सौंदत्ती : गुरुवारी सौंदत्ती बस स्थानकावर एक दुर्घटना घडली, ज्यात आई-वडिलांसोबत बसमध्ये चढताना पाय घसरल्याने एक चिमुकली मुलगी बसच्या चाकाखाली सापडून गंभीर जखमी झाली. धन्या हिरेमठ (वय 3 वर्षे रा.चोलाचागुड्डा ता.बदामी) असे त्या मुलीचे नाव आहे. या दुर्घटनेत तिचा हात तुटला असून पायाला गंभीर दुखापत झाल्याने पुढील उपचारासाठी तिला रुग्णालयात दाखल करण्यात आले आहे. या प्रकरणाची नोंद सौंदत्ती पोलीस स्थानकात करण्यात आली आहे.

The post सौंदत्ती बसस्थानकावर अपघात appeared first on News 24 Tass Marathi.

सौंदत्ती / वार्ताहर

बेळगाव जिल्ह्यातील ऐतिहासिक श्री रेणुका यल्लम्मा मंदिरात भाविकांनी अर्पण केलेल्या देणगीने यंदा विक्रमी पातळी गाठली आहे. गेल्या चार दिवसांपासून सुरू असलेली दानपेटी मोजणी पूर्ण झाली असून देवीच्या चरणी एकूण ३ कोटी ७ लाख रुपयांचे रोख दान तसेच सोन्या-चांदीचे दागिने जमा झाल्याची माहिती मंदिर प्रशासनाने दिली.

सौंदत्ती तालुक्यातील यल्लम्मा डोंगरावर असलेल्या या मंदिरात दरवर्षी मोठ्या संख्येने भाविक दर्शनासाठी येतात. ९ ते १२ मार्चदरम्यान पार पडलेल्या दानपेटी मोजणीमध्ये भाविकांकडून मोठ्या प्रमाणात देणगी अर्पण करण्यात आली. गेल्या आठवड्यातच एकदा मोजणी पार पडली असतानाही या फेरीतही लक्षणीय रक्कम जमा झाल्याचे दिसून आले.

दानपेटीत जमा झालेल्या देणगीपैकी २ कोटी ७८ लाख रुपये रोख रक्कम आहे. याशिवाय सुमारे १०० ग्रॅम सोन्याचे दागिने (सुमारे १६.१६ लाख रुपये किंमत) तसेच ४ किलो ५४७ ग्रॅम चांदीचे अलंकार (सुमारे १२.३५ लाख रुपये किंमत) भाविकांनी अर्पण केले आहेत. मोजणी प्रक्रियेत मंदिर प्रशासनातील कर्मचाऱ्यांसह स्थानिक महाविद्यालयातील विद्यार्थ्यांनी सहभाग घेत पारदर्शकपणे काम पूर्ण केले.

मंदिरात येणाऱ्या भाविकांची संख्या वर्षागणिक वाढत असून जमा झालेला निधी मंदिर परिसराच्या सर्वांगीण विकासासाठी वापरण्यात येणार आहे. विशेषतः पिण्याच्या पाण्याची सोय, भाविकांसाठी निवास व्यवस्था, स्वच्छतागृहे तसेच मंदिर परिसराचे सुशोभीकरण यांसारख्या पायाभूत सुविधांसाठी या निधीचा उपयोग केला जाणार असल्याची माहिती मंदिर प्रशासनाने दिली.

The post सौंदत्ती यल्लम्मा देवीच्या चरणी ३.०७ कोटींची विक्रमी देणगी appeared first on News 24 Tass Marathi.

नियोजनानुसार, २५ जानेवारी रोजी गावातून यात्रेसाठी प्रस्थान करण्यात येणार असून, जोगुळभावी येथील परड्या भरून रेणुका देवीचा डोंगर चढण्यात येणार आहे. मंगळवार दि. २७ जानेवारी हा यात्रेचा मुख्य दिवस असून, त्या दिवशी यात्रास्थळी परड्या भरण्यात येणार आहेत.

बुधवार दि. २८ जानेवारी रोजी भाविक यात्रेहून परत गावाकडे येणार असून लक्ष्मी देवस्थान येथे मुक्काम राहणार आहे. त्यानंतर गुरुवार दि. २९ जानेवारी रोजी दुपारी गावातील लक्ष्मी देवस्थान येथे परड्या भरणे तसेच मारग मळणे हा धार्मिक विधी पार पडणार आहे. या यात्रेदरम्यान सर्व भाविकांनी परंपरा जपत, शांततेत आणि सलोख्याने यात्रा साजरी करावी, असे आवाहन ग्रामपंचायतीकडून करण्यात आले आहे.

The post चलवेनहट्टीचे भाविक २५ जानेवारीला यल्लम्मा यात्रेसाठी रवाना होणार appeared first on News 24 Tass Marathi.

बेळगाव / प्रतिनिधी

नूतन पोलीस अधीक्षक के. रामराजन यांनी शनिवारी सौंदत्ती येथील यल्लम्मा देवी मंदिरास भेट दिली. सध्या सुरू असलेल्या यात्रेच्या पार्श्वभूमीवर त्यांनी संपूर्ण सुरक्षा व बंदोबस्त व्यवस्थेचा आढावा घेतला.

गेल्या गुरुवारी बेळगाव जिल्ह्याच्या पोलीस अधीक्षकपदाचा कार्यभार स्वीकारल्यानंतर ही त्यांची पहिली भेट होती. यावेळी भाविकांना सुलभ दर्शन मिळावे, सुरक्षित वातावरण राहावे आणि कायदा-सुव्यवस्था अबाधित राहावी यासाठी तैनात करण्यात आलेल्या पोलीस बंदोबस्ताबाबत त्यांनी माहिती घेतली. तसेच वाहन वाहतुकीचे नियोजन, पिण्याच्या पाण्याची उपलब्धता, स्वच्छता व्यवस्था व आरोग्य सुविधांचीही पाहणी करण्यात आली.

यात्रेदरम्यान कोणताही अनुचित प्रकार घडू नये यासाठी सर्व संबंधित विभागांनी दक्षता बाळगावी, अशा स्पष्ट सूचना पोलीस अधीक्षकांनी दिल्या. भाविकांची वाढती गर्दी लक्षात घेऊन परस्पर समन्वय राखत नियोजनबद्ध पद्धतीने काम करण्यावर त्यांनी विशेष भर दिला.

The post नूतन पोलीस अधीक्षक के. रामराजन यांची सौंदत्ती यात्रेला भेट appeared first on News 24 Tass Marathi.

सौंदत्ती / वार्ताहर

सालाबादप्रमाणे या वर्षीही लाखो भाविकांचे श्रद्धास्थान असलेली सौंदत्ती येथील श्री रेणुका देवीची शाकंभरी पोर्णिमा यात्रा मोठ्या भक्तीभावात संपन्न होत आहे. शाकंभरी पौर्णिमा यात्रेसाठी कर्नाटक, महाराष्ट्र, गोवा, आंध्र प्रदेश तसेच केरळ येथून तब्बल पाच लाख भाविक सौंदत्ती डोंगरावर श्री रेणुका देवीच्या दर्शनासाठी दाखल झाले आहेत. शनिवारी यात्रेचा मुख्य दिवस असून, भंडाऱ्याची मुक्त उधळण आणि “आई उदो”च्या जयघोषाने संपूर्ण डोंगर परिसर दुमदुमून गेला आहे.

भाविकांची संख्या मोठी असल्याने देवीच्या दर्शनासाठी लांबच लांब रांगा लागल्या आहेत. या प्रचंड गर्दीचा विचार करून श्री रेणुका देवी विकास प्राधिकरणाने भाविकांच्या सोयीसाठी व्यापक तयारी केली आहे. यात्रेच्या काळात दर्शन व्यवस्था सुरळीत राहावी यासाठी विविध उपाययोजना राबवण्यात येत आहेत.

मंदिराचे मुख्य कार्यकारी अधिकारी अशोक दुडगुंटी यांनी भाविकांना शांतता व शिस्त पाळून देवीचे दर्शन घ्यावे, असे आवाहन केले आहे. आई उदोच्या गजरात आणि भंडाऱ्याच्या उधळणीत संपूर्ण यल्लमा डोंगर भक्तिमय वातावरणाने भारावून गेला आहे. श्री रेणुका देवीचे दर्शन वर्षभर भाविक घेत असले तरी, जानेवारी महिन्यातील शाकंभरी पौर्णिमा यात्रेला सर्वाधिक गर्दी होत असल्याचे चित्र दरवर्षी पाहायला मिळते. पौर्णिमेच्या दिवशी लाखो भाविक देवीच्या चरणी नतमस्तक होण्यासाठी डोंगरावर येतात.

यात्रेदरम्यान नित्य नियमाप्रमाणे पहाटे देवीचा अभिषेक, पूजा व आरती झाल्यानंतरच मंदिर दर्शनासाठी खुले करण्यात येते. त्यामुळे पूजा काळात दर्शन बंद राहिल्याने रांगेत उभ्या असलेल्या भाविकांचा काहीसा खोळंबा होत असल्याचेही दिसून आले. शाकंभरी पौर्णिमा यात्रेसाठी मंदिर प्रशासनाने भाविकांची वाढती गर्दी लक्षात घेऊन पिण्याचे पाणी, स्वच्छता, प्रकाशयोजना, पोलीस बंदोबस्त तसेच दर्शन व्यवस्थेवर विशेष भर दिला आहे. या सर्व उपाययोजनांमुळे यात्रा सुरक्षित व सुरळीत पार पाडण्याचा प्रशासनाचा प्रयत्न सुरू आहे.

The post शाकंभरी पौर्णिमेनिमित्त सौंदत्ती यल्लमा डोंगरावर भाविकांची अलोट गर्दी appeared first on News 24 Tass Marathi.

सौंदत्ती येथील रेणुका यल्लम्मा मंदिर आणि परिसरातील डोंगराच्या सर्वांगीण विकासासाठी मंत्रिमंडळाने २१५ कोटी रुपयांच्या निधीस मंजुरी दिली आहे. या प्रकल्पासाठी केंद्र सरकारकडून ११८ कोटी, तर राज्य सरकारकडून ९७ कोटी रुपयांचा निधी उपलब्ध होणार असून, या माध्यमातून भाविकांसाठी जागतिक दर्जाच्या सुविधा निर्माण केल्या जाणार असल्याची माहिती जिल्हाधिकारी मोहम्मद रोशन यांनी दिली.

या विकास योजनेत सुमारे ८ हजार भाविक सामावू शकतील असे भव्य संकुल उभारले जाणार आहे. याशिवाय एकाच वेळी ४ हजार भाविकांना बसण्याची सोय असलेला अत्याधुनिक भोजन कक्ष तयार केला जाणार आहे. डोंगरावर येणाऱ्या बैलगाड्यांसाठी स्वतंत्र पार्किंगची व्यवस्था करण्यात येणार असून, त्या ठिकाणी जनावरांसाठी चारा व पाण्याची सोयही उपलब्ध करून दिली जाणार आहे.

भाविकांच्या सोयीसाठी २५ आधुनिक स्वच्छतागृह संकुलांची उभारणी केली जाणार असून, अनेक लहान-मोठ्या पूरक विकासकामांचाही समावेश या प्रकल्पात आहे. यासोबतच एक स्वतंत्र प्रशासकीय इमारत बांधण्यात येणार आहे.

या सर्व विकासकामांसाठी सार्वजनिक बांधकाम विभागाला कार्यकारी यंत्रणा म्हणून नियुक्त करण्यात आले असून, निविदा प्रक्रिया सुरू करण्यात आल्याची माहिती जिल्हाधिकाऱ्यांनी दिली. या प्रकल्पामुळे सौंदत्ती येथील धार्मिक पर्यटनाला नवी दिशा मिळणार असल्याची माहिती त्यांनी दिली.

The post सौंदत्ती रेणुका यल्लम्मा मंदिर व डोंगर विकासासाठी २१५ कोटींचा निधी मंजूर appeared first on News 24 Tass Marathi.

बेळगाव शहरात प्रस्तावित उड्डाणपुलाच्या कामाला वेग देण्यासाठी आणि नागरिकांचे मत जाणून घेण्यासाठी येत्या एका आठवड्यात जाहीर सभा आयोजित केली जाणार असल्याची माहिती जिल्हाधिकारी मोहम्मद रोशन यांनी दिली.

बेळगाव जिल्हाधिकारी कार्यालयात आज विभागस्तरीय अधिकाऱ्यांची बैठक पार पडली. त्यानंतर झालेल्या पत्रकार परिषदेत जिल्हाधिकाऱ्यांनी सांगितले की, उड्डाणपुलाचे काम पहिल्या टप्प्यात राष्ट्रीय महामार्ग, सम्राट अशोक रोड, मध्यवर्ती बसस्थानक, आरटीओ सर्कल ते चन्नम्मा सर्कल या मार्गावर राबवले जाणार आहे. जाहीर सभेत नागरिकांच्या सूचनांवर चर्चा केल्यानंतर सार्वजनिक बांधकाम मंत्र्यांच्या मार्गदर्शनाखाली टेंडर प्रक्रिया सुरू केली जाईल.

यावेळी त्यांनी सवदत्ती येथील यल्लम्मा डोंगर विकास प्रकल्पासाठी २१५ कोटी रुपयांचा निधी मंजूर झाल्याची माहिती दिली. या विकासकामांचा शुभारंभ १५ ते २० फेब्रुवारी दरम्यान होणार असल्याचे त्यांनी स्पष्ट केले.

अतिवृष्टीमुळे नुकसान झालेल्या शेतकऱ्यांना आतापर्यंत ११६ कोटी रुपयांची भरपाई वितरित करण्यात आली आहे. तसेच पावसात पूर्णतः घर कोसळलेल्या प्रसाद माळी यांना नव्या घराच्या बांधकामासाठी ५ लाख रुपयांचे अनुदान मंजूर करण्यात आले आहे. पायाभरणीचे काम पूर्ण करण्याच्या सूचना महानगरपालिकेकडून देण्यात आल्या असून, पुढील टप्प्यातील अनुदान लवकरच दिले जाणार असल्याचेही जिल्हाधिकाऱ्यांनी सांगितले.

ही बैठक विविध शासकीय विभागांच्या वरिष्ठ अधिकाऱ्यांच्या उपस्थितीत पार पडली.

The post उड्डाणपूल, यल्लम्मा डोंगर विकास आणि शेतकरी प्रश्नांवर जिल्हाधिकाऱ्यांची महत्वपूर्ण बैठक appeared first on News 24 Tass Marathi.

सौंदत्ती / वार्ताहर

बेळगाव जिल्ह्यात चोरीच्या घटनांमध्ये वाढ होत असतानाच सौंदत्ती तालुक्यातील मुनवळ्ळी शहरातील कॅनरा बँकेत चोरीचा प्रयत्न झाल्याची घटना उघडकीस आली आहे. मात्र, वेळेवर अलार्म वाजल्यामुळे बँकेतील लाखो रुपयांची संभाव्य चोरी टळली आहे.

सौंदत्ती–गोकाक मुख्य रस्त्यावरील कॅनरा बँकेत पहाटे सुमारे २ वाजता एका अज्ञात चोरट्याने मागील बाजूची लोखंडी खिडकी तोडून आत प्रवेश केला. बँकेत डल्ला मारण्याच्या तयारीत असतानाच अचानक सायरन (अलार्म) वाजल्याने चोरटा मास्क घालून घटनास्थळावरून पळून गेला.

घटनेची माहिती मिळताच डीवायएसपी चिदंबरम, सीपीआय सुरेश व सौंदत्ती पोलिस कर्मचाऱ्यांनी घटनास्थळी भेट देऊन पाहणी केली. श्वान पथक व फिंगरप्रिंट तज्ञांना पाचारण करण्यात आले असून, सीसीटीव्ही फुटेजच्या आधारे चोरट्याचा शोध सुरू आहे.

या प्रकरणी सौंदत्ती पोलीस ठाण्यात गुन्हा नोंद करण्यात आला असून पुढील तपास सुरू आहे. चोरीचा प्रयत्न हाणून पाडल्याने नागरिकांनी सुटकेचा निःश्वास सोडला आहे.

The post मुनवळ्ळीतील कॅनरा बँकेत चोरीचा अयशस्वी प्रयत्न appeared first on News 24 Tass Marathi.

बेळगाव / प्रतिनिधी

लाखो भाविकांचे श्रद्धास्थान असलेल्या सौंदत्ती येथील श्री रेणुका देवीच्या मार्गशीर्ष पौर्णिमा यात्रेला यावर्षी मोठी गर्दी झाली आहे. कर्नाटक तसेच महाराष्ट्र, गोवा, आंध्रप्रदेश, तेलंगणा आणि केरळसह विविध राज्यांतील भाविकांचे डोंगरावर आगमन सुरू असून, सलग पाच दिवस भक्तांची प्रचंड उपस्थिती अपेक्षित आहे. यावर्षी यात्रेस तब्बल तीन लाखांहून अधिक भाविक उपस्थित राहतील, असा अंदाज व्यक्त केला जात आहे. गुरुवार दि. ४ डिसेंबर हा यात्रेचा मुख्य दिवस असून, त्यासाठी डोंगर परिसरात उत्साहाचे वातावरण आहे.

श्री रेणुका देवी दर्शनासाठी वर्षभर भाविकांची गर्दी पाहायला मिळते. विशेषतः प्रत्येक मंगळवार, शुक्रवार, नवरात्र उत्सव काळ तसेच डिसेंबर ते मार्च या कालावधीत पौर्णिमेला भरणारी यात्रा प्रसिद्ध आहे. मार्गशीर्ष पौर्णिमेला कोल्हापूर व महाराष्ट्रातील भक्तांची उपस्थिती जास्त प्रमाणात दिसून येते.

प्रचंड गर्दी लक्षात घेऊन मंदिर प्रशासनाने सर्व आवश्यक सुविधा पुरविण्यासाठी काटेकोर नियोजन केले आहे. पिण्याच्या पाण्यासाठी ४० छोट्या व ५ मोठ्या टाक्यांची व्यवस्था करण्यात आली असून, विविध ठिकाणी पाण्याचे नळ बसविण्यात आले आहेत. अतिरिक्त स्वच्छता कर्मचारी नेमून स्वच्छतेवर विशेष लक्ष देण्यात आले आहे. डोंगरावरील सर्व पथदीप दुरुस्त करण्यात येऊन प्रकाशव्यवस्था सुधारण्यात आली आहे.

भाविकांना मंदिराबाहेरूनही दर्शन घेता यावे यासाठी दोन भव्य एलईडी स्क्रीनची सोय करण्यात आली आहे. स्नानकुंड, डोंगरावर चढण्याचे तीन नाके आणि इतर गर्दीच्या ठिकाणी सुरक्षेसाठी सीसीटीव्ही कॅमेरे बसविण्यात आले आहेत.

वाहतुकीसाठी वेगवेगळ्या ठिकाणी पार्किंगची सोय करण्यात आली असून, कोणत्याही अनुचित प्रकारास आळा घालण्यासाठी चोख पोलीस बंदोबस्त ठेवण्यात आला आहे. यात्रेदरम्यान आरोग्य विभागातर्फे वैद्यकीय सुविधा तर बैलगाड्यांसह येणाऱ्या भक्तांसाठी पशुवैद्यकीय दवाखान्याचीही सोय करण्यात आली आहे.

दरम्यान, दररोज पहाटे ४ ते सकाळी ६.३० आणि सायंकाळी ४ ते ६.३० या वेळेत अभिषेक-पूपार्चेसाठी मंदिर दर्शनासाठी बंद ठेवण्यात येणार आहे. त्यामुळे भाविकांनी वेळेची नोंद घेऊन सहकार्य करावे, असे आवाहन मंदिर प्राधिकरणाचे अधिकारी अशोक दुटगुंडी यांनी केले आहे.

भक्तीभाव आणि शिस्त राखून यात्रा पार पडावी यासाठी प्रशासन व मंदिर समितीकडून आवाहन करण्यात आले असून, संपूर्ण परिसरात उत्साह आणि श्रद्धेचे वातावरण पाहायला मिळत आहे.

The post सौंदत्ती डोंगरावर मार्गशीर्ष पौर्णिमा यात्रेला भाविकांची गर्दी appeared first on News 24 Tass Marathi.

बैठकीमध्ये खालील प्रमाणे कार्यक्रम ठरविण्यात आले. मंगळवार (ता. ९) डिसेंबर २०२५ रोजी येळ्ळूर मध्ये मारग मळणे कार्यक्रम होईल. प्रति वर्षाप्रमाणे याही वर्षी येळ्ळूरचे भाविक सौंदत्ती यल्लामा यात्रेसाठी जानेवारी महिन्यात जाणार आहेत. शनिवार (ता. ३) जानेवारी २०२६ रोजी येळ्ळूरच्या भाविकांच्यावतीने सौंदत्ती यल्लामा डोंगरावर पडल्या भरण्याचा कार्यक्रम होणार आहे. त्यानंतर मंगळवार (ता.  ६) जानेवारी २०२६ रोजी येळ्ळूर वेशीतील थडे देव मंदिर परिसरात मळ्यातील यात्रोत्सव होणार आहे. याची गावकऱ्यांनी नोंद घ्यावी असे श्री चांगळेश्वरी विश्वस्त मंडळाच्या वतीने कळविण्यात आले आहे.

The post येळ्ळूरच्या भाविकांचा सौंदत्ती यल्लामा डोंगरावरील यत्रोत्सव ३ जानेवारी रोजी appeared first on News 24 Tass Marathi.