बेळगाव / प्रतिनिधी

जात सर्वेक्षणाच्या प्रक्रियेदरम्यान शालेय विद्यार्थ्यांचा अभ्यासात खंड पडू नये, यासाठी योग्य उपाययोजना करण्याचे निर्देश खासदार जगदीश शेट्टर यांनी दिले. ते जिल्हा विकास समन्वय आणि पर्यवेक्षण समिती (दिशा) बैठकीत बोलत होते.

खासदार शेट्टर म्हणाले, “जात सर्वेक्षणाची मुदत वाढल्यामुळे शाळांच्या सुट्ट्यांमध्ये वाढ झाली आहे. त्यामुळे विद्यार्थ्यांचा अभ्यासक्रम मागे पडत असून शैक्षणिक नुकसान होत आहे.”

यावर जिल्हा शिक्षणाधिकारी (डीडीपीआय) लीलावती हिरेमठ यांनी सांगितले की, सर्वेक्षणात प्राथमिक शिक्षकांचा ९८ टक्के वापर करण्यात आला आहे. फक्त शहरी भागात माध्यमिक शिक्षकांची मदत घेतली गेली असून विद्यार्थ्यांच्या हितासाठी सकाळी ९ ते दुपारी १ वाजेपर्यंत विशेष वर्ग आयोजित केले जात आहेत.

खासदार शेट्टर यांनी विद्यार्थ्यांच्या शैक्षणिक सोयीसाठी आणखी उपाययोजना करण्याची सूचना केली. शिक्षण विभागाच्या अधिकाऱ्यांनीही प्राथमिक शिक्षकांसोबत इतर विभागातील कर्मचाऱ्यांनाही सर्वेक्षणासाठी नियुक्त केल्याचे स्पष्ट केले.

दरम्यान, बीआयएमएस सुपर स्पेशालिटी हॉस्पिटलमध्ये केएलईच्या डॉक्टरांकडून सध्या तात्पुरती सेवा दिली जात असल्याचे जिल्हा आरोग्य अधिकारी (डीएचओ) गडाद यांनी सांगितले. त्यांनी कायमस्वरूपी डॉक्टर व कर्मचाऱ्यांची नियुक्ती करावी, अशी मागणी केली.

या संदर्भात मुख्य कार्यकारी अधिकारी राहुल शिंदे यांनी माहिती दिली की, हॉस्पिटलच्या उद्घाटनावेळी ही बाब मुख्यमंत्र्यांच्या निदर्शनास आणून देण्यात आली असून टप्प्याटप्प्याने भरतीची प्रक्रिया सुरू होणार आहे.

बैठकीला चिक्कोडीच्या खासदार प्रियंका जारकीहोळी, अधिकारी आणि समिती सदस्य उपस्थित होते.

The post जात सर्वेक्षणादरम्यान विद्यार्थ्यांचे शैक्षणिक नुकसान टाळावे appeared first on News 24 Tass Marathi.

बेळगाव / प्रतिनिधी

कर्नाटक सरकारतर्फे २२ सप्टेंबरपासून राज्यात जातनिहाय जनगणना सुरू झाली आहे. या पार्श्वभूमीवर मराठा समाजातील नागरिकांनी जनगणना फॉर्म भरताना धर्म – हिंदू, जात – मराठा, उपजात – कुणबी आणि मातृभाषा – मराठी असा तपशील नोंदवावा, याबाबत सकल मराठा समाजातर्फे जनजागृती मोहीम राबवली जात आहे.

या मोहिमेअंतर्गत समाजसेविका माधुरी जाधव पाटील यांनी शहर व उपनगरातील श्री दुर्गामाता महिला मंडळांना भेट देऊन महिलांना जनगणना प्रक्रियेची सविस्तर माहिती दिली. त्यांनी फॉर्म अचूक कसा भरावा, कोणत्या बाबींकडे विशेष लक्ष द्यावे याबाबत मार्गदर्शन केले.

यावेळी कनका कोकणकर, अश्विनी लाड, प्रियंका जाधव, संजना सातेरी, सुचित्रा सुतार, धनश्री कोरगावकर, रेखा धामणेकर, सुमित्रा कणबर्गी, अश्विनी बेडरे, गंगा पाटील, चंद्रकला परब आदी महिला कार्यकर्त्या उपस्थित होत्या.

The post दुर्गामाता महिला मंडळांमध्ये जातनिहाय जनगणनेबाबत जनजागृती appeared first on News 24 Tass Marathi.

The post जातनिहाय जणगणनेबाबत जनजागृतीसाठी सकल मराठा समाजातर्फे आज वडगाव येथे बैठक appeared first on News 24 Tass Marathi.

याप्रसंगी मराठा समाजाचे नेते विनय कदम यांच्या नेतृत्वाखाली पश्चिम बेळगावातील शेकडो कार्यकर्ते पायी चालत आंध्र प्रदेशातील तिरुपती तिरूमला देवस्थान येथे पोहोचले.

यावेळी बेळगाव तालुका मराठा संघटनेचे अध्यक्ष संजय पाटील, श्री वारकरी सेवा प्रतिष्ठानचे अध्यक्ष परशराम तुप्पट, आर.आर. चौगुले यांच्यासह अनेक कार्यकर्त्यांनी सामूहिक दर्शन घेऊन कर्नाटकातील मराठा समाजाला ‘२ए’ प्रवर्गात आरक्षण मिळावे, यासाठी साकडे घातले.

The post कर्नाटकातील मराठा समाजाच्या ‘२ए’ आरक्षणासाठी तिरुपतीला साकडे ! appeared first on News 24 Tass Marathi.

मराठा समाजाला आरक्षण मिळावे यासाठी उपोषण करणाऱ्या मनोज जरांगे – पाटील यांच्या मुंबई येथील आंदोलनाला अभूतपूर्व यश मिळाल्याबद्दल सकल मराठा समाज बेळगावतर्फे बुधवारी सकाळी शहरातील धर्मवीर छ. संभाजी महाराज चौकामध्ये आनंदोत्सव साजरा करण्यात आला. मराठा समाजाला आरक्षण मिळावे या मागणीसाठी मुंबई येथे मनोज जरांगे – पाटील यांनी सुरू केलेल्या उपोषणाला काल मंगळवारी यश आले असून महाराष्ट्र राज्य सरकारने त्यांच्या मागण्या मान्य केल्या आहेत. त्यामुळे संपूर्ण महाराष्ट्रातील मराठा समाजाबरोबरच आज बेळगाव मधील सकल मराठा समाजाच्यावतीने आनंदोत्सव साजरा करण्यात आला.

शहरातील असलेल्या मुख्य धर्मवीर चौक छ.संभाजी महाराज चौकातील महाराजांच्या मूर्तीला आज बुधवारी सकाळी पुष्पहार अर्पण करून अभिवादन करण्याद्वारे, तसेच फटाक्यांची आतिषबाजी आणि मिठाईचे वाटप करून हा आनंद उत्सव साजरा करण्यात आला. मराठा समाज बेळगावचे प्रमुख नेते माजी महापौर मालोजीराव अष्टेकर, सकल मराठा समाज समन्वयक प्रकाश मरगाळे, गुणवंत पाटील रमाकांत कोंडुसकर, रणजीत चव्हाण-पाटील आदींनी छ. संभाजी महाराज यांच्या मूर्तीला पुष्पहार अर्पण करून नमन केले. यावेळी उपस्थित सकल मराठा समाजाचे सर्व पदाधिकारी आणि असंख्य समाज बांधवांनी छ. शिवाजी महाराज की जय, धर्मवीर छ. संभाजी महाराज की जय, जय भवानी जय शिवाजी, एक मराठा लाख मराठा वगैरे घोषणा देऊन चौक दणाणून सोडला होता.

The post बेळगावात आरक्षण यशाबद्दल मराठा समाजातर्फे विजयोत्सव साजरा appeared first on News 24 Tass Marathi.

मुंबई येथे श्री मनोज जरांगे पाटील यांच्या नेतृत्वाखाली मराठा आरक्षणाच्या मोर्चा पाठिंबा देऊन प्रत्यक्षात मोर्चात सहभागी होण्यासाठी बेळगाव येथून सकल मराठा समाज व मराठा क्रांती मोर्चा शिष्टमंडळ आज दि. ३१ ऑगस्ट २०२५ रोजी मुंबईला रवाना झाले. उद्या दि. १ ऑगस्ट २०२५ रोजी मुंबई येथे मोर्चा स्थळी श्री. मनोज जरांगे पाटील यांना सकल मराठा समाज व मराठा क्रांती मोर्चाच्या वतीने पाठिंबाचे पत्र देण्यात येणार आहे. या शिष्टमंडळात महाराष्ट्र एकीकरण समितीचे रमाकांत कोंडुस्कर, मा.नगरसेवक राजू बिरजे, मोतेश बारदेशकर, अनंत पाटील, कृष्णा पन्हाळकर, अजय खलाटे पाटील, शिवम पन्हाळकर, राजेंद्र बैलूर, विनायक बिरजे, ओमकार पन्हाळकर, गणेश शिंदोळकर आदी आहेत. याप्रसंगी अंकुश केसरकर, चंद्रकांत कोंडुसकर, प्राचार्य आनंद आपटेकर, राजकुमार मोरे उपस्थित होते.

The post बेळगाव सकल मराठा समाजाचे शिष्टमंडळ मुंबईला रवाना appeared first on News 24 Tass Marathi.

महाराष्ट्रात मराठा समाजाला आरक्षण मिळावे यासाठी मनोज जरांगे पाटील यांनी सुरू केलेल्या आंदोलनाला पाठिंबा देण्यासाठी,आज रविवारी बेळगावात सकल मराठा समाजातर्फे मूक मोर्चाचे आयोजन करण्यात आले होते. या मोर्चाला बेळगाव परिसरातील मराठा बंधू-भगिनींनी उत्स्फूर्त प्रतिसाद दर्शविला.

प्रारंभी छत्रपती शिवाजी महाराज उद्यान येथे छत्रपती शिवरायांच्या मूर्तीचे पूजन करून मोर्चाला सुरुवात झाली. त्यानंतर एसपीएम रोड, कपिलेश्वर उड्डाणपूल, शनी मंदिर, हेमू कलानी चौक, रामलिंग खिंड गल्ली मार्गे, धर्मवीर संभाजी चौक येथे मोर्चाची सांगता झाली.

पूर्वी मराठी समाज इतरांची सेवा करत असे. मात्र, आता त्यांना सर्व क्षेत्रात संधींपासून वंचित ठेवले जात आहे. तेव्हा सद्यस्थितीत मराठा समाजासाठी आरक्षण देखील आवश्यक आहे. केंद्र आणि महाराष्ट्रातील भाजप सरकारने तातडीने विधानसभेचे अधिवेशन बोलावावे आणि मद्रास आणि पंजाबप्रमाणे आरक्षण वाढवावे अशी मागणी सकल मराठा समाजाचे संयोजक प्रकाश मरगाळे यांनी केली. तसेच आजच्या मोर्चाला मराठा बांधवांनी उत्स्फूर्त प्रतिसाद दर्शविल्याबद्दल समाधान व्यक्त केले.

तर रमाकांत कोंडुसकर म्हणाले की, मराठा समाज आज भूमिहीन आहे. शेतकरी संकटात आहेत. मराठा समाजाला आरक्षण दिले तर ते समाजातील गरीब वर्गासाठी चांगले होईल. गरीब मुलांना शैक्षणिक क्षेत्रात फायदा होईल. मराठा समाज इतरांचे हक्क मागत नाही. आम्ही आमचे हक्क मागत आहोत, असे त्यांनी सांगितले.

मराठा समाजाने नेहमीच दलितांना पाठिंबा दिला आहे. आता दलित समाज आरक्षणासाठी मराठा समाजाला पाठिंबा देत आहे. दलित नेते महांतेश तलवार म्हणाले की, गरिबांचे राहणीमान सुधारण्यासाठी आरक्षण देणे आवश्यक आहे. यावेळी ॲड. अमर यळ्ळूरकर यांनी आरक्षणाचे महत्त्व आणि स्वरूप याबद्दल माहिती दिली आणि सांगितले की, मराठा समाजाच्या आरक्षणासाठी लढणाऱ्या मनोज जरांगे पाटील यांना आम्ही पाठिंबा देतो. मराठा समाजाच्या आरक्षणासाठी महाराष्ट्रातील मुंबईत आंदोलन करणाऱ्या देशभर आंदोलन करणाऱ्या मनोज जरांगे पाटील यांना बेळगावच्या महाराष्ट्र एकीकरण समिती आणि संपूर्ण मराठा समाजाचा पाठिंबा आहे, असे सागर पाटील म्हणाले.

आजच्या मूक मोर्चात बेळगाव शहर उपनगर आणि ग्रामीण भागातील मराठा समाजातील बंधू-भगिनींनी बहुसंख्येने सहभागी झाले होते.

The post बेळगावातील सकल मराठा समाजाच्या मोर्चाला उत्स्फूर्त प्रतिसाद appeared first on News 24 Tass Marathi.

बेळगाव / प्रतिनिधी

मराठा समाजाच्या आरक्षणासाठी मनोज जरांगे पाटील यांनी मुंबईत आंदोलन सुरू केले आहे. मनोज जरांगे पाटील यांच्या आंदोलनाला बेळगावातील मराठा समाजाने समर्थन दर्शविले आहे. तसेच या आंदोलनाला पाठिंबा देण्यासाठी उद्या रविवार दि. ३१ ऑगस्ट रोजी सकाळी ११ वाजता छत्रपती शिवाजी उद्यान येथून धर्मवीर संभाजी चौकपर्यंत मूक मोर्चा काढला जाणार आहे. या मोर्चात मराठा आणि मराठी भाषिक नागरिकांनी बहुसंख्येने सहभागी व्हावे असे आवाहन सकल मराठा समाजाच्यावतीने करण्यात आले आहे.

या पार्श्वभूमीवर शुक्रवार दि. २९ ऑगस्ट रोजी शंभू जत्तीमठ येथे मराठा समाजाची बैठक घेण्यात आली. या बैठकीमध्ये मराठा समाजाला आरक्षण मिळालेच पाहिजे, अशी ठाम भूमिका मांडण्यात आली. मराठा समाज हा आर्थिक व शैक्षणिकदृष्ट्या मागास आहे. महाराष्ट्रासह बेळगावमध्येही मराठा समाजाची हीच परिस्थिती आहे. महाराष्ट्रात झालेल्या मराठा मोर्चांवेळी बेळगावच्या मराठा समाजाला सामावून घेण्यात आले होते. त्यामुळे मुंबई येथे सध्या सुरू असलेल्या मराठा योद्धा मनोज जरांगे-पाटील यांच्या आंदोलनाला पाठिंबा दर्शविण्यात आला.

मनोज जरांगे-पाटील यांच्या आंदोलनाला पाठिंबा दर्शविण्यासाठी बेळगावमधील एक शिष्टमंडळ मुंबई येथे जाण्यासंदर्भात प्राथमिक चर्चा करण्यात आली. बेळगावमधील मोर्चा झाल्यानंतर मुंबईला जाण्याचा विचार केला जाणार आहे. तसेच ओबीसींना आरक्षण देतेवेळी मराठा समाजाने पूर्णपणे सहकार्य केले होते. तसेच सहकार्य ओबीसी समाजाने आता मराठा समाजाला करावे, कोणीही मराठा समाजावर आगपाखड करण्याचा प्रयत्न करू नये, असे सांगण्यात आले.
बैठकीदरम्यान प्रकाश मरगाळे, मालोजी अष्टेकर, रणजीत चव्हाण-पाटील, रमाकांत कोंडूसकर, मोतेश बार्देशकर, डी. बी. पाटील, अनिल आमरोळे, आनंद आपटेकर, नेताजी जाधव, संजय मोरे, अनिल पाटील, शिवराज पाटील, विलास घाडी यासह इतरांनी मार्गदर्शन केले. यावेळी एम. वाय. घाडी, बाबू कोले, दत्ता उघाडे, महेश जुवेकर, सुनील जाधव, रावजी पाटील यांच्यासह मोठ्या संख्येने कार्यकर्ते उपस्थित होते.

The post मुंबईतील मराठा आरक्षणाच्या समर्थनार्थ बेळगावात उद्या मूक मोर्चा appeared first on News 24 Tass Marathi.