बेळगाव : ५५व्या केंद्रीय विद्यालय संघटन (KVS) राष्ट्रीय जलतरण स्पर्धा २०२६ मध्ये बेळगावच्या प्रीतम रेनके याने चमकदार कामगिरी करत सुवर्णपदकावर नाव कोरले. बंगळुरू येथे आयोजित या राष्ट्रीय स्पर्धेत प्रीतमने ४×१०० मीटर फ्रीस्टाइल रिलेमध्ये सुवर्णपदक पटकावले.

प्रीतम हा Swimmers’ Club Belgaum आणि Aquarius Swim Club Belgaum यांच्याशी संबंधित असून, बेळगावातील KLE International Swimming Pool तसेच Suvarna JNMC Olympic Size Swimming Pool येथे तो नियमित सराव करतो.

प्रशिक्षक उमेश काळघटगी यांच्या मार्गदर्शनाखाली प्रीतमने ही कामगिरी साध्य केली. तसेच जलतरण प्रशिक्षक अजिंक्य मेंडके, महेश पवार, अक्षय शेरेगार, नितीश कुडुचकर आणि गोवर्धन काकतकर यांचेही त्याला प्रशिक्षण व मार्गदर्शन लाभले.

सातत्यपूर्ण सरावासोबतच विविध मान्यवरांचे प्रोत्साहन आणि सहकार्यही प्रीतमच्या यशामागे राहिले. KLE Society चे अध्यक्ष डॉ. प्रभाकर कोरे, जयभारत फाउंडेशनचे अध्यक्ष जयंत हुंबरवाडी, Rtn. अविनाश पोतदार, मानेक कपाडिया, लता कित्तूर, सुधीर कुसाने, प्रसाद तेंडोलकर यांच्यासह अनेक हितचिंतकांनी त्याला सातत्याने प्रोत्साहन दिले.

राष्ट्रीय स्तरावर मिळवलेल्या या सुवर्णपदकामुळे बेळगावच्या जलतरण क्षेत्रात प्रीतम रेनकेच्या यशाची आणखी एक उल्लेखनीय नोंद झाली आहे. त्याच्या या कामगिरीचे सर्व स्तरातून कौतुक होत आहे.

The post राष्ट्रीय जलतरण स्पर्धेत बेळगावच्या प्रीतम रेनकेची सुवर्ण कामगिरी appeared first on News 24 Tass Marathi.

ही स्पर्धा दि. २७ ते २९ जुलै २०२६ दरम्यान डॉ. राजू डेव्हिस इंटरनॅशनल अँड सैनिक स्कूल, माला, त्रिशूर (केरळ) येथे पार पडली. वेदांतने कठोर परिश्रम, नियमित सराव, चिकाटी आणि आत्मविश्वासाच्या बळावर हे यश संपादन केले.

वेदांतच्या या उल्लेखनीय यशाबद्दल शालेय एस. एम. सी. समितीचे चेअरमन प्रा. श्री. आर. के. पाटील, व्हाईस चेअरमन प्रा. श्री. आर. एस. पाटील, सेक्रेटरी प्रा. श्री. नितीन घोरपडे, प्राचार्य श्री. प्रदीप पाटील, उपप्राचार्य श्री. मनोहर करडी यांनी वेदांतचे मनःपूर्वक अभिनंदन करून त्याच्या पुढील वाटचालीस हार्दिक शुभेच्छा दिल्या. तसेच, भविष्यातही वेदांत राष्ट्रीय व आंतरराष्ट्रीय स्तरावर अशीच उज्ज्वल कामगिरी करून शाळेचे नाव अधिक उंचावेल, असा विश्वास त्यांनी व्यक्त केला.

The post मास्टर वेदांत आनंद मिसाळे यांचे जलतरण स्पर्धेत घवघवीत यश appeared first on News 24 Tass Marathi.

बेळगाव : स्कॉटलंडमधील ग्लासगो येथे झालेल्या कॉमनवेल्थ गेम्स स्पर्धेत उल्लेखनीय कामगिरी करत पॅरा जलतरणपटू स्वातिक पाटील यांनी पाचवे स्थान पटकावले. त्यांच्या या उल्लेखनीय यशाबद्दल स्विमर्स क्लब बेळगावतर्फे सुवर्ण जेएनएमसी स्विमिंग पूल येथे त्यांचा उत्साहपूर्ण सत्कार करण्यात आला.

स्वातिक पाटील यांच्या या यशामागील जिद्द, चिकाटी आणि अथक परिश्रमाचे सर्व स्तरांतून कौतुक होत आहे. त्यांच्या कामगिरीमुळे अनेक युवा खेळाडूंना प्रेरणा मिळणार असल्याची भावना यावेळी व्यक्त करण्यात आली.

या सत्कार समारंभाला स्विमर्स क्लब बेळगावचे मुख्य मार्गदर्शक उमेश जी. कलघटगी यांची प्रमुख उपस्थिती होती. तसेच प्रशिक्षक अक्षय शेरेगर, नितीश कुडुचकर आणि गोवर्धन काकतकर यांनी स्वातिक यांचे अभिनंदन करत भविष्यात आणखी मोठे यश संपादन करण्यासाठी शुभेच्छा दिल्या.

स्वातिक पाटील यांचा प्रवास हा समर्पण, शिस्त आणि आत्मविश्वासाच्या बळावर कोणतेही स्वप्न साकार करता येते, याचे प्रेरणादायी उदाहरण असल्याचे मान्यवरांनी सांगितले. त्यांच्या यशामुळे बेळगावसह संपूर्ण देशाची मान उंचावली असल्याची भावना यावेळी व्यक्त करण्यात आली.

The post कॉमनवेल्थमधील उल्लेखनीय कामगिरीबद्दल स्वातिक पाटीलचा सत्कार appeared first on News 24 Tass Marathi.

बेळगाव : एनके एज्युकेशन फाउंडेशनचा विद्यार्थी अनिश अनिरुद्ध कोरे याने बेंगळुरू येथे झालेल्या NRJ स्टेट ज्युनियर स्विमिंग चॅम्पियनशिप २०२६ स्पर्धेत दैदिप्यमान कामगिरी करत तब्बल ८ पदके जिंकून संस्थेचे आणि बेळगावचे नाव उज्ज्वल केले. १३ ते १६ जुलैदरम्यान पार पडलेल्या चार दिवसीय राज्यस्तरीय स्पर्धेत अनिशने ६ सुवर्ण, १ रौप्य आणि १ कांस्य पदकांची कमाई करत जलतरण तलावात आपले वर्चस्व सिद्ध केले.

बटरफ्लाय आणि फ्रीस्टाईल प्रकारात उत्कृष्ट कामगिरी करत अनिशने वैयक्तिक तसेच सांघिक गटात उल्लेखनीय यश मिळवले. २०० मीटर आणि १०० मीटर बटरफ्लाय स्पर्धेत सुवर्णपदके जिंकत त्याने या प्रकारातील आपली गुणवत्ता अधोरेखित केली. तसेच १०० मीटर फ्रीस्टाईलमध्ये रौप्य, तर ५० मीटर बटरफ्लायमध्ये कांस्य पदक पटकावले.

सांघिक स्पर्धांमध्येही अनिशने मोलाची भूमिका बजावत ४×१०० मीटर मेडले रिले, ४×१०० मीटर फ्रीस्टाईल रिले, ४×१०० मीटर मिक्स्ड फ्रीस्टाईल रिले आणि ४×२०० मीटर फ्रीस्टाईल रिले या चारही प्रकारांत आपल्या संघाला सुवर्णपदक मिळवून देण्यात महत्त्वाचे योगदान दिले.

एकूण आठ पदकांच्या या ऐतिहासिक कामगिरीमुळे राज्यस्तरावर अनिशची ओळख अधिक भक्कम झाली असून, तो कर्नाटकमधील आश्वासक युवा जलतरणपटूंमध्ये अग्रस्थानी पोहोचला आहे.

अनिशच्या या यशाबद्दल एनके एज्युकेशन फाउंडेशनच्या व्यवस्थापन, शिक्षक आणि विद्यार्थ्यांनी त्याचे अभिनंदन केले आहे. कठोर परिश्रम, सातत्यपूर्ण सराव आणि जिद्दीच्या बळावर मिळवलेले हे यश संस्थेतील इतर विद्यार्थ्यांसाठी प्रेरणादायी ठरेल, असा विश्वास व्यक्त करण्यात आला.

The post राज्य कनिष्ठ जलतरण स्पर्धेत एनके एज्युकेशन फाउंडेशनच्या अनिश कोरेचे घवघवीत यश appeared first on News 24 Tass Marathi.

बेळगाव : कर्नाटक राज्य जलतरण संघटनेच्या वतीने बेंगळुरू येथील बसवनगुडी जलतरण तलावात आयोजित कनिष्ठ गटाच्या राज्यस्तरीय जलतरण स्पर्धेत बेळगावच्या आबा अँड हिंद स्पोर्ट्स क्लबच्या जलतरणपटू तनुज सिंग याने उल्लेखनीय कामगिरी करत दोन रौप्य आणि एक कांस्य पदकाची कमाई केली आहे. या उत्कृष्ट यशाच्या बळावर त्याची पुढील महिन्यात ओडिशामध्ये होणाऱ्या राष्ट्रीय कनिष्ठ जलतरण स्पर्धेसाठी कर्नाटक राज्य संघात निवड झाली आहे.

स्पर्धेतील ५० मीटर ब्रेस्ट स्ट्रोक प्रकारात तनुजने ३०.६४ सेकंदांची वेळ नोंदवत रौप्य पदक पटकावले. त्यानंतर २०० मीटर ब्रेस्ट स्ट्रोक शर्यत २ मिनिटे ३२.०९ सेकंदांत पूर्ण करून आणखी एक रौप्य पदक आपल्या नावावर केले.

याशिवाय १०० मीटर ब्रेस्ट स्ट्रोक स्पर्धेत १ मिनिट ०९.४८ सेकंदांची वेळ नोंदवत त्याने कांस्य पदकही जिंकले. सलग तीन प्रकारांमध्ये पदकांची कमाई करत तनुजने राज्यस्तरावर आपली गुणवत्ता सिद्ध केली.

या यशामुळे पुढील महिन्यात ओडिशा येथे होणाऱ्या राष्ट्रीय कनिष्ठ गट जलतरण स्पर्धेत कर्नाटकचे प्रतिनिधित्व करण्याची संधी तनुजला मिळाली आहे.

तनुजच्या यशामागे एनआयएस जलतरण प्रशिक्षक विश्वास पवार यांचे मार्गदर्शन लाभले असून, आबा अँड हिंद स्पोर्ट्स क्लबचे अध्यक्ष शीतल हुळभत्ते, अरविंद संगोळी, शुभांगी मंगळूरकर तसेच नगरसेवक नितीन जाधव यांनी त्याचे अभिनंदन करून पुढील वाटचालीस शुभेच्छा दिल्या आहेत.

The post बेंगळुरू राज्यस्तरीय जलतरण स्पर्धेत बेळगावच्या तनुज सिंगची दमदार कामगिरी appeared first on News 24 Tass Marathi.

दि.3 ते 5 जुलै 2026 या कालावधीत येम्मेकेरे स्विमिंग पूल, मंगळुरू येथे झालेल्या या स्पर्धेत राज्यभरातील उत्कृष्ट जलतरणपटूंनी सहभाग घेतला होता. अत्यंत चुरशीच्या स्पर्धेत वेदांतने 2 मिनिटे 21.70 सेकंदांची उत्कृष्ट वेळ नोंदवत द्वितीय क्रमांक मिळवला. त्याच्या या यशामुळे शाळा, शिक्षक, विद्यार्थी व पालकांमध्ये आनंदाचे वातावरण निर्माण झाले आहे.

राष्ट्रीय स्तरावरील उल्लेखनीय कामगिरीनंतर राज्यस्तरावरही वेदांतने सातत्यपूर्ण मेहनत, शिस्त आणि जिद्दीच्या जोरावर हे यश संपादन केले आहे. या दैदिप्यमान यशाबद्दल शाळेचे एस.एम.सी. चेअरमन प्रा. श्री. आर. के. पाटील, व्हाईस चेअरमन प्रो. श्री. आर. एस. पाटील, सेक्रेटरी प्रो. श्री. नितीन घोरपडे यांनी वेदांतचे मनःपूर्वक अभिनंदन करून त्याच्या पुढील वाटचालीस हार्दिक शुभेच्छा दिल्या.

तसेच शाळेचे प्राचार्य श्री. प्रदीप पाटील यांनी वेदांतच्या या अभिमानास्पद यशाबद्दल त्याचे विशेष अभिनंदन करून भविष्यात राष्ट्रीय व आंतरराष्ट्रीय स्तरावरही अशीच उज्ज्वल कामगिरी करण्यासाठी शुभेच्छा दिल्या.

The post राज्यस्तरीय जलतरण स्पर्धेत ज्योती सेंट्रल स्कूलच्या मास्टर वेदांतची रौप्यपदकाला गवसणी appeared first on News 24 Tass Marathi.

आरोहीच्या या यशाबद्दल शनिवारी (दि. १४) डॉल्फिन स्विमिंग ग्रुपच्या वतीने तिचा सत्कार करण्यात आला. यावेळी तिच्या पुढील क्रीडा वाटचालीस प्रोत्साहन मिळावे या उद्देशाने आर्थिक मदतही प्रदान करण्यात आली.

उपस्थितांनी आरोहीच्या जिद्दीचे आणि मेहनतीचे कौतुक करत भविष्यातही ती राष्ट्रीय व आंतरराष्ट्रीय स्तरावर यश मिळवेल, असा विश्वास व्यक्त केला. या प्रसंगी डॉल्फिन स्विमिंग ग्रुपचे सर्व सदस्य उपस्थित होते.

The post राष्ट्रीय पॅरा जलतरण स्पर्धेत आरोही सुरूतेकर दोन सुवर्णपदकांची मानकरी appeared first on News 24 Tass Marathi.

अथणी : शहराबाहेरील सुनगार भाटीजवळील दगडखाणीत पोहताना १६ वर्षीय मुलाचा बुडून मृत्यू झाल्याची दुर्दैवी घटना शनिवारी सकाळी घडली. समर्थ पानलकर असे मृत मुलाचे नाव असून तो मित्रांसोबत पोहण्यासाठी गेला होता.

मिळालेल्या माहितीनुसार, समर्थ आपल्या मित्रांसह दगडखाणीत पोहण्यासाठी गेला होता. पाण्याचा अंदाज न आल्याने तो खोल पाण्यात गेला आणि बुडाला. घटनेची माहिती मिळताच स्थानिक नागरिक, नातेवाईक आणि अग्निशमन दलाचे जवान घटनास्थळी दाखल झाले.

शोधमोहीमेदरम्यान घटनास्थळी समर्थची चप्पल आणि कपडे आढळून आले. त्यानंतर अग्निशमन दलाच्या जवानांनी पाण्यात शोधकार्य सुरू करून मृतदेह बाहेर काढला. या घटनेमुळे परिसरात हळहळ व्यक्त होत असून समर्थच्या कुटुंबीयांवर दुःखाचा डोंगर कोसळला आहे. या प्रकरणाची नोंद अथणी पोलीस ठाण्यात करण्यात आली आहे.

The post दगडखाणीत बुडून १६ वर्षीय मुलाचा मृत्यू appeared first on News 24 Tass Marathi.

बेंगळुरू : प्रचंड लाटा, जेलीफिशचा धोका आणि समुद्रातील जोरदार प्रवाहाचा सामना करत बंगळुरूच्या एका दांपत्याने ‘राम सेतू’ मार्गे श्रीलंकेहून भारतापर्यंत पोहत ऐतिहासिक कामगिरी केली आहे.

दानिश अब्दी आणि वृषाली प्रसादे या दांपत्याने श्रीलंकेतील तळेमन्नार ते भारतातील धनुषकोडी असा ३२ किलोमीटरचा समुद्री प्रवास अवघ्या १० तास ४५ मिनिटांत पूर्ण केला. जवळपास ११ तास अखंड समुद्रात झुंज देत त्यांनी हा पराक्रम साध्य केला.

‘राम सेतू’ मार्गावरील अत्यंत खडतर समुद्री प्रवास पूर्ण करणारे ते जगातील पहिले जोडपे ठरले आहे. समुद्रातील प्रतिकूल परिस्थिती, प्रचंड लाटा आणि जेलीफिशच्या धोक्याचा सामना करत त्यांनी ही मोहीम यशस्वी केली.

या विक्रमी कामगिरीमुळे जलतरण क्षेत्रात त्यांच्या धैर्य, चिकाटी आणि जिद्दीचे कौतुक होत असून, क्रीडा क्षेत्रातून त्यांच्यावर अभिनंदनाचा वर्षाव होत आहे.

The post ‘राम सेतू’ मार्गे श्रीलंकेहून भारतात पोहत घडवला इतिहास appeared first on News 24 Tass Marathi.

मिळालेल्या माहितीनुसार, विहिरीच्या कठड्याची भिंत अचानक कोसळून पोहत असलेल्या मुलांच्या अंगावर पडली. त्यामुळे दोन्ही मुले पाण्यात अडकून बुडाल्याची माहिती समोर आली आहे.

मृत मुलांची ओळख शिवम परशुराम सुंडीकर (वय ७) आणि परशुराम राजू निलजकर (वय ११) अशी झाली असून दोघेही शिवाजीनगर व शहापूर येथील जेड गल्ली परिसरातील रहिवासी होते. सुट्टीचा दिवस असल्याने दोघे पोहण्यासाठी विहिरीत गेले होते. घटनेनंतर परिसरात एकच खळबळ उडाली. कुटुंबीयांनी घटनास्थळी धाव घेतली असून त्यांचा आक्रोश पाहून वातावरण भारावून गेले.

घटनेची माहिती मिळताच अग्निशामक दल आणि एसडीआरएफ पथकाने घटनास्थळी धाव घेत शोध व बचावकार्य सुरू केले. अथक प्रयत्नांनंतर एका मुलाचा मृतदेह बाहेर काढण्यात आला असून दुसऱ्या मुलाचा शोध सुरू आहे. महापालिका अधिकाऱ्यांनीही घटनास्थळी भेट देऊन पाहणी केली असून विहिरीतील पाण्यात कॅमेरे टाकून तपास केला जात आहे. तसेच पाणी उपसण्याचे कामही सुरू करण्यात आले आहे. या घटनेची नोंद खडेबाजार पोलीस ठाण्यात करण्यात आली असून पुढील तपास सुरू आहे.

The post कपिलेश्वर मंदिरामागील विहिरीत दोन अल्पवयीन मुलांचा बुडून मृत्यू appeared first on News 24 Tass Marathi.