बेळगाव : बेळगावच्या साहित्यिक आणि सांस्कृतिक क्षेत्रात गेली ३६ वर्षे सातत्याने कार्यरत असलेल्या शब्दगंध कवी मंडळ संघाचा ३६ वा वर्धापन दिन आणि ज्येष्ठ कवयित्री उर्मिला शहा यांच्या ‘बाई म्हणून जगताना’ या कवितासंग्रहाचा प्रकाशन सोहळा शनिवार, दि. १७ ऑक्टोबर २०२६ रोजी सकाळी १०.३० वाजता मराठी विद्यानिकेतन शाळेच्या सभागृहात आयोजित करण्यात आला आहे. राज्य मराठी विकास संस्था, मुंबई यांच्या प्रेरणेने या विशेष साहित्यिक कार्यक्रमाचे आयोजन करण्यात आले आहे.

या कार्यक्रमाच्या अध्यक्षस्थानी गोवा मराठी अकादमीचे अध्यक्ष आणि ज्येष्ठ साहित्यिक प्रा. अनिल सामंत उपस्थित राहणार आहेत. सांगली येथील प्रसिद्ध कवी आणि समीक्षक चंद्रकांत बाबर हे प्रमुख पाहुणे म्हणून उपस्थित राहणार आहेत. तसेच कवितासंग्रहाच्या लेखिका ज्येष्ठ कवयित्री उर्मिला शहा यांची विशेष उपस्थिती लाभणार आहे.

• प्रा. अनिल सामंत :

कार्यक्रमाचे अध्यक्ष प्रा. अनिल सामंत हे मराठी भाषा, साहित्य आणि शिक्षण क्षेत्रातील एक अभ्यासू व्यक्तिमत्त्व म्हणून परिचित आहेत. गोवा मराठी अकादमीचे अध्यक्ष म्हणून ते मराठी भाषा आणि साहित्याच्या संवर्धनासाठी कार्यरत आहेत. त्यांनी गोवा मराठी अकादमीचे अध्यक्षपद तसेच विद्या भारती, गोवा या संस्थेचे अध्यक्षपद भूषविले आहे. राष्ट्रीय शैक्षणिक धोरणाच्या शालेय शिक्षणातील अंमलबजावणीसाठी स्थापन करण्यात आलेल्या सुकाणू समितीचे सदस्य म्हणूनही त्यांनी काम पाहिले आहे. शिक्षण क्षेत्रातील उल्लेखनीय योगदानाबद्दल त्यांना गोवा राज्य आदर्श शिक्षक पुरस्कार तसेच राष्ट्रीय आदर्श शिक्षक पुरस्काराने सन्मानित करण्यात आले आहे. मराठी भाषा, साहित्य, शिक्षण आणि सांस्कृतिक क्षेत्रातील त्यांच्या कार्याची विविध स्तरांवर दखल घेण्यात आली आहे. संगीत क्षेत्रातही त्यांना विशेष रस असून मराठी भावगीतांच्या सीडीची निर्मिती आणि संगीतविषयक व्याख्यानांच्या माध्यमातून त्यांनी योगदान दिले आहे.

• चंद्रकांत बाबर :

कार्यक्रमाचे प्रमुख पाहुणे चंद्रकांत बाबर हे महाराष्ट्र-कर्नाटक सीमाभागातील एक महत्त्वाचे कवी, समीक्षक आणि साहित्यिक विचारवंत म्हणून ओळखले जातात. सांगली जिल्ह्यातील मिरज तालुक्यातील आरग येथील रहिवासी असलेल्या बाबर यांनी कविता, समीक्षा आणि वैचारिक लेखन या क्षेत्रांत उल्लेखनीय योगदान दिले आहे. त्यांचे ‘यास्मिन : एक आठवण’, ‘यास्मिन आणि इतर दीर्घकविता’ आणि ‘माझ्यातल्या कवितेची हळूहळू होत लागली आहे वाफ’ हे कवितासंग्रह प्रकाशित झाले आहेत. तसेच ‘पर्यायी मांडणीच्या हस्तक्षेपांचे अधोरेखन’ आणि ‘गोलपिठा : पर्यायी साहित्यशास्त्राचा केंद्रबिंदू’ हे त्यांचे समीक्षाग्रंथ प्रसिद्ध आहेत. विविध नियतकालिकांतून त्यांचे कविता, लेख आणि समीक्षात्मक लेखन प्रकाशित झाले आहे. त्यांच्या कवितेत सामाजिक वास्तव, मानवी संवेदना, परिवर्तनवादी विचार आणि प्रस्थापित व्यवस्थेविषयीची चिकित्सक भूमिका प्रकर्षाने दिसून येते. साहित्याच्या माध्यमातून सामाजिक, सांस्कृतिक आणि वैचारिक परिवर्तन घडविण्याचा त्यांचा प्रयत्न विशेष उल्लेखनीय आहे.

• उर्मिला शहा :

या कार्यक्रमात ज्यांच्या कवितासंग्रहाचे प्रकाशन होणार आहे, त्या कवयित्री उर्मिला शहा या बेळगावातील मराठी साहित्यविश्वातील एक संवेदनशील कवयित्री म्हणून परिचित आहेत. या आधी त्यांचे ‘प्राजक्तधारा’, ‘घायाळ आभाळ’, ‘मनाची डायरी’ आदी संग्रह प्रकाशित आहेत. त्यांच्या कवितेत स्त्रीजीवनाचे विविध पैलू, स्त्रीच्या मनातील भावभावना, तिचे दुःख, संघर्ष, कौटुंबिक नातेसंबंध आणि सामाजिक वास्तव यांचे प्रभावी चित्रण आढळते. ‘बाई म्हणून जगताना’ या कवितासंग्रहाच्या माध्यमातून स्त्रीजीवनातील विविध अनुभव आणि भावविश्व वाचकांसमोर येणार आहे. त्यामुळे या कवितासंग्रहाचे प्रकाशन ही सीमाभागातील मराठी साहित्यविश्वासाठी एक महत्त्वाची घटना ठरणार आहे.

शब्दगंध कवी मंडळ संघ, बेळगाव या संस्थेची स्थापना १३ सप्टेंबर १९९० रोजी झाली. गेल्या ३६ वर्षांत या संस्थेने मराठी कविता, साहित्य आणि सांस्कृतिक चळवळ समृद्ध करण्यासाठी सातत्याने प्रयत्न केले आहेत. नवोदित आणि प्रस्थापित कवींना व्यासपीठ उपलब्ध करून देणे, कवी संमेलने, साहित्यिक व्याख्याने, कवितावाचन, साहित्यचर्चा आणि काव्यलेखन कार्यशाळांचे आयोजन करणे अशा विविध उपक्रमांतून संस्थेने आपली स्वतंत्र ओळख निर्माण केली आहे. विशेषतः महाराष्ट्र-कर्नाटक सीमाभागात मराठी भाषा, साहित्य आणि संस्कृतीच्या संवर्धनासाठी ही संस्था सक्रियपणे कार्यरत आहे.

या वर्धापन दिनानिमित्त आयोजित कार्यक्रमात मान्यवरांच्या हस्ते कवितासंग्रहाचे प्रकाशन होणार असून मराठी कविता, समकालीन साहित्य आणि स्त्रीजीवनाचे साहित्यिक चित्रण या विषयांवर मान्यवरांचे विचार ऐकण्याची संधी साहित्यप्रेमींना मिळणार आहे.

या कार्यक्रमाच्या यशस्वी आयोजनासाठी शब्दगंध कवी मंडळ संघाचे पदाधिकारी आणि सदस्य परिश्रम घेत आहेत. कार्यक्रमास बेळगाव शहर आणि परिसरातील कवी, लेखक, साहित्यिक, प्राध्यापक, शिक्षक, विद्यार्थी, मराठी भाषाप्रेमी आणि साहित्यरसिकांनी मोठ्या संख्येने उपस्थित राहावे, असे आवाहन शब्दगंध कवी मंडळ संघाचे सचिव सुधाकर गावडे यांनी केले आहे.

The post शब्दगंध कवी मंडळ संघाचा ३६ वा वर्धापन दिन शनिवारी appeared first on News 24 Tass Marathi.

प्रारंभी चेअरमन कुमार पाटील, व्हाईस चेअरमन प्रा. दत्ता नाडगौडा, ज्येष्ठ संचालक अविनाश कुलकर्णी व इतरांच्या हस्ते दीपप्रज्वलन झाल्यावर स्वामी विवेकानंद यांच्या पुतळ्यास संचालक प्रशांत पाटील, संकेत कुलकर्णी, किरण धामणेकर, अनंता शेट यांच्या हस्ते पुष्पांजली अर्पण करण्यात आली.
यानंतर महादेव काळे यांचा व्हाईस चेअरमन प्रा. दत्ता नाडगौडा व संचालक अविनाश कुलकर्णी यांच्याहस्ते आणि प्रज्ञा शानभाग यांचा संचालिका नीता कुलकर्णी यांच्या हस्ते पुष्पगुच्छ देवून सत्कार करण्यात आला. सेक्रेटरी पद्मा बाडकर यांनी सोसायटीच्या आर्थिक प्रगतीची माहिती दिली.

ज्येष्ठ संचालक अविनाश कुलकर्णी यांनी यावेळी बोलताना कोणत्याही संस्थेची‌ प्रगती ही सभासदांच्या असलेल्या विश्वासामुळे होत असते. विवेकानंद सोसायटीने मिळविलेले यश हे याचेच द्योतक आहे, असे मत व्यक्त केले.

समारंभास सल्लागार मंडळाचे सदस्य राहुल अंगडी, श्रीकांत पाटील, धनुजा पाटील यांच्यासह बहुसंख्य सभासद व हितचिंतक उपस्थित होते. कर्मचारी सोनम मंगणाकर यांनी स्वागत केले व अर्चना दरवंदर यांनी आभार मानले. सविता चव्हाण यांनी सूत्रसंचालन केले.

The post विवेकानंद सौहार्द को-ऑप. सोसायटीचा १५ वा वर्धापन दिन साजरा appeared first on News 24 Tass Marathi.

मण्णूर : जय जन कल्याण सौहार्द सहकारी संघ नियमित, मण्णूर संचलित जनकल्याण सामाजिक व शैक्षणिक फौंडेशनचा ९ वा वर्धापनदिन आणि हळदीकुंकू समारंभ अनन्य फार्म हाऊस येथे उत्साहात पार पडला. विविध मान्यवरांच्या उपस्थितीत झालेल्या या कार्यक्रमात सामाजिक, शैक्षणिक आणि महिला सक्षमीकरणाच्या उपक्रमांना विशेष अधोरेखित करण्यात आले.

कार्यक्रमाच्या प्रारंभी छत्रपती शिवाजी महाराजांच्या मूर्तीचे पूजन संस्थापक सहकाररत्न एल. के. कालकुंद्री सर व चेअरमन लक्ष्मण मंडोळकर यांच्या हस्ते करण्यात आले. सरस्वती मातेस पुष्पांजली बेळगावच्या माजी उपमहापौर सौ. रेणू किल्लेकर यांनी अर्पण केली, तर सावित्रीबाई फुले यांच्या प्रतिमेचे पूजन महिला संचालक मंडळाच्या हस्ते झाले. यानंतर सर्व संचालक मंडळांच्या उपस्थितीत दीपप्रज्वलन करण्यात आले.

प्रास्ताविकात एल. के. कालकुंद्री यांनी सहकारी संस्था ही कोणत्याही व्यक्तीची नसून ती सर्व सभासदांची असते, विश्वास हा सहकाराचा कणा आहे आणि सामाजिक बांधिलकीतूनच संस्थेचे कार्य सुरू असल्याचे नमूद केले. व्यवस्थापक महेश काकतकर यांनी संस्थेच्या उद्दिष्टांचा व कार्याचा आढावा घेतला.

प्रमुख पाहुण्या सौ. रेणू किल्लेकर यांनी महिलांना स्वयंपूर्णतेसाठी स्वतंत्र उद्योग सुरू करण्याचे आवाहन केले. प्रमुख वक्ते अनिल चौधरी सर यांनी महिलांनी जीवनातील अडचणींना समर्थपणे सामोरे जावे, मुलांना स्वावलंबनाचे व संस्कारांचे धडे द्यावेत, असे मार्गदर्शन केले. अल्पावधीतच संस्थेने केलेल्या प्रगतीचे त्यांनी कौतुक केले.

यावेळी फौंडेशनमार्फत आयोजित विविध स्पर्धांतील विजेत्यांना बक्षिसे प्रदान करण्यात आली. अग्निवीरमध्ये भरती झालेल्या युवक-युवतींचा तसेच गावातील पदवीधर विद्यार्थ्यांचा विशेष सत्कार करण्यात आला.

कार्यक्रमाला व्हा. चेअरमन संदीप कदम, संचालक जोतिबा शहापूरकर, विनायक कालकुंद्री, सागर डोणकरी, संतोष केंचनावर, भरमा आनंदाचे, कल्लाप्पा तोरे, बसवंत नाईक, सुधा बाळेकुंद्री, कविता सांबरेकर, सल्लागार नारायण शहापुरकर, सिद्राय बाळेकुंद्री, परशराम कदम, जयवंत मंडोळकर, जोतिबा चौगुले, मल्लाप्पा कोतेकर, कल्लाप्पा अष्टेकर, मारुती बामणे, नारायण कालकुंद्री, दत्तू चौगुले, एम. बी. सांबारेकर, रामा चौगुले, तानाजी तरळे, आनंद बाळेकुंद्री, शीतल चौगुले, लता कडोलकर तसेच कर्मचारी पूनम डोंगरे, प्रतीक्षा चौगुले, सुनील सांबरेकर, मेघा बांदेकर, पिग्मी कलेक्टर यलाप्पा पाटील, प्रभाकर देसुरकर आणि अ वर्ग सभासद व हितचिंतक मोठ्या संख्येने उपस्थित होते.

कार्यक्रमाचे सूत्रसंचालन नावगेकर टीचर यांनी केले, तर व्यवस्थापक महेश काकतकर यांनी आभार मानले.

The post जनकल्याण फौंडेशनचा ९ वा वर्धापनदिन उत्साहात appeared first on News 24 Tass Marathi.

यावेळी बोलताना चेअरमन डी. जी. पाटील म्हणाले, गेल्या २४ वर्षांपूर्वी म्हणजेच २००१ साली आम्ही नेताजी मल्टीपर्पज को-ऑपरेटिव्ह सोसायटीची स्थापना स्वातंत्र सेनानी नेताजी सुभाषचंद्र बोस यांच्या जयंतीचे औचित्य साधून केली. सोसायटीला आज २५ वर्षे पूर्ण होत आहेत. संस्था दिवसेंदिवस प्रगतीचे अनेक टप्पे ओलांडत आहे. संस्थेचे संचालक मंडळ, सभासद, ठेवीदार व हितचिंतक तसेच कर्मचाऱ्यांच्या प्रामाणिकपणामुळे व झोकून देऊन काम करण्याच्या प्रवृत्तीमुळे संस्थेने अल्पावधीतच गरुड झेप घेत, येळ्ळूर व परिसरात आपला नावलौकिक मिळवला आहे. वडगाव व येळ्ळूर येथे स्वतःच्या इमारती उभारण्यात आल्या आहेत. त्याचबरोबर परमेश्वरनगर येळ्ळूर येथे नेताजी मराठी सांस्कृतिक भवनाची उभारणी करून सामाजिक बांधिलकी जपली आहे. यावेळी व्हाईस चेअरमन रघुनाथ मुरकुटे यांनीही संस्थेच्या प्रगतीचा आढावा घेतला. यावेळी संचालक बी. डी. छत्र्यान्नावर, संजय मजुकर, सी. एम. उघाडे, परशराम गिंडे, शंकर मुरकुटे, पांडुरंग घाडी, अनिल मुरकुटे, डॉ. कुलदीप लाड, सेक्रेटरी दीपक हट्टीकर, चांगदेव मुरकुटे, विजय धामणेकर, रवि कणबरकर, कांचन पाटील, ज्योती यरमाळकर,सोनाली सायनेकर, संगीता दणकारे आदी यावेळी उपस्थित होते. कार्यक्रमाचे सूत्रसंचालन प्रा.सी. एम. गोरल यांनी केले. तर आभार दीपक हट्टीकर यांनी मानले.

The post येळ्ळूर येथील नेताजी मल्टीपर्पज सोसायटीचा वर्धापन दिन उत्साहात appeared first on News 24 Tass Marathi.

यावेळी अनुभव वेदिक शाळेचे डॉक्टर विनोद यांनी उपस्थित आमचे स्वागत करून आपल्या प्रास्ताविक विचारात वेदिक शाळेत दिल्या जाणाऱ्या ध्यानधारणा, तंत्र-मंत्र साधना, त्याचबरोबर शारीरिक व्याधींवर मात करण्यासाठी हिलिंगचे महत्व यावर माहिती दिली.

यावेळी बोलताना श्रीकांत काकतीकर म्हणाले, चिंता, नैराश्य, नकारात्मक विचार, झोपेचे विकार आणि जुनाट आजारांपासून मुक्तता मिळवण्यासाठी लोक दूरदूरून या ठिकाणी येत असतात. डॉ. विनोद हे सामाजिक बांधिलकीच्या ध्येयाने,समाज विसरलेल्या प्राचीन तंत्रांद्वारे लोकांना निरोगी जीवन जगण्याचे ज्ञान देत आहेत.अनुभव वेदिक शाळेच्या माध्यमातून अनेक गंभीर व्याधींनी त्रस्त असलेल्या रुग्णांवर मेराकी हिलींगच्या माध्यमातून चांगल्या पद्धतीने उपचार करण्यात आले आहेत. अनेक रुग्णांना हीलिंगचा चांगला अनुभव आला आहे.शारीरिक व्याधी विकारांवर मात करण्यासाठी हिलिंग उपचार पद्धतीचे महत्त्व जाणून घेणे आवश्यक असल्याचे सांगितले. अन्य मान्यवरांनी ही यावेळी डॉक्टर विनोद यांना शुभेच्छा दिल्या आणि त्यांनी चालविलेल्या कार्याचे कौतुक केले. वर्धापन दिनानिमित्त वैदिक होम आणि इच्छापूर्ती श्री हनुमंताचे उपस्थित मान्यवरांच्या हस्ते पूजन करण्यात आले.

The post शहापूर येथे अनुभव वैदिक शाळेचा वर्धापन दिन साजरा appeared first on News 24 Tass Marathi.

या महिलांना सन्मानित करण्यासाठी सौ.स्मिता किल्लेकर यांनी आपली आई कै. कमल माळवी यांच्या स्मरणार्थ आर्थिक स्वरूपात मदत केली.कार्यक्रमाच्या सुरुवातीला प्रा.मनिषा नाडगौडा यांनी सर्वांचे स्वागत करुन स्वागतगीत सादर केले. प्रास्ताविक सौ. अपर्णा पाटील यांनी केले. प्रमुख पाहु्ण्यांचा परिचय सौ. अक्षता पिळणकर यांनी करून दिला. सत्कारमूर्ती सौ. मनाली कुगजी यांचा परिचय प्रतिभा सडेकर तर दुसऱ्या सत्कारमूर्ती इंदुबाई कडू यांचा परिचय सौ. मनिषा मोरे यांनी करून दिला. प्रमुख पाहुण्या मा. नीता कुलकर्णी यांचा सन्मान सौ.रोशनी हुंद्रे यांनी केला. दोन्ही सत्कारमूर्तींचा सन्मान सौ. स्मिता किल्लेकर यांच्याहस्ते करण्यात आला.

प्रमुख पाहुण्या नीता कुलकर्णी यांनी मार्गदर्शकपर भाषण केले.या कार्यक्रमात मैत्रेयी कलामंच मंडळाच्या मैत्रिणींच्या सांस्कृतिक कार्यक्रमांचेही आयोजन करण्यात आले होते. प्रा मनिषा नाडगौडा, सौ. अक्षता यळ्ळूरकर, सौ.स्नेहल बर्डे, सौ. अक्षता पिळणकर, सौ.रोशनी हुंद्रे, ईशानी जाधव यांनी यामध्ये सहभाग घेतला होता. मैत्रेयी कलामंचच्या सर्व महिलांचा सन्मान नीता कुलकर्णी यांच्याहस्ते भेटवस्तू देऊन करण्यात आला.संपूर्ण कार्यक्रमाचे सूत्रसंचालन सौ. मेघा भंडारी यांनी केले. शेवटी सौ.अस्मिता आळतेकर यांनी आभार मानून कार्यक्रमाची सांगता केली.

The post मैत्रेयी कलामंच वर्धापन दिनानिमित्त महिला दिन साजरा appeared first on News 24 Tass Marathi.