मागील महिन्यात दीर्घकालीन आजारानंतर दीपक दळवी यांचे निधन झाले होते. या दु:खद प्रसंगात आमदार पाटील यांनी दळवी यांच्या निवासस्थानी जाऊन कुटुंबीयांची विचारपूस केली आणि त्यांना धीर दिला.

या भेटीत बुलंद दळवी, विनोद हंगिरकर, दिंगबर पवार, सागर पाटील, रमेश रायजादे, लक्ष्मण नाईक, कुणाल दळवी आणि अनिल पाटील आदी कुटुंबीय उपस्थित होते. यावेळी दिवंगत दीपक दळवी यांनी सीमाभागातील मराठी जनतेसाठी केलेल्या कार्याची आठवण उपस्थितांनी सादर केली.

The post आमदार रोहित आर.पाटील यांनी केले दिवंगत दीपक दळवी यांच्या कुटुंबीयांचे सांत्वन appeared first on News 24 Tass Marathi.

अथणी / वार्ताहर

अल्पवयीन मुलीच्या प्रेमात पडून गावोगावी फिरणाऱ्या एका तरुणाने नंतर आत्महत्या केल्याची प्राथमिक माहिती आहे. मात्र त्याच्या मृत्यूचे कारण अद्याप स्पष्ट झालेले नाही. बेळगाव जिल्ह्याच्या अथणी तालुक्यातील बिलगाव येथील गणेश राजू शिवपूजे (वय २२) असे मृताचे नाव आहे. दि. १९ जून रोजी खिळेगावनजीक महाराष्ट्रातील कवटे महाकाल तालुक्यातील जंगलात त्याचा मृतदेह लटकलेल्या अवस्थेत आढळला.

गणेश एका अल्पवयीन मुलीवर प्रेम करत होता आणि तिला घेऊन पळून गेला होता. यावर मुलीच्या पालकांनी पोलिसात अपहरणाचा गुन्हा दाखल केला. यानंतर त्याने संबंधित मुलीला तिच्या घरी सोडले होते. मात्र या सगळ्या प्रकरणानंतर तो कवटे महाकाल तालुक्यातील जंगलात लटकलेल्या अवस्थेत आढळला.  सदर घटनेला २० दिवस उलटूनही त्याने आत्महत्या केली की त्याचा खून झाला हे अद्याप स्पष्ट झालेले नाही.

The post प्रेम प्रकरणातून तरुणाची आत्महत्या ? appeared first on News 24 Tass Marathi.