कर्नाटक लोकायुक्त पोलीस अधीक्षक महानिंग नंदगावी यांच्या निर्देशानुसार डीएसपी सुरेश रेड्डी व निरीक्षक बी. ए. बिरादार यांच्या नेतृत्वाखालील अधिकाऱ्यांनी नगरपालिकेची तपासणी केली. छाप्यावेळी विविध विभागांतील कागदपत्रांची पाहणी करण्यात आली तसेच संबंधित अधिकारी व कर्मचाऱ्यांची चौकशीही करण्यात आली.

तपासादरम्यान ई-प्रॉपर्टी नोंदी, उतारे आणि बांधकाम परवानग्या देण्यास मुद्दाम विलंब केला जात असल्याचे प्राथमिक तपासात समोर आले. याप्रकरणी काही महत्त्वाची कागदपत्रे जप्त करण्यात आली असून लोकायुक्तांकडून पुढील चौकशी सुरू आहे.

The post हुनगुंद नगरपालिकेवर लोकायुक्तांचा छापा appeared first on News 24 Tass Marathi.

बेळगाव : बेळगाव जिल्हा नगरविकास कक्षातील सहायक कार्यकारी अभियंत्याच्या निवासस्थानासह विविध ठिकाणांवर लोकायुक्त पोलिसांनी एकाचवेळी छापे टाकत मोठी कारवाई केली असून सुमारे १४ कोटी रुपयांहून अधिकची बेहिशेबी मालमत्ता उघडकीस आली आहे. या कारवाईमुळे प्रशासकीय वर्तुळात मोठी खळबळ उडाली आहे.

लोकायुक्त पथकाने सहायक कार्यकारी अभियंता अजयसिंह बापसिंग राजपूत यांच्या बेळगाव शहरातील तीन घरे, एक कार्यालय आणि बँक लॉकर अशा एकूण सात ठिकाणी समन्वित पद्धतीने छापे टाकले. बेकायदेशीर मार्गाने संपत्ती जमवल्याच्या तक्रारीनंतर ही धडक कारवाई करण्यात आली.

प्राथमिक तपासात सौंदत्ती, हुक्केरी आणि हुबळी परिसरात मिळून सुमारे १८ स्थावर मालमत्तांची नोंद असल्याचे समोर आले आहे. तपासादरम्यान मोठ्या प्रमाणात संपत्ती आढळल्याने पथकही आश्चर्यचकित झाले.

या कारवाईत सुमारे ५ किलो ९६० ग्रॅम सोन्याचे दागिने, अंदाजे ५ किलो चांदीचे दागिने, तसेच ३ कोटी १२ लाख रुपयांची बँक मुदत ठेव (एफडी) जप्त करण्यात आली आहे. याशिवाय आलिशान कार आणि दुचाकी वाहनांचीही नोंद तपासात समोर आली आहे. लोकायुक्त पथकाने आतापर्यंत एकूण १४ कोटी रुपयांची स्थावर व जंगम मालमत्ता ताब्यात घेतली असून, उत्पन्नापेक्षा अधिक मालमत्ता बाळगल्याप्रकरणी भ्रष्टाचार प्रतिबंधक कायद्यान्वये गुन्हा दाखल करण्यात आला आहे.

लोकायुक्त अधीक्षकांच्या मार्गदर्शनाखाली पुढील तपास सुरू असून बँक लॉकर उघडल्यानंतर आणखी मोठे घबाड उघड होण्याची शक्यता व्यक्त केली जात आहे.

The post नगरविकास सहायक कार्यकारी अभियंत्याच्या निवासस्थानी १४ कोटींचे घबाड appeared first on News 24 Tass Marathi.

बेळगाव : भ्रष्टाचाराच्या आरोपाखाली जिल्हा शहरी विकास कक्षाचे सहायक कार्यकारी अभियंता अजय सिंह राजपूत यांच्या निवासस्थानांसह विविध मालमत्तांवर मंगळवारी लोकायुक्त अधिकाऱ्यांनी एकाच वेळी छापे टाकून मोठी कारवाई केली.

शहरातील अंजनेयनगर येथील निवासस्थानासह अथणी व हुक्केरी परिसरातील मालमत्तांवर करण्यात आलेल्या कारवाई दरम्यान तपासात एक किलोहून अधिक सोन्याचे दागिने जप्त करण्यात आले. तसेच संबंधित अधिकाऱ्याच्या बँक खात्यांमध्ये सुमारे दोन कोटी रुपयांची रक्कम जमा असल्याचेही उघडकीस आले आहे.

दरम्यान, बेळगाव शहरात एकमेकांना लागून असलेली तीन घरे त्यांच्या मालकीची असल्याचे समोर आल्याने त्यांच्या मालमत्तेच्या स्त्रोताबाबत संशय व्यक्त केला जात आहे. बेकायदेशीर संपत्ती प्रकरणी ही कारवाई करण्यात आल्याची माहिती समोर येत आहे.

डीवायएसपी बी.एस. पाटील व भरत रेड्डी यांच्या नेतृत्वाखाली ही कारवाई सुरू असून, अधिक कागदपत्रांची तपासणी सध्या सुरू आहे.

The post बेळगावात सहाय्यक कार्यकारी अभियंता अजय सिंह यांच्या निवासस्थानी लोकायुक्तांचा छापा appeared first on News 24 Tass Marathi.

बेळगावातील उपनोंदणी (सबरजिस्टार) कार्यालयात छापा घालण्यात आला. यावेळी सरकारी अधिकाऱ्यांना हाताशी धरून बनावट कागदपत्रांद्वारे मुळमालकाच्या जमीनी परस्पर दुसऱ्यांना विकण्यात आल्याची धक्कादायक माहिती उपलब्ध झाली आहे. त्यांची सखोल चौकशी सुरु आहे, अशी माहिती कर्नाटक राज्य लोकायुक्त न्यायमूर्ती बी. एस. पाटील यांनी पत्रकार परिषदेत दिली.

न्यायमुर्ती पाटील पुढे म्हणाले, ‘बनावट कागदपत्रांद्वारे मालमत्ता हडप स्वरुपाच्या प्रकरणांत कोणत्याही स्वरुपाचा निष्काळजीपणा किंवा हलगर्जीपणा घडलेला नाही. तर अत्यंत नियोजित पद्धतीने मुळमालकांची नावे मालमत्तांवरून हटवून त्याची विक्री केली आहेत. त्यात गंभीरबाब म्हणजे अधिकारीही सामील असल्याचे दिसून येत आहे. जे मूळ जमीनधारक आहेत त्यांना आपली मालमत्ता विकली गेल्याचे माहिती नसते आणि जेव्हा त्यांना कळते, तेव्हा फार उशीर झालेला असतो. यामुळे सामान्य नागरिकांच्या मालमत्तेच्या हक्कांवर गदा येत आहे.

न्यायमूर्ती पाटील यांनी बेळगावमधील आरोग्य विभाग (बीम्स), गोकाक येथील औषध साठवणूक केंद्रे, अन्न व औषध प्रशासन, स्थानिक स्वराज्य संस्था, अंमलबजावणी यंत्रणा व स्मार्ट सिटी योजनेअंतर्गत सुरू असलेल्या कामांचीही पाहणी केली. तपासणी दरम्यान बेळगाव येथील बीम्स रुग्णालयातील व्यवस्था गंभीर आहे. इमारतीला गळती लागली असून, अनेक भागातील भिंती जिर्ण झाल्या आहेत. गोकाक येथील औषध गोदामाला भेट दिली. तेथून पाच तालुक्यांना औषधाचा पुरवठा केला जातो. मात्र, वेळेत उचल किंवा पुरवठा न झालेल्या औषधसाठा सुमारे ८७ लाख रुपयांपर्यंत आहे. यामुळे सरकारी पातळीवरील सावळा गोंधळ आणि सरकारी कामातील हलगर्जीपणा अत्यंत गंभीर आहे. लोकायुक्त बेळगाव दौऱ्यावर आहेत. या कारणापोटी विविध विभागाच्या अधिकाऱ्यांनी पूर्वतयारी आणि फाईलींचा निपटारा केला आहे. मात्र, केवळ दौऱ्याच्या काळातील हजरजबाबी आमच्या लक्षात आली आहे. चौकशीत विविध बाबी पुढे आल्या आहेत. या संदर्भात योग्य त्या सूचना आणि कार्यवाही विभागाच्या पातळीवर केल्या जातील, असे श्री पाटील यांनी सांगितले.

The post उपनोंदणी’त बनावट कागदपत्रांद्वारे मालमत्तेची परस्पर विक्री ; न्यायमूर्ती बी. एस. पाटील appeared first on News 24 Tass Marathi.

बेळगाव / प्रतिनिधी

उपनोंदणी कार्यालयाच्या कामकाजाबद्दल नेहमीच तक्रारी केल्या जातात. सध्या काहीजणांनी तक्रारी केल्यामुळे लोकायुक्त विभागाचे अधिवक्ता शुभवीर जैन यांनी बुधवारी (दि. ६) जिल्हाधिकारी कार्यालयाच्या आवारात असलेल्या उपनोंदणी कार्यालयात जाऊन कागदपत्रांची पाहणी केली. अचानक दाखल झालेल्या या पथकामुळे उपनोंदणी कार्यालयातील अधिकारी व कर्मचाऱ्यांची चांगलीच भंबेरी उडाली होती.

उपनोंदणी कार्यालयामध्ये शुभवीर जैन दाखल झाल्यानंतर त्यांनी प्रथम कागदपत्राची पाहणी केली. काही अधिकारी गैरहजर होते. याबद्दल उपस्थित अधिकारी व कर्मचाऱ्यांकडे चौकशी केली. त्या ठिकाणी योग्य प्रकारे नोंदी नसल्याचेही आढळून आले. काही रजिस्टरमध्ये चुकीचा उल्लेख केला होता. याबाबत त्यांनी चौकशी केली, त्यावर थातूरमातूर उत्तरे देण्यात आली. त्यामुळे अधिकाऱ्यांची चांगली झाडाझडती घेतली. या कार्यालयामध्ये मोठ्या प्रमाणात गर्दी दिसून आली.

त्यामुळे जैन यांनी तुम्ही योग्य प्रकारे व वेळेत जनतेची कामे करत नसल्यामुळे ही गर्दी आहे. तेव्हा कार्यालयाच्या वेळेत हजर राहून जनतेची कामे भ्रष्टाचार न करता करावी, अशी सक्त ताकीद त्यांनी दिली आहे. अशोकनगरमधील मनपा कार्यालयाला भेट अशोकनगरमधील महापालिकेच्या विभागीय कार्यालयाला त्यांनी भेट दिली. त्यावेळी लोकायुक्त पथकातील अधिकारी व कर्मचाऱ्यांनी तेथील कागदपत्राची पाहणी करून अधिकाऱ्यांना चांगलेच धारेवर धरले. जनतेच्या कामांचा निपटारा तातडीने करा अशी सूचना त्यांनी केली.

• जिल्हा रुग्णालयात तपासणी :

लोकायुक्त अधिकारी जैन यांच्या नेतृत्वामध्ये जिल्हा रुग्णालयात भेट देऊन रुग्णालयातील व्यवस्थेची पाहणी करण्यात आली. दरम्यान, रुग्णालयात उपलब्ध असणाऱ्या सेवासुविधांबरोबरच नोंदणी पुस्तकांचीही तपासणी करण्यात आली. रुग्णांशी संवाद साधून आरोग्य व्यवस्थेची माहिती जाणून घेण्यात आली. यावेळी बिम्स संचालक डॉ. अशोककुमार शेट्टी यांनी रुग्णालयातील व्यवस्थेची माहिती दिली. रुग्णालयातील बाळंतिणींच्या मृत्यूबरोबरच बालमृत्यू प्रमाणासंदर्भातील माहिती जाणून घेण्यात आली.

The post लोकायुक्तांच्या पथकाकडून उपनोंदणी ; जिल्हा रुग्णालयाची झाडाझडती appeared first on News 24 Tass Marathi.