बेळगाव : शहरातील मराठा लाईट इन्फंट्री रेजिमेंटल सेंटरमध्ये १६ व्या ‘भैरव बटालियन’ची दिमाखदार स्थापना करण्यात आली. भारतीय लष्कराच्या सामर्थ्यात मोलाची भर घालणारा हा सोहळा उत्साहात पार पडला.

खडकाळ व डोंगराळ भागातील कारवाया, तसेच बंडखोरीविरोधी आणि दहशतवादविरोधी मोहिमांसाठी ही बटालियन विशेष तयार करण्यात आली आहे. अत्याधुनिक प्रशिक्षण घेतलेल्या जवानांमुळे ही तुकडी कोणत्याही आव्हानाला समर्थपणे सामोरी जाण्यास सज्ज असल्याचे दिसून आले.

स्थापना सोहळ्यात शिस्तबद्ध पथसंचलन, मानवंदना आणि लष्करी दिमाखाचा प्रत्यय उपस्थितांना आला. कमांडंट ब्रिगेडियर जॉयदीप मुखर्जी यांच्या हस्ते बटालियनचा ध्वज सुपूर्द करण्यात आला.

या नव्या बटालियनच्या स्थापनेमुळे भारतीय लष्कराची ताकद, वेग आणि सज्जता अधिक बळकट झाली असून राष्ट्ररक्षणाच्या दृष्टीने एक नवा अध्याय सुरू झाल्याची भावना यावेळी व्यक्त करण्यात आली.

The post मराठा लाईट इन्फंट्री सेंटरमध्ये भैरव बटालियनची दिमाखदार स्थापना appeared first on News 24 Tass Marathi.

४ फेब्रुवारी १६७० रोजी तानाजी मालुसरेनी सिंहगड किल्ला जिंकला होता. मराठा सैन्याने मिळवलेल्या दैदीप्यमान विजयाच्या स्मरणार्थ मराठा लाईट इन्फत्री रेजिमेंटल सेंटर येथे मराठा दिवस साजरा केला जातो. मराठा दिवस कार्यक्रमाला प्रमुख पाहुणे म्हणून मेजर जनरल राकेश मनोचा उपस्थित होते. मेजर जनरल राकेश मनोचा यांच्या हस्ते केक कापण्यात आला. त्यानंतर सांस्कृतिक कार्यक्रम कोल्हापूरच्या कलाकारांनी सादर केला.तरुण आणि तरुणीनी सादर केलेली मर्दानी खेळाची प्रात्यक्षिके देखील उपस्थितांचे आकर्षण ठरली.मराठा दिवस कार्यक्रमाला लष्कराचे अधिकारी, जवान, त्यांचे कुटुंबीय, सेवानिवृत्त अधिकारी आणि निमंत्रित उपस्थित होते.

The post मराठा लाईट इन्फट्री रेजिमेंटल सेंटर येथे मराठा दिवस साजरा appeared first on News 24 Tass Marathi.

बेळगाव / प्रतिनिधी

बेळगाव येथील मराठा लाईट इन्फंट्री रेजिमेंटल सेंटर येथे अग्निपथ योजनेअंतर्गत प्रशिक्षण पूर्ण केलेल्या सहाव्या तुकडीच्या अग्निवीरांचा दीक्षांत संचलन आणि शपथविधी समारंभ आज दिमाखात पार पडला. तब्बल ३१ आठवड्यांच्या कठोर प्रशिक्षणानंतर एकूण ४८४ अग्निवीर भारतीय सैन्यात दाखल झाले.

शपथविधी परेडचा आढावा मेजर जनरल हरी भास्करन पिल्लई यांनी घेतला. यावेळी अग्निवीरांनी दाखवलेल्या शिस्तबद्ध कवायती, उत्साह व देशभक्तीची भावना याचे त्यांनी विशेष कौतुक केले.

समारंभास जवानांचे पालक, रेजिमेंटचे सेवारत व निवृत्त अधिकारी, बेळगावचे मान्यवर, एनसीसी कॅडेट्स आणि विद्यार्थ्यांची मोठ्या संख्येने उपस्थिती होती. राष्ट्रध्वज, रेजिमेंटल ध्वज व धार्मिक ग्रंथांच्या साक्षीने अग्निवीरांनी देशनिष्ठेची शपथ घेतली तेव्हा संपूर्ण परिसर राष्ट्रभक्तीच्या जयघोषाने दुमदुमून गेला.

नवनियुक्त अग्निवीरांना संबोधित करताना मेजर जनरल पिल्लई म्हणाले की, मराठा लाईट इन्फंट्री ही भारतीय सैन्याची शौर्यशाली आणि ऐतिहासिक रेजिमेंट आहे. सैनिकाच्या जीवनात शिस्त, शारीरिक क्षमता आणि राष्ट्रनिष्ठेचे स्थान सर्वोच्च असून, भावी वाटचालीत या मूल्यांचा अवलंब करावा, अशा शब्दांत त्यांनी मार्गदर्शन केले.

समारंभात उत्कृष्ट कामगिरी करणाऱ्या अग्निवीरांना विशेष पारितोषिक देऊन गौरविण्यात आले. अग्निवीर सूरज मोरे यांना नायक यशवंत घाटगे, व्ही. सी. पदकाने सन्मानित करण्यात आले. शर्कत येथील युद्ध स्मारकावर पुष्पचक्र अर्पण करून शहीद जवानांना अभिवादन करण्यात आले.

यावेळी अग्निशमन दलातील जवानांच्या पालकांना ‘गौरव पदक’ प्रदान करून सन्मानित करण्यात आले. आपल्या मुलांच्या खांद्यावर वाहिलेली देशरक्षणाची जबाबदारी पाहून पालकांनी अभिमान व्यक्त केला. शिस्त, शौर्य आणि राष्ट्रनिष्ठेचे प्रतीक ठरलेल्या या समारंभाने मराठा लाईट इन्फंट्रीचा गौरवशाली वारसा अधिक तेजस्वी केला.

The post बेळगाव मराठा लाईट इन्फंट्रीत अग्निवीरांच्या ६ व्या तुकडीचा दीक्षांत समारंभ उत्साहात appeared first on News 24 Tass Marathi.

मराठा लाईट इन्फंट्री रेजिमेंटल सेंटर येथे इन्फंट्री डे उत्साहात साजरा करण्यात आला. या निमित्ताने मातृभूमीच्या रक्षणासाठी बलिदान दिलेल्या वीर जवानांना शरकत वॉर मेमोरियल येथे पुष्पचक्र अर्पण करून श्रद्धांजली वाहण्यात आली.

कार्यक्रमास मराठा लाईट इन्फंट्री रेजिमेंटल सेंटरचे कमांडंट ब्रिगेडियर जॉयदीप मुखर्जी, जूनियर लीडर्स विंगचे कमांडंट मेजर जनरल राकेश मनोच्या तसेच विविध लष्करी अधिकारी, जवान आणि सेवानिवृत्त अधिकारी उपस्थित होते.

दरवर्षी २७ ऑक्टोबर रोजी इन्फंट्री डे साजरा केला जातो. या दिवशी देशासाठी प्राणार्पण केलेल्या सैनिकांचे स्मरण करून त्यांना आदरांजली अर्पण केली जाते. यावर्षीही पारंपरिक शिस्त आणि सन्मानाने हा कार्यक्रम पार पडला.

शरकत वॉर मेमोरियल येथे ब्रिगेडियर मुखर्जी आणि मेजर जनरल मनोच्या यांनी पुष्पचक्र अर्पण करून शहीद वीरांना अभिवादन केले. त्यानंतर उपस्थित सेवानिवृत्त अधिकाऱ्यांनीही स्मारकावर पुष्पचक्र अर्पण करून शहिदांना श्रद्धांजली वाहिली.

या प्रसंगी मराठा लाईट इन्फंट्री रेजिमेंटल सेंटरचे अधिकारी, जवान आणि निवृत्त सैनिक मोठ्या संख्येने उपस्थित राहून देशासाठी बलिदान दिलेल्या वीरांना विनम्र अभिवादन केले.

The post मराठा लाईट इन्फंट्री रेजिमेंटल सेंटरतर्फे ‘इन्फंट्री डे’ साजरा appeared first on News 24 Tass Marathi.

मराठा लाईट इन्फंट्री रेजिमेंटल सेंटरच्यावतीने रविवारी ‘शौर्यवीर रन २०२५’चे आयोजन करण्यात आले होते. इन्फंट्रीच्या शिवाजी स्टेडियम येथून मॅरेथॉनला सुरुवात झाली. भारतीय सैन्याच्या ७९ व्या स्थापना दिवसानिमित्त आयोजित या मॅरेथॉनचे उद्घाटन कमांडंट ब्रिगेडियर जॉयदीप मुखर्जी यांच्या हस्ते झाले. ब्रिगेडियर मुखर्जी म्हणाले, इंडियन आर्मी हे धैर्य, सहनशक्ती आणि एकतेचे प्रतीक आहे. उच्च दर्जा, शिस्त आणि समर्पण हे मराठा लाईट इन्फंट्रीचे वैशिष्ट्य आहे. भारतीय सैन्याचा गौरव करण्यासाठी मॅरेथॉनचे आयोजन करून सर्वसामान्यांमध्ये जागृती करण्याच्या या प्रयत्नाचे त्यांनी कौतुक केले. या स्पर्धेमध्ये २१ कि.मी. हॉफ मॅरेथॉन, १० कि. मी. टाईम्ड रन, ५ किमी. फन रनचे आयोजन करण्यात आले होते. तीन गटांमध्ये झालेल्या या स्पर्धेसाठी सर्व वयोगटातील स्पर्धक सहभागी झाले होते. यामध्ये सैन्याचे जवान, त्यांचे कुटुंबीय, माजी सैनिक, विद्यार्थी तसेच धावपटू सहभागी झाले होते. याबरोबरच धावपटूंचा उत्साह वाढविण्यासाठी झुंबा वार्म अप तसेच विविध खेळांचे आयोजन करण्यात आले होते.

The post मराठा लाईट इन्फंट्री रेजिमेंटल सेंटरतर्फे ‘शौर्यवीर रन’ उत्साहात appeared first on News 24 Tass Marathi.

बेळगाव येथील मराठा लाईट इन्फंट्री रेजिमेंटल सेंटर (एमएलआयआरसी) परिसरातील आर्मी पब्लिक स्कूलमध्ये १६८/२६ कर्नाटक बटालियन एनसीसी युनिटचा उद्घाटन समारंभ आज शुक्रवारी उत्साहात पार पडला.

या सोहळ्याचे उद्घाटन एमएलआयआरसी कमांडंट व एपीएसचे अध्यक्ष ब्रिगेडियर जयदीप मुखर्जी यांच्या हस्ते झाले. यावेळी विशेष अतिथी म्हणून एनसीसी ग्रुप मुख्यालय, बेळगावचे कर्नल मोहन नाईक, २६ कर्नाटक बटालियन एनसीसीचे कमांडिंग ऑफिसर कर्नल सुनील डागर आणि एपीएसचे स्टाफ ऑफिसर लेफ्टनंट कर्नल अरुण मॅथ्यू उपस्थित होते.

शाळेच्या मुख्याध्यापिका श्रीमती रुपिंदर कौर चहल यांच्या मार्गदर्शनाखाली विद्यार्थ्यांनी देशभक्ती, शिस्त आणि एकतेचा संदेश देणारा रंगतदार सांस्कृतिक कार्यक्रम सादर केला. पहिल्या वर्षी ५० विद्यार्थ्यांनी स्वयंस्फूर्तीने एनसीसी युनिटमध्ये सहभाग नोंदवला असून पुढील काळात याचा विस्तार करण्याचे नियोजन आहे.

आपल्या भाषणात ब्रिगेडियर मुखर्जी यांनी युवा एनसीसी कॅडेट्सना शिस्त, समर्पण आणि राष्ट्रसेवेची मूल्ये अंगीकारण्याचे आवाहन केले. तसेच नेतृत्वगुण, चारित्र्यनिर्मिती आणि समाजसेवा यामध्ये एनसीसीचे महत्त्व अधोरेखित केले.

आर्मी पब्लिक स्कूलमधील एनसीसी युनिटची स्थापना हा शाळेसाठी महत्त्वाचा टप्पा ठरला असून विद्यार्थ्यांना साहसी उपक्रम, नेतृत्व विकास आणि राष्ट्रनिर्मितीत सक्रिय सहभागासाठी नवा मार्ग खुला झाला आहे.

The post मराठा सेंटर आर्मी पब्लिक स्कूलमध्ये एनसीसी युनिटचे उद्घाटन appeared first on News 24 Tass Marathi.

बेळगाव येथील मराठा लाईट इन्फंट्री रेजिमेंटल सेंटरमध्ये सोमवारी लष्कर-नागरी समन्वय बैठक आयोजित करण्यात आली. अध्यक्षस्थानी स्टेशन कमांडर तसेच मराठा लाईट इन्फंट्री रेजिमेंटल केंद्राचे कमांडंट ब्रिगेडियर जॉयदीप मुखर्जी होते. बैठकीला बेळगाव येथील राज्य आणि केंद्रीय सेवेतील विविध सुरक्षा व आपत्ती निवारण दलांचे वरिष्ठ अधिकारी उपस्थित होते.

यात वायुसेने प्रशिक्षण विद्यालय, राष्ट्रीय आपत्ती प्रतिसाद दल (एनडीआरएफ), इंडियन रिझर्व्ह बटालियन कर्नाटक, केंद्रीय राखीव पोलिस दलची (सीआरपीएफ) कोब्रा फोर्स तसेच इंडो तिबेट सीमा दलाच्या (आयटीबीपी) काउंटर इन्सर्जन्सी जंगल वॉरफेअर स्कूलचे वरिष्ठ प्रतिनिधी सहभागी झाले. बैठकीत सामूहिक प्रशिक्षण कार्यक्रम, परस्पर पायाभूत सुविधा वापर, तसेच उत्तम कार्यपद्धतींची देवाणघेवाण यावर चर्चा झाली.

The post मराठा लाईट इन्फंट्रीमध्ये लष्कर – नागरी समन्वय बैठक appeared first on News 24 Tass Marathi.

रोटरी दर्पणच्या अध्यक्ष रोटे. ॲड. विजयलक्ष्मी मन्निकेरी व क्लब सचिव रोटे. कवरी करूर यांच्या नेतृत्वाखाली झालेल्या या सोहळ्यात राखी बांधण्याची परंपरा ही केवळ सणापुरती मर्यादित न राहता देशरक्षणासाठी असलेल्या जवानांच्या अथक सेवेचा सन्मान आहे.

“ही आमच्यासाठी आयुष्यभर लक्षात राहणारी क्षणयात्रा होती, आपल्या मातृभूमीच्या रक्षकांबद्दल प्रत्यक्ष कृतज्ञता व्यक्त करण्याची संधी मिळाली,” असे सदस्यांनी सांगितले.

या उपक्रमासाठी इव्हेंट चेअर रोटे. सविता वेसणे यांचे विशेष योगदान होते. तसेच सेवानिवृत्त सुबेदार मेजर सुधाकर चाळके यांचेही विशेष आभार मानण्यात आले. या कार्यक्रमाला रोटरी सदस्य रोटे. सुरेखा मुम्मिगट्टी, डॉ. स्पूर्ती मस्तीहोळी, शीला पाटील, कोमल कोळ्लीमठ, सविता हेब्बार, यशस्वी व रोटरॅक्ट सदस्य प्रीती मन्निकेरी उपस्थित होते.

The post रोटरी दर्पणतर्फे मराठा लाईट इन्फंट्रीच्या जवानांसोबत रक्षाबंधन appeared first on News 24 Tass Marathi.

The post डॉ. प्रभाकर कोरे यांच्याकडून मराठा लाईट इन्फंट्रीला कार भेट appeared first on News 24 Tass Marathi.

भावा बहिणींच्या नात्याचा गोडवा जपणाऱ्या राखी पौर्णिमेनिमित्त विविध सामाजिक संस्थांच्या महिला व विद्यार्थिनीतर्फे मराठा सेंटर बेळगाव येथे जवानांचा सामूहिक रक्षाबंधनाचा कार्यक्रम उत्साहात पार पाडण्यात आला. राखी पौर्णिमेनिमित्त विविध सामाजिक संस्थांच्या महिला व विद्यार्थिनींनी आज शुक्रवारी सकाळी मराठा लाईट इन्फंट्री रेजिमेंटल सेंटरला खास भेट दिली. तसेच देशाचे संरक्षण करणाऱ्या तेथील जवान आणि अग्निविरांच्या मनगटावर भाऊ व बहिणी मधील अतूट प्रेमाचे प्रतीक असलेली राखी बांधून रक्षाबंधन सण उत्साहात साजरा केला.

या कार्यक्रमात बेळगाव शहरासह आसपासच्या परिसर तसेच कोल्हापूर व गोवा येथील भगिनींचा सहभाग होता. याप्रसंगी बोलताना एमएलआयआरसीचे कमांडंट ब्रिगेडियर जॉयदीप मुखर्जी यांनी सर्वप्रथम मराठा सेंटरच्यावतीने उपस्थित सर्व भगिनींचे हार्दिक स्वागत केले. रक्षाबंधनाचा पवित्र सण आपण सर्वजण आमच्या सोबत साजरा करत आहात ही आमच्यासाठी अत्यंत अभिमानाची बाब आहे. आज तुम्ही आम्हाला जो सन्मान दिला आहे त्याबद्दल आम्ही तुमचे सदैव आभारी राहू. आम्ही आज देशाचे तुमचे संरक्षण करण्याचे जे काम करत आहोत ते आमचे कर्तव्यच आहे. कर्तव्य, मान, साहस या तीन गोष्टी ध्यानात ठेवून आम्ही काम करत असतो. मराठा लाईट इन्फंट्री रेजिमेंटल सेंटर ही संरक्षण दलाची सर्वात जुनी रेजिमेंट असून जी स्वातंत्र्यपूर्व काळापासून म्हणजे १९२२ पासून बेळगावमध्ये अस्तित्वात आहे. या पद्धतीने आमच्या रेजिमेंटला या ठिकाणी १०० वर्षे पूर्ण झाली असून अजून हजारो वर्षे आम्ही येथे राहू. बंधू मानून तुम्ही आम्हाला राखी बांधली बहिण-भावाचे हे नाते असेच यापुढेही कायम राहून वृद्धिंगत होत राहील, असे सांगून देव ना करो तुमच्यावर कोणते संकट अथवा आपत्ती येवो, मात्र जर का तसेच झाले तर केंव्हाही मदतीसाठी आम्हाला हाक मारा.आम्ही तुमच्या मदतीसाठी सदैव तयार असू असे ब्रिगेडियर मुखर्जी यांनी शेवटी स्पष्ट केले.

The post मराठा लाईट इन्फंट्री येथे जवानांचे सामूहिक रक्षाबंधन appeared first on News 24 Tass Marathi.