बेळगाव शैक्षणिक जिल्ह्याचा निकाल देखील उत्तम लागला असून बेळगाव कर्नाटक राज्यात १८ व्या क्रमांकावर आहे. 30,860 विद्यार्थी परीक्षेला बसले होते. त्यापैकी 29 हजार 241 विद्यार्थी उत्तीर्ण झाले असून बेळगाव शैक्षणिक जिल्ह्याचा निकाल 94.75 इतका लागला आहे.

दहावी परीक्षा ही प्रामुख्याने शालेय जीवनातील महत्त्वाची परीक्षा असते त्यानंतरच विद्यार्थी उच्च शिक्षणाकडे वळतो. यामुळे दहावीच्या निकालाची प्रतीक्षा लागून राहिली होती. मात्र यंदाचा दहावीचा निकाल चांगला लागला असून गतवर्षीच्या तुलनेत बेळगाव जिल्हा यावर्षी टक्केवारीत आघाडीवर आहे. चिक्कोडी शैक्षणिक जिल्हा व बेळगाव यांच्या निकालामध्ये दरवर्षी चुरस असते. यंदा मात्र निकालात बेळगाव जिल्ह्याने बाजी मारली असून चिकोडी शैक्षणिक जिल्ह्याची टक्केवारी 94.09 इतकी आहे त्यानुसार चिकोडी जिल्हा 23 व्या क्रमांकावर आहे. चिकोडी शैक्षणिक जिल्ह्यात 41560 विद्यार्थी परीक्षेला बसले होते त्यापैकी 39049 विद्यार्थी उत्तीर्ण झाले आहेत. त्यामुळे बेळगाव शैक्षणिक जिल्ह्याच्या तुलनेत चिकोडी शैक्षणिक जिल्हा पाच क्रमांकाने पाठीमागे पडला आहे. कर्नाटक राज्यातून सात 770209 विद्यार्थी परीक्षेला बसले होते त्यापैकी सात 724794 विद्यार्थी उत्तीर्ण झाले आहेत.

हिंदी भाषा विषयात ग्रेड देण्यात यावी यावरून निकाल लांबणीवर पडला होता. मात्र सालाबाद प्रमाणे गुण देऊन निकाल देण्यात यावा या या निर्णयाची अंमलबजावणी करण्यात आली. 23 रोजी निकाल जाहीर होणार हे समजताच विद्यार्थ्यांना धाकधूक लागली होती मात्र यंदाचा दहावीचा निकाल पाहता चांगली असून यंदा संपूर्ण राज्याचा निकाल 94.10 इतका लागला आहे.

The post कर्नाटक राज्याचा एसएसएलसी परीक्षेचा निकाल 94.10 टक्के appeared first on News 24 Tass Marathi.

बेळगाव : दहावीच्या निकालानंतर मराठी माध्यमातील विद्यार्थ्यांच्या गुणपत्रिकेत मराठी विषयाचा उल्लेख नसल्याने मोठा वाद निर्माण झाला होता. या प्रकारामुळे मराठी भाषिक समाजात तीव्र नाराजी व्यक्त करण्यात येत होती तसेच विद्यार्थ्यांच्या भवितव्याबाबतही चिंता व्यक्त केली जात होती.

इंग्रजी व इतर माध्यमातील विद्यार्थ्यांच्या गुणपत्रिकेत सर्व विषयांची नावे स्पष्टपणे नमूद असताना, मराठी माध्यमातील विद्यार्थ्यांच्या गुणपत्रिकेत मराठी विषयाचा उल्लेख उल्लेख वगळून केवळ विषयाचा कोड आणि गुण दाखवण्यात आल्याचे समोर आले होते. त्यामुळे हा प्रकार जाणीवपूर्वक झाला आहे का, असा सवालही उपस्थित करण्यात आला होता.

या संदर्भात मराठी माध्यमातील शिक्षक व शाळांच्या मुख्याध्यापकांनी जिल्हा शिक्षण अधिकाऱ्यांकडे तातडीने तक्रार नोंदवली होती. त्यानंतर संबंधित अधिकाऱ्यांनी केलेल्या तपासात सॉफ्टवेअरमधील तांत्रिक त्रुटीमुळे हा प्रकार घडल्याचे स्पष्ट झाले. प्रशासनाने तातडीने दखल घेत ही चूक दुरुस्त केली जाईल, असे आश्वासन दिले होते.

त्यानुसार आता सुधारणा प्रक्रिया पूर्ण करण्यात आली असून, नव्याने तपासल्यास मराठी माध्यमातील विद्यार्थ्यांच्या गुणपत्रिकेत मराठी विषयाचा उल्लेख पुन्हा समाविष्ट करण्यात आला आहे. त्यामुळे विद्यार्थ्यांमध्ये व पालकांमध्ये निर्माण झालेला संभ्रम दूर झाला असून दिलासा व्यक्त केला जात आहे.

दरम्यान, या घटनेमुळे काही काळ तणावाचे वातावरण निर्माण झाले होते. भविष्यात अशा तांत्रिक चुका टाळण्यासाठी अधिक दक्षता घेण्याची गरज असल्याचे मत शिक्षण क्षेत्रातून व्यक्त होत आहे.

The post दहावी गुणपत्रिकेतील ‘ती’ चूक अखेर दुरुस्त… appeared first on News 24 Tass Marathi.

विद्यार्थ्यांना आपला निकाल www.karresults.nic.in या संकेतस्थळावर पाहता येणार आहे. गेल्या काही दिवसांपासून निकालाच्या तारखेची उत्सुकता होती. ७ किंवा ८ एप्रिल रोजी निकाल लागेल, असा अंदाज वर्तवण्यात आला होता. मात्र कर्नाटकात सुरू असलेल्या विधानसभेच्या पोटनिवडणुकांमुळे निकाल जाहीर करण्यात विलंब झाला.

तसेच आगामी पुरवणी परीक्षांचे नियोजन लक्षात घेऊन गुरुवार दि. ९ रोजी निकाल जाहीर करण्याचा निर्णय घेण्यात आल्याची माहिती कर्नाटक शालेय परीक्षा आणि मूल्यमापन मंडळाकडून देण्यात आली आहे.

The post बारावी परीक्षेचा निकाल आज दुपारनंतर appeared first on News 24 Tass Marathi.

या संदर्भात कर्नाटक राज्य प्राथमिक शाळा शिक्षक संघ तसेच माध्यमिक शाळा शिक्षक संघाच्या बेळगाव युनिटतर्फे जिल्हाधिकाऱ्यांना निवेदन सादर करण्यात आले होते. जनगणनेचे नियोजन करताना शिक्षकांच्या बदल्यांमध्ये अडथळे येऊ नयेत, अशी मागणी करण्यात आली होती.

पूर्वी जनगणना प्रक्रियेच्या कारणास्तव बदली व पदोन्नती झालेल्या मुख्याध्यापकांना १५ मेनंतर कार्यमुक्त करण्याचे आदेश देण्यात आले होते. त्यामुळे शिक्षकांना अडचणींचा सामना करावा लागत होता. यावर उपाय म्हणून बदली झालेल्या शिक्षकांनी नवीन ठिकाणी रुजू व्हावे आणि त्यानंतर जनगणनेचे काम पूर्ण करावे, असा प्रस्ताव जिल्हाधिकाऱ्यांसमोर मांडण्यात आला.

या प्रस्तावावर तातडीने सकारात्मक प्रतिसाद देत प्रशासनाने शिक्षकांना कार्यमुक्त करण्याबाबत आवश्यक ती पावले उचलली असल्याची माहिती जिल्हाध्यक्ष जयकुमार हेबळी यांनी दिली. या बैठकीस गजानन सोगलन्नवर, रमेश धोणी यांच्यासह शिक्षक संघटनेचे पदाधिकारी आणि सदस्य उपस्थित होते.

The post बेळगावमधील शिक्षक बदल्यांचा गोंधळ अखेर मिटला appeared first on News 24 Tass Marathi.

कार्यक्रमाच्या सुरुवातीला शाळेचे शारीरिक शिक्षण शिक्षक मनोज सर आणि इयत्ता दहावीचे विद्यार्थी श्रवण बेन्नाळकर व कृतिया जांबोटकर यांनी प्रमुख पाहुण्यांना सन्मानपूर्वक व्यासपीठावर आणले. संगीत शिक्षिका अक्षता मॅडम आणि विद्यार्थ्यांनी मधुर स्वरात प्रार्थना सादर केली. यावेळी श्रीमती मायादेवी अगसगेकर मॅडम (सल्लागार संचालक) यांनी विद्यार्थ्यांना मार्गदर्शन केले. माजी प्राचार्या श्रीमती सोनाली मॅडम यांनी आपल्या भाषणातून विद्यार्थ्यांना शुभेच्छा दिल्या, तर नवनियुक्त प्राचार्य श्री. प्रदीप पाटील सर यांनी आपला पदभार स्वीकारत उज्ज्वल भविष्यासाठी संवाद साधला. शाळेच्या शिक्षिका शांता मॅडम यांनी सर्वांचे स्वागत केले.

या सोहळ्याचे खास आकर्षण म्हणजे संगीत विभागातर्फे सादर केलेले ‘राइज,शाइन अँड सोर’, हे थीम साँग आणि शिक्षकांनी सादर केलेला बहारदार नृत्यविष्कार. बालवाटिकेतील चिमुकल्यांसाठी ‘अक्षर अभ्यास हा अनोखा उपक्रम राबवण्यात आला, ज्यामध्ये धान्यावर अक्षरे गिरवून मुलांनी शिक्षणाचा श्रीगणेशा केला आणि आपला आनंद व्यक्त केला. तसेच, चिमुकल्या विद्यार्थ्यांनी आकाशात रंगीबेरंगी फुगे सोडून “स्वप्नांना द्या नवी भरारी” अशा आशयाचे संदेश देत नव्या वर्षाचे स्वागत केले.

शैक्षणिक वर्ष २०२५-२६ च्या वार्षिक परीक्षेत विशेष प्राविण्य मिळवलेल्या गुणवंत विद्यार्थ्यांचा यावेळी गौरव करण्यात आला. त्यानंतर सर्व वर्गशिक्षकांची ओळख करून देण्यात आली. संपूर्ण शाळेने नवीन वर्षाची प्रतिज्ञा घेतली. मैदानावर शालेय समन्वयकांनी विद्यार्थ्यांचे स्वागत केले. शाळेचा परिसर आकर्षक सजावटीने आणि सुविचारांनी प्रसन्न दिसत होता. राष्ट्रगीताने या कार्यक्रमाची सांगता झाली.

The post सीबीएसई ज्योती सेंट्रल स्कूलमध्ये ‘शाळा प्रारंभोत्सव’ उत्साहात संपन्न appeared first on News 24 Tass Marathi.

बेळगाव / प्रतिनिधी

राज्यातील विनाअनुदानित शाळा-कॉलेजमधील शिक्षक गेल्या अनेक वर्षांपासून नियमित वेतनाविना काम करत असल्याचा आरोप करत कर्नाटक विनाअनुदानित शाळा-कॉलेज कर्मचारी संघटना आणि विविध संघटनांच्या वतीने बेळगावात भव्य मोर्चा काढण्यात आला. पुरवणी अर्थसंकल्पात या शिक्षकांच्या हितासाठी ३४१ कोटी रुपयांची तरतूद करून १९९५ पासून सुरू असलेल्या कन्नड माध्यमाच्या विनाअनुदानित शिक्षण संस्थांना तातडीने अनुदान द्यावे, अशी मागणी यावेळी करण्यात आली.

गुरुवारी सकाळी शहरातील कित्तूर राणी चन्नम्मा चौकातून जिल्हाधिकारी कार्यालयावर हा मोर्चा काढण्यात आला. जिल्ह्यातील विविध विनाअनुदानित शाळा व महाविद्यालयांतील शिक्षक, शिक्षिका आणि प्राध्यापक मोठ्या संख्येने मोर्चात सहभागी झाले होते. आपल्या मागण्यांच्या समर्थनार्थ घोषणाबाजी करत निघालेल्या या मोर्चाने शहराचे लक्ष वेधून घेतले. जिल्हाधिकारी कार्यालयात मोर्चाची सांगता झाली असून मुख्यमंत्र्यांच्या नावे निवेदन जिल्हाधिकाऱ्यांना सादर करण्यात आले.

यावेळी बोलताना बोरगाव येथील विद्यासागर शिक्षण संस्थेचे मुख्याध्यापक राजू कुमार खिचडे यांनी सांगितले की, गेली वीस-पंचवीस वर्षे विनाअनुदानित शिक्षण संस्थांना अनुदान मिळावे आणि शिक्षकांना नियमित वेतन मिळावे यासाठी सातत्याने आंदोलन केले जात आहे. अनेक वर्षे ज्ञानदान करत असतानाही शिक्षकांना योग्य मोबदला मिळत नसल्याने त्यांची परिस्थिती ‘बिनपगारी फुल्ल अधिकारी’ अशी झाली असल्याचे त्यांनी नमूद केले.

राज्य सरकारने विविध योजनांसाठी निधी जाहीर केला असताना शिक्षकांच्या मागण्यांकडेही लक्ष देणे गरजेचे असल्याचे त्यांनी सांगितले. सरकारकडे उपलब्ध असलेल्या निधीतून किमान ३४१ कोटी रुपये विनाअनुदानित शिक्षण संस्थांसाठी मंजूर करावेत, अशी मागणी त्यांनी केली. मागण्या मान्य न झाल्यास शिक्षक, त्यांची कुटुंबे, विद्यार्थी आणि पालकांसह तीव्र आंदोलन छेडण्याचा इशाराही त्यांनी दिला.

The post विनाअनुदानित शाळा – कॉलेज शिक्षकांचा बेळगावात भव्य मोर्चा appeared first on News 24 Tass Marathi.

यापूर्वी प्रा. सई पाटील यांनी कर्नाटकातील राजीव गांधी वैद्यकीय विद्यापीठातून एम.एस्‌सी. नर्सिंग ही पदवी घेतली होती. त्यानंतर बेळगाव शहरातील विविध रुग्णालयांमध्ये वरिष्ठ परिचारिका म्हणून त्यांनी जबाबदारी सांभाळली. या व्यावसायिक अनुभवाच्या आधारे त्यांनी वरील विषयावर संशोधन प्रबंध सादर केला. त्यांच्या अभ्यासपूर्ण संशोधनाची दखल घेत विद्यापीठाने त्यांना डॉक्टरेट पदवी प्रदान केली.

प्रा. सई पाटील यांनी वैद्यकीय क्षेत्रातील विविध विभागांमध्ये दीर्घकाळ कार्य करत शिक्षण, सेवा आणि संशोधन यांचा समतोल साधला आहे. त्या स्वर्गीय प्रा. सी. व्ही. पाटील यांच्या स्नुषा होत. या उल्लेखनीय शैक्षणिक यशाबद्दल वैद्यकीय व शैक्षणिक क्षेत्रातून त्यांचे सर्वत्र अभिनंदन होत आहे.

The post कर्नाटक हेल्थ इन्स्टिट्यूटच्या प्रा. सई पाटील यांना डॉक्टरेट पदवी appeared first on News 24 Tass Marathi.

कार्यक्रमाची सुरुवात विद्यार्थिनींच्या ईशस्तवन व स्वागतगीताने झाली. मान्यवरांच्याहस्ते दीपप्रज्वलन करण्यात आले. पाहुण्यांचे स्वागत प्रतीकात्मक पेन देऊन करण्यात आले.प्रास्ताविकात मुख्याध्यापक एम. सी. वार्णुळकर यांनी शिक्षण उत्सवाचा उद्देश स्पष्ट करताना, बौद्धिकदृष्ट्या मागास विद्यार्थ्यांमधील कला-गुण ओळखून त्यांचा विकास साधण्यासाठी शासनाच्यावतीने दरवर्षी हा उपक्रम राबवला जातो, असे सांगितले.

एन. बी. बाळीगट्टी यांनी सरकारी शाळांना मिळणाऱ्या शैक्षणिक सुविधांची माहिती देत विद्यार्थ्यांच्या प्रगतीबाबत मार्गदर्शन केले. जी. एस. पाटील यांनी पालकांना आपल्या पाल्यांची इतरांशी तुलना न करता त्यांच्या आवडी-कलांचा शोध घेऊन योग्य मार्गदर्शन करण्याचा सल्ला दिला. शितल गोळे यांनी शिक्षक-पालक समन्वयातून बौद्धिकदृष्ट्या मागास विद्यार्थ्यांना मुख्य प्रवाहात आणता येईल, असे मत व्यक्त केले.ग्रामपंचायत सदस्य यल्लाप्पा पाटील यांनी आपल्या पाल्यांना शैक्षणिक क्षेत्रात यशस्वी करायचे असेल तर पालकांनी आपल्या पाल्यांकडे अधिक लक्ष दिले पाहिजे प्राथमिक शिक्षण घेत असताना आपण अधिक लक्ष दिल्यास आपला मुलगा यशस्वी होईल असे सांगितले‌.

अध्यक्षीय भाषणात मनोहर हुंदरे यांनी सरकारी व अनुदानित शाळांमधील सुविधांचा उल्लेख करत मातृभाषेतील शिक्षणाचे महत्त्व अधोरेखित केले. शिक्षण उत्सवासारख्या उपक्रमांमुळे विद्यार्थ्यांची बौद्धिक क्षमता सुधारण्यास मदत होते, असे त्यांनी सांगितले. तसेच सरकारने नवीन मॅगनेटीक योजना आणली आहे. या योजनेच्या आडून सरकारी शाळा बंद करण्याचा घाट घातला जात असल्याची खंतही व्यक्त केली. त्यासाठी येत्या काळात पालकांसह शिक्षकांनीही मोठा लढा द्यावा लागणार असल्याचे त्यांनी नमूद केले. श्रीशैल कामत यांनी आभार प्रदर्शन केले.

कार्यक्रमात चलवेनहट्टी शाळेच्या शिक्षिका टी. जी. नगरकर यांचा ‘आदर्श शिक्षिका पुरस्कार’ मिळाल्याबद्दल सत्कार करण्यात आला. तसेच केंद्र प्रमुख एन. बी. बाळीगट्टी यांचा मराठा महासंघाच्या वतीने ‘उत्तम कार्यशील केंद्र प्रमुख’ पुरस्काराबद्दल गौरव करण्यात आला.

यावेळी अंकगणित, लेखन, वाचन, चित्रकला आदी स्पर्धा घेण्यात आल्या. यशस्वी विद्यार्थ्यांना बक्षिसे देऊन सन्मानित करण्यात आले. कार्यक्रमाला शिक्षक, पालक, शाळा सुधारणा समितीचे सदस्य आणि ग्रामस्थ मोठ्या संख्येने उपस्थित होते.

The post चलवेनहट्टी प्राथमिक मराठी शाळेत ‘कलिका हब्ब’ उत्साहात appeared first on News 24 Tass Marathi.

बेळगाव / प्रतिनिधी

विद्यार्थ्यांच्या कलागुणांना व प्रतिभेला वाव देण्यासाठी आयोजित करण्यात येणाऱ्या राज्य-प्रायोजित प्रतिभा कारंजी स्पर्धेत तालुका व जिल्हास्तरावर कन्नडेत्तर, विशेषतः मराठी, उर्दू आणि इंग्रजी माध्यमातील विद्यार्थ्यांना डावलले जात असल्याचा गंभीर आरोप महाराष्ट्र एकीकरण युवा समितीने केला आहे. या संदर्भात युवा समितीच्या वतीने राज्य शिक्षण सचिव, जिल्हा शिक्षणाधिकारी तसेच भाषिक अल्पसंख्यांक आयोगाला निवेदन पाठवण्यात आले आहे.

शालेय स्तरावर गुणवत्तेच्या आधारावर पात्र ठरलेल्या मराठी, उर्दू व इंग्रजी माध्यमातील विद्यार्थ्यांना कन्नड भाषेतून सादरीकरण करण्यास सक्ती केली जात असून, कन्नड न बोलता आल्यामुळे त्यांना तालुका स्तरावर अपात्र ठरवले जात असल्याच्या तक्रारी समोर आल्या आहेत. ही बाब अत्यंत चिंताजनक असून ती भेदभावपूर्ण व असंविधानिक असल्याचे समितीने नमूद केले आहे.

युवा समितीच्या मते, ही प्रथा भारतीय संविधानाच्या अनुच्छेद ३५०-अ चे सरळ उल्लंघन आहे. या अनुच्छेदानुसार भाषिक अल्पसंख्यांक विद्यार्थ्यांना त्यांच्या मातृभाषेतून शिक्षण व अभिव्यक्तीचे संरक्षण देणे हे शासनाचे कर्तव्य आहे. मात्र भाषेच्या आधारावर विद्यार्थ्यांना समान संधींपासून वंचित ठेवले जात असल्याने ‘प्रतिभा कारंजी’ या उपक्रमाच्या मूळ उद्देशालाच तडा जात आहे.

वारंवार निवेदने देऊन, भाषिक अल्पसंख्यांक आयोगाकडून अधिकृत पत्रव्यवहार होऊन तसेच शालेय शिक्षण आयुक्तांनी स्पष्ट निर्देश देऊनही अद्याप कोणतीही ठोस सुधारणा करण्यात आलेली नाही, अशी नाराजी समितीने व्यक्त केली आहे.

महाराष्ट्र एकीकरण युवा समितीचे अध्यक्ष अंकुश केसरकर यांनी शिक्षण विभागाने या प्रकरणात तातडीने हस्तक्षेप करावा, विद्यार्थ्यांना त्यांच्या संबंधित मातृभाषेतून स्पर्धेत सहभागी होण्याची मुभा द्यावी, तसेच भेदभावपूर्ण नियमांमध्ये आवश्यक बदल करावेत, अशी मागणी केली आहे. कोणत्याही विद्यार्थ्याला भाषिक कारणावरून अपमानित किंवा वगळले जाणार नाही, याची हमी द्यावी, असेही त्यांनी स्पष्ट केले.

मागील वर्षी झालेल्या प्रतिभा कारंजी स्पर्धेत मराठी भाषिक विद्यार्थ्यांवर झालेल्या अन्यायाबाबत युवा समितीने जिल्हा शिक्षणाधिकारी, बेळगाव यांना निवेदन दिले होते. त्यावेळी नियमात बदल करून अन्याय दूर करण्याचे आश्वासन देण्यात आले होते. मात्र यावर्षीही मराठीसह इतर माध्यमातील विद्यार्थ्यांना सहभागी करून न घेतल्याने, युवा समितीने पुन्हा एकदा जिल्हा शिक्षणाधिकारी, राज्य शिक्षण सचिव आणि भाषिक अल्पसंख्यांक आयोगाकडे पत्रव्यवहार केला आहे.

The post प्रतिभा कारंजी स्पर्धेत भाषिक भेदभावाचा आरोप appeared first on News 24 Tass Marathi.

बेळगाव : दक्षिण महाराष्ट्र शिक्षण मंडळ संचलित ज्योती सेंट्रल स्कूल, बेळगाव येथे दहावीच्या विद्यार्थ्यांच्या उज्ज्वल भविष्यासाठी विशेष करिअर मार्गदर्शन सत्राचे आयोजन करण्यात आले होते. विद्यार्थ्यांना योग्य दिशा आणि करिअर निवडीबाबत स्पष्टता मिळावी, या उद्देशाने हा उपक्रम राबवण्यात आला.

या कार्यक्रमात भारतीय महसूल सेवा (IRS) अधिकारी श्री. आकाश शंकर चौगुले तसेच विद्या प्रबोधिनी एज्युकेशन सर्व्हिसेस प्रा. लि. चे संचालक व आयएएस इच्छुकांचे मार्गदर्शक प्रा. राजकुमार पाटील हे प्रमुख वक्ते म्हणून उपस्थित होते. त्यांनी आपल्या अनुभवांच्या आधारे विद्यार्थ्यांना करिअरच्या विविध संधी, स्पर्धा परीक्षा, शैक्षणिक नियोजन आणि आत्मविश्वासाचे महत्त्व याविषयी सखोल मार्गदर्शन केले.

यावेळी व्यासपीठावर शालेय एस. एम. सी. समितीचे चेअरमन व ज्योती कॉलेजचे निवृत्त प्राचार्य आर. के. पाटील तसेच शाळेच्या मुख्याध्यापिका श्रीमती. सोनाली कंग्राळकर उपस्थित होत्या.

मार्गदर्शन सत्राला विद्यार्थ्यांचा उत्स्फूर्त प्रतिसाद लाभला. वक्त्यांच्या प्रेरणादायी विचारांमुळे विद्यार्थ्यांना स्वतःची क्षमता ओळखण्याची आणि भविष्यातील उद्दिष्टे निश्चित करण्याची प्रेरणा मिळाली.

कार्यक्रमाचे प्रास्ताविक गणित विषयाचे शिक्षक मनोहर करडी यांनी केले. सूत्रसंचालन विज्ञान विषयाच्या शिक्षिका किरण चलवेटकर यांनी केले. या उपक्रमामुळे दहावीच्या विद्यार्थ्यांना विविध करिअरच्या संधींबाबत सखोल माहिती मिळाली असून, त्यांच्या पुढील शैक्षणिक वाटचालीस निश्चित दिशा मिळाल्याचे मत पालक व शिक्षकांनी व्यक्त केले.

The post दहावीच्या विद्यार्थ्यांसाठी ज्योती सेंट्रल स्कूलमध्ये करिअर मार्गदर्शन सत्र appeared first on News 24 Tass Marathi.