बेळगाव : बेळगाव ग्रामीण क्षेत्रातील कंग्राळी बी.के. , कंग्राळी के.एच. , आंबेवाडी, मण्णूर, गोजगे, उचगाव, हिंडलगा, सुळगा, कल्लेहोळ, बेनकनहळ्ळी, बेळगुंदी, बीजगर्णी, सोनोली, बेळवट्टी, कुद्रेमणी, तुरमुरी, बेकिनकेरे आणि अतिवाड परिसरातील शेती व घरगुती वीजपुरवठा अनियमित होत असल्याबाबत भारतीय जनता पार्टी बेळगाव ग्रामीणच्या वतीने हेस्कॉम अधिकाऱ्यांना जाब विचारण्यात आला.

भाजप नेते विनय विलास कदम यांच्या नेतृत्वाखाली हिंडलगा सेक्शन ऑफिसर राघवेंद्र, कोलकार तसेच बेनकनहळ्ळी सेक्शन ऑफिसर सचिन यांना निवेदन देण्यात आले. गणेश चतुर्थीच्या तोंडावर शेतीसाठीचा तसेच घरातील वीजपुरवठा तात्काळ सुरळीत करावा, अशी मागणी यावेळी करण्यात आली.

वीजपुरवठा सुरळीत न केल्यास हेस्कॉम कार्यालयाला टाळे ठोकण्यात येईल, असा निर्वाणीचा इशारा भाजपच्या वतीने देण्यात आला. यानंतर हेस्कॉम अधिकाऱ्यांनी शेतीसाठी तसेच घरातील वीजपुरवठा तात्काळ सुरळीत करण्याचे आश्वासन दिले.

यावेळी भाजपा रयत मोर्चा अध्यक्ष संजय यलूपा पाटील, वारकरी सेवा प्रतिष्ठान बेळगावचे अध्यक्ष परशुराम राजाराम तुप्पट, मराठा संघटन संयोजक पिराजी वेताळ, ज्योतिर्लिंग मल्टीपर्पजचे चेअरमन आर. आर. चौगुले, महाशक्ती केंद्रप्रमुख संजय मोरे, शालू फर्नांडिस, शक्ती केंद्रप्रमुख खाचु तरळे, सुरज पाटील, विजय कुनुरकर, सुनील पाटील, अनिल मद्यपगोळ, भाजप बेळगाव ग्रामीण मंडळ उपाध्यक्ष कल्लाप्पा पाटील, युवा मोर्चा बेळगाव जिल्हा उपाध्यक्ष चेतन पाटील, देवाप्पा शिंदे, हेमंत कुलकर्णी, राजेंद्र कांग्राळकर, विलास पाटील, उमेश चोरसे, राजू पोटे, यल्लाप्पा पाटील, भैरू आनंदाचे आणि ब्रह्मानंद पाटील उपस्थित होते.

The post बेळगाव ग्रामीण क्षेत्रातील वीजपुरवठा तात्काळ सुरळीत करा appeared first on News 24 Tass Marathi.

बेळगाव : भारतीय जनता पार्टी बेळगाव ग्रामीण मंडळाच्या वतीने पंत बाळेकुंद्री येथील पंतनगर विद्युत केंद्रावर मोर्चा काढून रास्ता रोको आंदोलन करण्यात आले. अलीकडे मोठ्या प्रमाणात अनियमित वीजपुरवठा होत असून सकाळी, रात्री तसेच दिवसभरात कोणत्याही वेळी वीजखंडित केली जात असल्याचा आरोप आंदोलकांनी केला.

एकूण २४ तासांपैकी ७ ते ८ तास वीजपुरवठा खंडित केला जात असल्याने विद्यार्थ्यांसह गृहिणींना मोठ्या अडचणींना सामोरे जावे लागत आहे. सार्वजनिक गणेशोत्सवाच्या तयारीला लागलेल्या मंडळांनाही या समस्येचा फटका बसत असल्याचे आंदोलकांनी सांगितले.

शेतांमध्येही अनियमित वीजपुरवठा होत असल्याने शेतकऱ्यांची मोठी ससेहोलपट होत आहे. पावसाने दडी दिल्यामुळे पिके करपू लागली आहेत. अशा परिस्थितीत पिकांना पाणी देण्यासाठी वीजपुरवठा आवश्यक असताना तो सुरळीत होत नसल्याने शेतकरी वैतागले आहेत.

तसेच सार्वजनिक गणेशोत्सव मंडळांना २२ हजार रुपये भरून विद्युत जोडणी करून घेण्याचा दबाव हेस्कॉमचे अधिकारी आणत असल्याचा आरोपही आंदोलकांनी केला. यामुळे गणेशभक्तांमध्ये असंतोष निर्माण झाल्याचे सांगत त्याच्या निषेधार्थ रास्ता रोको आंदोलन करण्यात आले.

आंदोलनामुळे परिसरात मोठ्या प्रमाणात वाहतुकीची कोंडी निर्माण झाली होती. उपस्थित आंदोलकांनी आपल्या तीव्र भावना व्यक्त केल्या. माजी आमदार संजय पाटील, माजी मंडळ अध्यक्ष धनंजय जाधव आणि मंडळ अध्यक्ष युवराज जाधव यांनी यावेळी आपले विचार मांडत अधिकाऱ्यांना वीजपुरवठा सुरळीत करण्याबाबत ताकीद दिली.

वीजपुरवठ्याच्या समस्यांचे निवारण न झाल्यास येत्या काळात उग्र आंदोलन उभारण्याचा इशाराही यावेळी देण्यात आला. आंदोलनाच्या पार्श्वभूमीवर मारिहाळ पोलिसांनी चोख बंदोबस्त ठेवला होता.

दरम्यान, हेस्कॉमच्या वरिष्ठ अधिकाऱ्यांनी आंदोलकांचे निवेदन स्वीकारून सर्व समस्यांचे निवारण करण्याचे आश्वासन दिले. यावेळी भाजप पूर्व भागातील कार्यकर्ते तसेच शेतकरी मोठ्या संख्येने उपस्थित होते.

The post हेस्कॉमच्या अनियमित वीजपुरवठ्याविरोधात भाजपचा मोर्चा appeared first on News 24 Tass Marathi.

शेतीसाठीचा वीजपुरवठाही सुरळीत करण्याच्या मागणीसाठी भाजप नेते विनय विलास कदम यांच्या नेतृत्वाखाली हिंडलगा सेक्शन ऑफिसर व बेनकनहळ्ळी सेक्शन ऑफिसर यांना निवेदन देण्यात येणार आहे.

यावेळी सर्वांनी उद्या सकाळी ठीक १० वाजता फॉरेस्ट नाका, हिंडलगा येथे उपस्थित राहावे, असे आवाहन करण्यात आले आहे.

The post लोडशेडिंग विरोधात उद्या विनय कदम यांच्या नेतृत्वाखाली भाजपचे हेस्कॉमला निवेदन appeared first on News 24 Tass Marathi.

बेळगाव : बेळगाव ग्रामीण भागात वारंवार खंडित होणाऱ्या वीजपुरवठ्यामुळे नागरिकांसह विद्यार्थ्यांना मोठ्या अडचणींचा सामना करावा लागत आहे. अवेळी होणाऱ्या वीजखंडित पुरवठ्यामुळे निर्माण झालेल्या समस्यांबाबत हेस्कॉम अधिकाऱ्यांना निवेदन देऊन तातडीने उपाययोजना करण्याची मागणी करण्यात आली.

माजी महापौर शिवाजी सुंठकर यांच्या नेतृत्वाखालील शिष्टमंडळाने बेळगाव ग्रामीणचे सहाय्यक कार्यकारी अभियंता विशाल मिर्जे यांची भेट घेऊन वीज समस्येवर सविस्तर चर्चा केली. ग्रामीण भागात वारंवार आणि अवेळी वीजपुरवठा खंडित होत असल्याने विद्यार्थ्यांच्या अभ्यासावर परिणाम होत असून, नागरिकांच्या दैनंदिन जीवनातही अडथळे निर्माण होत असल्याचे शिष्टमंडळाने अधिकाऱ्यांच्या निदर्शनास आणून दिले.

वीजपुरवठ्यातील अनियमितता दूर करून नागरिकांना सुरळीत वीज उपलब्ध करून द्यावी, अशी मागणी यावेळी करण्यात आली.

या भेटीदरम्यान एपीएमसीचे माजी सभापती आप्पाजी जाधव, संजय पाटील, महांतेश कोळूचे, किसन सुंठकर यांच्यासह अनेक कार्यकर्ते आणि नागरिक उपस्थित होते.

The post बेळगाव ग्रामीणमधील वीज समस्येबाबत अधिकाऱ्यांची भेट appeared first on News 24 Tass Marathi.

राणी चन्नम्मानगर पहिला व दुसरा क्रॉस, बुडा लेआऊट, सुभाषचंद्रनगर, उत्सव हॉटेल, तिसरे रेल्वे गेट, वसंत विहार कॉलनी, विष्णू गल्ली, धामणे रोड, कलमेश्वर रोड, देवांगनगर पहिला ते दुसरा क्रॉस, रयत गल्ली, मलप्रभानगर, कल्याणनगर, तेरगिन गल्ली, व्हडर छावणी, डोर गल्ली, गणेशपेठ, कुलकर्णी गल्ली, रेणुकानगर, देवांगनगर बस्ती गल्ली, माधव रोड, कपिलेश्वर कॉलनी, महावीर कॉलनी, समर्थनगर, ओमनगर, पाटील गल्ली, सुभाष मार्केट, आर. के. मार्ग, हिंदवाडी कॉर्पोरेशन कॉम्प्लेक्स, अथर्व टॉवर, आरपीडी रोड, भाग्यनगर १० क्रॉस, रानडे कॉलनी पहिला ते दुसरा क्रॉस, सर्वोदय मार्ग, महावीर गार्डन व परिसर, आनंदवाडी, अनगोळ, वडगाव मुख्य रस्ता, सह्याद्री कॉलनी, पारिजात कॉलनी, साईश्रद्धा कॉलनी, अनगोळ मुख्य रस्ता, सत मीरा रोड, वाडा कंपाऊंड, रघुनाथपेठ, सुभाष गल्ली, मारुती गल्ली, कनकदास कॉलनी, महावीरनगर, आंबेडकरनगर, भाग्यनगर पहिला ते दहावा क्रॉस, संभाजीनगर, केशवनगर, येळ्ळूर केएलबी, अन्नपूर्णेश्वरीनगर, आनंदनगर, आदर्शनगर पहिला ते पाचवा क्रॉस, पटवर्धन लेआऊट, मेघदूत हाऊसिंग सोसायटी, घुमटमाळ, नाय पै सर्कल, जेल शाळा, गोमटेश या भागाचा वीजपुरवठा रविवारी सकाळी ९ ते सायंकाळी ५ पर्यंत खंडित होणार आहे.

श्रीनगर परिसरातील चन्नम्मा सोसायटी, श्रीनगर परिसर, महांतेशनगर सेक्टर नं. ८ ते १२, रुक्मिणीनगर, आश्रय कॉलनी, शिवतीर्थ कॉलनी, वृंदावन कॉलनी, रामतीर्थनगर, कणबर्गी रोड, केएमएफ डेअरी परिसर, शिवबसवनगरचा काही भाग, एसबीआय ते धर्मनाथ भवन, अशोकनगर, कॅन्सर हॉस्पिटल, ईएसआय हॉस्पिटल, वीरमद्रनगर, शिवाजीनगर, पोलीस हेडक्वार्टर्स, केएसआरटीसी क्वॉर्टर्स, त्रिवेणी हॉटेल परिसर, मेटगूड हॉस्पिटल, राणी चन्नम्मा चौक, कॉलेज रोड, काकतीवेस, क्लब रोड, डीसी ऑफिस, कोर्ट कंपाऊड, अलारवाड परिसरातील केएचबी कॉलनी, महालक्ष्मीनगर, आर्मी कॉलनी, केएचबी लेआऊट व या गावातील शेती पंपसेटचा वीजपुरवठा खंडित होणार आहे.

वृद्धाश्रम परिसर, अलारवाड, सुवर्णसौध लाईन १ व २, बसवेश्वर चौक, शहापूर परिसरातील जोशी गल्ली, नार्वेकर गल्ली, आचार्य गल्ली, गाडेमार्ग, गणेशपूर गल्ली, पवार गल्ली, बसवाण गल्ली, सराफ गल्ली, बिच्छू गल्ली परिसर, मारुतीनगर, हरिकाका कंपाऊंड, साई कॉलनी, येडियुराप्पा मार्ग, हलगा रोड या भागात सकाळी ९ ते सायंकाळी ४ पर्यंत वीजपुरवठा खंडित होणार आहे.

• उचगाव, हिंडलगा परिसरात उद्या वीजपुरवठा खंडित

बेळगाव दुरुस्तीच्या कारणास्तव ११० केव्ही उचगाव उपकेंद्रातून वीजपुरवठा होणाऱ्या काही गावांचा वीजपुरवठा रविवार दि. ६ रोजी सकाळी ९ ते १२ यावेळेत खंडित होणार आहे.

बिजगर्णी, बोकमूर, कावळेवाडी, बेळवट्टी, बाकनूर, बेळगुंदी, सोनोली, येळेबैल, राकसकॉप, कुंद्रेमनी, कल्लेहोळ, बेळगुंदी औद्योगिक वसाहत, उचगाव, बसूर्ते, बेकिनकेरे, सुळगा, तुरमुरी, कोनवाडी, वाची, बेनकनहळ्ळी, सावगाव, मंडोळी, हंगरगा, अंगडी महाविद्यालय, गणेशपूर.

हिंडलगा उपकेंद्रावरून वितरण होणाऱ्या हिंडलगा पप हाऊस, गणेशपूर, हिंडलगा, मण्णूर, सरस्वतीनगर, लक्ष्मीनगर, विजयनगर, डिफेन्स कॉलनी, क्रांतीनगर, मारुतीनगर, शिवमनगर, गोजगा, आंबेवाडी व तेथील शेती पंपसेटचा वीजपुरवठा खंडित होणार असल्याचे हेस्कॉम ग्रामीण विभागाने कळविले आहे.

The post शहरातील विविध भागात उद्या वीजपुरवठा खंडित appeared first on News 24 Tass Marathi.

बेळगाव : हेस्कॉमकडून देखभाल व दुरुस्तीची कामे हाती घेण्यात येणार असल्याने सोमवारी (दि. ३ ऑगस्ट) बेळगाव शहरातील विविध भागांचा वीजपुरवठा सकाळी १० ते दुपारी २ वाजेपर्यंत खंडित राहणार आहे.

हेस्कॉमने दिलेल्या माहितीनुसार, आझादनगर, जुने गांधीनगर, दीपक गल्ली, संकम हॉटेल परिसर, बागलकोट रस्ता, जुना पी.बी. रोड, फुलबाग गल्ली, तहसीलदार गल्ली, भांदूर गल्ली, पाटील गल्ली, बसवण कुडची, देवराज अर्स कॉलनी, टी.व्ही. सेंटर, मुख्य बसस्थानक, शेट्टी गल्ली, चव्हाट गल्ली, दरबार गल्ली, जालगार गल्ली, कसाई गल्ली, कीर्ती हॉटेल परिसर, वनखाते कार्यालय परिसर, कोतवाल गल्ली, खडेबाजार, काकतीवेस गल्ली, शनिवार खुट, गोंधळी गल्ली, समादेवी गल्ली, नार्वेकर गल्ली, कचेरी गल्ली, उज्वलनगर, गांधीनगर, अमननगर, एसी मोटर्स परिसर, मारुतीनगर, आझाद गल्ली, टेंगिनकेरी गल्ली, पांगुळ गल्ली आणि भोवी गल्ली या परिसरात वीजपुरवठा बंद राहणार आहे.

दुरुस्तीची कामे वेळेत पूर्ण झाल्यास वीजपुरवठा पूर्ववत करण्यात येईल. संबंधित भागातील नागरिकांनी आवश्यक ती खबरदारी घेऊन सहकार्य करावे, असे आवाहन हेस्कॉमकडून करण्यात आले आहे.

The post बेळगाव शहरातील विविध भागांत उद्या वीजपुरवठा खंडित appeared first on News 24 Tass Marathi.

बेळगाव : उद्योगांच्या सातत्यपूर्ण प्रगतीसाठी अखंडित आणि दर्जेदार वीजपुरवठा अत्यावश्यक असून, तांत्रिक बिघाड किंवा प्रशासकीय कारणांमुळे उद्योजकांना होणारा त्रास तातडीने थांबवावा, असे निर्देश माजी मुख्यमंत्री तथा बेळगावचे खासदार जगदीश शेट्टर यांनी हेस्कॉम अधिकाऱ्यांच्या बैठकीत दिले.

बैठकीत हेस्कॉमच्या अभियंत्यांनी वीजपुरवठ्यात वारंवार व्यत्यय येण्यामागील कारणांचा आढावा सादर केला. ट्रान्सफॉर्मरवर वाढणारा भार, वीजवाहिन्यांवर पडणाऱ्या झाडांच्या फांद्या, वन विभागाच्या मंजुरीस होणारा विलंब, काही उपकेंद्रांचे प्रलंबित आधुनिकीकरण तसेच अंतर्गत तांत्रिक बिघाड यामुळे दुरुस्तीची कामे वेळेत पूर्ण होत नसल्याचे त्यांनी सांगितले.

या स्पष्टीकरणावर नाराजी व्यक्त करत खासदार शेट्टर यांनी तांत्रिक बिघाड झाल्यानंतर तो कमीत कमी वेळेत दूर करून वीजपुरवठा त्वरित पूर्ववत करण्यासाठी सक्षम आणि तत्पर यंत्रणा कार्यरत असणे आवश्यक असल्याचे स्पष्ट केले.

पंतप्रधान नरेंद्र मोदी यांच्या औद्योगिकीकरण आणि आत्मनिर्भर भारताच्या संकल्पनेनुसार कर्नाटक राज्य वीज निर्मितीत स्वयंपूर्ण झाले असले, तरी त्या विजेचे प्रभावी व्यवस्थापन करून उद्योगांना अखंडित वीजपुरवठा करणे तितकेच महत्त्वाचे असल्याचे त्यांनी नमूद केले.

बेंगळुरूनंतर बेळगावातील उद्योगांकडून सर्वाधिक कर, जीएसटी आणि वीजबिलाच्या स्वरूपात मोठे योगदान दिले जाते. त्यामुळे उद्योजकांच्या तक्रारी स्थानिक स्तरावरच तत्काळ निकाली काढल्या गेल्या असत्या, तर हा विषय लोकप्रतिनिधींपर्यंत पोहोचला नसता, अशा शब्दांत त्यांनी अधिकाऱ्यांची कानउघाडणी केली.

उद्योजकांसाठी आवश्यक असलेल्या उपकेंद्रांच्या आधुनिकीकरणास गती देणे, नवीन ट्रान्सफॉर्मर उभारणे, वन विभागाच्या प्रलंबित मंजुरी आणि जमीन अधिग्रहणाशी संबंधित अडचणी तातडीने दूर करण्याच्या सूचनाही त्यांनी दिल्या.

विमानतळासाठी आवश्यक ६० एकर जमीन अधिग्रहणाचा सहा महिन्यांपासून प्रलंबित असलेला प्रश्न एका बैठकीत मार्गी लागल्याचा दाखला देत, त्याच धर्तीवर हेस्कॉमने उद्योजकांसोबत दरमहा समन्वय बैठक घेऊन समस्या सोडवाव्यात, असे त्यांनी सांगितले.

‘इझ ऑफ डुइंग बिझनेस’ ही संकल्पना केवळ कागदोपत्री न राहता प्रत्यक्षात उतरावी. त्यासाठी पुढील दोन ते तीन महिन्यांत ठोस आणि दृश्यमान सुधारणा घडवून आणाव्यात, अशी कडक सूचना खासदार जगदीश शेट्टर यांनी अधिकाऱ्यांना दिली.

The post उद्योगांना अखंडित वीजपुरवठा द्या appeared first on News 24 Tass Marathi.

शहरात शिवाजी रोड, बसवाण गल्ली, देशपांडे गल्ली, धर्मवीर संभाजी चौक, किर्लोस्कार रोड, रामदेव गल्ली, केळकर बाग, कडोलकर गल्ली, हंस टॉकीज रोड, कॅण्टोन्मेंट, जेएल विंग, विजयनगर, ओमकारनगर, इंडाल, केव्हेंपूनगर, विनायकनगर, गणपत गल्ली, मारुती गल्ली, रामलिंगखिंड गल्ली, करिअप्पा कॉलनी, आश्रय कॉलनी, शिवाजी कॉलनी, मुनियार ले आऊट, द्वारकानगर, अयोध्यानगर, गोगटे कॉलनी, कोरे गल्ली, मीरापूर गल्ली, कचेरी गल्ली, हट्टीहोळ गल्ली, रामलिंगवाडी, शास्त्रीनगर पहिला क्रॉस, गांधी उद्यान, शिवाजी उद्यान, हुलबत्ते कॉलनी, कचेरी गल्ली, दाणे गल्ली, एसपीएम रोड, तांगडी गल्ली, रामा मेस्त्री अड्डा, जैन इंजिनीअरिंग, चेंबर ऑफ कॉमर्स, जनेश्र्वर इंडस्ट्रीज, राणी चन्नमानगर पहिला व दुसरा क्रॉस, बुडा लेआऊट, सुभाषचंद्रनगर, उत्सव हॉटेल, तिसरे रेल्वे गेट, वसंत विहार कॉलनी, उद्यमबाग पोलिस स्थानक परिसर, अनगोळ परिसर, यरमाळ रोड, माणिकबाग, देशपांडे हॉल, पृथ्वी मेटल, कामाक्षी इंजीनीअरिंग, मारुती मेटल, निर्मन नेतलकर, अशोक आयर्न, हिंदुस्थान इंजिनीअरिंग, दामोदर कंपाउंड, दोड्डण्णावर कंपाउंड, अरुण इंजिनीअर्स, एन. आर. पटेल कंपाउंड, शिवाजी हॉटेल, राघवेंद्र हॉटेल, गृहलक्ष्मी परिसर, जीआयटी कॉलेज, राजारामनगर, महावीरनगर, खानापूर रस्ता, मच्छे रस्ता, पाटील माळ, राघवेंद्र हॉटेल परिसर, सुखशांती हॉटेल, गुरुप्रसादनगर, कावेरी कॉलनी, पार्वतीनगर, भवानीनगर, राजीव गांधीनगर, नित्यानंद कॉलनी, गोडसेवाडी, बी. के. फौंड्री, विश्वकर्मा कॉलनी, जैतनमाळ परिसर, ऑटोनगर, कणबर्गी, रामतीर्थनगर, मारुतीनगर, काकती, मुत्यानट्टी, बसवन कुडची, नेहरुरस्ता पहिला क्रॉस, आगरकर रोड दुसरा क्रॉस, पावर हाउस, राणा प्रताप रोड, रेल्वेगेट खानापूर रोड, सराफ गल्ली, आरपीडी, सोमवार पेठ, मंगळवार पेठ, बुधवार पेठ, गुरुवार पेठ, शुक्रवार पेठ, महावीरनगर, वड्डर गल्ली, इंद्रप्रस्थनगर, सर्वोदय हॉस्टेल, गुड्‌स शेड रोड, मराठा कॉलनी, एस. जी. कॉलनी पहिले गेट, टिळक चौक, शिवभवन या भागात रविवारी सकाळी ९ ते सायंकाळी ५ या वेळेत वीजपुरवठा ठप्प होणार आहे.

बेळगाव तालुक्यात मुचंडी, अष्टे, मारीहाळ, करडीगुद्दी, पंतबाळेकुंद्री, बाळेकुंद्री, होन्याळ, मावीनकट्टी, तारीहाळ, चंदनहोसूर, सांबरा, मुतगा, सुळेभावी, पंतनगर, मोदगा, खणगाव, चंदूर, चंदगड, गुंजेनट्टी, केदनूर, मण्णीकेरी, हंदिगनूर, चलवेनट्टी, म्हाळेनट्टी, अतवाड, बोडक्यानट्टी, कुरीहाळ, कट्टणभावी, निंग्यानट्टी, गुडगेनट्टी, गौंडवाड, कडोली, अगसगा, जाफरवाडी, हिंडलगा, कंग्राळी के. एच. अलतगा, आंबेवाडी या गावात रविवारी दिवसभर वीजपुरवठा खंडीत होणार आहे. ग्राहकांनी सहकार्य करावे, असे आवाहन करण्यात आले आहे.

The post बेळगाव शहर, तालुका आणि औद्योगिक वसाहतीत उद्या दिवसभर वीजपुरवठा खंडित appeared first on News 24 Tass Marathi.

बेळगाव : वीज जोडणी कामाचे अंदाजपत्रक तयार करून देण्यासाठी २५ हजार रुपयांची लाच स्वीकारताना हेस्कॉमचा शाखा अधिकारी लोकायुक्तांच्या जाळ्यात अडकला. मुडलगी तालुक्यातील कल्लोळी येथील हेस्कॉम शाखा अधिकारी मारुती मेटी याला बेळगाव लोकायुक्त पोलिसांनी रंगेहाथ पकडून अटक केली आहे.

तुक्कानट्टी गावातील रहिवासी आणि वर्ग-१ विद्युत कंत्राटदार प्रीती बागी यांच्या वतीने तीन ठिकाणांची पाहणी करून अंदाजपत्रक तयार करण्यासाठी मारुती मेटी याने २५ हजार रुपयांची मागणी केली होती. लाच देण्यास नकार देत तक्रारदाराने २७ फेब्रुवारी २०२६ रोजी बेळगाव लोकायुक्त पोलीस ठाण्यात तक्रार दाखल केली होती.

या तक्रारीची पडताळणी केल्यानंतर लोकायुक्त पोलीस अधीक्षक प्रसन्न देसाई यांच्या मार्गदर्शनाखाली निरीक्षक संगमनाथ एच. होसमानी यांच्या नेतृत्वाखाली विशेष पथकाने सापळा रचला. त्यामध्ये आरोपी अधिकारी लाचेची रक्कम स्वीकारताना रंगेहाथ पकडण्यात आला.

लोकायुक्त पोलिसांनी आरोपीविरुद्ध भ्रष्टाचार प्रतिबंधक कायद्यान्वये गुन्हा दाखल केला असून त्याला न्यायालयात हजर करण्यात आले. सध्या आरोपी न्यायालयीन कोठडीत असल्याची माहिती पोलिसांनी दिली.

The post लाचखोर हेस्कॉम अधिकारी लोकायुक्तांच्या जाळ्यात appeared first on News 24 Tass Marathi.

बाजार गल्ली, राणी चन्नम्मा नगर पहिला क्रॉस दुसरा क्रॉस,बुडा लेआउट, सुभाष चंद्र नगर, उत्सव हॉटेल, तिसरी रेल्वे गेट, वसंत विहार कॉलनी, वडगाव विष्णू गल्ली, धामणे रोड,कलमेश्वर रोड,देवांग नगर पहिला आणि दुसरा क्रॉस,वझे गल्ली, रयत गल्ली, मलप्रभा नगर, कल्याण नगर, तेग्गीन गल्ली, वड्डर छावणी, ढोर गल्ली, जुने बेळगाव गणेश पेठ, कुलकर्णी गल्ली, रेणुका नगर, देवांग नगर, बस्ती गल्ली होसुर, कपिलेश्वर कॉलनी, महावीर कॉलनी, समर्थ नगर, ओम नगर, पाटील गल्ली, हिंदवाडी सुभाष मार्केट, आर के मार्ग, हिंदवाडी कार्पोरेशन कॉम्प्लेक्स, अथर्व टॉवर, आरपीडी रोड, भाग्यनगर दहावा क्रॉस, रानडे कॉलनी पहिला व दुसरा क्रॉस, सर्वोदय रोड, महावीर गार्डन आणि आसपास परिसर, आनंदवाडी, विद्यानगर,अनगोळ वडगाव मेन रोड, सह्याद्री कॉलनी, पारिजात कॉलनी, साई श्रद्धा कॉलनी, अनगोळचा काही भाग केशवनगर, येळ्ळूर रोड या परिसरात वीजपुरवठा खंडित होणार असल्याचे हेस्कॉम ने कळविले आहे.

The post बेळगाव शहरातील विविध भागात उद्या वीज पुरवठा खंडित appeared first on News 24 Tass Marathi.