पर्यावरण दिनानिमित्त दीपा देशपांडे यांचे पर्यावरण व बागेची काळजी यावर प्रात्यक्षिक व्याख्यान आयोजित करण्यात आले होते.त्यांनी पर्यावरण संवर्धन व वृक्ष संरक्षण या विषयावर खुपच सुंदर माहिती सांगितली. एका व्यक्तीमागे जवळजवळ अठ्ठावीस झाडे असे प्रमाण असल्यावर पर्यावरण सुरक्षित राहील. आता सध्या असे प्रमाण नाहीच.त्यामुळेच पर्यावरण धोक्यात आहे. खुपच कठीण परिस्थिती आहे. प्रत्येक व्यक्तीने कमीत कमी दोन झाडे लावून ती व्यवस्थित जगवली तरी निसर्ग अबाधित राहील. सर्वांचे आरोग्यही उत्तम राहील. असे त्यांनी सांगितले. रोप कसे लावायचे, त्याची निगा कशी राखायची, कोणती झाडे आपण घराभोवती लावू शकतो, खत कसे वापरायचे, घरातील ओला कचरा वापरून खत कसे तयार करायचे, गोमुत्रापासुन जीवामृत लिक्विड खत कसे तयार करायचे याचे प्रात्यक्षिक करून दीपाताईंनी खुपच सुंदर माहिती सांगितली. प्लास्टिकचा वापर टाळा, बाहेर पडताना जवळ कापडी पिशवी नक्की बाळगा, असे केल्यास पर्यावरण हानी रोखण्यास आपला थोडा हातभार लागेल असे त्यांनी आवर्जून सांगितले. त्यांच्या या व्याख्यानाने ज्ञानात भर पडली. समारोपात अस्मिता आळतेकर यांनी आभार मानले.

The post मिरज माहेर मंडळाच्या वतीने पर्यावरण दिन साजरा appeared first on News 24 Tass Marathi.

बालवीर विद्यानिकेतनमध्ये प्राथमिक विभागाच्या मुख्याध्यापिका रेखा शहापूरकर यांच्या अध्यक्षतेखाली पर्यावरण दिन संपन्न झाला. यावेळी कार्यक्रमाला प्रमुख अतिथी म्हणून तेजल पाटील,एस. एन. जाधव, गोविंद गावडे आदी व्यासपीठावर उपस्थित होते. कार्यक्रमाची सुरुवात इयत्ता सातवीच्या विद्यार्थिनींच्या स्वागत गीताने झाली. परिसर हा आपल्या जीवनातील एक महत्त्वाचा भाग असून त्याचे संरक्षण करणे हे आपल्या सर्वांचे कर्तव्य आहे ते आपण सर्वांनी पार पाडले पाहिजे त्यासाठी आपण सर्वांनी एक तरी झाड लावूया आणि त्याचे संगोपन करून पर्यावरणाचा समतोल राखूया असा संदेश प्रमुख अतिथी तेजल पाटील यांनी उपस्थित विद्यार्थ्यांना दिला त्यानंतर शाळेच्या आवारात प्रमुख अतिथींच्या हस्ते वृक्षारोपण करण्यात आले कार्यक्रमाला शाळेतील सर्व शिक्षक व विद्यार्थी उपस्थित होते कार्यक्रमाचे सूत्रसंचालन रितेश गवंडी या विद्यार्थ्याने केले तर आभार अक्षरा गुरव या विद्यार्थिनींनी मानले.

The post बालवीर विद्यानिकेतन मध्ये पर्यावरण दिन साजरा appeared first on News 24 Tass Marathi.

बेळगाव जिल्हा माजी सैनिक संघटना फेडरेशन आणि इंडियन रेडक्रॉस सोसायटी यांच्या संयुक्त विद्यमाने जागतिक पर्यावरण दिनाचे औचित्य साधून न्यायालय परिसरात पर्यावरण जागृती आणि मोफत रोपे वाटप कार्यक्रम आयोजित करण्यात आला होता. त्याचाच एक भाग म्हणून न्यायालयाच्या आवारात वृक्षारोपण करून मोफत रोपे वाटण्यात आली.

यावेळी वनसंवर्धन करून देश वाचवण्याकरिता , प्रत्येक घरासाठी एक झाड, प्रत्येक गावासाठी एक जंगल अशा घोषणा देण्यात आल्या. जागतिक पर्यावरण दिनाच्या कार्यक्रमाचे उद्घाटन इंडियन रेडक्रॉस सोसायटी, बेळगाव चेअरमन डॉ. एस. बी. कुलकर्णी यांनी केले. 

याप्रसंगी प्रसारमाध्यमांशी बोलताना माजी सैनिक गणपत देसाई म्हणाले की, लोकांनी पावसाचे पाणी साठवावे आणि रोपे लावून त्यांचे संवर्धन करून आपल्या घराचे वातावरण स्वच्छ ठेवावे. जनतेला वाटण्यासाठी विविध प्रकारची ३०० रोपे आणली आहेत. त्यांनी ती घरी न्यावीत आणि त्यांचे संगोपन करून पर्यावरणाचे रक्षण करावे अशी विनंती त्यांनी केली.

या कार्यक्रमाला अप्पर जिल्हाधिकारी विजयकुमार होनकेरी, इंडियन रेडक्रॉस सोसायटीचे बेळगाव जिल्हा शाखेचे अध्यक्ष डॉ. एस. बी. कुलकर्णी, विकास कलघटगी, व्यवस्थापकीय समिती सदस्य कर्नाटक राज्य शाखा बंगलोर, श्रीमती प्रिया पुराणिक माननीय कोषाध्यक्ष आणि माजी खजिनदार लेफ्टनंट कर्नल (निवृत्त) श्रीमती विनोदिनी शर्मा यांच्यासह बेळगाव जिल्हा माजी सैनिक संघटना आणि इंडियन रेडक्रॉस सोसायटीचे पदाधिकारी, बेळगाव ग्रामीण भाजपचे अध्यक्ष सुभाष पाटील यांच्यासह वकील आणि इतर मान्यवर उपस्थित होते.

The post माजी सैनिक संघटना आणि रेडक्रॉस सोसायटीच्यावतीने जागतिक पर्यावरण दिन साजरा appeared first on News 24 Tass Marathi.