कार्यकारिणी सदस्य शिवराज पाटील यांनी प्रास्ताविक केल्यावर प्रारंभी मध्यवर्ती महाराष्ट्र एकीकरण समितीचे अध्यक्ष दीपक दळवी, पत्रकार संघाचे सदस्य प्रकाश काकडे यांच्या पत्नी तुळसा व सदस्या मनिषा सुभेदार यांच्या मातोश्री शुभांगिनी देशपांडे या दिवंगतांना श्रद्धांजली अर्पण करण्यात आली. परिषद प्रतिनिधी शेखर पाटील यांनी हा ठराव मांडला.

यानंतर अध्यक्ष कृष्णा शहापूरकर यांनी अहवाल सालातील पत्रकार संघाच्या कार्याची माहिती दिली. इंडियन एक्स्प्रेच्या प्रतिनिधी रितीका चोप्रा यांनी मुख्य निवडणूक आयुक्त ज्ञानेशकुमार यांच्या एकाधिकारशाहीचा पर्दाफाश करणारे वृत्त प्रसिद्ध करण्याचे धाडस दाखविले याबद्दल त्यांचे यावेळी अभिनंदन करण्यात आले. यानंतर कार्यवाह महेश काशीद यांनी मागील वार्षिक सर्वसाधारण सभेचे इतिवृत्त, २०२५ -२०२६ सालचा जमाखर्च व २०२६-२०२७ सालीचे अंदाजपत्रक यांचे वाचन केले. त्यास मंजुरी देण्यात आली.

विलास अध्यापक, विकास कलघटगी, डी. के. पाटील, राजेंद्र पोवार आदींनी यावेळी विविध सूचना केल्या. उपाध्यक्ष सुहास हुद्दार यांनी आभार मानले. पत्रकार भवनमध्ये झालेल्या या सभेस बहुसंख्य सदस्य उपस्थित होते.

The post बेळगाव जिल्हा मराठी पत्रकार संघाची वार्षिक सर्वसाधारण सभा उत्साहात appeared first on News 24 Tass Marathi.

बेळगाव : येथील कॉलेज रोडवरील सुप्रसिद्ध विवेकानंद मल्टीपर्पज सौहार्द को-ऑप. सोसायटीची पंधरावी वार्षिक सर्वसाधारण सभा बुधवारी (२३ सप्टेंबर) रोजी उत्साहात पार पडली. चेअरमन कुमार पाटील अध्यक्षस्थानी होते. सहकार क्षेत्राचे व्यक्तीबरोबरच देशाच्या विकासात ह मोठे योगदान आहे, असे प्रतिपादन यावेळी करण्यात आले.

गायिका वैष्णवी नाडगौडा हिच्या गणेश वंदनाने सभेस प्रारंभ झाला. चेअरमन व संचालकांच्या हस्ते दीपप्रज्वलन झाल्यावर व्हाईस चेअरमन प्रा. दत्ता नाडगौडा यांनी प्रास्ताविक केले. स्वामी विवेकानंद यांच्या विचाराने सोसायटी वाटचाल करीत असल्याचे त्यांनी सांगितले. तसेच सोसायटीच्या स्थापनेपासून गेल्या पंधरा वर्षातील प्रगतीचा आढावा घेतला.

चेअरमन कुमार पाटील यांनी उपस्थितांचे स्वागत करताना सोसायटीच्या प्रगतीस मदत केलेल्या ठेवीदार, कर्जदार व सभासदांविषयी कृतज्ञता व्यक्त केली.

यानंतर सेक्रेटरी पद्मा बाडकर यांनी १४ सप्टेंबर २०२५ रोजी झालेल्या सर्वसाधारण सभेचे इतिवृत्त सादर केले. सविता चव्हाण यांनी २०२५-२०२६ सालचा वार्षिक अहवाल, ताळेबंद व नफा तोटा पत्रक आणि संचालक मंडळाने शिफारस केलेली नफा विभागणी यांचे वाचन केले. सोनम मंगणाकर यांनी आर्थिक प्रगतीची आकडेवारी सादर केली. अर्चना दरवंदर यांनी २०२६-२०२७ सालचे अंदाजपत्रक सादर केले. प्रियांका संकेत कुलकर्णी यांनी २०२५-२०२६ सालच्या लेखा परिक्षकांच्या अहवालाचे वाचन केले तर संचालिका पूजा पाटील यांनी २०२६-२०२७ सालाकरिता लेखा परिक्षकाची नियुक्ती करण्याबाबत सूचना मांडली. या सर्व विषयांना सर्वानुमते मंजुरी देण्यात आली. ज्येष्ठ संचालक अविनाश कुलकर्णी यांनी प्रशासकीय कामकाज याविषयी मार्गदर्शन केले. तसेच सोसायटीची नवी शाखा सुरु करण्याबाबतच्या पोटनियमातील दुरुस्तीची सूचना मांडली. ती सर्वानुमते मंजूर करण्यात आली.

जामीनदाराची जबाबदारी याविषयी कर्जवसुली अधिकारी विलास पेडणेकर यांनी मराठीत व अनंथा शेट यांनी कन्नडमध्ये मार्गदर्शन केले. यानंतर पिग्मी संकलक प्रविण पाटील, अनंत कुलकर्णी, अंजली देवळी, मनोहर लोकूरकर, चंद्रकांत ढवळे यांचा तसेच सेक्रेटरी पद्मा बाडकर, अर्चना दरवंदर, सोनम मंगणाकर, सविता चव्हाण, विलास पेडणेकर व रोहित दरवंदर या कर्मचाऱ्यांचा व गायिका वैष्णवी नाडगौडा, सूत्रसंचालिका प्रिया कवठेकर यांचा भेटवस्तू देऊन संचालकांच्या हस्ते सत्कार करण्यात आला.

बेळगांव जिल्हा मराठी पत्रकार संघाचे अध्यक्ष कृष्णा शहापूरकर, सभासद सुहास गुर्जर व किशोर काकडे यांनी उपयुक्त सूचना केल्या. तसेच कॉसमॉस बॅंकेच्या कर्मचारी रुपाली हवालदार यांनी शुभेच्छा व्यक्त केल्या. कर्मचारी रोहित दरवंदर यांनी आभार मानले. वंदे मातरमने सभेची सांगता झाली. गुडसशेड रोड येथील जगन्नाथराव जोशी सभागृहात झालेल्या या सभेस संचालक अरविंद कुलकर्णी, किरण धामणेकर, संकेत कुलकर्णी, प्रशांत पाटील, श्रीमती निता कुलकर्णी यांच्यासह सभासद, ठेवीदार, कर्जदार व हितचिंतक मोठ्या संख्येने उपस्थित होते.

The post सहकार क्षेत्रामुळेच देशाचा विकास appeared first on News 24 Tass Marathi.

प्रारंभी व्यासपीठावर उपस्थित चेअरमन श्री. अजित ग. पाटील व संचालकांच्या हस्ते दीपप्रज्वलन करण्यात आले. संचालक श्री. वामन जाधव यांनी उपस्थित सभासदांचे स्वागत केले. त्यानंतर दिवंगत सभासदांना श्रद्धांजली वाहण्यात आली. चेअरमन श्री. अजित पाटील यांनी संस्थेच्या प्रगतीसाठी सर्व संचालकांनी एकजुटीने प्रयत्न केले पाहिजेत, सहकारी संस्थेत विश्वासार्हता महत्वाची असून संचालक, सभासद व कर्मचाऱ्यांच्या एकत्रित प्रयत्नाने संस्थेचा नावलौकिक वाढतो असे उद्गार काढले. तसेच संस्थेला यावर्षी 10,97,336.29 (दहा लाख सत्याण्णव हजार तीनशे छत्तीस रुपये एकोणतीस पैसे) इतका नफा झाल्याचे त्यांनी सांगितले. तसेच सभासदांना यावर्षी 12% टक्के लाभांश आम्ही देणार असल्याचे सांगितले.

सध्या संस्थेमध्ये 7 कोटी 90 लाख ठेवी आहेत, 2 कोटी 58 लाख 95 हजार संस्थेने गुंतवणूक केली आहे, तर 5 कोटी 37 लाख 87 हजारांचे कर्ज वितरित केले आहे.सेक्रेटरी सौ. शोभा मणगुत्ती यांनी नफा तोटा, ताळेबंद व अंदाज पत्रकाचे वाचन केले.

सभेला व्हा. चेअरमन श्री. परशुराम रायबागी, संचालक श्री. वामन जाधव, श्री. नारायण पाटील, श्री. परशुराम संभाजी, श्री. परशुराम गोडसे, श्री. मनोहर निलजकर, श्री. विनय धामणेकर, सौ. स्वाती धामणेकर यांच्यासह सोसायटीचे लेखापरीक्षक श्री. आर. व्ही. देशपांडे, सभासद मंडळ, हितचिंतक उपस्थित होते. शेवटी संचालक श्री. विनय धामणेकर यांनी आभार मानले.

The post प्रगती मल्टीपर्पज सोसायटीची वार्षिक सर्वसाधारण सभा संपन्न appeared first on News 24 Tass Marathi.

येळ्ळूर : शिवाजी रोड, येळ्ळूर येथील नेताजी मल्टीपर्पज को-ऑपरेटिव्ह सोसायटीची वार्षिक सर्वसाधारण सभा नेताजी कार्यालयाच्या सभागृहात उत्साहपूर्ण वातावरणात पार पडली. सभेच्या अध्यक्षस्थानी संस्थेचे चेअरमन डी. जी. पाटील होते.

सभेच्या प्रारंभी संस्थेच्या दिवंगत सभासदांना श्रद्धांजली अर्पण करण्यात आली. त्यानंतर डी. जी. पाटील यांच्या हस्ते नेताजींच्या प्रतिमेचे पूजन करण्यात आले. उपाध्यक्ष रघुनाथ मुरकुटे, युवा संघटनेचे अध्यक्ष किरण गिंडे, सेक्रेटरी के. एन. पाटील, संचालक संजय मजुकर, प्रा. सी. एम. गोरल, रवींद्र गिंडे यांच्यासह मान्यवरांच्या हस्ते दीपप्रज्वलन करण्यात आले. प्रास्ताविक प्रा. सी. एम. गोरल यांनी केले.

यावेळी बोलताना चेअरमन डी. जी. पाटील यांनी सांगितले की, सभासदांनी संस्थेवर दाखविलेल्या विश्वासामुळे गेल्या २५ वर्षांत नेताजी मल्टीपर्पज सोसायटीने उल्लेखनीय प्रगती केली आहे. येळ्ळूर आणि वडगाव येथे संस्थेच्या स्वतःच्या इमारती असून, आर्थिक व्यवहारांसोबतच येळ्ळूर येथे मराठी सांस्कृतिक भवनाची उभारणी करण्यात आली आहे. संस्थेने प्रगतीचे अनेक टप्पे यशस्वीपणे पार केले असल्याचे त्यांनी नमूद केले.

• ६८ कोटींची वार्षिक उलाढाल

उपाध्यक्ष रघुनाथ मुरकुटे यांनी संस्थेच्या आर्थिक स्थितीची माहिती देताना सांगितले की, सोसायटीची वार्षिक उलाढाल ६८ कोटी रुपयांवर पोहोचली आहे. संस्थेची गुंतवणूक ४ कोटी रुपये, ठेवी ३२ कोटी रुपये, कर्जे २० कोटी ६० लाख रुपये आणि भागभांडवल ४७ लाख रुपये आहे. आर्थिक वर्षात संस्थेला ४ लाख ५० हजार रुपयांचा नफा झाल्याचेही त्यांनी सांगितले.

ताळेबंद पत्रकाचे वाचन सेक्रेटरी दीपक हट्टीकर यांनी, तर नफा-तोटा पत्रकाचे वाचन चांगदेव मुरकुटे यांनी केले. यावेळी रघुनाथ मुरकुटे आणि के. एन. पाटील यांनी उपस्थितांना मार्गदर्शन केले.

सभेला संचालक संजय मजुकर, रवींद्र गिंडे, प्रा. सी. एम. गोरल, कल्लप्पा बंडाचे, मीनाजी नाईक, भोमाणी छत्र्यान्नावर, चांगुणा मुरकुटे, परशराम गिंडे, गणपती हट्टीकर, शंकर मुरकुटे, अनिल पाटील, प्रभाकर कणबरकर, पांडुरंग घाडी, अनिल मुरकुटे, जोतिबा गोरल, वसंत मुचंडी, कांचन पाटील, कल्याणी पाटील, रवींद्र कणबरकर, ज्योती यरमाळकर, सोनाली सायनेकर, संगीता दणकारे यांच्यासह सभासद आणि भागधारक मोठ्या संख्येने उपस्थित होते.

शेवटी संचालक संजय मजुकर यांनी आभार मानले.

The post नेताजी मल्टीपर्पज सोसायटीची वार्षिक उलाढाल ६८ कोटींवर appeared first on News 24 Tass Marathi.

प्रारंभी मारुती जाधव, पी. एस. मोरे, मोनाप्पा भास्कर, ललिता पाटील यांच्याहस्ते फोटो पूजन करण्यात आले. प्रमुख पाहुणे वाय. पी. नाईक यांच्या शुभहस्ते दीपप्रज्वलन करण्यात आले. उपस्थित मान्यवरांचे शाल, पुष्पगुच्छ देऊन स्वागत करण्यात आले.

या चोवीसाव्या वार्षिक सभेत चेअरमन पुंडलिक जाधव यांनी प्रास्ताविक करुन चोवीस वर्षातील पतपेढीची आर्थिक परिस्थिती कथन करुन असंख्य ठेवीदारांच्या विश्वासातून ही सोसायटी वाटचाल करीत आहे. सभासद, ग्राहक संचालक मंडळ, सल्लागार मंडळ, कर्मचारी वर्ग, पिग्मी संकलक  यांच्या सहकार्याने भविष्यातही ही सोसायटी विकास करेल. दुर्बळ घटकांना कर्ज पुरवठा करुन त्यांना आर्थिक स्थैर्य प्राप्त करून देणे हाच उद्देश असल्याचे सांगितले.

सन 2025-26 या आर्थिक वर्षाचा अहवाल शाखाधिकारी पी. एन. सावगावकर यांनी सभागृहात सादर करून मंजुरी घेतली. अनेक सदस्यांनी चर्चेत भाग घेतला.

यावेळी वाय. पी. नाईक यांनी विचार व्यक्त करताना सहकारी पतपेढ्या कामगार, शेतकरी, गरजूंना कर्ज पुरवठा करुन त्यांना आर्थिक सक्षम करण्यासाठी कार्य करतात परंतु कर्जाची परतफेड वेळेत होत नसल्याने संचालक मंडळाला वेगळे निर्णय घ्यावे लागतात. कर्जवसुली होणे गरजेचे असते. या सोसायटीच्या माध्यमातून विशेषतः ग्रामीण भागातील गरजूंना कर्ज पुरवठा केला जातो हे महत्त्वाचे वाटते. सहकारातून उन्नती व्हावी. विश्वास हाच खरा सहकाराचा मंत्र आहे, असे मौलिक विचार व्यक्त केले.

यावेळी व्यासपीठावर चेअरमन बिजगर्णीचे पुंडलिक जाधव, व्हा. चेअरमन ललिता पाटील, संचालक मदन बिजगर्णीकर, गुरूनाथ बामणे,मल्लापा पाटील, शटुपा सुतार, सावंत तारीहाळकर, सौ. चंदन पाटील, सौ. गीता मरकट्टी तसेच भरमू गावडा, उमेश सावगावकर,पी. आर. सावगावकर, प्रमोद पाटील आदी मान्यवर उपस्थित होते. खेळीमेळीत ही सभा उत्साहात संपन्न झाली. आभार मल्लापा पाटील यांनी मानले. समीक्षा सभागृह शिवम नगर गणेशपूर येथे सभा आयोजित करण्यात आली होती.

The post शिवनेरी सोसायटीची वार्षिक सभा उत्साहात संपन्न appeared first on News 24 Tass Marathi.

वैष्णवी नाडगौडा व तेजस्विनी शेट्टी यांच्या स्वागत गीताने सभेचा प्रारंभ झाला. यानंतर चेअरमन कुमार पाटील व संचालकांच्या हस्ते दीपप्रज्वलन व स्वामी विवेकानंद यांच्या प्रतिमेस पुष्प वाहून अभिवादन करण्यात आले. तसेच सोसायटीच्या दिवंगत सभासदांना श्रध्दांजली वाहण्यात आली.

व्हाईस चेअरमन प्रा. दत्ता नाडगौडा यांनी स्वागत केले. स्वामी विवेकानंद यांच्या विचारानुसार सोसायटीची वाटचाल सुरू असून सचोटी, पारदर्शक व्यवहार व ग्राहकांना देण्यात येत असलेली सौजन्यपूर्ण वागणूक यामुळेच गेल्या चौदा वर्षांत सोसायटीने प्रगती केली, असे त्यांनी सांगितले.

चेअरमन कुमार पाटील यांनी अध्यक्षीय मनोगतात सोसायटीच्या सांपत्तिक स्थितीची माहिती दिली व यावर्षी सोसायटीला १५ लाख ४० हजारचा नफा झाला असून १२ टक्के लाभांश देण्यात येत असल्याचे जाहीर केले. तसेच गत वर्षाचा अहवाल सादर केला.

यानंतर गेल्या वार्षिक सर्वसाधारण सभेच्या इतिवृत्ताचे वाचन सेक्रेटरी पद्मा बाडकर, नफातोटा व २०२४-२५ घ्या शिलकी पत्रकाचे वाचन संचालक अरविंद कुलकर्णी, नफातोटा विभागणीचे वाचन संचालिका नीता कुलकर्णी यांनी केले. २०२५-२६ चे अंदाज पत्रक संचालक संकेत कुलकर्णी यांनी सादर केले. ऑडिट रिपोर्टचे वाचन सल्लागार मंडळाच्या सदस्या रजनी गुर्जर यांनी केले. तसेच संचालिका पूजा पाटील यांनी २०२५-२६ साठी ऑडिटर नेमणुकीची सूचना मांडली. संचालक अविनाश कुलकर्णी यांनी नियमातील प्रस्तावित दुरुस्तीचे वाचन केले. त्याला सभासदांनी मान्यता दिली. संचालक अनंत शेट व कर्मचारी सोनम मंगनाकर यांनी जामीनदारांची जबाबदारी याविषयीची माहिती दिली.

यानंतर कंपनी सेक्रेटरी योगेश अंगडी यांचा सत्कार तसेच यंदाच्या दहावी, बारावी, पदवी व पदव्युत्तर परिक्षेत यश मिळविलेल्या सभासदांच्या गुणी पाल्यांचा रोख रक्कम व पुष्प देऊन गौरव करण्यात आला. प्रा. आनंद मेणसे, किशोर काकडे , रुपाली हवालदार व सविता गवस यांची यावेळी शुभेच्छापर भाषणे झाली. कर्मचारी अर्चना दरवंदर यांनी आभार मानले. चिन्मय शेंडे यांनी सूत्रसंचालन केले. लोकमान्य रंगमंदिरात झालेल्या या सभेस सभासद व हितचिंतक मोठ्या संख्येने उपस्थित होते. राष्ट्रगीताने सभेचा समारोप झाला.

The post विवेकानंद मल्टीपर्पज सौहार्द सहकारी सोसायटीची चौदावी सर्वसाधारण सभा उत्साहात appeared first on News 24 Tass Marathi.

येळ्ळूर ता. १६ : शिवाजी रोड येळ्ळूर येथील नेताजी मल्टीपर्पज को-ऑप सोसायटीची २५ वी वार्षिक सर्वसाधारण सभा नुकतीच सोसायटीच्या सभागृहात खेळीमेळीच्या वातावरणात पार पडली. सभेच्या अध्यक्षस्थानी सोसायटीचे चेअरमन डी. जी. पाटील होते. प्रारंभी सोसायटीच्या दिवंगत सभासदांना श्रद्धांजली वाहण्यात आली. नेताजी प्रतिमेचे पूजन चेअरमन डी. जी. पाटील यांनी केले. दीपप्रज्वलन व्हा. चेअरमन रघुनाथ मुरकुटे, नेताजी युवा संघटनेचे अध्यक्ष किरण गिंडे, के. एन. पाटील, संचालिका अस्मिता पाटील, चांगुणा मुरकुटे, भारता कणबरकर यांच्याहस्ते करण्यात आले.

प्रास्ताविक संचालक प्रा. सी. एम. गोरल यांनी केले. यावेळी बोलताना चेअरमन डी. जी. पाटील म्हणाले, संस्थेने सभासदांच्या विश्वासहार्ततेच्या बळावर गेल्या २४ वर्षात खूप चांगली प्रगती साधली असून संस्थेच्या येळ्ळूर व वडगाव येथे स्वतःच्या इमारती आहेत. संस्थेने आर्थिक व्यवहाराबरोबरच सामाजिक हिताचे ध्येय बाळगून परमेश्वर नगर येळ्ळूर येथे मराठी सांस्कृतिक भवनची निर्मिती केली आहे. संस्था दिवसेंदिवस प्रगतीचे अनेक टप्पे ओलांडत आहे. व्हा. चेअरमन रघुनाथ मुरकुटे म्हणाले, संस्थेची वार्षिक उलाढाल ६६ कोटी ४१ लाखावर असून संस्थेची गुंतवणूक ४ कोटी ५० लाख आहे, संस्थेकडे ३० कोटीच्या ठेवी आहेत. १९ कोटीची कर्जे वितरित केली आहेत. ३३ लाख रुपयांचे भाग भांडवल आहे. या आर्थिक वर्षात ५ लाख १८ हजार इतका नफा संस्थेने मिळविला आहे. ताळेबंद पत्रकाचे वाचन सेक्रेटरी दीपक हट्टीकर यांनी केले. तर नफा तोटा पत्रकाचे वाचन चांगदेव मुरकुटे यांनी केले. यावेळी के. एन. पाटील यांनीही विचार मांडले.

सभेला संचालक संजय मजुकर, रवींद्र गिंडे, प्रा. सी. एम. गोरल, किरण गिंडे, सी. एम. उघाडे, कल्लाप्पा बंडाचे, मीनाजी नाईक, भोमाणी छत्र्यान्नावर, परशराम गिंडे, गणपती हट्टीकर, शंकर मुरकुटे, प्रभाकर कणबरकर, पांडुरंग घाडी, अनिल मुरकुटे, जोतिबा गोरल, जोतिबा पाटील, रवी कणबरकर, कांचन पाटील, कल्याणी पाटील, ज्योती यरमाळकर, मुक्ता लोहार, सोनाली सायनेकर, संगीता दणकारे यांच्यासह सभासद उपस्थित होते.

The post नेताजी मल्टीपर्पज सोसायटीची वार्षिक उलाढाल ६६ कोटींवर appeared first on News 24 Tass Marathi.