आवाहन पारायण मंडळातर्फे करण्यात आले आहे.

The post कावळेवाडीत ज्ञानेश्वरी पारायण सोहळा appeared first on News 24 Tass Marathi.

शहापूर येथील विठ्ठलदेव गल्लीतील शहापूर श्री विठ्ठल मंदिरात, (जुने) येथे दि. २० ते २७ फेब्रुवारी या कालावधीत श्रीमद् भागवत सप्ताहाचे आयोजन करण्यात आले आहे. आठ दिवस चालणाऱ्या या धार्मिक सोहळ्यात भाविकांना भागवत कथाश्रवणाचा लाभ घेता येणार आहे.

या सप्ताहात कथा-निरुपण श्री हेरंब यशवंत देऊळकर करणार असून, दररोज दुपारी ४ वाजता कार्यक्रमास प्रारंभ होईल. भागवत धर्म, भक्ती आणि आध्यात्मिक मूल्यांचा संदेश देणाऱ्या या प्रवचनमालेस परिसरातील भाविकांची मोठी उपस्थिती अपेक्षित आहे.

सप्ताहाच्या निमित्ताने मंदिर परिसरात धार्मिक वातावरण निर्माण होणार असून, अधिकाधिक भाविकांनी उपस्थित राहून श्रवणाचा लाभ घ्यावा, असे आवाहन आयोजकांनी केले आहे.

The post शहापूर श्री विठ्ठल मंदिरात २० फेब्रुवारी पासून श्रीमद् भागवत सप्ताह appeared first on News 24 Tass Marathi.

चलवेनहट्टी आणि बेक्कीनकेरे या दोन्ही गावांमध्ये जुने वैवाहिक संबंध असून अनेक महिला बेक्कीनकेरेहून चलवेनहट्टी येथे सासरी गेल्या आहेत. यात्रेचे औचित्य साधत या महिलांनी एकत्र येऊन माहेरच्या देवीला चांदीचा दागिना भेट दिला आणि देवीची कृपादृष्टी सदैव राहावी, अशी प्रार्थना केली.

यावेळी धनगरी ढोलांच्या गजरात आणि भंडाऱ्याच्या उधळणीत दागिन्याची भव्य मिरवणूक काढण्यात आली. नागनाथ मंदिरापासून सुरू झालेली ही मिरवणूक महालक्ष्मी मंदिरात दाखल झाली. महिलांनी डोक्यावर मंगल कलश घेऊन सहभाग नोंदवला होता. मंदिरात पोहोचल्यानंतर यात्रा समितीच्या पदाधिकाऱ्यांनी राणीहार स्वीकारून तो महालक्ष्मीच्या मूर्तीला परिधान केला.

दागिना अर्पण करणाऱ्या सर्व महिलांचा यात्रा उत्सव समितीच्या वतीने नारळ व सन्मानचिन्ह देऊन गौरव करण्यात आला. याप्रसंगी रेणुका अशोक पाटील, लीला हुंदरे, राधिका पाटील, नंदा पाटील, लक्ष्मी सनदी, सुनिता पाटील, मुक्ता हुंदरे, कविता पाटील, प्रियंका हुंदरे आदी महिला मोठ्या संख्येने उपस्थित होत्या.

The post चलवेनहट्टीतील महिलांकडून बेक्कीनकेरे महालक्ष्मी मातेच्या चरणी ११ तोळ्यांचा चांदीचा दागिना अर्पण appeared first on News 24 Tass Marathi.

सुळगा (हिं.) / वार्ताहर

राजकारणात आश्वासने दिली जातात, पण ती पूर्ण करण्याची जबाबदारी स्वीकारणारे नेतृत्व दुर्मिळ असते. मी दिलेल्या प्रत्येक आश्वासनाची पूर्तता ही माझी नैतिक जबाबदारी आहे, असे ठाम मत महिला व बालविकास मंत्री लक्ष्मी हेब्बाळकर यांनी सुळगा (हिं.) येथे व्यक्त केले.

सुळगा (हिं.) गावात नव्याने उभारण्यात आलेल्या श्री महालक्ष्मी मंदिराच्या वास्तुशांती, मूर्ती प्राणप्रतिष्ठापना व कळसारोहण सोहळ्यानिमित्त आयोजित लोकार्पण कार्यक्रमात त्या बोलत होत्या. या धार्मिक सोहळ्याला ग्रामस्थांचा मोठा प्रतिसाद लाभला.

मंत्री हेब्बाळकर म्हणाल्या की, गेल्या सात वर्षांत मतदारसंघातील १५० पेक्षा अधिक मंदिरांचा जीर्णोद्धार करण्यात आला असून यासोबतच रस्ते, पाणी, वीज आणि इतर मूलभूत सुविधांच्या विकासावर सातत्याने भर देण्यात येत आहे. प्रत्येक गावातील यात्रांसाठी ३ ते ५ कोटी रुपयांचा निधी देण्यात येत असल्याचेही त्यांनी स्पष्ट केले.

मतदारसंघातील विकासकामांसाठी मी कधीही मागे हटले नाही, असे सांगत मंत्री हेब्बाळकर यांनी केवळ निवडणुकीपुरते सक्रिय होणाऱ्या लोकांपेक्षा सातत्याने काम करणाऱ्यांवर विश्वास ठेवावा, असे आवाहन उपस्थितांना केले.

या प्रसंगी मंदिर उभारणीसाठी योगदान देणाऱ्या ग्रामस्थ व मान्यवरांचा सन्मान करण्यात आला. कार्यक्रमाला काडा अध्यक्ष युवराज कदम, बाळू देसुरकर, भागाण्णा नरोटी, संजय पाटील, रमेश खन्नुकर, पंचायत विकास अधिकारी वीणा हलवाई, जयवंत बाळेकुंद्री, मारुती पाटील, मल्लाप्पा सुळगेकर, काशीराम पाटील, अजित कलखांबकर, पप्पू पाटील, यल्लप्पा कलखांबकर, मनोज कलखांवकर, शेखर पाटील यांच्यासह ग्रामस्थ मोठ्या संख्येने उपस्थित होते.

The post आश्वासनांची पूर्तता ही माझी नैतिक जबाबदारी ; मंत्री लक्ष्मी हेब्बाळकर appeared first on News 24 Tass Marathi.

सुळगा (हिं.) / वार्ताहर

भंडाऱ्याची उधळण, धनगरी वाद्यांचा गजर आणि लक्ष्मीदेवीच्या जयघोषाने सुळगा (हिं.) गाव गुरुवारी (दि. ५) भक्तीमय वातावरणात न्हाऊन निघाले. लक्ष्मी मंदिराच्या लोकार्पण सोहळ्यानिमित्त काढण्यात आलेल्या कलश मिरवणुकीत ग्रामस्थांनी मोठ्या उत्साहाने सहभाग नोंदवला.

सुळगे येथील लक्ष्मी मंदिराची वास्तुशांती, कळसारोहण, मूर्ती प्राणप्रतिष्ठापना व लोकार्पण सोहळ्याला सोमवारपासून (दि. २) प्रारंभ झाला आहे. या सोहळ्याच्या अनुषंगाने गुरुवारी केंबाळी नाल्यापासून कलश मिरवणुकीला सुरुवात करण्यात आली. मान्यवरांच्याहस्ते पालखी पूजन झाल्यानंतर बेळगाव–वेंगुर्ला मार्गाने मिरवणूक मार्गस्थ झाली.

मारुती गल्ली, आंबेडकर गल्ली, वेंगुर्ला रोड, मिलकी रस्ता, कोवाडकर गल्ली, बेनकनहळळी रोड, मरगाई गल्ली, गणपत गल्ली, संभाजी गल्ली, देशपांडे कॉलनी आणि शंकर गल्ली मार्गे मिरवणूक लक्ष्मी मंदिरात दाखल झाली. भंडाऱ्याच्या उधळणीने संपूर्ण परिसर पिवळाधम्मक झाला होता.

मिरवणुकीत भजनी मंडळांचा सहभाग लक्षवेधी ठरला. धनगरी वाद्ये आणि बेंजोच्या तालावर युवक, युवती व महिलांनी नृत्याचा आनंद लुटला. लक्ष्मीदेवीच्या जयजयकाराने परिसर दुमदुमून गेला होता. भाविकांसाठी ठिकठिकाणी पाणी व अल्पोपहाराची व्यवस्था करण्यात आली होती.

दरम्यान, मंगळवारी (दि. ३) हरिपाठ, धान्याभिषेक व भारुड भजन, बुधवारी (दि. ४) हरिपाठ व भजन कार्यक्रम पार पडले. शुक्रवारी (दि. ६) विविध धार्मिक विधी तर शनिवारी (दि. ७) सूर्योदयाला कळसारोहण होणार असून या भक्तीमय सोहळ्याची सांगता होणार आहे.

The post भक्तीमय वातावरणात सुळगा (हिं.) येथे भव्य कलश मिरवणूक appeared first on News 24 Tass Marathi.

सोमवार दि. २ रोजी जलादिवस. वेळ संध्याकाळी ६ ते रात्री ८ पर्यंत, मंगळवार दि. ३ रोजी धान्यदिवस, वेळ ६ ते ८ पर्यंत, दि.४ रोजी निद्रादिवस, गुरुवार दि. ५ रोजी कळस मिरवणूक सकाळपासून संपेतोपर्यंत, त्याच दिवशी राक्षगणहोम वेळ संध्या ६ ते रात्री ८ पर्यंत, शुक्रवार दि. ६ रोजी सकाळी ७ वा. संपूर्ण गावांमधील महिला आपल्या डोक्यावर कलश घेऊन मिरवणूक निघणार आहे. संपूर्ण गावांमधील देवांना जलाभिषेक व पूजन होईल. गो-माता पूजन त्यानंतर मंदिरामध्ये गो-प्रवेश होईल. तोरण बांधणे आणि वास्तूशांती आणि होम हवनविधी कार्यक्रम होतील.

• तीन दिवस गावामध्ये कटबंध वार :

शनिवार दि. ७ रोजी सकाळी ७ वाजल्यापासून कार्यक्रम, यामध्ये मंदिराचा कळसारोहण, शिवप्रतिष्ठान हिंदुस्थानचे संस्थापक श्री. संभाजी भिडे गुरुजी यांच्याहस्ते होईल. मूर्ती प्रतिष्ठापना उद्घाटन आणि लोकार्पण सोहळा, त्यानंतर महाप्रसादाने कार्यक्रमाची सांगता होईल. तरी सर्वांनी याची नोंद घ्यावी असे लक्ष्मीदेवी जीर्णोद्धार कमिटीतर्फे कळविले आहे. तीन दिवस गावामध्ये कडक कटबंध वार पाळण्यात येणार आहेत.

The post सुळगा (हिं.) येथील महालक्ष्मी मंदिराचा लोकार्पण सोहळा उद्यापासून appeared first on News 24 Tass Marathi.

यंदा देखील रविवारी सायंकाळी ४ वाजता इंगळ्या उत्सवास प्रारंभ होणार असून पहाटे देवाचा अभिषेक करण्यात येईल. त्यानंतर मंदिर भाविकांसाठी खुले करण्यात येणार आहे. पुढे सायंकाळी देवांना पालखीतून प्रदक्षिणेसाठी बाहेर काढले जाणार असून दर्शनासाठी भाविक मोठ्या संख्येने उपस्थित राहतात.

प्रदक्षिणेचा कार्यक्रम संपल्यानंतर देव पुन्हा गादीवर विराजमान होतील. त्यानंतर नवसपूर्तीसाठी भाविकांकडून श्रीफळाचा वर्षाव केला जातो. यावेळी वर्षाव होणारी श्रीफळे पकडण्यासाठी मोठी गर्दी होत असून हा सोहळा पाहण्यासाठीही भाविकांची मोठी झुंबड उडते.

यानंतर मुख्य इंगळ्या उत्सवाला सुरुवात होते. अत्यंत शांत आणि भक्तिमय वातावरणात देवावर गाऱ्हाणे घालून इंगळ्यांची विधीवत पूजा केली जाते. वरीलप्रमाणे इंगळ्या उत्सव साजरा होणार असून सर्व भाविकांनी याची नोंद घ्यावी.

The post चलवेनहट्टी येथे १ फेब्रुवारी रोजी इंगळ्या उत्सव appeared first on News 24 Tass Marathi.