बेळगाव : आंतरराष्ट्रीय योग दिनानिमित्त बेळगाव जिल्हा व सत्र न्यायालयाच्या आवारात विशेष योग शिबिराचे आयोजन करण्यात आले होते. या कार्यक्रमात न्यायालयातील न्यायाधीश, वकील तसेच अधिकारी आणि कर्मचाऱ्यांनी मोठ्या उत्साहाने सहभाग घेत योगाचे महत्त्व अधोरेखित केले.

कार्यक्रमाचे उद्घाटन जिल्हा व सत्र न्यायालयाचे मुख्य न्यायाधीश मंजुनाथ नायक यांच्याहस्ते दीपप्रज्वलन करून करण्यात आले. यावेळी त्यांनी स्वतः विविध योगासने आणि प्राणायाम करून उपस्थितांना योगाचा नियमित सराव करण्याचे आवाहन केले.

दैनंदिन जीवनातील वाढता मानसिक ताण कमी करण्यासाठी तसेच शारीरिक आणि मानसिक स्वास्थ्य टिकवून ठेवण्यासाठी योग अत्यंत उपयुक्त असल्याचे मत यावेळी व्यक्त करण्यात आले. योग ही केवळ व्यायामपद्धती नसून निरोगी आणि संतुलित जीवनशैलीचा महत्त्वाचा भाग असल्याचेही सांगण्यात आले.

या प्रसंगी न्यायालयातील वरिष्ठ व कनिष्ठ अधिकारी, वकील आणि कर्मचारी यांनी विविध योगासने व प्राणायामाचे प्रात्यक्षिक सादर केले. उत्साहपूर्ण वातावरणात पार पडलेल्या या उपक्रमामुळे जिल्हा न्यायालय परिसरात जागतिक योग दिनाचा सोहळा विशेष उत्साहात साजरा झाला.

The post बेळगाव जिल्हा न्यायालयात जागतिक योग दिन उत्साहात साजरा appeared first on News 24 Tass Marathi.

योगाभ्यास हा आरोग्य सुधारण्याचा एक महत्त्वाचा उपाय आहे. जो हजारो वर्षांपासून पाळला जात आहे. योग शारीरिक आणि मानसिक स्थिरता राखू शकतो. जीवनशैलीत योगाचा समावेश करून निरोगी जीवन जगता येते, असे प्रतिपादन खासदार जगदीश शेट्टर यांनी केले. जिल्हा प्रशासन, जिल्हा पंचायत, महानगर पालीके, जिल्हा आयुष विभाग आणि इतर विभागांच्या सहकार्याने शनिवारी सकाळी सुवर्ण विधान सौधाच्या बँक्वेट हॉलमध्ये आयोजित “११ वा आंतरराष्ट्रीय योग दिन साजरा’ कार्यक्रमात ते बोलत होते.

यावेळी, आरोग्य र्सवांसाठी खूप महत्वाचे आहे हा संदेश पसरविण्यासाठी “एक पृथ्वी, एक आरोग्य योग” या घोषणेसह योग दिन साजरा केला जात आहे. जगभरात योग दिन साजरा केला जात आहे. सर्व देशांतील लोक योग दिनाच्या उत्सवात सहभागी होत आहेत. आरोग्यात सकारात्मक बदल घडवून आणण्यासाठी योगाचे महत्त्व संपूर्ण जगाला समजले आहे, असे त्यांनी सांगितले. योगाचा इतिहास ऋषीमुनींच्या काळापासून आहे. वैदिक काळापासून तो वाढला आहे आणि ऋग्वेद आणि उपनिषदांमध्ये योगाचा उल्लेख आहे. योगाभ्यासामुळे शारीरिक आणि मानसिक संतुलन राखता येते. लोकसभा खासदार जगदीश शेट्टर यांनी दैनंदिन योगसाधनेद्वारे प्रत्येकाने चांगले आरोग्य राखण्याचे आवाहन केले. केएलई प्रभाकर कोरे रुग्णालयातील योग प्रशिक्षक आरती संकेश्वरी यांनी विविध योग आसनांचे प्रशिक्षण दिले.

शहर पोलिस आयुक्त भूषण गुलाबराव बोरसे, जिल्हा पंचायत नियोजन संचालक रवी बंगारप्पा, पर्यटन विभागाचे सहसंचालक सौम्या बापट, हवाई दलाचे लेफ्टनंट कर्नल निकिता सिंह, सार्वजनिक बांधकाम विभागाचे कार्यकारी अभियंता एस. एस. सोबरदा, जिल्हा आयुष अधिकारी डॉ. श्रीकांत सुनधोली, विविध शाळा आणि महाविद्यालयातील विद्यार्थी योग कार्यक्रमात सहभागी झाले होते.

The post लोकप्रतिनिधींसह नागरिकांमधून सर्वत्र योगजागर appeared first on News 24 Tass Marathi.

आंतरराष्ट्रीय योग दिनाचे औचित्य साधून मंडोळी रोड येथील जोशीज पब्लिक सेंट्रल स्कूल येथे विशेष कार्यक्रम पार पडला. याप्रसंगी प्रमुख योग प्रशिक्षक म्हणून डॉ. सौरभ पाटील आणि विनायक पाटील उपस्थित होते . त्यांनी विद्यार्थ्यांकडून योगासनाचे वेगवेगळे प्रकार करवून घेतले आणि त्याचे महत्व सांगीतले. प्राचार्या आर. आर. जोशी आणि प्राचार्य अरुण जाधव यांनी उपस्थितांचे स्वागत केले. शाळेच्या वतीने योग जागृती फेरी देखील काढण्यात आली. यावेळी सर्व शिक्षकवर्ग विद्यार्थीवर्ग उपास्थित होते.

The post जोशीज पब्लिक हायस्कूलमध्ये योग दिवस साजरा appeared first on News 24 Tass Marathi.