​बेळगाव : महाराष्ट्र एकीकरण युवा समिती, बेळगावच्या वतीने मराठी भाषा गौरव दिनानिमित्त भव्य सामान्यज्ञान स्पर्धेचे बक्षीस वितरण, आदर्श शाळा पुरस्कार वितरण, ज्ञानज्योती पुरस्कार वितरण, ज्ञानशिखर सन्मान पुरस्कार वितरण आणि मागील शैक्षणिक वर्षात अव्वल आलेल्या विद्यार्थ्यांचा सत्कार असा संयुक्त कार्यक्रम मराठा मंदिर येथे संपन्न झाला.

​त्यावेळी प्रमुख पाहुणे म्हणून मराठी चित्रपट सृष्टीतील अष्टपैलू कलाकार श्री. हेमंत ढोमे उपस्थित होते. त्यांनी ‘अस्तित्व मराठी शाळेचे, संवर्धन मराठी भाषेचे’ या विषयावर आपले विचार मांडले. मार्गदर्शन करताना ते म्हणाले, “मातृभाषेतून शिकले तर प्रगतीचे घोडे कुठेच अडत नाही. मराठी माध्यमातून शिकलेल्या अनेक विद्यार्थ्यांनी मोठमोठ्या पदांपर्यंत मजल मारली आहे आणि ते इंग्रजी भाषाही चांगल्या पद्धतीने बोलू शकतात. सध्या महाराष्ट्रात मराठी शाळांना वाईट दिवस आले असून पालकांचा ओढा इंग्रजी माध्यमाकडे आहे ; हीच परिस्थिती सीमाभागातही दिसत आहे. देशातील तुळू भाषा आज नामशेष होण्याच्या मार्गावर आहे. भाषा टिकली नाही तर संस्कृती टिकणार नाही , त्यामुळे मराठी संपू नये ही आपल्या सर्वांची जबाबदारी आहे. यामध्ये मराठी शाळेत शिकवणाऱ्या शिक्षकांचा फार मोठा वाटा आहे. माझ्याकडून मराठी भाषेसाठी आणि शाळांसाठी जे काही करता येईल, त्यासाठी मी सदैव तयार आहे,” असे त्यांनी स्पष्ट केले. तसेच प्रदीर्घ काळापासून चाललेला सीमालढा महाराष्ट्राच्या कानाकोपऱ्यात पोहोचवू आणि आम्ही सीमाभागातील मराठी भाषिकांच्या सोबत आहोत , अशी ग्वाही त्यांनी दिली.

​बेळगावातील युवा कलाकार शिवराज चव्हाण यांनी परिसंवादात हेमंत ढोमे यांची मुलाखत घेतली. त्याला उपस्थितांनी भरभरून दाद दिली. कार्यक्रमाच्या सुरुवातीला दीपप्रज्वलन मध्यवर्ती म. ए. समितीचे कार्याध्यक्ष व माजी आमदार मनोहर किणेकर, सरचिटणीस मालोजी अष्टेकर, मराठा मंदिरचे अध्यक्ष अप्पासाहेब गुरव, प्रकाश मरगाळे, खानापूर म. ए. समितीचे अध्यक्ष गोपाळ देसाई, म. ए. समिती महिला आघाडीच्या रेणू किल्लेकर आणि युवा समितीचे अध्यक्ष अंकुश केसरकर यांच्या हस्ते करण्यात आले. श्री. हेमंत ढोमे यांच्या हस्ते छत्रपती शिवाजी महाराज आणि कुसुमाग्रजांच्या प्रतिमेचे पूजन करण्यात आले.

​बेळगाव शहर, ग्रामीण व खानापूर तालुक्यातील दहावीच्या गुणवंत विद्यार्थ्यांना प्रमाणपत्र, पदक, स्मृतिचिन्ह व पुस्तके देऊन गौरविण्यात आले. सामान्यज्ञान परीक्षेत यश मिळवलेल्या लहान व मोठ्या गटातील विद्यार्थ्यांना मान्यवरांच्या हस्ते रोख रक्कम व प्रशस्तीपत्र देऊन सन्मानित करण्यात आले. बेळगावसह खानापूर तालुक्यातील एकूण पाच शाळांना ‘श्रीनिवास केशवराव म्हणपसेकर’ यांच्या स्मरणार्थ देण्यात येणारा ‘युवा समिती आदर्श शाळा पुरस्कार’ प्रदान करण्यात आला.

​यावर्षी प्रथमच, प्रतिकूल परिस्थितीत मराठी शाळा टिकवणाऱ्या शाळांसाठी ‘ज्ञानज्योती पुरस्काराची’ घोषणा करण्यात आली होती; हा पुरस्कार सरकारी मराठी शाळा, जामगाव (ता. खानापूर) या शाळेला देण्यात आला. तर मागील काही वर्षांपासून शैक्षणिक उपक्रमात सातत्य आणि परिपूर्णतेसाठी धडपडणाऱ्या शाळांसाठी ‘ज्ञानशिखर सन्मान पुरस्कार’ जाहीर करण्यात आला होता. त्यान्वये मॉडेल प्राथमिक शाळा, येळ्ळूर आणि कॅन्टोन्मेंट बोर्ड मराठी प्राथमिक शाळेला हा पुरस्कार देऊन गौरविण्यात आले.

​या कार्यक्रमाला म. ए. समितीचे व युवा समितीचे पदाधिकारी, शाळांचे मुख्याध्यापक, शिक्षक, पालक, विद्यार्थी आणि मराठी भाषिक मोठ्या संख्येने उपस्थित होते. कार्यक्रमाचे सूत्रसंचालन साक्षी गोरल हिने केले. स्वागत सरचिटणीस श्रीकांत कदम यांनी, तर प्रास्ताविक चिटणीस प्रतीक पाटील यांनी केले. आभार उपाध्यक्ष सिद्धार्थ चौगुले यांनी मानले.

The post “सीमालढा महाराष्ट्राच्या कानाकोपऱ्यात पोहोचवू” appeared first on News 24 Tass Marathi.

जानेवारी महिन्यात घेण्यात आलेल्या सामान्यज्ञान स्पर्धेत बेळगाव व सीमाभागातील सुमारे ३ हजार विद्यार्थ्यांनी सहभाग नोंदवला होता. या स्पर्धेतील यशस्वी विद्यार्थ्यांना बक्षिसे प्रदान करण्यात येणार असून ‘आदर्श शाळा पुरस्कार’, ‘ज्ञानज्योती पुरस्कार’ आणि ‘ज्ञानशिखर सन्मान’ पुरस्कारांचेही वितरण करण्यात येणार आहे. तसेच २०२४-२५ शैक्षणिक वर्षातील दहावी परीक्षेत अव्वल ठरलेल्या गुणवंत विद्यार्थ्यांचा गौरव करण्यात येणार आहे.

या कार्यक्रमाला प्रमुख पाहुणे म्हणून मराठी चित्रपटसृष्टीतील अभिनेते, लेखक व दिग्दर्शक हेमंत ढोमे उपस्थित राहणार आहेत. ‘क्रांतिज्योती विद्यालय – मराठी माध्यम’ या मराठी शाळांवर आधारित चित्रपटासह ‘फस्टक्लास दाभाडे’, ‘झिम्मा’, ‘सनी’, ‘बघतोस काय मुजरा कर’ आदी चित्रपटांमधील त्यांच्या कार्याची दखल घेतली जाते. ‘क्षणभर विश्रांती’ या चित्रपटातून त्यांनी अभिनय व लेखन क्षेत्रात पदार्पण केले.

कार्यक्रमात ते “अस्तित्व मराठी शाळेचे, संवर्धन मराठी भाषेचे” या विषयावर मार्गदर्शन करणार असून विद्यार्थी व पालकांशी संवाद साधणार आहेत. या सोहळ्यास मराठी प्रेमी, शिक्षक, पालक व विद्यार्थ्यांनी मोठ्या संख्येने उपस्थित राहावे, असे आवाहन समितीचे अध्यक्ष अंकुश केसरकर आणि पदाधिकाऱ्यांनी केले आहे.

The post युवा समिती आयोजित सामान्यज्ञान स्पर्धा , आदर्श शाळा पुरस्कार वितरण रविवारी appeared first on News 24 Tass Marathi.

• प्राथमिक लहान गट – विजेते

• प्रथम क्रमांक : दिग्विजय प्रवीण जाधव – ३ री (स. म. प्रा. शाळा, इदलहोंड)
• द्वितीय क्रमांक : ओम प्रवीण अष्टेकर – ४ थी (मराठी विद्यानिकेतन, बेळगाव)
• तृतीय क्रमांक : कनिष्का व्यंकटेश पाटील – ३ री (स. म. प्रा. शाळा, इदलहोंड)
• चतुर्थ क्रमांक (विभागून) : हर्ष केदारी गुंजीकर – ४ थी (मराठी विद्यानिकेतन, बेळगाव) , प्राची प्रताप डिचोलकर – ३ री (स. म. प्रा. शाळा, इदलहोंड)
• पाचवा क्रमांक (विभागून) : क्षितिज नामदेव अनगोळकर – ३ री , रेयंश माधव जाधव – ३ री श्रेयश प्रमोद पाटील – ३ री (सर्व – स. म. प्रा. शाळा, इदलहोंड)
• सहावा क्रमांक (विभागून) : कमलेश संजय गुरव – ३ री , आरोही महादेव पाटील – ४ थी , स्वराज परशराम बिर्जे – २ री , मानवी पवन बेळगुंदकर – ३ री (मराठी विद्यानिकेतन, बेळगाव) , समर्थ संतोष पाटील – ४ थी (व्ही. एम. शानभाग मराठी प्राथमिक शाळा)
• सातवा क्रमांक (विभागून) : सतेज नरेंद्र मजुकर – ४ थी (श्री चांगळेश्वरी मराठी प्रा. शाळा, येळ्ळूर) , लक्षणा लक्ष्मण चोपडे – ४ थी (स. म. प्रा. शाळा, इदलहोंड) , तनिष्का विकास पाटील – ४ थी , महेंद्र श्रीधर टक्केकर – ४ थी , तनुजा प्रशांत काजोळकर – ४ थी (मराठी विद्यानिकेतन, बेळगाव)
• आठवा क्रमांक (विभागून) : समर्थ परशराम लोहार – ४ थी (स. म. प्रा. शाळा, मुचंडी) , अभिजीत सूरज मोरे – ४ थी (मराठी विद्यानिकेतन, बेळगाव)
• नववा क्रमांक (विभागून) : प्रज्ञा सुधीर लंगरकांडे – ४ थी , इशानी पंडित पाटील – ४ थी, अर्णव श्रीकांत गावडे – ४ थी , सिद्धार्थ सचिन शिंदे – ४ थी (कॅन्टोन्मेंट बोर्ड मराठी प्रा. शाळा) , भावेश संतोष चोपडे – ३ री (स. म. प्रा. शाळा, इदलहोंड)
• दहावा क्रमांक (विभागून) : प्रतीक्षा फट्टु कणकूंबकर – ४ थी (स. म. प्रा. शाळा, जामगांव) , गणेश लक्ष्मण चोपडे – ३ री (स. म. प्रा. शाळा, इदलहोंड)
• उत्तेजनार्थ : आज्ञा सचिन पाटील (मराठी विद्यानिकेतन, बेळगाव) , विप्लव विकास मोरे (बालवीर विद्यानिकेतन, बेळगुंदी) , वेदांत कृष्णा कामाण्णाचे (स. म. प्रा. शाळा, हलगा) , श्री. नारायण बरूकर (स. म. प्रा. शाळा, इदलहोंड)

• प्राथमिक मोठा गट – विजेते

• प्रथम क्रमांक : श्रुतिका श्रीहरी गुरव – ७ वी (मराठी विद्यानिकेतन, बेळगाव)
• द्वितीय क्रमांक : सृजन अनिल पाटील – ७ वी (मराठी विद्यानिकेतन, बेळगाव)
• तृतीय क्रमांक (विभागून) : यश कृष्णा तिनेकर – ७ वी (स. म. प्रा. शाळा, इदलहोंड, खानापूर) संकल्प सतिश हळदणकर – ७ वी  (मराठी विद्यानिकेतन, बेळगाव)
• चतुर्थ क्रमांक : अथर्व रणजित हावळाणाचे – ७ वी (मराठी विद्यानिकेतन, बेळगाव)
• पाचवा क्रमांक (विभागून) : लक्ष्मी शंकर मेदार – ७ वी (स. म. प्रा. शाळा, सावगाव) , सुखदा प. बिर्जे – ६ वी (बालिका आदर्श विद्यालय, बेळगाव)
• सहावा क्रमांक : मंथन प्रकाश नलवडे – ७ वी (मराठी विद्यानिकेतन, बेळगाव)
• सातवा क्रमांक (विभागून) : संजीवनी संतोष पाटील – ७ वी (स. म. प्रा. शाळा, इदलहोंड) , सपना गणपती पाटील – ७ वी (स. म. प्रा. शाळा, हलशी) , प्रेरणा प्रल्हाद कदम – ७ वी (स. म. प्रा. शाळा, हलशी) , अदिती जितेंद्र शिंदे – ५ वी (मराठी विद्यानिकेतन, बेळगाव) , श्रेया लक्ष्मण गावडे – ७ वी (कॅन्टोन्मेंट बोर्ड मराठी प्रा. शाळा)
• आठवा क्रमांक (विभागून) : धनश्री प्रवीण शहापूरकर – ७ वी , श्री राजू तोरसकर – ७ वी (कॅन्टोन्मेंट बोर्ड मराठी प्रा. शाळा) , स्वरांजली सुधीर माणकोजी – ६ वी (सरकारी मॉडेल प्रा. शाळा, येळ्ळूर)
• नववा क्रमांक (विभागून) : जानवी सचिन किनेकर – ७ वी (विठ्ठलाचार्य शिवणगी मुलींची शाळा) आरव आनंद पाटील – ६ वी (स. म. प्रा. शाळा, इदलहोंड) , आर्या आप्पा गावडे – ७ वी (कॅन्टोन्मेंट बोर्ड मराठी प्रा. शाळा)
• दहावा क्रमांक (विभागून) : पूर्वी रमेश पाटील – ७ वी (सरकारी मॉडेल शाळा, येळ्ळूर) , आरुषी भीमराव पाटील – ६ वी (स. म. प्रा. शाळा, हिंडलगा) , आराध्या अमृत पावशे – ६ वी (पी. एम. श्री. सरकारी प्रा. शाळा, उचगाव)
• उत्तेजनार्थ : राजनंदिनी शामराव पाटील (मीलाग्रीज चर्च मराठी प्रा. शाळा, खानापूर) , विघ्नेश विशाल मण्णुरकर (संतमिरा, हिंडलगा) , अबोली उत्तम चौगुले (बालवीर विद्यानिकेतन, बेळगुंदी) , श्रीशा प्रमोद सावंत (बालिका आदर्श विद्यालय) , श्रीनय परशराम पालकर (कॅन्टोन्मेंट बोर्ड मराठी प्रा. शाळा) , धनश्री मारीहाळकर (कॅन्टोन्मेंट बोर्ड मराठी प्रा. शाळा) , सोनाली सटवाई (स. म. प्रा. शाळा, सावगाव) , महादेव संतोष देवळी – ७ वी (स. मराठी प्रा. शाळा, जामगाव, खानापूर)

सर्व विजयी स्पर्धकांचे अभिनंदन, बक्षीस वितरण मराठी भाषा दिनाचे औचित्य साधून १ मार्च रोजी मराठा मंदिर येथे संपन्न होणार आहे याची नोंद घ्यावी.

The post महाराष्ट्र एकीकरण युवा समिती आयोजित ‘भव्य सामान्यज्ञान’ स्पर्धेचा निकाल जाहीर appeared first on News 24 Tass Marathi.

बेळगाव / प्रतिनिधी

महाराष्ट्र एकीकरण युवा समिती, बेळगाव यांच्या वतीने मंगळवार, दिनांक ६ जानेवारी रोजी मराठा मंदिर आणि तुकाराम महाराज सांस्कृतिक भवन येथे आयोजित भव्य सामान्यज्ञान स्पर्धा अभूतपूर्व उत्साहात पार पडल्या. या स्पर्धांमध्ये तब्बल ३,००० विद्यार्थ्यांनी सहभाग नोंदवत मोठा प्रतिसाद दिला.

स्पर्धेचे उद्घाटन मराठा मंदिर येथे मान्यवरांच्या उपस्थितीत करण्यात आले. श्री रमेश पावले यांच्या हस्ते छत्रपती शिवाजी महाराजांच्या प्रतिमेचे पूजन करण्यात आले, तर प्रकाश मरगाळे यांच्या हस्ते सीमाप्रश्नी बलिदान दिलेल्या हुतात्म्यांच्या प्रतिमेचे पूजन झाले. यानंतर समिती नेते आर. एम. चौगुले, रमाकांत कोंडुस्कर, मदन बामणे, अप्पासाहेब गुरव, पंढरी परब, अमर येळ्ळूरकर, नगरसेवक रवी साळुंखे, ॲड. सुधीर चव्हाण, वाय. पी. नाईक, महिला आघाडी अध्यक्षा रेणू किल्लेकर, माजी महापौर सरिता पाटील, जिजामाता महिला बँक अध्यक्षा लता पाटील, भरती किल्लेकर, शिवानी पाटील, विश्वजित हसबे, विलास बेळगावकर, श्रीधर जाधव, उमेश पाटील, प्रशांत पाटील, विकास मांडेकर यांच्यासह अनेक मान्यवरांच्या हस्ते दीपप्रज्वलन करण्यात आले.

यावेळी मध्यवर्ती महाराष्ट्र एकीकरण समितीचे सरचिटणीस मालोजीराव अष्टेकर यांनी स्पर्धकांना शुभेच्छा देत, आजच्या स्पर्धात्मक युगात विद्यार्थ्यांना दिशा देणाऱ्या आणि सीमाभागातील मराठी भाषेच्या संवर्धनासाठी अशा उपक्रमांचे महत्त्व अधोरेखित केले. विद्यार्थ्यांमध्ये स्पर्धा परीक्षांची गोडी निर्माण व्हावी, त्यांचा बौद्धिक विकास व्हावा आणि शिवरायांचा इतिहास आत्मसात करता यावा, या उद्देशानेच या स्पर्धांचे आयोजन करण्यात आल्याचे त्यांनी सांगितले.

यंदा या सामान्यज्ञान स्पर्धेचे पाचवे वर्ष असून पूर्वप्राथमिक, उच्च प्राथमिक, माध्यमिक आणि महाविद्यालयीन अशा विविध गटांत विद्यार्थ्यांनी सहभाग घेतला. स्पर्धा यशस्वी करण्यासाठी अध्यक्ष अंकुश केसरकर, कार्याध्यक्ष सचिन केळवेकर, उपाध्यक्ष राजू कदम, सिद्धार्थ चौगुले, वासू सामजी, सरचिटणीस श्रीकांत कदम, चिटणीस साईनाथ शिरोडकर, संतोष कृष्णाचे, सुरज कुडूचकर, अमित देसाई, किरण हुद्दार, विनायक कावळे, आशिष कोचेरि, प्रतीक पाटील, आकाश भेकणे, साईनाथ शिरोडकर, महांतेश अलगोंडी, अजय सुतार, युवराज मुतगेकर, रोहन कुंडेकर, जगन्नाथ कुंडेकर, सुरज पाटील, निखिल देसाई, विशाल गौंडाडकर, साईराज जाधव, रोहन कुंडेकर, प्रवीण धामनेकर, सौरभ तोंडले, अक्षय बांबरकर, ओमकार नारळकर, ओमकार चौगुले, आनंद पाटील, शुभम मोरे, अशोक पाटील, वैभव अतीवाडकर, सुरज चव्हाण, विकास भेकणे, जोतिबा पाटील, राकेश सावंत, कुलदीप कानशिडे, यश तारिहाळकर, सागर मुतगेकर, अभिजित अष्टेकर, कर्ण पाटील, रितेश पावले, साक्षी गोरल, प्राजक्ता केसरकर, वैष्णवी चौगुले, वृषाली पाटील, रोहन शेलार, महेश चौगुले, प्रवीण कोराने, पार्थ वाडकर, दर्शन घाटेगस्ती, श्री पाटील, ओमकार मनवाडकर, ओमकार शिंदे, परशराम शिंदे, प्रियांका पाटील, सोनाली लोहार, निकिता चौगुले, ऋतुजा पाटील, ममता चौगुले, शितल सुंठकर, वैष्णवी येतोजी, भावना गडकरी, खुशी कंग्राळकर यांच्यासह अनेक कार्यकर्ते व स्वयंसेवकांनी परिश्रम घेतले.

या स्पर्धांमुळे विद्यार्थ्यांमध्ये ज्ञान, स्पर्धात्मक वृत्ती आणि आत्मविश्वास वाढीस लागल्याची भावना उपस्थित मान्यवरांनी व्यक्त केली.

The post महाराष्ट्र एकीकरण युवा समिती आयोजित भव्य सामान्यज्ञान स्पर्धेला उत्स्फूर्त प्रतिसाद appeared first on News 24 Tass Marathi.

बेळगाव / प्रतिनिधी

सीमाभागातील मराठी भाषा, संस्कृती व परंपरेचे संवर्धन करण्याबरोबरच विद्यार्थ्यांमध्ये शिवकालीन इतिहासाची जाणीव निर्माण करून त्यांना भविष्यातील स्पर्धात्मक परीक्षांसाठी सक्षम बनविण्याच्या उद्देशाने महाराष्ट्र एकीकरण युवा समितीच्या वतीने मंगळवार, दि. ६ जानेवारी २०२६ रोजी भव्य सामान्य ज्ञान स्पर्धेचे आयोजन करण्यात आले आहे.

सलग पाचव्या वर्षी आयोजित होणारी ही स्पर्धा सीमाभागातील सर्वात मोठी सामान्य ज्ञान स्पर्धा मानली जाते. या स्पर्धेत बेळगाव शहर व ग्रामीण भाग, खानापूर तालुका तसेच निपाणी परिसरातील विद्यार्थी मोठ्या संख्येने सहभागी होणार आहेत.

मराठा मंदिर कार्यालय व तुकाराम महाराज सांस्कृतिक भवन, खानापूर रोड (बेळगाव) येथे ही स्पर्धा दोन सत्रांत पार पडणार आहे. स्पर्धा सीमाभागापुरती मर्यादित असून ती चार गटांत घेण्यात येणार आहे. यामध्ये प्राथमिक लहान गट (इयत्ता ४ थी पर्यंत), प्राथमिक मोठा गट (इयत्ता ५ वी ते ७ वी), माध्यमिक गट (इयत्ता ८ वी ते १० वी) तसेच महाविद्यालयीन गट (इयत्ता ११ वी ते पदव्युत्तर, वय २८ वर्षांपर्यंत) यांचा समावेश आहे. महाविद्यालयीन गटासाठी आंतरराज्यीय विद्यार्थ्यांनाही सहभागाची संधी देण्यात आली आहे.

स्पर्धा सामान्य ज्ञान, बुद्धिमत्ता चाचणी, शिवकालीन इतिहास, शालेय अभ्यासक्रम, संयुक्त महाराष्ट्र चळवळ आणि सीमाप्रश्न या विषयांवरील संदर्भ पुस्तिकेवर आधारित असणार आहे. विजेत्या स्पर्धकांना रोख बक्षिसे, पदके, स्मृतिचिन्हे व प्रशस्तीपत्र देऊन गौरविण्यात येणार असून सर्व सहभागी विद्यार्थ्यांना सहभाग प्रमाणपत्र दिले जाणार आहे.

स्पर्धेचे उद्घाटन मान्यवरांच्या उपस्थितीत सकाळी १० वाजता होणार असून यंदा सुमारे २५०० स्पर्धक सहभागी होतील, असा अंदाज आयोजकांनी व्यक्त केला आहे.

The post महाराष्ट्र एकीकरण युवा समितीतर्फे उद्या भव्य सामान्य ज्ञान स्पर्धा appeared first on News 24 Tass Marathi.