ऑक्सफॅम या सेवाभावी संस्थेच्या भारतीय विभागाचे प्रमुख म्हणून त्यांनी काम केले होते. देशभरातील असंख्य हस्तकलाकार, स्वयंसेवी संस्था आणि महिला संघटनांना नियमित आर्थिक मदत तसेच प्रशिक्षणासाठी सहाय्य केले.

यानंतर ते फॅब इंडिया खादी संस्थेच्या संचालक मंडळाचे सदस्य होते. विविध राज्यांतील खादी, हातमाग आणि हस्तकलाकारांच्या उत्पादनांना ब्रँडिंग व आधुनिक डिझाईन उपलब्ध करून देण्यासाठी त्यांनी काम केले. तसेच उत्पादकांना भारतासह परदेशातील बाजारपेठ विस्तारण्यासाठी मदत केली. गेल्यावर्षी त्यांनी बेंगळुरू विद्यापीठाच्या परिसरात कर्नाटकातील मेंढपाळ तसेच लोकरीची वस्त्रे तयार करणाऱ्या समुदायांना आपल्या उत्पादनांचे प्रदर्शन करता यावे, यासाठी महिनाभराचे ‘लिव्हिंग लाइटली’ प्रदर्शन आयोजित केले होते.

देश-विदेशात समाजसेवा आणि हस्तकलाकारांचे संपर्क जाळे त्यांनी निर्माण केले होते. त्यांच्या परिचयातील विविध क्षेत्रांतील तज्ज्ञांना कर्नाटकातील वेगवेगळ्या जिल्ह्यांत आमंत्रित करून स्थानिक विद्यार्थी आणि हस्तकलाकारांना प्रशिक्षण देण्याची व्यवस्था ते करत असत. नुकतेच त्यांनी बेळगाव जिल्ह्यातील संकेश्वर येथे आंतरराष्ट्रीय ख्यातीचे डिझायनर लॉयड रिचर्ड यांना आमंत्रित करून महिलांसाठी तीन महिन्यांच्या भरतकाम प्रशिक्षण शिबिराचे उदघाटन केले होते.

बेळगावच्या यरगट्टीजवळील मेकलमर्डी गावात त्यांनी मितान संस्था स्थापन केली. या संस्थेच्या माध्यमातून आसपासच्या गावांतील महिलांना विविध प्रकारच्या गृहसजावटीच्या वस्तू, बॅग, पाकिटे आणि इतर वस्तू तयार करून त्यांची निर्यात करण्याचे प्रशिक्षण दिले. या संस्थेचे सदस्य गेल्या २० वर्षांपासून आपली उत्पादने अमेरिका, युरोप आणि मध्यपूर्वेतील देशांमध्ये निर्यात करत आहेत.

बेळगावच्या कडोली गावातील बीरेश्वर मंदिराजवळ ग्रामीण कौशल्य प्रशिक्षण केंद्र स्थापन करून महिलांना मेंढीच्या लोकरीपासून तसेच चामड्यापासून विविध वस्तू तयार करण्याचे प्रशिक्षण त्यांनी दिले. तुमकूर जिल्ह्यातील देवरायनदुर्गजवळ हस्तकलाकारांसाठी उत्पादन व विपणन केंद्रही त्यांनी स्थापन केले होते.

विजयपूर आणि बागलकोट जिल्ह्यांतील शेतकऱ्यांना फायदा व्हावा, यासाठी त्यांनी तेथे उत्पादित होणाऱ्या खपली गव्हाच्या रव्याची महानगरांतील ग्राहकांना थेट विक्री करता यावी, यासाठी एका संस्थेची स्थापना केली होती. बेळगावच्या अथणी येथे तयार होणाऱ्या कोल्हापुरी चप्पलांच्या डिझाईनचा युरोपियन फॅशन कंपनी प्राडाने उत्पादकांची पूर्वपरवानगी न घेता वापर करण्यास सुरुवात केली होती. त्यावेळी गोपीकृष्ण यांनी आपल्या संपर्काचा वापर करून राज्य सरकार, कंपनी आणि कारागिरांची बैठक आयोजित केली. त्यानंतर प्राडाचे अभियंते अथणी येथे येऊन स्थानिक कारागिरांना प्रशिक्षण देऊ लागले. त्यांच्या निधनाबद्दल कोल्हापुरी चप्पल कामगार संघ, कडोली प्रशिक्षण केंद्र तसेच इतरांनी शोक व्यक्त केला आहे.

The post फॅब इंडियाचे माजी संचालक, समाजसेवक जी. एन. गोपीकृष्ण यांचे निधन appeared first on News 24 Tass Marathi.

बेळगाव : जातीधर्माच्या बंधनांना झुगारून प्रेमविवाह केलेल्या एका महिलेच्या आयुष्यातील संघर्षाला आता नवे वळण मिळाले आहे. पहिल्या मुलीची हत्या केल्याप्रकरणी पती सध्या हिंडलगा कारागृहात शिक्षा भोगत असताना, दुसऱ्या मुलीच्या शाळा प्रवेशासाठी आणि एसआयआर नोंदणीसाठी आवश्यक असलेले पतीचे आधार कार्ड मिळविण्यासाठी ही आई गदग ते बेळगाव अशी वारंवार धावपळ करत आहे.

संपूर्ण समाजाचा विरोध पत्करून गदग येथील एका मुस्लिम महिलेने हिंदू तरुणाशी प्रेमविवाह केला होता. त्यांच्या संसारात दोन मुलींचा जन्म झाला. मात्र, मुलगी झाल्याच्या कारणावरून पतीने पहिल्या मुलीची हत्या केल्याचा धक्कादायक प्रकार घडला. या प्रकरणात तो सध्या बेळगावच्या हिंडलगा कारागृहात आहे.

दरम्यान, दुसऱ्या मुलीच्या शिक्षणासाठी आवश्यक कागदपत्रांमध्ये वडिलांच्या आधार कार्डची गरज भासत आहे. त्यासाठी संबंधित महिला हिंडलगा कारागृहात वारंवार फेऱ्या मारत असली, तरी तिला अपेक्षित सहकार्य मिळत नसल्याची खंत तिने व्यक्त केली आहे. गुन्हेगार पतीची साथ नव्हे, तर केवळ मुलीचे भविष्य घडविण्यासाठी त्याच्या आधार कार्डाची आवश्यकता असल्याचे तिने सांगितले.

या प्रकरणात कारागृह प्रशासनासह संबंधित वरिष्ठ अधिकारी आणि जिल्हा प्रशासनाने तातडीने हस्तक्षेप करून मुलीच्या शिक्षणातील अडथळा दूर करावा, अशी मागणी होत आहे.

The post कारागृहातील पतीचे आधारकार्ड मिळवण्यासाठी महिलेची धावपळ appeared first on News 24 Tass Marathi.

स्पर्धेत खालील खेळाडूंनी विविध क्रमांक पटकावले : प्रथम क्रमांक: साक्षी कांबळे, करण पुजारी, पृथ्वीराज कांबळे, अनिरुद्ध पवार, साई पाटील, आदित्य गुरव, सानवी पाटील आणि सुकन्या कडोलकर.

दुसऱ्या क्रमांकाचे विजेते : शेखर पुजारी, अमर मुरचुटे, पृथ्वी घेवडे, प्रांजल जाधव, सानवी पाटील, तन्वी जाधव, श्रेया चौगुले, वेदांती पाटील, श्रेया मिश्रीकोटी, अनिरुद्ध सातेरी, तुषार वाडकर, शिवप्रसाद कौजलगी, आणि अस्मी पाटील.

तिसऱ्या क्रमांकाचे विजेते : आरुष यादव, विराज टवकरी, रिदम गोरे, अपेक्षा घेवडे, साची गांगरकर , प्रीती पाटील, सृष्टी भोगण, अर्पणा इंटुरी, मार्लिंग इंटुरी, आर्यांश गिरी, सर्वेश कुंडेकर, श्रद्धा चौगुले, सचिन नंदी, साई श्री निकम, मृणाली घुमटे आणि मशनू पाटील या सर्व कराटेपटूनी यश संपदान केले.

The post ऑल इंडिया ओपन कराटे काता स्पर्धेत बेळगावचे घवघवीत यश appeared first on News 24 Tass Marathi.

अन्नीगेरी तालुक्यातील भद्रापूरजवळ शुक्रवारी सायंकाळी भीषण अपघातात धारवाड लोकायुक्त विभागाचे पोलीस निरीक्षक पंचाक्षरी सालीमठ यांचा दुर्दैवी मृत्यू झाला.

शुक्रवारी सायंकाळी सुमारे ७.३० वाजता गदग – हुबळी राष्ट्रीय महामार्गावरील अरेरा पुलाजवळ ही घटना घडली. गदग येथून हुबळीच्या दिशेने येत असताना सालीमठ यांची कार नियंत्रण सुटून रस्त्याच्या दुभाजकावर आदळली. या धडकेनंतर पेट्रोल टाकीला गळती होऊन ठिणगी लागल्यामुळे कारने क्षणार्धात पेट घेतला, असा पोलिसांचा प्राथमिक अंदाज आहे.

आग इतकी भयानक होती की सालीमठ यांना कारच्या बाहेर पडण्याचा मार्गच मिळाला नाही. काही क्षणांतच संपूर्ण कार ज्वाळांनी वेढली आणि त्यातच त्यांचा मृत्यू झाला. तर वाहन पूर्णपणे भस्मसात झाले आहे. त्या दिवशी ते स्वतः कार चालवत हावेरीतील लोकायुक्त कार्यालयातील कामकाजातून गदग येथे कुटुंबीयांना भेटून परतत होते. मात्र वाटेतच नियतीने घाला घातला.

अपघाताची माहिती मिळताच धारवाडचे पोलीस अधीक्षक गुंजन आर्य यांनी घटनास्थळी धाव घेऊन पाहणी केली. पुढील तपास सुरू असल्याचे पोलीस सूत्रांनी सांगितले.

The post पेटत्या कारमध्ये होरपळून लोकायुक्त पोलीस निरीक्षकाचा मृत्यू appeared first on News 24 Tass Marathi.

सदर हॉकी स्पर्धेत बेळगाव इलेव्हन संघाने डी वाय एस एस धारवाड संघाच्या विरोधात ३ – ० ने विजय प्राप्त करून विभागीय स्पर्धेत उपविजेता ठरला. बेळगाव इलेव्हन संघाने कर्णधार प्राजक्ता निलजकर हिच्या नेतृत्वाखाली भूमी कुगजी, नंदिनी गुरव, सविता गोरल, श्रेया पाटील, आदिती ठक्कर, सानिका पाटील, निकिता कवळेकर, नेत्रा गुरव, भावना किल्लारगी, प्रतीक्षा गुरव, सुकृती कासार, खुशी गुरव, राधिका धबाले, धनश्री शिंदे, प्रीती नांदूडकर, श्रुती हिरेमठ, वैष्णवी माळवणकर यांचा हॉकी संघात समावेश होता.

यावेळी हॉकी बेळगावचे पदाधिकारी अध्यक्ष गुळाप्पा होसमनी, सचिव सुधाकर चाळके, प्रशिक्षक उत्तम शिंदे, गणपत गावडे, प्रकाश कालकुंद्रीकर, सविता वेसणे आदी उपस्थित होते.

The post बेळगाव इलेव्हन संघ विभागीय हॉकी स्पर्धेत उपविजेता appeared first on News 24 Tass Marathi.