अहमदाबाद : रॉयल चॅलेंजर्स बंगळुरूने आयपीएल २०२६ च्या अंतिम सामन्यात दमदार कामगिरी करत गुजरात टायटन्सवर मात केली आणि सलग दुसऱ्यांदा विजेतेपद पटकावण्याचा मान मिळवला. अहमदाबाद येथील नरेंद्र मोदी स्टेडियमवर झालेल्या या रंगतदार सामन्यात बंगळुरूने १५६ धावांचे लक्ष्य १८ षटकांत पूर्ण करत ट्रॉफीवर पुन्हा एकदा आपले नाव कोरले.

लक्ष्याचा पाठलाग करताना आरसीबीची सुरुवात भक्कम झाली. सलामीवीर विराट कोहली आणि वेंकटेश अय्यर यांनी पहिल्या विकेटसाठी ६२ धावांची भागीदारी उभारून संघाचा पाया मजबूत केला. अय्यरने ३२ धावांचे योगदान दिले, तर विराट कोहलीने नाबाद ७५ धावांची खेळी साकारत संघाला विजयाच्या उंबरठ्यावर नेले. देवदत्त पडिक्कलला मोठी खेळी करता आली नाही. त्यानंतर टीम डेव्हिडने २४ धावा केल्या, तर कृणाल पंड्या एक धावेवर बाद झाला. अखेरीस विराटच्या षटकाराने बंगळुरूच्या विजयावर शिक्कामोर्तब झाले.

यापूर्वी नाणेफेक गमावल्यानंतर प्रथम फलंदाजीस उतरलेल्या गुजरात टायटन्सला अपेक्षित सुरुवात मिळाली नाही. साई सुदर्शन १२ आणि कर्णधार शुबमन गिल १० धावांवर माघारी परतल्याने संघ दबावात आला. निशांत सिंधूने २० धावा केल्या, तर जोस बटलर १९ धावांवर बाद झाला. मधल्या फळीत अर्शद खानने १५, राहुल तेवतिया आणि जेसन होल्डर यांनी प्रत्येकी ७ धावांचे योगदान दिले. अखेर वॉशिंग्टन सुंदरने संयमी अर्धशतक झळकावत नाबाद ५० धावा केल्या. त्याच्या खेळीमुळे गुजरातने २० षटकांत ८ बाद १५५ धावांपर्यंत मजल मारली.

• सलग दोन हंगामांतील ऐतिहासिक यश :

आयपीएलच्या सुरुवातीपासून अनेक वर्षे विजेतेपदाची प्रतीक्षा करणाऱ्या रॉयल चॅलेंजर्स बंगळुरूने गेल्या दोन हंगामांत इतिहास रचला आहे. रजत पाटीदारच्या नेतृत्वाखाली संघाने प्रथम मागील हंगामात पंजाब किंग्सचा पराभव करून पहिले जेतेपद जिंकले होते. त्यानंतर २०२६ च्या अंतिम सामन्यात गुजरात टायटन्सवर विजय मिळवत बंगळुरूने विजेतेपदाचे यशस्वी संरक्षण केले आणि सलग दुसऱ्यांदा आयपीएल चॅम्पियन बनण्याचा पराक्रम केला.

The post आरसीबी सलग दुसऱ्यांदा आयपीएल चॅम्पियन ! appeared first on News 24 Tass Marathi.

माजी पंतप्रधान एच. डी. देवेगौडा, काँग्रेस अध्यक्ष मल्लिकार्जुन खर्गे, बेळगावचे भाजप नेते इराण्णा कडाडी व मंगळूरमधील भाजपचे नेते के. नारायण यांच्या सदस्यत्वाची मुदत संपणार आहे. एकूण २४ जागांसाठी निवडणुका होणार आहेत.

The post कर्नाटक राज्यातील राज्यसभेच्या चार जागांचे निवडणूक वेळापत्रक जाहीर appeared first on News 24 Tass Marathi.

आज, मंगळवारी (१९ मे) देशभरात पेट्रोल आणि डिझेलच्या दरात सरासरी ९० पैशांची वाढ करण्यात आली आहे. इंधनाच्या दरात चालू आठवड्यात झालेली ही दुसरी दरवाढ असून यामुळे सर्वसामान्यांचे बजेट पूर्णपणे कोलमडण्याची शक्यता निर्माण झाली आहे.

यापूर्वी गेल्या शुक्रवारीच पेट्रोल आणि डिझेलच्या दरात थेट ३ रुपयांची मोठी वाढ करण्यात आली होती. त्यानंतर आता अवघ्या काही दिवसांतच पुन्हा ९० पैशांची वाढ झाल्याने बाजारात महागाईचा भडका उडण्याची शक्यता वर्तवली जात आहे.

The post पेट्रोल – डिझेलच्या दरात ५ दिवसात दुसऱ्यांदा दरवाढ appeared first on News 24 Tass Marathi.

परीक्षेसंदर्भातील सविस्तर माहिती एनटीएच्या अधिकृत संकेतस्थळावर उपलब्ध करून देण्यात येणार असल्याचेही स्पष्ट करण्यात आले आहे.

३ मे २०२६ रोजी झालेल्या नीट यूजी परीक्षेनंतर पेपरफुटी आणि गैरव्यवहाराच्या आरोपांमुळे देशभरात मोठी चर्चा रंगली होती. या पार्श्वभूमीवर एनटीएने परीक्षा रद्द करण्याचा निर्णय घेतला होता. या निर्णयाचा परिणाम २२ लाखांहून अधिक विद्यार्थ्यांवर झाला आहे.

विद्यार्थी या परीक्षेची वर्षभर तयारी करत असतात. परीक्षा झाल्यानंतर काही दिवसांत सोशल मीडियावर कथित ‘गेस पेपर’चे फोटो व्हायरल झाले होते. त्यातील अनेक प्रश्न प्रत्यक्ष परीक्षेत आल्याचा दावा करण्यात आल्याने संशय निर्माण झाला होता.

यानंतर एनटीएने संपूर्ण प्रकरणाची चौकशी सुरू केली. तपासादरम्यान काही अनियमितता आणि गैरप्रकार समोर आल्याचे सांगितले जात असून, त्यानंतर परीक्षा रद्द करण्याचा निर्णय घेण्यात आला.

The post नीट यूजीची फेरपरीक्षा २१ जूनला appeared first on News 24 Tass Marathi.

नवी दिल्ली : देशात महागाईचा दबाव वाढत असताना आता पेट्रोल आणि डिझेलच्या दरवाढीमुळे सर्वसामान्य नागरिकांच्या खर्चात आणखी भर पडली आहे. सीएनजी, सोने-चांदी, दूध आणि गॅस सिलिंडरच्या वाढलेल्या दरांनंतर इंधन दरवाढीची भर पडल्याने नागरिकांची चिंता वाढली आहे.

पश्चिम आशियातील तणावपूर्ण परिस्थिती आणि जागतिक स्तरावरील अस्थिरतेमुळे कच्च्या तेलाच्या पुरवठ्यावर परिणाम झाला आहे. त्याचा थेट परिणाम भारतीय बाजारपेठेवर दिसून येत असून, शुक्रवारी सकाळी ६ वाजल्यापासून देशभरात पेट्रोल आणि डिझेलचे नवे दर लागू करण्यात आले आहेत.

तेल कंपन्यांनी पेट्रोलच्या दरात प्रतिलिटर ३ रुपये १४ पैशांची तर डिझेलच्या दरात ३ रुपये ११ पैशांची वाढ जाहीर केली आहे. या वाढीमुळे वाहतूक, मालवाहतूक आणि दैनंदिन वस्तूंच्या किमतींवरही परिणाम होण्याची शक्यता व्यक्त केली जात आहे.

यापूर्वी सीएनजीच्या दरात दोन रुपयांची वाढ करण्यात आली होती. तसेच सोने आणि चांदीवरील आयात शुल्क १५ टक्क्यांपर्यंत वाढवण्यात आल्याने मौल्यवान धातूंचे दरही चढले आहेत. घरगुती वापरातील अनेक वस्तूंच्या किमती वाढल्यामुळे महागाईचा फटका अधिक तीव्र होत असल्याचे चित्र आहे.

दिल्ली पेट्रोल डीलर्स असोसिएशनचे माजी अध्यक्ष निश्चल सिंघानिया यांनी दिलेल्या माहितीनुसार, आंतरराष्ट्रीय बाजारात कच्च्या तेलाच्या किमतीत झालेली वाढ आणि डॉलरच्या तुलनेत रुपयाचे अवमूल्यन ही इंधन दरवाढीमागील प्रमुख कारणे आहेत. तेल कंपन्यांनी गुरुवारी मध्यरात्री पेट्रोल पंप चालकांना ईमेलद्वारे नव्या दरांची माहिती दिली होती.

The post पेट्रोल – डिझेलचे दर वाढले appeared first on News 24 Tass Marathi.

बेळगाव येथे पार पडलेल्या या स्पर्धेला देशभरातील स्पर्धकांचा उत्स्फूर्त प्रतिसाद लाभला. ५० हून अधिक जोड्यांनी स्पर्धेत सहभाग घेतला होता. अ गटात आनंद सामंत-शशिकांत शिंदे यांनी प्रथम क्रमांक मिळवला, तर व्यंकटेश आणि कार्तिकेयन यांनी द्वितीय, तसेच राजेंद्र बर्वे आणि एम. आय. हेगडे यांनी तृतीय स्थान मिळवले.

ब गटात कश्यप आणि क्लिफर्ड यांनी अव्वल स्थान पटकावत अजिंक्यपद मिळवले. हरे राम उर्फ एच. डी. काद्रोलकर व विनायक सी. आर. यांनी द्वितीय, तर सुशील शर्मा आणि सुदाराम यांनी तृतीय क्रमांक प्राप्त केला.

स्पर्धेनंतर झालेल्या पारितोषिक वितरण समारंभात प्रमुख पाहुणे सिद्धार्थ चंदगडकर, नितीन लोकूर आणि अभिजीत भागवत यांच्याहस्ते विजेत्या आणि मानकरी स्पर्धकांना रोख पारितोषिके तसेच सुहासचंद्र चंदगडकर व दिलीप भागवत स्मृतिचिन्ह देऊन गौरविण्यात आले.

या प्रसंगी बेळगाव जिल्हा कॉन्ट्रॅक्ट ब्रिज असोसिएशनचे अध्यक्ष एस. वाय. प्रभू, आनंद गाडगीळ, सुब्रमण्यम, नंदकुमार देशपांडे आणि संतोष ममदापूर उपस्थित होते. स्पर्धेत मुंबई, पुणे, सातारा, सांगली, कोल्हापूर, रत्नागिरी, गोवा आणि बेंगळुरू येथील नामांकित ब्रिजपटूंनी सहभाग नोंदविला.

The post राष्ट्रीय ब्रिज स्पर्धेत आनंद सामंत – शशिकांत शिंदे आणि कश्यप – क्लिफोर्ड यांना विजेतेपद appeared first on News 24 Tass Marathi.

चेन्नईतील जवाहरलाल नेहरू स्टेडियममध्ये पार पडलेल्या शपथविधी सोहळ्यात राज्यपाल ए. आर. व्ही. अर्लेकर यांनी विजय यांच्यासह नऊ सदस्यीय मंत्रिमंडळाला पद आणि गोपनीयतेची शपथ दिली. नव्या मंत्रिमंडळात अनुभवी आणि युवा नेतृत्वाचा समतोल साधण्यात आल्याचे दिसून आले. विशेष म्हणजे, मागील सरकारच्या परंपरेपेक्षा वेगळा मार्ग स्वीकारत मुख्यमंत्री विजय आणि मंत्र्यांनी देवाच्या नावाने शपथ घेतली. या सोहळ्याला काँग्रेस नेते राहुल गांधी तसेच अभिनेत्री त्रिशा कृष्णन यांच्यासह अनेक मान्यवर उपस्थित होते.

मुख्यमंत्रीपद स्वीकारल्यानंतर विजय यांनी जनतेला संबोधित करताना, “मी कोणत्याही राजकीय घराण्यातून आलेलो नाही, मात्र जनतेने माझ्यावर विश्वास दाखवला आहे. खोटी आश्वासने देऊन लोकांची दिशाभूल करणार नाही,” असे सांगितले.

यावेळी त्यांनी मागील डीएमके सरकारवर टीका करत राज्याच्या आर्थिक स्थितीवर श्वेतपत्रिका जाहीर करण्याची घोषणा केली. तसेच अमली पदार्थांविरोधात कठोर मोहीम राबवणे, पारदर्शक प्रशासन देणे आणि सामाजिक न्यायावर आधारित शासन व्यवस्था उभी करणे हे आपल्या सरकारचे प्रमुख उद्दिष्ट असल्याचे त्यांनी स्पष्ट केले.

The post जोसेफ विजय तामिळनाडूच्या मुख्यमंत्रीपदी विराजमान appeared first on News 24 Tass Marathi.

याच पार्श्वभूमीवर केरळ किनारपट्टीवर १ जूनच्या सुमारास मान्सून दाखल होण्याची शक्यता अधिक दृढ झाली आहे. ऑस्ट्रेलियातील हवामान विभागाने २०२५-२६ मधील उत्तर भागातील पावसाळी हंगाम समाप्त झाल्याचे जाहीर केल्यानंतर वातावरणीय प्रणालीत बदल दिसून येऊ लागले आहेत. या बदलांचा प्रभाव उत्तर गोलार्धातील हवामानावर होत असून भारतीय महासागर क्षेत्रात कमी दाबाची परिस्थिती तयार होत असल्याने मान्सूनसाठी पोषक वातावरण निर्माण होत आहे.

सध्या आंतरउष्ण कटिबंधीय अभिसरण पट्टा उत्तरेकडे सरकत असून तो मालदीवच्या उत्तरेकडून दक्षिण श्रीलंका आणि अंदमान-निकोबार बेटांपर्यंत विस्तारलेला आहे. मान्सून केरळ किनारपट्टीवर पोहोचण्यापूर्वी या पट्ट्यातील हालचाली महत्त्वपूर्ण मानल्या जातात. त्यामुळे येत्या काही दिवसांत मान्सूनच्या पुढील प्रवासाचे चित्र अधिक स्पष्ट होण्याची शक्यता हवामान तज्ज्ञांनी व्यक्त केली आहे.

• दक्षिण भारतात मुसळधार पावसाचा अंदाज

दरम्यान, हवामान विभागाने पुढील सात दिवस दक्षिण भारतातील विविध भागांत जोरदार पावसाचा इशारा दिला आहे. तामिळनाडू, केरळ, पुदुचेरी आणि दक्षिण कर्नाटकात मुसळधार पावसाची शक्यता व्यक्त करण्यात आली आहे. तसेच किनारी आंध्र प्रदेश आणि रायलसीमा भागात मेघगर्जनेसह वादळी पावसाचा अंदाज वर्तविण्यात आला आहे. लक्षद्वीप परिसरातही पावसाची तीव्रता वाढण्याची शक्यता हवामान खात्याने व्यक्त केली आहे.

दुसरीकडे, उत्तर-पश्चिम आणि पूर्व भारतातील काही भागांत उष्णतेची लाट कायम राहण्याचा अंदाज असून काही ठिकाणी अचानक वादळी वारे, विजांचा कडकडाट आणि गारपीट होण्याचाही इशारा देण्यात आला आहे. हवामानातील या बदलत्या परिस्थितीमुळे नागरिकांनी आवश्यक ती खबरदारी घ्यावी, असे आवाहन प्रशासनाकडून करण्यात आले आहे.

The post केरळमध्ये १ जूनला मान्सून दाखल होण्याची शक्यता appeared first on News 24 Tass Marathi.

गोवा, थायलंड, पोलंड, तुर्की आणि कोपनहेगननंतर आता सिडनीमध्येही त्यांनी आपल्या जिद्द, चिकाटी आणि शिस्तबद्ध जीवनशैलीची छाप उमटवली. पोहणे, सायकलिंग आणि धावणे अशा अत्यंत कठीण टप्प्यांचा समावेश असलेली ही जगप्रसिद्ध स्पर्धा त्यांनी यशस्वीरीत्या पूर्ण केली.

आयजीपी संदीप पाटील यांची ही कामगिरी केवळ शारीरिक क्षमतेचे उदाहरण नसून, कठोर परिश्रम, सातत्य आणि आत्मविश्वासाचे प्रतीक मानली जात आहे. त्यांच्या या यशामुळे तरुणाईसह पोलीस दलातही नवचैतन्य निर्माण झाले आहे.

The post आयजीपी संदीप पाटील यांचे सिडनीतील ‘आयर्न मॅन ७०.३’ स्पर्धेत यश appeared first on News 24 Tass Marathi.

कोलकाता येथील बिस्वा बांगला कन्व्हेन्शन सेंटरमध्ये भाजपाच्या पश्चिम बंगाल कार्यकारिणी आणि नवनिर्वाचित आमदारांची बैठक पार पडली. या बैठकीला केंद्रीय गृहमंत्री अमित शाह आणि प्रदेशाध्यक्ष शमिक भट्टाचार्य उपस्थित होते. बैठकीत सुवेंदू अधिकारी यांच्या नावावर एकमताने शिक्कामोर्तब करण्यात आले.

यावेळी बोलताना अमित शाह म्हणाले की, “निवडणुका संपल्या असून पक्षाला मोठा विजय मिळाला आहे. सर्व आमदार आणि नेत्यांनी सुवेंदू अधिकारी यांचेच नाव पुढे केले. दुसरे कोणतेही नाव समोर आले नाही. त्यामुळे सुवेंदू अधिकारी हेच पश्चिम बंगालचे मुख्यमंत्री असतील.”

५५ वर्षीय सुवेंदू अधिकारी यांनी २०२१ मध्ये नंदीग्राम विधानसभा मतदारसंघातून ममता बॅनर्जी यांचा पराभव केला होता. त्यानंतर त्यांनी विरोधी पक्षनेते म्हणून काम पाहिले. नुकत्याच झालेल्या विधानसभा निवडणुकीत त्यांनी भवानीपूर मतदारसंघातून ममता बॅनर्जी यांचा पुन्हा पराभव केला.

• सुवेंदू अधिकारी यांचा राजकीय प्रवास :

सुवेंदू अधिकारी यांनी काँग्रेसच्या विद्यार्थी संघटनेतून राजकीय कारकिर्दीची सुरुवात केली. १९९५ मध्ये ते प्रथम नगरसेवक म्हणून निवडून आले. १९९८ मध्ये ममता बॅनर्जी यांनी तृणमूल काँग्रेसची स्थापना केल्यानंतर ते पक्षात दाखल झाले.

२००६ मध्ये ते कांथी दक्षिण मतदारसंघातून आमदार झाले. नंदीग्राम आणि सिंगूर येथील जमीन अधिग्रहणविरोधी आंदोलनात त्यांनी महत्त्वाची भूमिका बजावली. ‘भूमी उच्छेद प्रतिरोध समिती’चे नेतृत्व करत त्यांनी आंदोलन उभारले. या आंदोलनामुळे पश्चिम बंगालमधील डाव्या आघाडीची ३४ वर्षांची सत्ता संपुष्टात आली आणि २०११ मध्ये ममता बॅनर्जी मुख्यमंत्री बनल्या.

The post सुवेंदू अधिकारी होणार पश्चिम बंगालचे नवे मुख्यमंत्री appeared first on News 24 Tass Marathi.