शाळेच्या माधव सभागृहात या स्पर्धेच्या उद्घाटनाला प्रमुख पाहुणे म्हणून जनकल्याण ट्रस्टचे ट्रस्टी लक्ष्मण पवार विद्याभारती राज्याध्यक्ष परमेश्वर हेगडे, जिल्हाअध्यक्ष माधव पुणेकर,संत मीरा शाळेचे प्रशासक राघवेंद्र कुलकर्णी, मुख्याध्यापिका सुजाता दप्तरदार, उपमुख्याध्यापिका ऋतुजा जाधव विद्याभारती जिल्हा शारीरिक शिक्षण प्रमुख चंद्रकांत पाटील या मान्यवरांच्या हस्ते ओंकार सरस्वती भारत माता फोटो पूजन दीप प्रज्वलन करून या विविध सांघिक खेळांच्या स्पर्धेचे उद्घाटन करण्यात आले. पोर्णिमा यानी पाहुण्यांच्या परिचय करून दिला तर सृष्टी बोंगाळे सांभवी स्वामी प्रतीक के,चंदन श्रेयस यांनी उपस्थित पाहुण्यांचे पुष्पगुच्छ देऊन स्वागत केले.

याप्रसंगी लक्ष्मण पवार यांनी खेळाडूंनी शारीरिक मानसिक व संतुलित आहारसह अभ्यासाकडेही लक्ष देणे गरजेचे आहे असे सांगितले शालेय विद्यार्थी मेघा कलखाबकर सहभागी खेळाडूंना शपथ देवविली. या स्पर्धेत शांतिनिकेतन पब्लिक स्कूल खानापूर, संत मीरा स्कूल अनगोळ, स्वामी विवेकानंद स्कूल खानापूर, संत मीरा स्कूल गणेशपुर, हनिवेल स्कूल खानापूर,गजाननराव भातकांडे स्कूल, देवेंद्र जीनगौडा स्कूल शिंदोळी या शाळेचे 400 हुन अधिक खेळाडूंनी भाग घेतला होता. याप्रसंगी क्रीडाशिक्षक उमेश मजुकर,प्रवीण पाटील, शिवकुमार सुतार, सागर कोलेकर,गंगा गानीकोप्प श्रीकांत कांबळे हरिष सोनार, मधु पाटील,उपस्थित होते कार्यक्रमाचे सूत्रसंचालन प्रेमा मेलीनमनी तर आभार साभवी स्वामी हिने केले.

The post जिल्हास्तरीय कबड्डी शांतिनिकेतन, संत मीरा देवेंद्र जीनगौडा शाळेचा अंतिम फेरीत प्रवेश appeared first on News 24 Tass Marathi.

उचगांव / वार्ताहर

कोनेवाडी (ता. बेळगाव) गावात कधीच कबड्डी संघ नसताना, गावातील युवकांनी जिद्द आणि चिकाटीच्या जोरावर इतिहास घडवला आहे. २०२३ पासून नियमित सराव सुरू करूनही अपेक्षित यश न मिळाल्याने खचून न जाता, त्यांनी सातत्य टिकवून ठेवले.

दि. २० डिसेंबर २०२५ रोजी गावात झालेल्या ४५ ते ४८ किलो वजनी गटातील कबड्डी स्पर्धेत सहभाग घेत त्यांनी कोनेवाडीत कबड्डी संघ तयार होत असल्याचा आत्मविश्वास दाखवला. मात्र, या स्पर्धेत यश न मिळाल्याने निराशा आली.

तरीही हार न मानता, दि. २७ डिसेंबर २०२५ रोजी होसूर (ता. चंदगड) येथे झालेल्या रात्रीच्या कबड्डी स्पर्धेत सहभागी होत कोनेवाडी संघाने पहिल्यांदाच तृतीय क्रमांक पटकावला. या यशामुळे गावाचा नावलौकिक वाढला असून संघाचे सर्वत्र कौतुक होत आहे.

कोणतेच आर्थिक पाठबळ नसतानाही केवळ मेहनत, जिद्द आणि चिकाटीच्या जोरावर मिळवलेले हे यश प्रेरणादायी आहे. ग्रामस्थांनी या संघाच्या मेहनतीचे विशेष अभिनंदन करत, भविष्यात कठोर परिश्रमाच्या बळावर कोनेवाडीचा कबड्डी संघ नक्कीच विजेतेपद मिळवेल, असा विश्वास व्यक्त केला आहे.

The post कोनेवाडीच्या तरुणांची कबड्डीत दमदार कामगिरी appeared first on News 24 Tass Marathi.