याबरोबरच “धर्माचे सार प्रेम आहे आणि प्रेमाचे सार भाव आहे असे सांगून भक्ती विज्ञान गोस्वामी म्हणाले की, ” माणसाला पूर्वीच्या जन्मात आणि या जन्मात लागलेल्या ज्या अनेक वाईट सवयी असतात त्या काढून टाकून शुद्ध होणे फार कठीण काम आहे मात्र ज्या व्यक्ती अध्यात्मामध्ये येतात आणि निष्ठा अवस्था प्राप्त करतात त्यांचे मन शुद्ध होते ,त्यांचा आत्मा आपल्या दिव्य स्वरूपाचा बोध घेतो आणि भौतिक जगातील सर्वात शुद्ध अशी अवस्था प्राप्त होते” असेही ते म्हणाले.

इस्कॉन बेळगावचे अध्यक्ष परमपूज्य भक्तीरसामृत स्वामी महाराज यांनी गोस्वामी महाराजांचे आभार मानले.” भक्तीत येण्यापूर्वी ते वैज्ञानिक होते आणि गेल्या 45 वर्षापासून इस्कॉन चळवळीत त्यांनी आपले आयुष्य घालवले आहे, त्यांनी रशिया, फिनलँड बरोबरच अनेक देशांमध्ये आलेल्या कठीण परिस्थिती ना तोंड देत इस्कॉन चळवळ पुढे नेली आहे. आपल्या मधुर वाणीने त्यानी भक्तीचे गुढ आणि सूक्ष्म तत्व यांचे स्पष्टीकरण अत्यंत सोप्या आणि साध्या भाषेत केले आहे” असेही भक्तीरसामृत स्वामी म्हणाले .

भक्ती विज्ञान गोस्वामी यांनी भक्तानी विचारलेल्या प्रश्नांची उत्तरे दिली त्यानंतर भजन, कीर्तन झाले. सायंकाळी सहा वाजता अभिषेक त्यानंतर राधाष्टमीनिमित्त परमपूज्य भक्तिरसामृत स्वामी महाराज यांचे प्रवचन झाले. रात्र साडेआठ वाजता महाआरती होऊन सर्वांसाठी महाप्रसादाचे वितरण करण्यात आले.

The post इस्कॉनमध्ये राधाष्टमी उत्साहात साजरी appeared first on News 24 Tass Marathi.

बेळगाव : “श्रील प्रभूपादानी कठोर तपस्या करून सुरू केलेले इस्कॉनचे आंदोलन जगभर पसरले आहे. पूर्वी भक्तांची संख्या कमी होती आणि ते फक्त मंदिरात राहात होते. पण आता मंदिराबाहेर राहणाऱ्या भक्तांची संख्या अगणित आहे. ही चळवळ अशीच पुढे चालू ठेवण्याची व त्याला कोणतेही गालबोट न लागण्याची जबाबदारी यापुढे तरुण पिढीवर आहे” असे प्रतिपादन इस्कॉन बेळगावचे अध्यक्ष परमपूज्य भक्ती रसामृत स्वामी महाराज यांनी बोलताना केले.

इस्कॉन चे संस्थापक श्रील प्रभुपाद यांचा जन्मदिवस हा जन्माष्टमीच्या दुसऱ्या दिवशी इस्कॉन चळवळीत”व्यास पूजा” म्हणून साजरा केला जातो. तो 130 वा अविर्भाव दिन यंदाही मोठ्या उत्साहाने रविवारी साजरा करण्यात आला. त्याप्रसंगी श्रील प्रभुपाद यांना आदरांजली वाहताना महाराज बोलत होते.

श्री श्री राधा गोकुळानंद मंदिरा शेजारील पटांगणात उभारण्यात आलेल्या शामियाण्यात प्रभूपादांचा विग्रह ठेवण्यात आला होता. अतिशय सुंदर अशी आरास करण्यात आली होती.

सकाळी अभिषेक झाल्यानंतर प्रभु पादांच्या विग्रहाला महाराजांनी हार घालून नंतर अभिषेक केला, त्यानंतर दीक्षित भक्तांनी अभिषेक केले. पन्नास हून अधिक भक्तांनी प्रभुपादांच्या बद्दल आपले विचार व्यक्त केले आणि त्यांना पुष्पांजली वाहिली.

• दहीहंडीचा कार्यक्रम

शनिवारी सायंकाळी साडेचार वाजता मंदिराच्या आवारात लहान मुलांसाठी दहीहंडीचा कार्यक्रम आयोजित करण्यात आला होता. या सर्व कार्यक्रमांना भाविकांनी मोठ्या संख्येने प्रतिसाद दिल्याबद्दल इस्कॉन तर्फे त्यांचे आभार मानण्यात आले.

The post अध्यात्मिक चळवळ पुढे नेण्याची जबाबदारी तरुण पिढीवर appeared first on News 24 Tass Marathi.

बेळगाव : आंतरराष्ट्रीय कृष्ण भावनामृत संघ (इस्कॉन)द्वारा श्रीकृष्ण जन्माष्टमी मोठ्या उत्साहाने शुक्रवारी साजरी करण्यात आली. त्यानिमित्त इस्कॉनच्या श्री श्री राधा गोकुळानंद मंदिर आणि संपूर्ण परिसर फुलांनी सजवण्यात होता. मंदिरासमोर आणि मंदिराच्या डाव्या बाजूस असलेल्या पटांगणावर भव्य मंडप उभारण्यात आले होते.

पहाटे साडेचार वाजता मंगल आरती, त्यानंतर तुलसी आरती, त्यानंतर जप आणि गुरु आरती, त्यानंतर हरी केशव प्रभू यांचे भागवत प्रवचन झाले त्यांनी श्रीमद् भागवताच्या दहाव्या अध्यायातील श्लोक सांगून त्यांचा भावार्थ कथन केला. “भगवंत कोण आहेत ते जाणून घेण्यासाठी श्रीमद् भागवत आहे. भगवंताचे स्वरूप हे जगाचे मंगल करणारे, कल्याण करणारे आहे’ असे म्हणाले.

दिवसभर मंदिरात भजन कीर्तन आधी कार्यक्रम झाले. सायंकाळी पाच वाजल्या नंतर दीक्षित भक्तां कडून अभिषेक झाले. अभिषेक साठी मंडपात विशेष व्यवस्था करण्यात आली होती. बाजूलाच भगवान जगन्नाथ, बलदेव सुभद्रा, गौर निताई आणि राधा गोकुलनंद यांचे आर्च विग्रह ठेवण्यात आले होते भक्तानी त्यांचे दर्शन घेतले. त्यानंतर मंदिराच्या भक्तांनी बसवलेली नाट्यलीला सादर करण्यात आली.

इस्कॉन बेळगावचे अध्यक्ष परमपूज्य भक्ती रसामृत स्वामी महाराज यांचे विशेष कृष्ण कथा कथन झाल्यानंतर मध्यरात्री श्रीकृष्ण जन्माचा सोहळा साजरा करण्यात आला.

• उद्या प्रभूपादांचा अविर्भाव दिन

शनिवारी इस्कॉन चे संस्थापक आचार्य श्रील प्रभुपाद यांचा अविर्भाव दिन साजरा करण्यात येणार आहे. त्यानिमित्त सकाळी दहा ते बारा वाजेपर्यंत प्रभूपादांचा गुणगौरव, अभिषेक, प्रभूपादांची आरती, प्रभूपादांवर फुलांचा अभिषेक आणि सर्वांसाठी महाप्रसाद होणार आहे.

The post इस्कॉन मध्ये जन्माष्टमी उत्साहात साजरी appeared first on News 24 Tass Marathi.

शुक्रवारी पहाटे साडेचार वाजल्यापासून मध्यरात्री साडेबारा वाजेपर्यंत जन्माष्टमी चा कार्यक्रम चालणार आहे. मंदिरात पहाटे मंगल आरती त्यानंतर शृंगार दर्शन, गुरु पूजा आणि श्रीमद् भागवत प्रवचन झाल्यानंतर दिवसभर भजन, कीर्तन सुरू राहणार असून सायंकाळी पाच वाजता अभिषेक, नाट्यलीला , रात्रि अकरा वाजता विशेष कृष्ण कथा आणि मध्यरात्री महाआरती होईल. या सर्व कार्यक्रमांना भाविकांनी उपस्थित राहून श्रीकृष्ण भक्तीचा लाभ घ्यावा असे आवाहन इस्कॉन तर्फे करण्यात आले आहे.

• श्रीकृष्ण कथानकाचा समारोप

मंदिरात २९ ऑगस्ट पासून रोज सायंकाळी सात वाजता परमपूज्य भक्तीरसामृत स्वामी महाराज यांनी श्रीकृष्ण कथा सांगितली. त्याचा समारोप गुरुवारी सायंकाळी झाला.

दरम्यान बुधवारच्या कथानकाप्रसंगी श्रीमद् भागवताच्या दहाव्या स्कंधातील ६६ व्या श्लोकाचे वर्णन केले .पौंड्रक राजा व भगवान श्रीकृष्ण यांच्यातील युद्धाचा प्रसंग त्यांनी कथन केला. स्वतःच भगवान आहे असे सांगणाऱ्या आणि श्रीकृष्णासारखेच वेष परिधान करणाऱ्या असुरी वृत्तीच्या पौंड्रक राजाचा आणि त्याचा मित्र काशीराज यांचा श्रीकृष्णांनी कसा वध केला याचे वर्णन महाराजांनी केले.

गुरुवारी महाराजांनी श्रीमद् भागवतातील दहाव्या स्कंधातील ६७ व्याअध्यायाचे वर्णन केले. यावेळी बोलताना भगवान श्रीकृष्ण जे काही करतात ते सर्वांच्या भलाईचेच असते असे ते म्हणाले. शुकदेव गोस्वामिनी केलेल्या वर्णनाचे कथन महाराजांनी केले.

The post इस्कॉन मध्ये उद्या जन्माष्टमीचा महोत्सव appeared first on News 24 Tass Marathi.

The post इस्कॉन तर्फे मंडपाची मुहूर्तमेढ संपन्न appeared first on News 24 Tass Marathi.

The post इस्कॉन तर्फे मंगळवारी गौर पौर्णिमा महोत्सव appeared first on News 24 Tass Marathi.

बेळगाव / प्रतिनिधी

बेळगाव येथील सीटीएस २११, शुक्रवार पेठ, टिळकवाडी येथील मालमत्ता ही इस्कॉन संस्थेचीच असून त्या ठिकाणी वास्तव्यास असलेल्या चार कुटुंबांना न्यायालयीन प्रक्रियेनंतरच बेलिफमार्फत नियमानुसार बाहेर काढण्यात आले आहे. या प्रकरणात कोणतीही नियमबाह्य कारवाई करण्यात आलेली नाही, असा खुलासा इस्कॉनच्या वतीने करण्यात आला आहे. यासंदर्भातील निवेदन गुरुवारी बेळगावचे जिल्हाधिकारी मोहम्मद रोशन यांना सादर करण्यात आले.

इस्कॉनच्या निवेदनात नमूद केल्याप्रमाणे, संबंधित जागा २००३ साली नोंदणीकृत निरंतर पट्ट्याने घेण्यात आली होती. त्यावेळी त्या परिसरात एकूण १४ कुटुंबे वास्तव्यास होती. सर्व कुटुंबांना जागा रिकामी करण्याची विनंती करून अन्य ठिकाणी जागा खरेदी व घरबांधणीसाठी मदत देण्याची तयारी दर्शविण्यात आली होती. त्यानुसार दहा कुटुंबांनी स्वेच्छेने ताबा सोडून अन्यत्र स्थलांतर केले.

मात्र बिरजे, धमुने आणि पिंपरे या कुटुंबांनी स्थलांतरास नकार देत जागा रिकामी करण्यास टाळाटाळ केली. त्यामुळे मूळ दावा क्रमांक ३९०, ३९२, ५०८ आणि ४८९/२०१७ असे दावे न्यायालयात दाखल करण्यात आले. संबंधित कुटुंबांनी या निर्णयाविरोधात अपील केले; परंतु न्यायालयाने ते फेटाळून लावले.

यानंतर न्यायालयाने ई.पी. १४४, १४५, १४६ व १४७ अन्वये घरे मोकळी करून जागा इस्कॉनच्या ताब्यात देण्याचे आदेश दिले. त्या आदेशानुसार बेलिफमार्फत कारवाई करण्यात आली, असे इस्कॉनने स्पष्ट केले आहे.

संपूर्ण प्रक्रिया न्यायालयीन आदेशांनुसार पार पडलेली असताना काही वृत्तपत्रे व समाजमाध्यमांतून चुकीच्या आणि दिशाभूल करणाऱ्या बातम्या प्रसिद्ध होत आहेत. नागरिकांनी अशा अफवांवर विश्वास ठेवू नये, असे आवाहनही इस्कॉनच्या वतीने करण्यात आले आहे.

The post शुक्रवार पेठ सीटीएस २११ येथील मालमत्ता इस्कॉनचीचं appeared first on News 24 Tass Marathi.

बेळगाव : “हरे कृष्णा, हरे कृष्णा ,कृष्णा कृष्णा, हरे हरे” च्या जयघोषात निघालेल्या इस्कॉनच्या हरेकृष्ण रथयात्रेने आज संपूर्ण बेळगावला कृष्णमय केले. दुपारी ठीक 1 वाजून 31 मिनिटांनी धर्मवीर संभाजी चौकातून सुरू झालेली ही रथयात्रा म्हणजे संपूर्ण बेळगावचा एक आनंदाचा उत्सवच होता. आंतरराष्ट्रीय कृष्ण भावनामृत संघ (इस्कॉन) च्या वतीने दरवर्षी बेळगावात रथयात्रेचे आयोजन केले जाते. यंदाचे हे 28 वे वर्ष आहे.

दुपारी एक वाजता धर्मवीर संभाजी चौकात हजारो स्त्री-पुरुष भक्त एकत्र आल्यानंतर इस्कॉन बेळगावचे अध्यक्ष परमपूज्य भक्तीरसामृत स्वामी महाराज, सुंदर चैतन्य महाराज, वृंदावन चे ब्रजेश चंद्र गोस्वामी प्रभू यांची मार्गदर्शनपर भाषणे झाली.

फुलांनी सजविलेल्या रथामध्ये राधा कृष्ण, नित्यानंद महाप्रभू आणि गौरंग महाप्रभू यांचे आर्चविग्रह ठेवले होते. रथाचे पूजन व आरती केल्यानंतर खासदार इराण्णा कडाडी यांनी श्रीफळ वाढवून रथयात्रेस चालना दिली.

रथाला समोरच्या बाजूला दोन्ही कडेने दोरखंड बांधण्यात आले होते. डावीकडून पुरुष आणि उजवीकडून महिला रथ ओढीत होत्या. रथाच्या समोर भगवंताच्या भक्तीत तल्लीन झालेले आबालवृद्ध हरे कृष्ण महामंत्र गाण्यात मशगुल झाले होते. भक्तांवर मशीनद्वारा सुगंधीत द्रव्यांचे सिंचन करण्यात येत होते.

यात्रेच्या अगदी पुढे मंजिरी बेनके यांच्या नेतृत्वाखाली तीन पथके, ज्यामध्ये 30 हून अधिक तरुणींचा समावेश होता, आकर्षक रांगोळ्या घालत होती. त्या पाठोपाठ वीस हून अधिक सजवलेल्या बैल जोड्या होत्या. दुसऱ्या एका विशेष सजविलेल्या रथात इस्कॉन चे संस्थापक आचार्य श्री प्रभुपाद यांची प्रतिमा होती. भगवान श्रीकृष्णांच्या जीवनावर आधारित विविध देखावे ज्यामध्ये खास करून शरपंजारी पडलेले भीष्म, नरसिंह देव, कालिया मर्दन, झारखंड लिला अशा अनेक लीला सादर केल्या होत्या. भक्ती रसामृत स्वामी महाराज जातीने रथयात्रा मार्गावर लक्ष ठेवून होते ते आणि त्यांच्या सोबतीला असलेले अनेक ज्येष्ठ भक्त मार्गदर्शन करीत होते.

ताल धरून नृत्य करणाऱ्या तरुणी, भजन कीर्तनामध्ये सामील झालेले तरुण, रंगीबेरंगी पोशाख करून विविध देखावे सादर करणारे बालक हे रथयात्रेची शोभा वाढवीत होते. हांदिगनुरच्या ज्ञानेश्वर भजनी मंडळाचे स्त्री-पुरुषांचे दोन संच भजन सादर करीत होते. रथयात्रेच्या मार्गावर अनेक ठिकाणी नागरिकांनी रथावर पुष्पवृष्टी केली. बऱ्याच ठिकाणी नागरिकाकडून पाणी, सरबत, फळे व केळी यांचे वाटप केले जात होते. रथयात्रा मार्गावर 50000 हून अधिक प्रसाद पाकिटे इस्कॉनच्या वतीने वाटली जात होती. कृष्णभक्तीत न्हाहून निघालेला हा दीड किलोमीटर लांबीचा लवाजमा शहराच्या विविध भागात फिरला.

धर्मवीर संभाजी चौकातून दीड वाजता प्रारंभ झालेली ही रथयात्रा समादेवी मंदिर ,खडेबाजार, गणपत गल्ली, मारुती गल्ली, किर्लोस्कर रोड, रामलिंग खिंड, टिळक चौक मार्गे शनी मंदिराकडून कपिलेश्वर रेल्वे ब्रिजवरून शहापुरात पोहचली. तेथून नाथ पै सर्कल वरून के एल ई आयुर्वेदिक कॉलेज वरून कृषी भवन, बसवेश्वर सर्कल मार्गे साडेसहा वाजता इस्कॉनच्या श्री श्री राधा गोकुळानंद मंदिरामागे उभारण्यात आलेल्या शामियाण्यात पोहचली.
तेथे आज व उद्या दोन दिवस भरगच्च कार्यक्रम होणार असून भगवद्गीता प्रदर्शन, स्लाईड शो, मेडिटेशन पार्क, गोसेवा स्टॉल्स, अध्यात्मिक पुस्तकांचे प्रदर्शन, युवक- युवतीना मार्गदर्शन करणारे स्टॉल्स मांडण्यात आले आहेत.

आज अनेक ज्येष्ठ संन्याशांची प्रवचने झाली. कृष्ण भक्ति का महत्वाची आहे याची अनेक उदाहरणे महाराजांनी आपल्या प्रवचनाद्वारे देऊन उपस्थितांना मार्गदर्शन केले.

खाद्यपदार्थांचे अनेक स्टॉल्स मांडण्यात आले असून आज रथयात्रेत सहभागी झालेल्या सर्वांना रात्री पूर्ण प्रसाद देण्यात आला.
रथयात्रेच्या निमित्ताने इस्कॉनच्या वतीने अनेक कमिट्या नियुक्त करण्यात आल्या असून प्रत्येक जण रथयात्रा महोत्सव सुखरूपपणे पार पडावा यासाठी प्रयत्न करीत होते. यात्रेमध्ये संकर्षण प्रभू, माधवचरण प्रभू ,नंदनंदन प्रभू, संजीवनी कृपा प्रभू, नागेंद्र प्रभू, प्रेम रस प्रभू, रामप्रभू ,राजाराम भांदुर्गे, उंडाळे प्रभू ,क्वात्रा प्रभू, आनंद भांदुर्गे,अरविंद कोल्हापूरे आदि कार्यकर्ते कार्यरत होते.

• मंदिरातील कार्यक्रम : 

शनिवारी सकाळी गौर आरती, भजन व किर्तन झाले. त्यानंतर परमपूज्य सुंदर चैतन्य स्वामी महाराज यांचे प्रवचनही झाले

• “रविवारचे कार्यक्रम” :

रविवारी सायंकाळी चार ते पाच पर्यंत नरसिंह यज्ञ होणार असून मानव जातीच्या कल्याणासाठी होणाऱ्या या यज्ञामध्ये अनेक भक्त सहभागी होणार आहेत. सायंकाळी साडेसहा ते रात्री दहापर्यंत भजन, कीर्तन, प्रवचन नाट्य लीला आणि सर्वांसाठी महाप्रसाद होणार आहे या सर्व कार्यक्रमात भाविकांनी उपस्थित राहून कृष्ण भक्तीचा लाभ घ्यावा असे आवाहन इस्कॉन तर्फे करण्यात आले आहे

• “पार्किंग रस्त्यावर करण्याचे आवाहन” :

इस्कॉन मंदिर परिसरात असलेल्या नागरिकांना त्रास होऊ नये यासाठी मंदिराला येणाऱ्या सर्व भाविकांनी आपली दुचाकी व चारचाकी वाहने मंदिराबाहेरील मुख्य रस्त्यावर पार्क करावीत असे आवाहन करण्यात आले आहे.

The post हरे कृष्ण रथयात्रा महोत्सवाचा प्रारंभ appeared first on News 24 Tass Marathi.

बेळगाव : आंतरराष्ट्रीय कृष्णभावनामृत संघ (इस्कॉन),च्या वतीने सलग २८ व्या वर्षी भव्य ‘हरे कृष्ण रथयात्रा महोत्सवा’चे आयोजन करण्यात आले आहे. त्यासाठी कमिटी जोमाने कामास लागली आहे.

शनिवारी दुपारी एक वाजता धर्मवीर संभाजी चौक येथे उभारण्यात आलेल्या शामियाण्यात इस्कॉन चे अध्यक्ष प.पू. भक्तीरसामृत स्वामी महाराज आणि इतरज्येष्ठ संन्याशांची भाषणे होतील त्यानंतर रथयात्रेस प्रारंभ होईल.अग्रभागी जोडलेले दोरखंड ओढत ही रथयात्रा कॉलेज रोड, समादेवी गल्ली, खडी बाजार, गणपत गल्ली, मारुती गल्ली, किर्लोस्कर रोड, रामलिंग खिंड गल्ली मार्गे ओवर ब्रिजवरून शहापुरात पोहचेल. तेथून नाथ पै सर्कल कडून गोवा वेस व साडेसहा वाजता इस्कॉन मंदिराच्या पाठीमागे उभारलेल्या मंडपात पोहोचेल.

रथयात्रा मार्गावर ठिकठिकाणी पाणी, सरबत, फळे यांचे वाटप केले जाईल तसेच अनेक ठिकाणी रथावर पुष्पवृष्टी केली जाईल. रथाच्या मार्गावर अग्रभागी रांगोळ्या घालणारे एक पथक असेल. रथयात्रेत अनेक सजवलेल्या बैलजोड्या त्याचबरोबर अनेक चित्ररथ सहभागी होतील. देश विदेशातून आलेले अनेक भक्त या रथयात्रेत सहभागी होतील.

या मिरवणुकीचे मुख्य आकर्षण म्हणजे भगवान श्री श्री राधा-कृष्ण आणि निताई गौर सुंदर भगवान यांचे भव्य रथ असेल. सुंदर वस्त्रांनी आणि पुष्पहारांनी सजवलेल्या रथात विराजमान होऊन भगवान बेळगाववासीयांना दर्शन देऊन आशीर्वाद देणार आहेत. विविध कीर्तन पथके ‘हरे कृष्ण’ महामंत्राचा जयघोष करत आणि नृत्याविष्कार सादर करत या उत्सवात सहभागी होतील.

• ज्येष्ठ संन्याशांची उपस्थिती : या महोत्सवासाठी इस्कॉनचे ज्येष्ठ संन्यासी परमपूज्य लोकनाथ स्वामी महाराज, मॉरिशस येथील परमपूज्य सुंदर चैतन्य स्वामी महाराज, मुंबईचे श्री दयाल चंद प्रभू आणि परमपूज्य भक्ती रसामृत स्वामी महाराज यांच्यासह अनेक वरिष्ठ भक्त उपस्थित राहणार आहेत.

• प्रसाद वितरण : संपूर्ण मार्गावर सुमारे ५०,००० हून अधिक प्रसादाच्या पाकिटांचे वाटप केले जाईल.

• ग्रंथ वितरण :  इस्कॉनचे संस्थापक आचार्य श्रील प्रभुपाद यांनी भगवद्गीताच्या आधारावर रचलेली व इतर आध्यात्मिक साहित्याचे वितरण यावेळी केले जाईल. इस्कॉन मंदिराच्या मागील परिसरात आकर्षक पद्धतीने सजवलेले पेंडाल व विविध स्टॉल्स उभारण्यात आले आहेत. शनिवार व रविवार असे दोन दिवस मंडपामध्ये भजन, कीर्तन, आरती, बालकार्यक्रम तसेच इस्कॉनमधील ज्येष्ठ भक्तांची प्रवचने होतील.

याशिवाय भगवद्गीता प्रदर्शन, स्लाइड शो, मेडिटेशन पार्क (ध्यान केंद्र), देखावे, आध्यात्मिक पुस्तकांचे व भक्तीपर वस्तूंचे स्टॉल्स तसेच श्रीकृष्ण प्रसादाचे मोफत वितरण इत्यादी अनेक उपक्रमांची व्यवस्था करण्यात आली आहे. विशेष म्हणजे, येथे ‘गो-सेवा’ दालन असून त्यात गोमूत्र आणि शेणापासून बनवलेली उत्पादने उपलब्ध असतील दोन्ही दिवस रात्री भेट देण्यास येणाऱ्या प्रत्येकास’महाप्रसाद’ दिला जाणार असून आहे. नागरिकांनी उपस्थित राहून प्रसादाचा लाभ घ्यावा असे आवाहन इस्कॉन तर्फे करण्यात आले आहे.

The post ‘हरे कृष्ण रथयात्रा’ महामहोत्सवाचा शनिवारी प्रारंभ appeared first on News 24 Tass Marathi.

आंतरराष्ट्रीय कृष्णभावनामृत संघ (इस्कॉन) बेळगावच्या वतीने येत्या २४ व २५ जानेवारी रोजी २८ वा ‘हरे कृष्ण रथयात्रा महोत्सव’ मोठ्या उत्साहात आयोजित करण्यात आला आहे. या महोत्सवाची माहिती इस्कॉनचे अध्यक्ष भक्तिरसामृत स्वामी महाराज यांनी दिली.

शनिवारी शहरातील मुख्य बाजारपेठ व प्रमुख मार्गांवरून श्री राधा–कृष्ण तसेच निताई गौर सुंदर भगवान यांची भव्य रथयात्रा काढण्यात येणार आहे. या रथयात्रेत कर्नाटकसह इतर राज्यांतील तसेच परदेशातील हजारो भाविक सहभागी होणार आहेत. रथयात्रा मार्गावर ५० हजारांहून अधिक प्रसाद पाकिटांचे वाटप, आकर्षक रांगोळी सजावट व सांस्कृतिक चित्ररथ ही यंदाच्या महोत्सवाची वैशिष्ट्ये असणार आहेत.

टिळकवाडी येथील इस्कॉन मंदिराच्या मागील मैदानावर दोन दिवस भव्य मंडपामध्ये विविध कार्यक्रमांचे आयोजन करण्यात आले आहे. यामध्ये वरिष्ठ संन्यासी व विद्वानांची प्रवचने, भक्ती संगीत तसेच मुलांसाठी सांस्कृतिक स्पर्धांचा समावेश आहे.

महोत्सवस्थळी गो-सेवा दालन, आध्यात्मिक ग्रंथांचे प्रदर्शन तसेच दररोज रात्री सुमारे ५० हजार भाविकांसाठी महाप्रसादाची व्यवस्था करण्यात आली आहे. या रथयात्रेत सहभागी होऊन श्रीकृष्णाचा आशीर्वाद घ्यावा, असे आवाहन इस्कॉनच्या वतीने नागरिकांना करण्यात आले आहे.

या संदर्भातील पत्रकार परिषदेला राम दास, बलराम भक्त दास, नागेंद्र दास, निताई निमाय दास, अमृत कृष्ण दास, वदान्य चैतन्य दास, श्वेत निताई दास, श्री रामायण दास, कृष्णाश्रय दास तसेच अन्य सदस्य उपस्थित होते.

The post बेळगावात २४ पासून इस्कॉनचा भव्य हरे कृष्ण रथयात्रा महोत्सव appeared first on News 24 Tass Marathi.