अपघाताची माहिती मिळताच पोलीस आणि प्रशासनाचे पथक तातडीने घटनास्थळी दाखल झाले. बचावकार्य युद्धपातळीवर सुरू करण्यात आले. जखमींना तात्काळ रुग्णवाहिकांद्वारे जवळच्या रुग्णालयात हलवण्यात आले असून काही गंभीर जखमींना अधिक उपचारासाठी एअर लिफ्ट करण्याची तयारी करण्यात आली आहे.

पोलिसांनी घटनास्थळी मृतदेह ताब्यात घेऊन शवविच्छेदनासाठी पाठवले आहेत. स्थानिक नागरिकांनीही बचावकार्यात मदत केली.

अपघातानंतर परिसरात भीतीचे आणि शोकाचे वातावरण निर्माण झाले असून वाहतूक पूर्णपणे विस्कळीत झाली आहे. पोलिसांनी मार्गावरील वाहतूक अन्य मार्गांवर वळवली आहे. मृतांचा आकडा वाढण्याची शक्यता व्यक्त केली जात आहे.

The post जम्मू – काश्मीरमध्ये बस दरीत कोसळून १५ प्रवाशांचा दुर्दैवी मृत्यू appeared first on News 24 Tass Marathi.

श्रीनगर : जम्मू – काश्मीरच्या श्रीनगरमध्ये भारतीय सैन्याने पुन्हा एकदा दहशतवादी कट उधळून लावला आहे. आज सोमवार (दि. २८ जुलै) रोजी सुरक्षा दल आणि दहशतवाद्यांमध्ये झालेल्या मोठ्या चकमकीत तीन दहशतवाद्यांचा कंठस्नान घालण्यात भारतीय सैन्याला यश आले आहे.या हल्ल्याबाबत प्राप्त माहितीनुसार भारतीय जवान आणि दहशतवाद्यांमध्ये झालेल्या चकमकीत पहलगाम हल्ल्यातील सुलेमान आणि यासीर दोन दहशतवाद्यांचाही खात्मा करण्यात आला आहे.

विशेष म्हणजे दहशतवाद्यांच्या विरोधातराबवलेल्या या मोहिमेला भारतीय सैन्याने ‘ऑपरेशन महादेव’ असे नाव दिले होते. दरम्यान लष्कराच्या ‘चिनार कॉर्प्स’ने ‘एक्स’ या सोशल मीडिया प्लॅटफॉर्मद्वारे ही माहिती शेअर केली. एकीकडे लोकसभेत ‘ऑपरेशन सिंदूर’वर आज (२८ जुलै ) आज आणि उद्या विशेष चर्चा सुरु आहे. केंद्रीय संरक्षण मंत्री राजनाथ सिंह यांच्याकडून या चर्चेला सुरुवात झाली असताना ही बातमी समोर आली आहे.

The post श्रीनगरमध्ये भारतीय सैन्याकडून तीन दहशतवाद्यांना कंठस्नान appeared first on News 24 Tass Marathi.

जम्मू काश्मीर (पहलगाम) : जम्मू – काश्मीरच्या पहलगाम भागात मंगळवारी (२२ एप्रिल) रोजी दुपारी झालेल्या दहशतवादी हल्ल्यानंतर काश्मीरमध्ये पुन्हा एकदा तणाव निर्माण झाला आहे. दरम्यान, पहलगाममधील दहशतवादी हल्ल्यात सहभागी असलेल्या तिघा संशयितांची नावे आणि स्केच संरक्षण यंत्रणेने जारी केले आहेत. आसिफ फौजी, सुलेमान शाह, अबू तल्हा अशी या तिघांची नावे आहेत. तर या दहशतवाद्यांपैकी एकाचा पाठमोरा फोटो समोर आला असून त्याच्या हातात एके – ४७ ही मशीन गन आहे. त्याने कुर्ता – पायजमा परिधान केला आहे. लष्करातील जवान, जम्मू-काश्मीर पोलीस आणि इतर तपास यंत्रणा त्याच्यासह त्याच्या साथीदारांचा शोध घेत आहेत.

प्रत्यक्षदर्शीनी दिलेल्या माहितीनुसार, काही हल्लेखोरांनी भारतीय लष्करी जवानांसारखा गणवेश परिधान केला होता. हल्ला केल्यानंतर ते काश्मीर खोऱ्यातच लपून बसले असावेत असा प्राथमिक अंदाज असून तपास यंत्रणांनी संयुक्तपणे शोधमोहीम हाती घेतली आहे. या घटनेनंतर केंद्र सरकारने जम्मू-काश्मीरमध्ये हाय अलर्ट जारी केला आहे.

The post पहलगाम दहशतवादी हल्ल्यातील तीन संशयितांचे स्केच जारी ! appeared first on News 24 Tass Marathi.

जम्मू काश्मीर (पहलगाम) : जम्मू काश्मीरच्या पहलगाम येथे दहशवाद्यांनी पर्यटकांवर अंधाधुंद गोळीबार केला. दहशतवाद्यांच्या या हल्ल्यात २७ पर्यटकांचा मृत्यू झाल्याची माहिती समोर आली आहे. मृतांचा हा आकडा आणखी वाढण्याची शक्यता आहे. 

या घटनेबाबत सूत्रांकडून प्राप्त माहितीनुसार, येथे शस्त्रधारी दोन ते तीन दहशतवाद्यांनी पर्यटकांच्या एका गटावर भ्याड हल्ला केला. त्यामध्ये, अनेक पर्यटकांचा जीव गेला असून काही गंभीर जखमी देखील झाले आहेत. या हल्ल्यानंतर गृहमंत्री अमित शाह तातडीने श्रीनगरकडे रवाना झाले आहेत.

पहलगाममध्ये पोलिसांच्या वेषात आलेल्या दहशतवाद्यांनी पर्यटकांना आपले लक्ष्य केले. पर्यटकांची नावे विचारून त्यांच्यावर गोळीबार करण्यात आला. या वेळी एक नवविवाहित जोडपेदखील दहशतवाद्यांच्या हल्लातून सुटले नाही. या जोडप्यातील पुरुषाला आधी त्याचा धर्म विचारला आणि मग त्याला गोळ्या घालण्यात आल्याचे त्याच्या पत्नीने सांगितले.

या दहशतवादी हल्ल्यातील एकूण जखमी पर्यटकांमध्ये महाराष्ट्रातील चार पर्यटकांचा समावेश आहे. माणिक पाटील आणि एस भालचंद्र अशी दोघांची नाव समोर आली आहेत.

• पर्यटकांसाठी चोवीस तास पोलीस मदत कक्ष :

पोलिसांकडून काश्मीरमधील पर्यटकांसाठी चोवीस तास मदत सेवा उपलब्ध करुन देण्यात आली आहे. अनंतनाग येथील पोलीस कंट्रोल रुममधून ही सेवा पुरविण्यात आली असून व्हॉट्सअप आणि टेलिफोन नंबरही जारी करण्यात आले आहेत. पर्यटकांनी खालील नंबरवर संपर्क साधण्याचे आवाहन करण्यात आले आहे.

• मोबाईल क्रमांक : 9596777669 , 01932225870 ; व्हॉट्सॲप क्रमांक : 9419051940

The post जम्मू काश्मीरच्या पहलगाम येथे दहशवादी हल्ल्यात २७ पर्यटक ठार appeared first on News 24 Tass Marathi.

नवी दिल्ली : जम्मू कश्मीर मधील रामबाण जिल्ह्यात आज रविवारी झालेल्या मुसळधार पाऊस आणि भूस्‍खलनात अनेक वाहने आणि घरे गाडली गेली आहेत मिळालेल्या माहितीनुसार या दुर्घटनेत तीन जणांचा मृत्यू झाला आहे.

उधमपूरचे भाजप खासदार आणि केंद्रीय मंत्री डॉ. जितेंद्र सिंह यांनी सोशल मीडियावर सांगितले की, शनिवार रात्री रामबन परिसरात अनेक ठिकाणी मुसळधार गारपीट झाली. तसेच जोरदार वारे आणि पावसामुळे भूस्खलनही झाले आहे. या नैसर्गिक आपत्तीमुळे राष्ट्रीय महामार्ग बंद झाला आहे आणि दुर्दैवाने यात तीन जणांना आपला जीव गमवावा लागला आहे, तर १०० जणांना वाचवण्यात आले आहे. या नैसर्गिक आपत्तीमध्ये अनेक कुटुंबांच्या मालमत्तेचे तसेच वाहनांचे माेठे नुकसान झाले आहे.

डॉ. जितेंद्र सिंह यांनी सांगितले की, आम्‍ही उपायुक्‍त बसीर-उल-हक यांच्या संपर्कात आहोत. जिल्‍हा प्रशासनही अलर्ट मोडवर आहे. मुसळधार पावसाचा फटका बसलेल्‍या कुटुंबांना सर्व प्रकारची मदत पोहोचवण्यात येत आहे. गरज पडल्‍यास खासदार निधीतूनही मदत करण्यात येईल असे ते म्‍हणाले. जितेंद्र सिंह यांनी लोकांना घाबरून जाउ नये, संयम ठेवण्याची अपील केली आहे.

जम्‍मू-काश्मीरच्या रामबन जिल्‍ह्यात आज रविवारीही जोरदार पर्जन्यवृष्‍टीमुळे कुंड गावाला सर्वात जास्‍त फटका बसला आहे. अधिकाऱ्यांनी सांगितले की, या नैसर्गिक आपत्तीतून १०० हून अधिक ग्रामीण लोकांना सुरक्षित बाहेर काढण्यात आले आहे. नाशरीपासून बनिहालपर्यंत जम्‍मू – श्रीनगर राष्‍ट्रीय राजमार्ग (NH- 44) वर मोठ्या पावसामुळे आणि भूस्‍खलनाच्या घटनांमुळे बंद झाला आहे. त्‍यामुळे या मार्गावरील वाहतूकही ठप्प झाली आहे.

The post जम्‍मू-काश्मीर मध्ये ढगफुटी ; ३ जणांचा मृत्यू appeared first on News 24 Tass Marathi.