म्हैसूर येथे ८ व ९ नोव्हेंबर २०२५ रोजी पार पडलेल्या राज्यस्तरीय शालेय जलतरण स्पर्धेत स्विमर्स क्लब आणि अ‍ॅक्वेरियस स्विम क्लब, बेळगावच्या जलतरणपटूंनी उल्लेखनीय कामगिरी करत एकूण ४२ पदकांची कमाई केली. यामध्ये ९ सुवर्ण, १४ रौप्य आणि १९ कांस्य पदकांचा समावेश आहे. या शानदार प्रदर्शनाच्या जोरावर बेळगावातील १३ जलतरणपटूंना राष्ट्रीय शालेय क्रीडा स्पर्धेत स्थान मिळाले आहे.

या यशामागे स्विम गुरु उमेश कालघाटगी यांचे मार्गदर्शन महत्त्वाचे ठरले, तसेच प्रशिक्षक अक्षय शेरगार, अजिंक्य मेंडक, नितीश कुदुचकर, गोवर्धन काकतकर आणि इम्रान उचगावकर यांनीही महत्त्वाची भूमिका बजावली. जलतरणपटूंनी नेहमी प्रोत्साहन देणाऱ्या डॉ. प्रभाकर कोरे, जयभारत फाउंडेशनचे जयंंत हुंबरवाडी आणि इतर मान्यवरांचे आभार व्यक्त केले आहेत.

The post राष्ट्रीय शालेय क्रीडा स्पर्धेसाठी बेळगावातील १३ जलतरणपटूंची निवड appeared first on News 24 Tass Marathi.

बेळगाव / प्रतिनिधी

म्हैसूर दसऱ्यानिमित्त भरविण्यात आलेल्या राज्यस्तरीय कुस्ती स्पर्धेत बेळगावच्या मल्लांनी शानदार कामगिरी करत ‘कर्नाटक केसरी’चा किताब पटकावला. चांदीची गदा आणि सुवर्णपदक जिंकून परतलेल्या विजेत्याचे शहरात आगमन होताच रेल्वे स्थानकावर भव्य स्वागत करण्यात आले. नागरिकांनी फटाके फोडून, मिठाई वाटून आनंद व्यक्त केला.

पैलवान प्रेम जाधव यांनी यापूर्वी ‘सीएम कप’मध्ये सुवर्णपदक तर ‘कर्नाटक कंठीरव’ स्पर्धेत तृतीय स्थान मिळवले होते. भविष्यात आंतरराष्ट्रीय स्तरावर देशाचे नाव उज्ज्वल करण्याचा निर्धार त्यांनी व्यक्त केला.

कामेश पाटील यांनी यंदाच्या म्हैसूर दसरा कुस्ती स्पर्धेत ‘कर्नाटक केसरी’ किताब आणि चांदीची गदा जिंकून अभिमान व्यक्त केला. तसेच भक्ती पाटील हिने १७ वर्षांखालील गटातील सुवर्णपदकासह ‘सीएम कप’मध्ये तृतीय स्थान मिळवून उत्तम कामगिरी केली.

कुस्ती प्रशिक्षक प्रशांत पाटील यांनी सांगितले की, अनेक वर्षांनंतर बेळगावच्या मल्लांनी अशी मोठी यशस्वी झेप घेतली असून, हे प्रशिक्षकांच्या स्वप्नपूर्तीचे क्षण आहेत. आता राष्ट्रीय तसेच आंतरराष्ट्रीय स्पर्धांमध्ये पदके जिंकण्याची तयारी सुरू असल्याचे त्यांनी नमूद केले. यावेळी पालक, गावकरी आणि अन्य कुस्तीपटू मोठ्या संख्येने उपस्थित होते.

The post म्हैसूर दसऱ्यात बेळगावच्या मल्लांची बाजी appeared first on News 24 Tass Marathi.