प्रवासी संघाने मुख्यमंत्र्यांचे लक्ष वेधताना म्हटले आहे की, सध्या मुंबई-पुणे-कोल्हापूर आणि इतर जिल्ह्यांदरम्यान रोज हजारो खाजगी वाहनांमुळे लाखो लीटर पेट्रोल व डिझेल वाया जात असून अब्जावधी रुपयांचे परकीय चलन देशाबाहेर जात आहे. ‘शक्तीपीठ महामार्ग’ सारख्या प्रकल्पांवर लाखो कोटी रुपये खर्च केले जात असले, तरी त्यामुळे भविष्यात परकीय इंधनावरील अवलंबित्व कमी होणार नाही. याला उत्तम पर्याय म्हणून १) कोल्हापूर – आजरा – गडहिंग्लज – चंदगड – बेळगाव, २) सावंतवाडी – चंदगड – बेळगाव आणि ३) कोल्हापूर – वैभववाडी या तीन महत्त्वाच्या रेल्वे मार्गांचे नियोजन मुंबई-अहमदाबाद बुलेट ट्रेनच्या धर्तीवर जलद गतीने करून पुढील पाच वर्षांत ते प्रत्यक्ष पूर्ण करावेत, अशी आग्रही मागणी करण्यात आली आहे.

The post सावंतवाडी – चंदगड – बेळगाव प्रलंबित रेल्वे मार्गाचे काम तातडीने सुरू करा appeared first on News 24 Tass Marathi.

आझमनगर परिसरातील काही तरुण शनिवारी तिलारी धरण परिसरात फिरण्यासाठी गेले होते. यामध्ये व्यवसायाने दंतवैद्य असलेले डॉ. मोहम्मद शेहजान (वय २६) हे पोहण्यासाठी अडक्याचा वझर परिसरात पाण्यात उतरले. मात्र पाण्याची खोली लक्षात न आल्याने ते बुडाल्याची घटना घडली.

घटनेची माहिती मिळताच बेळगाव ग्रामीण पोलीस उपनिरीक्षक लक्काप्पा जोडट्टी आणि त्यांच्या पथकाने तातडीने घटनास्थळी धाव घेतली. शनिवारी संध्याकाळपर्यंत शोधमोहीम राबविण्यात आली; मात्र अंधारामुळे ती थांबवावी लागली.

रविवारी सकाळी पुन्हा शोधमोहीम सुरू करण्यात आली. यावेळी एसडीआरएफ पथक, बेळगाव ग्रामीण पोलीस, वन विभाग तसेच सामाजिक कार्यकर्ते अवधूत तुडवेकर, पद्मप्रसाद हुली, मुदस्सर तरनीकर, राजू टक्केकर यांनी संयुक्तपणे प्रयत्न केले. अखेर समन्वित कारवाईतून मृतदेह पाण्याबाहेर काढण्यात यश आले.

The post तिलारी धरणात बुडालेल्या तरुण दंतवैद्याचा मृतदेह सापडला appeared first on News 24 Tass Marathi.

याबाबत घटनास्थळावरून मिळालेल्या माहितीनुसार, महम्मद अमीरशा हा दंतवैद्यकीय शिक्षण पूर्ण करून मित्रांसमवेत तिलारी परिसरात फिरण्यासाठी गेला होता. यावेळी तो धरणात पोहण्यासाठी उतरला असता अचानक बुडाल्याची माहिती त्याच्या मित्रांनी दिली.

घटनेची माहिती मिळताच वडगाव पोलिस ठाण्याचे उपनिरीक्षक लक्कप्पा जोडट्टी व त्यांच्या पथकाने घटनास्थळी धाव घेतली. मात्र अंधार पडल्याने शोधमोहीम राबवण्यात अडचणी आल्या. त्यामुळे रविवारी सकाळी पुन्हा शोधमोहीम सुरू करण्यात येणार आहे.

The post बेळगावचा तरुण ‘तिलारी’ धरणात बुडाला appeared first on News 24 Tass Marathi.

कोल्हापूर जिल्हा, चंदगड तालुका आणि तुडये गाव सदैव सीमावासियांच्या पाठीशी खंबीर असल्याची ग्वाही ग्रामस्थांकडून देण्यात आली.

यावेळी व्यासपीठावर श्री. विलास नाईक सभापती चंदगड ,विलास सुतार सरपंच ग्रामपंचायत तुडिये, जगन्नाथ हुलजी माजी सभापती, भरमाना गावडा, पंचायत समिती सदस्य सौ प्रेमा जगन्नाथ हुलाजी, मारुती पाटील, हनमंत पाटील तसेच युवा समिती सीमाभाग चे कार्याध्यक्ष धनंजय पाटील, सरचिटणीस मनोहर हुंद्रे, अशोक घगवे, मोतेश बारदेसकर यांच्यासह इतर मान्यवर आणि तुडये ग्रामस्थ मोठ्या संख्येने उपस्थित होते.

तुडये गावचे सरपंच तसेच कार्यक्रमाचे अध्यक्ष विलास सुतार यांना आम्ही ज्या ब्रीदवाक्य घेऊन काम करतोय “लढा नाहीतर गुलामीची सवय होईल” ते ब्रीद स्मृतिचिन्ह स्वरूपात देऊन भविष्यात होणाऱ्या मराठी सन्मान यात्रेत सहभागी होण्याचे आवाहन केले.

The post तुडये येथे आंबेडकर जयंती निमित्त सांस्कृतिक कार्यक्रम आणि मान्यवरांचा सत्कार appeared first on News 24 Tass Marathi.

श्री क्षेत्र जोतिबा देवाच्या चैत्र पौर्णिमा यात्रेनिमित्त ३० मार्च ते १ एप्रिल या कालावधीत होणाऱ्या यात्रेसाठी प्रशासनाने व्यापक नियोजन केले आहे. यात्रेदरम्यान लाखो भाविकांची गर्दी लक्षात घेऊन वाहतूक सुरळीत ठेवण्यासाठी ३३ ठिकाणी पार्किंगची व्यवस्था करण्यात आली आहे.

वाहतूक नियंत्रणासाठी सुमारे ४०० पोलीस आणि ४०० होमगार्ड तैनात करण्यात आले असून शहर वाहतूक नियंत्रण शाखा आणि स्थानिक पोलीस यंत्रणा सतर्क राहणार आहे.

वाहतूक नियंत्रण शाखेचे पोलीस निरीक्षक नंदकुमार मोरे यांनी दिलेल्या माहितीनुसार, नवीन व जुने एस.टी. स्टँड परिसर, तोरणाई कडा, पिराचा कडा, एमटीडीसी परिसर, सेंट्रल प्लाझा, ग्रामपंचायत परिसर, यमाई मंदिर परिसर, निलगिरी बाग, दानेवाडी फाटा आदी ठिकाणी पार्किंगची सुविधा उपलब्ध करण्यात आली आहे.

यात्रेदरम्यान वाहतुकीवर काही निर्बंधही घालण्यात आले आहेत. ३० मार्च रोजी रात्री ८ वाजेपर्यंत अवजड वाहने, मालवाहतूक ट्रक, रिक्षा आणि ट्रॅक्टर यांना जोतिबा डोंगरावर जाण्यास बंदी असेल. तसेच मुख्य यात्रेच्या दिवशी १ एप्रिल रोजी पहाटे ५ वाजल्यापासून दुचाकी वाहनांनाही काही मार्गांवर प्रवेश नाकारण्यात येणार आहे.

भाविकांनी वाहतूक नियमांचे पालन करून प्रशासनाला सहकार्य करावे, असे आवाहन पोलिसांकडून करण्यात आले आहे.

The post जोतिबा चैत्र पौर्णिमा यात्रेसाठी ३३ ठिकाणी पार्किंगची सोय appeared first on News 24 Tass Marathi.

गडहिंग्लज : मराठा समाजातील विवाह इच्छुक युवक-युवतींसाठी गडहिंग्लज येथे वधू-वर महामेळाव्याचे आयोजन करण्यात आले आहे. येत्या रविवार दि. १५ मार्च २०२६ रोजी सकाळी ११ वाजता वडरगे रोडवरील शिवराज विद्या संकुल हॉल येथे हा मेळावा पार पडणार आहे.

या मेळाव्याचे आयोजन बालाजी वधू-वर सूचक केंद्र, भडकल गल्ली, बेळगाव यांच्या वतीने करण्यात आले असून मराठा समाजातील विवाह इच्छुक तरुण-तरुणींना एकमेकांना भेटण्याची आणि योग्य जोडीदार शोधण्याची संधी उपलब्ध होणार आहे.

मेळाव्यासाठी ४०० रुपये स्वागत शुल्क ठेवण्यात आले आहे. तसेच इतर सर्व जातींची नोंदणीही मेळाव्याच्या ठिकाणी करण्यात येणार असल्याची माहिती आयोजकांनी दिली आहे. अधिक माहितीसाठी ९००८९६६९४१ आणि ६३६४७७५५१३ या क्रमांकांवर संपर्क साधण्याचे आवाहन करण्यात आले आहे.

The post गडहिंग्लज येथे १५ मार्चला मराठा समाजाचा वधू-वर महामेळावा appeared first on News 24 Tass Marathi.

चंदगड / लक्ष्मण यादव

चंदगड विधानसभा मतदारसंघात काँग्रेस पक्षाला मोठा राजकीय धक्का बसला असून, अथर्व दौलत साखर कारखान्याचे विश्वस्त मा. श्री. गोपाळराव पाटील, दौलत सहकारी साखर कारखान्याचे माजी चेअरमन मा. श्री.अशोक पाटील, हलकर्णी महाविद्यालयाचे उपाध्यक्ष मा. श्री. संजय पाटील, तसेच मा. श्री. विशाल पाटील, मा. श्री. गोविंदराव पाटील आणि मा. श्री. शरद मटकर यांनी आपल्या समर्थक व कार्यकर्त्यांसह भारतीय जनता पार्टीत जाहीर प्रवेश केला. हा प्रवेश चंदगडचे आमदार शिवाजीराव पाटील (भाऊ) यांच्या प्रमुख उपस्थितीत पार पडला. यावेळी मा. श्री. नामदेव पाटील, मा. श्री. रवींद्र बंदिवडेकर यांच्यासह अनेक मान्यवर उपस्थित होते.

या जाहीर प्रवेशामुळे चंदगड तालुक्यात भाजपची संघटनात्मक ताकद वाढली असून, आगामी राजकीय घडामोडींच्या पार्श्वभूमीवर या प्रवेशाकडे महत्त्वाच्या घडामोडी म्हणून पाहिले जात आहे.

The post गोपाळराव पाटील यांचा भाजपमध्ये जाहीर प्रवेश appeared first on News 24 Tass Marathi.

The post सौ. सुनिता परशराम व्हन्याळकर यांचे निधन appeared first on News 24 Tass Marathi.

बेंगळुरू : महाराष्ट्र पोलिसांनी बेंगळुरूमध्ये एमडी ड्रग्ज तयार करून देशभर पुरवठा करणाऱ्या एका मोठ्या आंतरराज्य टोळीचा पर्दाफाश केला आहे. या कारवाईत ड्रग्ज निर्मिती करणाऱ्या तीन फॅक्टऱ्या उद्ध्वस्त करण्यात आल्या असून टोळीचा मुख्य सूत्रधार प्रशांत यल्लप्पा पाटील (रा. मालेवाडी, ता. चंदगड, जि. कोल्हापूर) याला अटक करण्यात आली आहे.

प्रशांत पाटील हा पोलिसांपासून बचावासाठी सतत ठिकाणे बदलत होता. दोन वर्षांपूर्वी चंदगडमधील ड्रग्ज फॅक्टरीवरील छाप्यानंतर तो फरार झाला होता. नंतर तो बेळगाव ग्रामीण पोलीस ठाण्याच्या हद्दीत भाडोत्री घरात वास्तव्यास असल्याचे तपासात उघड झाले.

महाराष्ट्र पोलिसांच्या एन-एटीएफ पथकाने बेंगळुरूमध्ये अत्यंत नियोजनबद्ध कारवाई करत प्रशांत पाटीलला अटक केली. यावेळी मोठ्या प्रमाणात एमडी ड्रग्ज व साहित्य जप्त करण्यात आले असून संपूर्ण नेटवर्क उध्वस्त करण्यात यश आले आहे.

या यशस्वी कारवाईमुळे आंतरराज्य अंमली पदार्थ तस्करीला मोठा धक्का बसला आहे. ड्रग्जविषयक माहिती देण्यासाठी नागरिकांनी ०७२१८०००७३ या क्रमांकावर संपर्क साधावा, असे आवाहन पोलिसांनी केले आहे.

The post बेंगळुरूमध्ये महाराष्ट्र पोलिसांची ड्रग्जविरोधी मोठी कारवाई appeared first on News 24 Tass Marathi.

महाराष्ट्र विधानसभेचे हिवाळी अधिवेशन सोमवारपासून नागपूर येथे सुरू झाले आहे. यादरम्यान सभागृहात बेळगाव चंदगड वेंगुर्ला मार्गाची तत्काळ दुरुस्ती व्हावी व या मार्गाचा राष्ट्रीय महामार्गात समावेश करावा, अशी मागणी चंदगडचे आमदार शिवाजी पाटील यांनी केली आहे.

कोल्हापूर जिल्ह्यातील चंदगड विधानसभा मतदारसंघातील चंदगड तालुक्यातून जाणारा बेळगाव – वेंगुर्ला मार्गाच्या विकासासाठी गेल्या अनेक वर्षांपासून निधी उपलब्ध झालेला नाही. त्यामुळे सध्या या मार्गावर मोठ्या प्रमाणात खड्डे पडले आहेत. रस्त्याच्या दुरुस्तीसाठी तत्काळ निधी मंजूर करण्यात यावा, अशी मागणी केली. गेल्या काही वर्षात अपघातांचे प्रमाण प्रचंड वाढले आहे. यामुळे दरवर्षी किमान १६० ते १७० निष्पाप लोकांचे नाहक बळी जात असून, हा मार्ग वर्दळीचा असल्याने यावरून मोठ्या प्रमाणात वाहनांची गर्दी असते; परंतु या राज्यमार्गाची रुंदी कमी असल्याने वाहतुकीची कोंडी होते व दिवसेंदिवस अपघातांचे प्रमाण वाढत चालले आहे. त्यामुळे बेळगाव – वेंगुर्ला राज्यमार्ग राष्ट्रीय महामार्ग करावा, त्यामुळे या मार्गाचा विकास होऊन अपघातांचे प्रमाण कमी होईल. त्याचबरोबर याचा चंदगड, गडहिंग्लज व आजरा तालुक्यांतील या रस्त्यालगतच्या गावांना व्यावसायिकदृष्ट्या मोठा फायदा होईल, अशी मागणी आमदार पाटील यांनी केली आहे.

The post बेळगाव – चंदगड – वेंगुर्ला मार्गाचा राष्ट्रीय महामार्गात समावेश करावा appeared first on News 24 Tass Marathi.