बेळगाव / प्रतिनिधी

महाराष्ट्र–कर्नाटक सीमाप्रश्नासंदर्भात प्रलंबित असलेल्या प्रकरणावर तातडीने लक्ष देण्यात यावे, यासाठी मध्यवर्ती महाराष्ट्र एकीकरण समितीच्या शिष्टमंडळाने उपमुख्यमंत्री एकनाथ शिंदे यांची भेट घेऊन उच्चाधिकार समितीची बैठक त्वरित आयोजित करण्याची मागणी केली आहे. ९९ व्या अखिल भारतीय मराठी साहित्य संमेलनानिमित्त सातारा येथे आले असताना ही भेट घेण्यात आली.

सर्वोच्च न्यायालयात सीमाप्रश्नाची सुनावणी २१ जानेवारी २०२६ रोजी होणार असून, त्या पार्श्वभूमीवर शासनाने आवश्यक पूर्वतयारी करणे अत्यंत गरजेचे असल्याचे शिष्टमंडळाने निदर्शनास आणून दिले. वरिष्ठ वकिलांसोबत चर्चा, आवश्यक कागदपत्रे, साक्षीदारांची शपथपत्रे आणि एकूणच न्यायालयीन रणनिती ठरवण्यासाठी तातडीने बैठक घेण्याची आवश्यकता असल्याचे सांगण्यात आले.

गेल्या दीर्घकाळापासून महाराष्ट्र शासनाकडून सीमाप्रश्नाबाबत ठोस भूमिका दिसून येत नसल्यामुळे बेळगावसह सीमाभागात असंतोष वाढत असल्याची बाबही यावेळी मांडण्यात आली. याउलट कर्नाटक सरकार या मुद्द्यावर आक्रमक पवित्रा घेत असल्याने परिस्थिती अधिक गंभीर होत असल्याचे शिष्टमंडळाने स्पष्ट केले.

सीमा समन्वयक मंत्री शंभूराज देसाई यांच्या पुढाकारातून ही भेट घडून आली. या प्रसंगी मध्यवर्ती महाराष्ट्र एकीकरण समितीचे प्रकाश मरगाळे, विनोद अंबेवाडीकर, मारुती मरगाणाचे, सतीश देसाई, महादेव मंगणाकर, बाबु कोले, सुहास हुद्दार, निरंजन सरदेसाई, उमेश पाटील, शुभम हंडे यांच्यासह अन्य पदाधिकारी उपस्थित होते.

The post सीमाप्रश्नी तातडीने उच्चाधिकार समितीची बैठक घ्यावी appeared first on News 24 Tass Marathi.

दि. १ ते ४ जानेवारी दरम्यान सातारा येथे हे साहित्य संमेलन पार पडणार असून शनिवारी (दि. ३ जानेवारी) दुपारी आयोजित कवी कट्टा कविसंमेलनात शब्दगंध कवी मंडळ संघाचे कवी आपल्या कविता रसिकांसमोर सादर करणार आहेत.

या कविसंमेलनासाठी कडोली येथील ज्येष्ठ कवी व शब्दगंध कवी मंडळ संघाचे माजी अध्यक्ष बसवंत शहापूरकर, शब्दगंधचे सचिव कवी सुधाकर गावडे, कवी चंद्रशेखर गायकवाड तसेच कुद्रेमानी येथील कवी शिवाजी शिंदे यांची निवड झाली आहे. हे सर्व कवी आपल्या सशक्त शब्दशैली, सामाजिक जाणिवा आणि साहित्यिक योगदानासाठी परिचित आहेत.

९९ वे अखिल भारतीय मराठी साहित्य संमेलन हे शतकपूर्व साहित्य संमेलन म्हणून विशेष महत्त्वाचे मानले जात असून, अशा ऐतिहासिक संमेलनात बेळगावातील कवींचा सहभाग हा संपूर्ण बेळगाव जिल्ह्यासाठी गौरवास्पद ठरत आहे. या निवडीमुळे बेळगावच्या साहित्यिक परंपरेचा राष्ट्रीय स्तरावर ठसा उमटणार आहे.

शब्दगंध कवी मंडळ संघाच्या वतीने निवड झालेल्या सर्व कवींवर अभिनंदनाचा वर्षाव होत असून, त्यांच्या कवितांना साताऱ्यातील रसिकांचा भरभरून प्रतिसाद मिळेल, असा विश्वास साहित्यप्रेमींनी व्यक्त केला आहे.

The post सातारा साहित्य संमेलनात शब्दगंध कवी मंडळ संघाच्या कवींची निवड appeared first on News 24 Tass Marathi.

शालिनीताई पाटील गेल्या काही महिन्यांपासून आजारी होत्या. त्यांच्यावर घरीच उपचार सुरू होते. प्रकृती खालावत गेल्यानंतर आज त्यांचे निधन झाले. त्यांच्या पश्चात एक मुलगा, सून, दोन मुली, जावई आणि नातवंडे असा मोठा परिवार आहे. त्यांच्या पार्थिवावर उद्या सातारा जिल्ह्यातील कोरेगाव तालुक्यातील मूळगावी अंत्यसंस्कार करण्यात येणार असल्याची माहिती कुटुंबियांनी दिली आहे.

सत्यशोधक विचारांचे प्रणेते ज्योतिजीराव फाळके-पाटील यांच्या त्या कन्या होत. त्यांनी कायद्याचे शिक्षण घेऊन वकिलीची पदवी प्राप्त केली होती. वसंतदादा पाटील यांच्याशी विवाहानंतर त्या सक्रिय राजकारणात सहभागी झाल्या.

सन १९८० मध्ये तत्कालीन मुख्यमंत्री बॅरिस्टर ए. आर. अंतुले यांच्या नेतृत्वाखालील काँग्रेस सरकारमध्ये त्यांनी महसूल मंत्री म्हणून काम केले. मात्र, आपल्या आक्रमक भूमिकेमुळे १९८१ मध्ये अंतुले यांच्याशी मतभेद झाल्यानंतर त्यांनी मंत्रीपदाचा राजीनामा दिला. ही घटना त्या काळातील राजकारणातील मोठा भूकंप मानली जाते.

शालिनीताई पाटील यांनी सांगली लोकसभा मतदारसंघाचे प्रतिनिधित्व केले असून, १९९९ ते २००९ या कालावधीत त्या सातारा जिल्ह्यातील कोरेगाव विधानसभा मतदारसंघातून आमदार म्हणून निवडून आल्या होत्या. सन २००९ मध्ये त्यांनी ‘क्रांतिसेना महाराष्ट्र’ हा स्वतंत्र पक्ष स्थापन केला, मात्र त्याला अपेक्षित प्रतिसाद मिळाला नाही. त्यानंतर त्यांनी पुन्हा काँग्रेसमध्ये प्रवेश केला.

ओबीसी आरक्षणाच्या केंद्र सरकारच्या निर्णयावर त्यांनी उघडपणे टीका केली होती. आर्थिक निकषावर आधारित आरक्षणाची भूमिका त्यांनी ठामपणे मांडली होती. तसेच मराठा आरक्षणासाठीही त्यांनी सातत्याने आवाज उठवला होता.

ज्येष्ठ, स्पष्टवक्त्या आणि संघर्षशील नेत्या म्हणून शालिनीताई पाटील यांचे महाराष्ट्राच्या राजकारणात विशेष स्थान होते. त्यांच्या निधनाने राज्याच्या राजकीय व सामाजिक क्षेत्रात शोककळा पसरली आहे.

The post काँग्रेसच्या ज्येष्ठ नेत्या , माजी मंत्री शालिनीताई पाटील यांचे निधन appeared first on News 24 Tass Marathi.