राकसकोप जलाशयाच्या पाणलोट क्षेत्रात सातत्याने पाऊस सुरू असल्याने जलाशयात मोठ्या प्रमाणात पाण्याची आवक होत आहे. त्यामुळे पाणीपातळी झपाट्याने वाढून जलाशय पूर्ण क्षमतेने भरले आहे. शहराच्या पिण्याच्या पाण्याची प्रमुख गरज याच जलाशयातून भागविली जात असल्याने जलाशय तुडुंब भरल्यामुळे नागरिकांमध्ये समाधानाचे वातावरण आहे.

पावसाळ्यात जलाशयात मुबलक पाणीसाठा झाल्याने आगामी उन्हाळ्यातही बेळगाव शहराला पाणीटंचाईचा सामना करावा लागणार नाही, असा विश्वास महापौर प्रीती कामकर यांनी व्यक्त केला. पाणीसाठा चांगला झाल्यामुळे शहरातील पाणीपुरवठा सुरळीत ठेवण्यास मोठी मदत होणार असल्याचे त्यांनी सांगितले.

उपमहापौर हनुमंत कोंगाळी यांनी सांगितले की, जलाशयाच्या पाणलोट क्षेत्रात अद्याप पाऊस सुरू असल्याने अधिकारी पाणीपातळी आणि पाण्याच्या आवकेवर सातत्याने लक्ष ठेवून आहेत. खबरदारीचा उपाय म्हणून जलाशय परिसरातही आवश्यक दक्षता घेतली जात आहे.

बेळगावकरांच्या पिण्याच्या पाण्याची गरज भागविण्यात राकसकोप जलाशयाची महत्त्वाची भूमिका आहे. जलाशय पूर्ण भरल्याने आगामी काळातील पाणीपुरवठ्याबाबत नागरिकांना मोठा दिलासा मिळाला आहे.

यावेळी पालिका आयुक्त कार्तिक, पालिका सदस्य गिरीश धोंगडी, मंगेश पवार यांच्यासह इतर मान्यवर उपस्थित होते.

The post राकसकोप जलाशयावर महापौरांच्या हस्ते पारंपरिक गंगापूजन appeared first on News 24 Tass Marathi.

बेळगाव शहराला पाणी पुरवठा करणारे राकसकोप जलाशय पूर्ण क्षमतेने भरले असून आज महापौर व उपमहापौर यांच्याहस्ते विधिवत गंगापूजन करण्यात आले. गेल्या काही दिवसात बेळगाव जिल्हा, पश्चिम घाट आणि पाणलोट क्षेत्रात झालेल्या पावसामुळे नद्या प्रवाहित होऊन पाण्याची पातळी वाढल्याने राकसकोप यंदा जुलैमध्येच हे जलाशय तुडुंब भरले आहे.

याप्रसंगी बोलताना महापौर मंगेश पवार यांनी यंदा धरण पूर्ण भरल्यामुळे बेळगावातील नागरिकांना पाणीटंचाईचा सामना करावा लागणार नाही, असा विश्वास व्यक्त केला.

तर महापालिका आयुक्त शुभा बी. यांनीही पाणीपुरवठा प्रकल्पाची माहिती दिली. शहराच्या ५८ वॉर्डांमध्ये राकासकोप जलाशयातून पाणीपुरवठा करण्यासाठी एल. अँड टी कंपनीला ४८ वॉर्डांमध्ये जलवाहिन्या बसवण्याचे काम देण्यात आले होते. त्यापैकी २ वॉर्डमध्ये काम पूर्ण झाले आहे. उर्वरित वॉर्डमध्ये काम पूर्ण करण्यासाठी २६ डिसेंबरपर्यंत अंतिम मुदत देण्यात आली आहे. एक विशेष पथक तयार केले जात आहे आणि पाण्याची गळती होऊ नये यासाठी उपाययोजना केल्या जात आहेत. नागरिकांनीही पाण्याचा अपव्यय टाळावा आणि पाण्याचा काटकसरीने वापर करावा, असे आवाहन त्यांनी केले.

यावेळी महापौर मंगेश पवार आणि , उपमहापौर वाणी जोशी, मनपा आयुक्त शुभा बी. यांच्यासह सर्व नगरसेवक, विविध अधिकारी आणि पालिका कर्मचारी उपस्थित होते.

The post महापौर – उपमहापौर यांच्याहस्ते राकसकोप जलाशयावर गंगापूजन appeared first on News 24 Tass Marathi.