श्री शिवप्रतिष्ठान हिंदुस्थानच्या वतीने श्री दुर्गामाता दौडीचे आठवे पुष्प संपन्न झाले. यावर्षी नवरात्र उत्सवाचे अकरा दिवस असल्याने नेहमीच्या मार्ग बरोबर छत्रपती श्री शिवाजी उद्यान येथून सुरुवात होऊन श्री शंभूतीर्थ धर्मवीर संभाजी महाराज चौक येथे दुर्गामाता दौडीची सांगता करण्यात आली. 

प्रारंभी सकाळी छत्रपती श्री शिवाजी महाराज उद्यान येथे छत्रपती श्री शिवाजी महाराजांच्या मूर्तीला विधिवत अभिषेक घालून आरती करण्यात आली. यावेळेस प्रमुख पाहुणे म्हणून धारकरी गणेश जांगळे यांच्या हस्ते ध्वज चढवण्यात आला. त्यानंतर प्रेरणा मंत्र म्हणून दुर्गामाता दौडीला सुरुवात करण्यात आली. ही दौड कपिलेश्वर उड्डाणपूल, हेमू कलानी चौक, टिळक चौक, रामलिंग खिंड गल्ली मार्गे श्री शंभुतीर्थ येथे पोहोचली. यावेळेस हृदय दिवस असल्याकारणाने अरिहंत हॉस्पिटलचे हृदयरोग, तज्ञ डॉ. माधव दीक्षित हे उपस्थित होते. त्यांनी उपस्थित शिवभक्तांना हृदयविकार तसेच तंदुरुस्त जीवनशैली यासाठी आपले मोलाचे मार्गदर्शन केले. त्यानंतर धर्मवीर छत्रपती श्री संभाजी महाराजांची आरती करण्यात आली. आणि प्रमुख पाहुणे डॉ.माधव दीक्षित यांच्याहस्ते ध्वज उतरून या दौडीची सांगता करण्यात आली.

तसेच प्रतिवर्षीप्रमाणे नवमीच्या दिवशी ताशिलदार गल्ली विभागातल्या दौडीप्रसंगी स्वराज्यासाठी योगदान दिलेल्या शिलेदारांचे वंशज प्रमुख पाहुणे म्हणून उपस्थित असतात. यावर्षी श्रीमंत राजे अमरसिंह उदयसिंग जाधव राव हे उपस्थित राहणार आहेत. श्रीमंत राजे लखोजीराव जाधवराव सिंदखेडराजा, (राजमाता जिजाऊ मासाहेब यांचे वडील) यांचे ते थेट १६ वे वंशज आहेत. तसेच सरसेनापती धनाजीराव शंभूसिंग जाधवराव यांचे ते थेट १२ वे वंशज होत.

The post श्री दुर्गामाता दौडीमध्ये शिवरायांचा जयघोष appeared first on News 24 Tass Marathi.

बेळगाव / प्रतिनिधी

शहापूर येथे श्री दुर्गामाता दौडीचा सातवा दिवस देवी कालरात्रीच्या पूजेसह उत्साहात साजरा झाला. विशेषतः आनंदवाडी परिसरातील पारंपरिक वेशभूषा परिधान केलेल्या चिमुकल्यांनी उपस्थितांचे मन वेधून घेतले.

श्री शिवप्रतिष्ठान हिंदुस्थानतर्फे सातव्या दिवसाची सुरुवात श्री अंबाबाई देवस्थान (नाथ पै चौक, शहापूर) येथून करण्यात आली. प्रारंभी श्री अंबाबाईची आरती करून प्रेरणामंत्र म्हणण्यात आला. त्यानंतर मान्यवरांच्या हस्ते ध्वजारोहण करून दौडीला चालना देण्यात आली.

यानंतर दौड नाथ पै सर्कल, लक्ष्मी रोड, कारवार गल्ली, गणेशपूर गल्ली, नवी गल्ली, डब्बल रोड, बसवेश्वर सर्कल, बाजार गल्ली, बनशंकरी नगर, मारुती गल्ली, बसवाण गल्ली, मरगम्मा गल्ली, वर्धाप्पा गल्ली, उप्पार गल्ली, संभाजी रोड, धारवाड रोड, जोशी मळा, आचार्य गल्ली, गाडेमार्ग, पवार गल्ली, खडेबाजार, सराफ गल्ली, बिच्चू गल्ली, विठ्ठलदेव मंदिर, नार्वेकर गल्ली, पी. बी. रोड, होसूर बसवाण गल्ली, बोळमल बोळ, म. फुले रोड, मीरापूर गल्ली, कचेरी गल्ली, हट्टीहोळ गल्ली, रामलिंगवाडी, आनंदवाडी, वडगाव रोड, अळवण गल्ली अशा नियोजित मार्गाने पुढे मार्गस्थ झाली. मार्गावरील विविध ठिकाणी पुष्पवृष्टी व औक्षण करून दौडीचे उत्स्फूर्त स्वागत करण्यात आले.

शहापूर नार्वेकर गल्ली येथील बालशिवाजी मित्र मंडळाने बलात्काऱ्यांवर कठोर कारवाईची मागणी करणारा देखावा सादर केला. हिंदवी स्वराज्याच्या काळातील अन्याय आणि त्या वेळी बलात्काऱ्यांना देण्यात येणाऱ्या शिक्षेबद्दलही या देखाव्यातून प्रकाश टाकण्यात आला.

यावेळी स्थानिक ज्येष्ठ नागरिकांनी माध्यमांशी बोलताना सांगितले की, या दौडीतून तरुणांमध्ये देव, देश आणि धर्मरक्षणाची जाणीव जागृत व्हावी, तसेच छत्रपती शिवाजी महाराजांनी स्थापलेले हिंदवी स्वराज्य व छत्रपती संभाजी महाराजांचे बलिदान यांची आठवण राहावी, हा या दौडीचा मुख्य उद्देश आहे.

आचार्य गल्लीतील युवागटाने पवनखिंडीचा ऐतिहासिक प्रसंग जिवंत करून दाखवला. त्यातून समाजातील एकात्मतेचा संदेश देण्यात आला. महिलांनी पारंपरिक पोशाखातून हिंदू संस्कृतीचे वैभव साकारले, तर आनंदवाडीतील पारंपरिक वेशभूषेत सजलेल्या बालचमूंनी दौडीला वेगळेच आकर्षण प्राप्त करून दिले.

शेवटी मेलगे गल्ली, जेड गल्ली, भोज गल्ली, दाणे गल्ली, कोरे गल्ली मार्गे गोवावेस येथील जगज्योती बसवेश्वर सर्कल दौडीची सांगता झाली.

दरम्यान, सोमवार २९ सप्टेंबर रोजी छत्रपती शिवाजी उद्यानातून दौडीला प्रारंभ होऊन एसपीएम रोड, कपिलेश्वर उड्डाण पूल, स्टेशन रोड, हेमूकलानी चौक, रामलिंगखिंड गल्ली मार्गे जत्तीमठ येथील दुर्गामाता मंदिरात सांगता होणार आहे.

The post चैतन्यमय वातावरणात मराठी संस्कृतीचे दर्शन ! appeared first on News 24 Tass Marathi.

बेळगाव / प्रतिनिधी

शनिवारी नवरात्रोत्सवातील सहाव्या दिवशी झालेल्या श्री दुर्गामाता दौडीला वरुणराजानेही हजेरी लावली. सततच्या पावसातही शेकडो भाविकांनी उत्साहाने सहभाग नोंदवत भक्ती आणि ऊर्जेचा अद्भुत संगम घडवला.

सदाशिवनगर येथील श्री हरिद्रा गणेश मंदिरातून कात्यायनी पूजेनंतर दौडीची सुरुवात झाली. प्रेरणामंत्रानंतर ध्वजारोहण करून दौड मार्गस्थ झाली. सदाशिवनगर मेन रोड, गणेश चौक, बेलदार छावणी, मरगाई मंदिर परिसर, नेहरूनगर, कोल्हापूर सर्कल, सुभाषनगर, वड्डरवाडी, रामनगर अशा प्रमुख मार्गांवरून  पुढे अशोकनगर आणि शिवबसवनगर मार्गे श्री जोतिबा मंदिरात दौडीची सांगता झाली.

शुक्रवारी रात्रीपासून पावसाचा जोर कायम असतानाही लहान मुलांपासून ज्येष्ठांपर्यंत सर्वांनी पावसात भिजत ओलेचिंब होऊन दौडीत सहभाग घेतला. चारशेहून अधिक धारकऱ्यांनी उत्साहाने सहभाग घेतला होता. विविध ठिकाणी आरती व फुलांच्या वर्षावाने दौड स्वागत करण्यात आली.

उद्या (रविवार, २८ सप्टेंबर) शहापूर श्री अंबामाता मंदिरातून दौडीची सुरुवात होऊन गोवावेस येथील जगज्योती बसवेश्वर सर्कल येथे सांगता होणार आहे.

The post सहाव्या दिवशी भर पावसात दुर्गामाता दौड appeared first on News 24 Tass Marathi.

देव, देश आणि धर्म रक्षणाचा संदेश देणारी श्री दुर्गामाता दौड आज वडगाव परिसरात मोठ्या उत्साहात पार पडली.

श्री शिवप्रतिष्ठान हिंदुस्थान आयोजित नवरात्रौत्सवातील पाचव्या दिवसाच्या दौडीची सुरुवात खासबाग येथील बसवेश्वर चौकातील दुर्गा देवी मंदिरात आरतीने झाली. प्रमुख पाहुण्यांच्या हस्ते ध्वजारोहण करून प्रेरणा मंत्राने दौडीला प्रारंभ झाला. गल्लोगल्ली दौड येताच नागरिकांनी औक्षण करून हार्दिक स्वागत केले.

ही दौड भारतनगर पहिला क्रॉस, नाथ पै सर्कल, डबल रोड, बसवेश्वर सर्कल, बाजार गल्ली, मरगम्मा मंदिर रोड, भारतनगर ४ था ते ६ वा क्रॉस, रयत गल्ली, सपार गल्ली, सोनार गल्ली रोड, मरगाई मंदिर रोड, तेग्गीन गल्ली, जुने बेळगाव रोड, गणेशपेठ, कुलकर्णी गल्ली, कोरवी गल्ली, संभाजी गल्ली, लक्ष्मी मंदिर, चावडी गल्ली, रामदेव गल्ली, येळ्ळूर रोड, नाझर कॅम्प, हरिमंदिर मंदिर रोड, वझे गल्ली, धामणे रोड, विष्णू गल्ली, कारभार गल्ली, आनंदनगर, पाटील गल्ली, संभाजीनगर मार्गे वडगावातील ग्रामदैवत श्री मंगाई मंदिरात दाखल झाली.

तेथे श्री मंगाई देवीची महाआरती झाल्यानंतर ध्येयमंत्र म्हणत ध्वज उतरविण्यात आला आणि पाचव्या दिवसाच्या दौडीची सांगता झाली. या दौडीत युवक-युवती हजारोंच्या संख्येने सहभागी झाले होते.

The post वडगावात पाचव्या दिवशी उत्साहात श्री दुर्गामाता दौड appeared first on News 24 Tass Marathi.

बेळगाव / प्रतिनिधी

भगव्या पताकांनी सजवलेल्या मार्गांवर छत्रपती शिवाजी महाराजांच्या जयघोषात गुरुवारी (दि.२४) रोजी बेळगावात चौथ्या दिवशी दुर्गामाता दौड उत्साहात पार पडली.

धर्मवीर छत्रपती संभाजी महाराज चौकातून दौडीची सुरुवात झाली. प्रारंभी मान्यवरांच्या उपस्थितीत ध्वजारोहण करण्यात आले. प्रेरणामंत्राच्या घोषणांनी वातावरण भारावून गेले आणि मिरवणूक मार्गस्थ झाली. किर्लोस्कर रोड, रामलिंग खिंड गल्ली, सम्राट अशोक चौक, बसवाण गल्ली, लक्ष्मी मंदिर, नरगुंदकर भावे चौक, गणपत गल्ली, कडोलकर गल्ली, बुरुड गल्ली, पांगुळ गल्ली, कांदा मार्केट, कसाई गल्ली, कामत गल्ली, पी.बी. रोड, मार्केट पोलीस स्थानक, शेट्टी गल्ली, भडकल गल्ली अशा प्रमुख मार्गांवरून दौड पुढे गेली.

याप्रसंगी संजय भातकांडे यांनी सांगितले की, किरण गावडे यांनी भगवा रक्षक संघटनेची स्थापना करून सुरुवातीला क्रिकेट स्पर्धा आयोजित केल्या. पुढे संभाजी भिडे गुरुजींच्या श्री शिवप्रतिष्ठान हिंदुस्थानच्या मार्गदर्शनाखाली दुर्गामाता दौडीची सुरुवात झाली. सर्व समाजघटक यामध्ये सहभागी होत असून तरुणांमध्ये देशभक्ती, धर्मरक्षण आणि जबाबदार नागरिक होण्याची जाणीव निर्माण करण्याचे हे माध्यम ठरते, असे त्यांनी नमूद केले.

भातकांडे पुढे म्हणाले की, दुर्गामाता दौड ही बेळगावातील सामाजिक ऐक्याचे प्रतीक आहे. ७५ वर्षांवरील ज्येष्ठ नागरिकांपासून ते तरुण पिढीपर्यंत सर्वांचा सहभाग उत्स्फूर्त असतो. तरुणांनी व्यसनमुक्त समाज घडविण्याचा संकल्प करून कुटुंबाची जबाबदारी पार पाडावी, असे त्यांनी आवाहन केले.

विश्वजीत हजबे यांनीही छत्रपती शिवाजी महाराजांचे तत्त्वज्ञान अंगीकारून देव, देश आणि धर्माच्या रक्षणासाठी सज्ज राहण्याचे आवाहन केले.

सरदार ग्राउंड, सन्मान हॉटेल, कॉलेज रोड, यंदे खुट, किर्लोस्कर रोड, कडोलकर गल्ली या मार्गे दौड संयुक्त महाराष्ट्र चौकातील मारुती मंदिरात दाखल झाली. येथे मान्यवरांच्या हस्ते आरती करून ध्येयमंत्र पठणानंतर ध्वज उतरवून चौथ्या दिवसाची सांगता करण्यात आली.

दरम्यान, शुक्रवार, दि. २६ सप्टेंबर रोजी खासबाग येथून पुढील दिवशीची दौड सुरू होणार असून, विविध मार्गांवरून वडगाव येथील श्री मंगाई मंदिरात दौडीची सांगता होणार आहे.

The post शिवरायांच्या जयघोषाने शहर दुमदुमले appeared first on News 24 Tass Marathi.

बेळगाव / प्रतिनिधी

बेळगावात श्री दुर्गामाता दौडच्या तिसऱ्या दिवशी कॅन्टोन्मेंट बोर्ड येथे मुस्लिम बांधवांनी स्वागत केले आणि सौहार्दाचा संदेश दिला.

नवरात्रीच्या तिसऱ्या दिवशी श्री दुर्गामाता दौडची सुरुवात श्री चंद्रघंटादेवीच्या पूजेने करण्यात आली. श्री दुर्गामाता दौड धर्मवीर छत्रपती संभाजी महाराज चौकातून सुरू झाली. पुढे काँग्रेस रोड, ग्लोब टॉकीज रोड, इंडिपेंडेंट रोड, हाय स्ट्रीट, वेस्ट स्ट्रीट, हाईट, कोंडप्पा स्ट्रीट, चर्च स्ट्रीट, मद्रास स्ट्रीट, कुंतीमाता मंदिर, फिश मार्केट, तेलुगू कॉलनी, के.टी. पुजारी श्री दुर्गामाता मंदिर, खानापूर रोड आदी मार्गांवरून दौड कॅन्टोन्मेंट बोर्ड परिसरात आली असता, मुस्लिम बांधवांनी श्री दुर्गामाता दौडचे भव्य स्वागत केले.

याप्रसंगी प्रसारमाध्यमांशी बोलताना एमएलआयआरसीच्या एका अधिकाऱ्याने, कॅन्टोन्मेंट बोर्डचे माजी सदस्य साजिद शेख यांनी श्री दुर्गामाता दौडच्या स्वागतासाठी केलेल्या भव्य तयारीबद्दल आनंद व्यक्त केला. मुस्लिम समुदायाने श्री दुर्गामाता दौडाचे स्वागत केल्याने देशात सौहार्दाचा संदेश गेला आहे. तसेच पहिल्यांदाच श्री दुर्गामाता दौडमध्ये सहभागी झाल्याबद्दल त्यांनी आनंद व्यक्त केला.

साजिद शेख म्हणाले की, दरवर्षीप्रमाणे या वर्षीही मुस्लिम समुदाय, जंगू कुटुंब आणि त्यांच्या सहकाऱ्यांनी कॅंटोन्मेंट बोर्ड परिसरात दुर्गामाता दौडचे स्वागत केले. म्हैसूर इतकाच भव्य दसरा बेळगावात आयोजित केला जातो. दुर्गामाता सर्वांचे कष्ट दूर करो आणि सर्वांना सुख आणि शांती देवो अशी प्रार्थना त्यांनी केली.

खानापूर रोडमार्गे धर्मवीर छत्रपती संभाजी महाराज सर्कल, जत्ती मठ येथे तिसऱ्या दिवशीच्या दौडीची सांगता झाली.

The post कॅन्टोन्मेंट परिसरात मुस्लिम बांधवांकडून दुर्गामाता दौडीचे स्वागत ! appeared first on News 24 Tass Marathi.

बेळगाव / प्रतिनिधी

बेळगावकरांच्या धार्मिक परंपरेचे प्रतीक ठरलेली श्री दुर्गामाता दौड नवरात्रीच्या पहिल्याच दिवशी उत्साहात सुरू झाली. देव, देश आणि धर्माविषयी जागरूकता निर्माण करण्यासाठी शिवप्रतिष्ठान हिंदुस्थानच्या वतीने आयोजित या दौडीला पहिल्या दिवशी उत्स्फूर्त प्रतिसाद लाभला.

नवरात्रीच्या शैलपुत्री देवी पूजनाने या वर्षीच्या दौडीचा शुभारंभ झाला. प्रारंभी डॉ. शामाप्रसाद मुखर्जी मार्गावरील उद्यानात छत्रपती शिवाजी महाराजांच्या मूर्तीचे छत्रे गुरुजी व मान्यवरांच्या हस्ते पूजन करून प्रेरणामंत्रासह ध्वजारोहण करण्यात आले आणि दौडीला सुरुवात झाली.

दौड पुढे हुलबत्ते कॉलनी, महात्मा फुले रोड, एस.पी.एम. रोड, संतसेना रोड, पाटीदार भवन रोड, शास्त्री नगर, गुड्सशेड रोड, कपिलेश्वर कॉलनी, महाद्वार रोड क्रॉस नं.४, माणिकबाग रोड, समर्थ नगर, तानाजी गल्ली, महाद्वार रोड क्रॉस नं. ३ आणि २ मार्गे छत्रपती संभाजी गल्लीपर्यंत निघून पुन्हा एस.पी.एम. रोडवर परतली.

युवतींनी पारंपरिक वेशभूषेत उत्साहाने दौडमध्ये सहभाग नोंदवला. गल्ल्यांमध्ये नागरिकांनी औक्षण करून भक्तीभावाने दौडीचे स्वागत केले. मार्गभर आकर्षक रांगोळ्या, भगव्या पताका आणि तोरणांनी सजावट केली होती. दौडीत श्री दुर्गा, भवानी व छत्रपती शिवाजी महाराजांच्या जीवनावरील चित्ररथांनी सर्वांचे लक्ष वेधून घेतले.

यावेळी दौडीबद्दल प्रसारमाध्यमांना माहिती देताना शिवप्रतिष्ठान हिंदुस्थानचे कर्नाटक प्रांतप्रमुख किरण गावडे म्हणाले, “या वर्षी दौडीचे २७ वे वर्ष आहे. दरवर्षी सहभागी धारकऱ्यांची संख्या वाढत आहे. जगभरात सुख-समृद्धी नांदावी व देव-देश-धर्म अखंड राहावा, हा या दौडीमागचा मुख्य हेतू आहे.”

दौडीचा समारोप दक्षिण काशी कपिलेश्वर येथे महाआरतीने झाला. एसीपी कट्टिमनी, एसीपी शेखरप्पा यांच्यासह मान्यवरांनी ध्वज उतरवला आणि पहिल्या दिवसाच्या दौडीची सांगता केली. मंगळवारी ही दौड राणी चन्नम्मा सर्कलपासून सुरू होऊन किल्ले दुर्गादेवी मंदिरात संपन्न होणार आहे.

The post बेळगावात श्री दुर्गामाता दौडला उत्साहात प्रारंभ appeared first on News 24 Tass Marathi.

बेळगाव / प्रतिनिधी

शिवप्रतिष्ठान हिंदुस्थानच्या मार्गदर्शनाखाली सोमवार, २२ सप्टेंबरपासून घटस्थापनेपासून विजयादशमीपर्यंत भव्य दुर्गामाता दौड बेळगाव शहरासह तालुक्यातील गावोगावी काढली जाणार आहे. या दौडीसाठी धारकऱ्यांकडून जोरदार तयारी सुरू असून शिवप्रेमींच्या स्वागताची धडपड सुरू झाली आहे.

देव, देश आणि धर्माच्या सन्मानासाठी दरवर्षी घेण्यात येणाऱ्या या दौडीमुळे तरुणाईत राष्ट्रभक्तीचा जागर होतो. संभाजीराव मिडे गुरुजी यांच्या मार्गदर्शनाखाली दरवर्षीप्रमाणे मंदिरांना भेटी देत भक्तिगीतांच्या गजरात शिवभक्त दौड काढतात. बेळगावात दररोज २५ ते ३० हजार शिवप्रेमी या दौडीत सहभागी होतात. लहान मुलांपासून ते वयोवृद्धांपर्यंत सर्वजण उत्स्फूर्त सहभाग नोंदवतात.

या वर्षी अकरा दिवसांची दौड नियोजित असून चार दिवसांपूर्वीच मार्गरचनेचे नियोजन पूर्ण झाले आहे.परंपरेनुसार पहिल्या दिवशी छत्रे गुरुजी व सहकाऱ्यांच्या हस्ते छत्रपती शिवाजी महाराजांच्या मूर्तीसह ध्वजपूजनाने कार्यक्रमाची सुरुवात होणार आहे. हजारोंच्या संख्येने सहभागी होऊन राष्ट्रभक्तीची जाज्वल्य परंपरा जोपासावी, असे आवाहन शिवप्रतिष्ठान हिंदुस्थानतर्फे करण्यात आले आहे.

• दौडमध्ये अयोग्य वर्तनाला थारा नको : 

प्रतिवर्षाप्रमाणे यावर्षीही मोठ्या उत्साहात बेळगाव शहरासह जिल्ह्यात दुर्गामाता दौड शिवप्रतिष्ठानच्या नेतृत्वाखाली काढली जाणार आहे. दरवर्षी दुर्गामाता दौडला मिळणारा प्रतिसाद वाढत असल्याने कुठेही शिस्तीला बाधा येईल असे वर्तन कोणत्याही धारकऱ्याने करू नये. दुर्गामाता दौडला. एक शिस्त असून भिडे गुरुजींच्या नियमावलीनुसारच दुर्गामाता दौड काढली जाणार आहे.
-किरण गावडे (कर्नाटक प्रांतप्रमुख, शिवप्रतिष्ठान)

• दौडची नियमावली :
• दुर्गामाता दौडला पहाटे ठीक ५.३० वाजता सुरुवात होणार असून त्यासाठी सर्वांनी वेळेत उपस्थित राहणे गरजेचे आहे. दौडमध्ये केवळ छत्रपती शिवाजी महाराज, छत्रपती संभाजी महाराज, क्रांतिकारक, भारत माता की जय, देवीदेवतांच्या नावांचा जयजयकार करावा.
• राष्ट्रभक्ती धारा पुस्तकामधीलच गीते व श्लोक म्हणावेत.
• पुरुषांनी भारतीय पांढरा वेश अथवा वारकरी पेहराव परिधान करावा तर महिला व मुलींनीही भारतीय पारंपरिक वेशात सहभाग घ्यावा.
• पुरुषांनी व मुलांनी डोक्यावर वारकरी पांढरी टोपी किंवा भगवा फेटा परिधान करावा.
• दौडच्या स्वागतासाठी ज्या कमानी उभारल्या जातात, त्या प्रशस्त व उंचीवर असाव्यात. त्या ठिकाणाहून ध्वजाला वाकून जावे लागणार नाही, तसेच ध्वजाचा अवमान होणार नाही, याची खबरदारी घ्यावी.
• ठरलेल्या शिलेदाराव्यतिरिक्त इतर कोणीही ध्वजाच्या पुढे जाऊ नये.
• दौड संपल्यानंतर मुलींनी फोटोसेशनसाठी किंवा बाहेर नाश्त्यासाठी इतर कोठेही न थांबता आपल्या घरी जावे.
• इतर कोणत्याही घोषणा देणे, किंचाळणे, शिस्त बिघडवणे,आपापसात विनोद करत हसत जाणे, हे टाळावे.
•  नियोजनानुसार गल्लीप्रमुख व विभाग प्रमुखांकडे ध्वज घेणाऱ्यांनी नावे नोंदवावीत. ऐनवेळी कोणाच्याही हातामध्ये ध्वज दिला जाणार नाही.

• हिंदुस्थानच्यावतीने घोषित केलेले दुर्गामाता दौडीचे मार्ग :

सोमवार दि. 22 रोजी श्री शिवाजी उद्यान ते कपिलेश्वर मंदिरपर्यंत दुर्गामाता दौड काढण्यात येणार आहे. शिवाजी उद्यानपासून सुरुवात होऊन हुलबत्ते कॉलनी, महात्मा फुले रोड, एसपीएम रोड, संतसेना रोड, पाटीदार भवन रोड, शास्त्रीनगर, गुड्सशेड रोड, कपिलेश्वर कॉलनी, शास्त्रा नगर आठल्ये रोड, महाद्वार रोड क्रॉस नं. 4, माणिकबाग रोड, समर्थनगर, तानाजी गल्ली, महाद्वार रोड क्रॉस नं. 3 आणि क्रॉस नं. 2, संभाजी गल्ली, एसपीएम रोड, कपिलेश्वर मंदिर येथे सांगता होणार आहे.

मंगळवार दि. 23 रोजी चन्नम्मा सर्कलमधील गणेश मंदिर ते किल्ला येथील दुर्गामाता मंदिरापर्यंत दुर्गामाता दौड काढण्यात येणार आहे. गणेश मंदिरापासून सुरुवात होऊन काकतीवेस रोड, खडक गल्ली, कोर्ट, चव्हाट गल्ली, पी. बी. रोड, आरटीओ सर्कल, शिवाजीनगर, फोर्ट रोड, गांधीनगरमार्गे किल्ल्यातील दुर्गामाता मंदिर येथे सांगता होणार आहे.

बुधवार दि. 24 रोजी शिवतीर्थ ते धर्मवीर संभाजी चौक (जत्तीमठ) पर्यंत दुर्गामाता दौड काढण्यात येणार आहे. शिवतीर्थापासून प्रारंभ होऊन काँग्रेस रोड, ग्लोब टॉकीज रोड, इंडिपेंडेंट रोड, हायस्ट्रीट, चर्च स्ट्रीट, कल्याणी स्वीट मार्ट रोड, गवळी गल्ली, कोर्ट स्ट्रीट, वेस्ट स्ट्रीट, हाय स्ट्रीट, कोंडाप्पा स्ट्रीट, चर्च स्ट्रीट, मद्रास स्ट्रीट, कुंतीमाता मंदिर, फिश मार्केट, तेलगू कॉलनी, के. टी. पुजारी दुर्गामाता मंदिर, खानापूर रोड, धर्मवीर संभाजी चौक, जत्तीमठ दुर्गामाता मंदिरात सांगता होणार आहे.

गुरुवार दि. 25 रोजी धर्मवीर संभाजी चौक ते संयुक्त महाराष्ट्र चौकातील मारुती मंदिरपर्यंत दुर्गामाता दौड काढण्यात येणार आहे. किर्लोस्कर रोड येथून सुरुवात होऊन रामलिंगखिंड गल्ली, अशोक चौक, बसवाण गल्ली लक्ष्मी मंदिर, नरगुंदकर भावे चौक, गणपत गल्ली, कडोलकर गल्ली, बुरूड गल्ली, भातकांडे गल्ली, बुरूड गल्ली, मेणसी गल्ली, आझाद गल्ली, टेंगिनकेरा गल्ली, पांगुळ गल्ली, गणपत गल्ली, कांदा मार्केट, मेणसी गल्ली, टेंगिनकेरा गल्ली, कसाई गल्ली, कसाई गल्ली बोळ, कामत गल्ली, पी. बी. रोड, मार्केट पोलीस स्टेशन, शेट्टी गल्ली, भडकल गल्ली, कोर्ट कॉर्नर, सरदार्स ग्राऊंड रोड, सन्मान हॉटेल, कॉलेज रोड, यंदेखूट, किर्लोस्कर रोड, कडोलकर गल्ली, बापट गल्ली, संयुक्त महाराष्ट्र चौकातील मारुती मंदिरात सांगता होणार आहे.

शुक्रवार दि. 26 रोजी खासबाग येथील बसवेश्वर सर्कलमधील दुर्गामाता मंदिर ते वडगाव येथील मंगाई मंदिरापर्यंत दुर्गामाता दौड काढण्यात येणार आहे. खासबाग येथील दुर्गामाता मंदिरपासून प्रारंभ होऊन भारतनगर पहिला क्रॉस, नाथ पै सर्कल, डब्बल रोड, बसवेश्वर सर्कल, बाजार गल्ली, मरगम्मा मंदिर रोड, भारतनगर हमाल गल्ली, भारतनगर 4 आणि 5 क्रॉस, रयत गल्ली, ढोरवाडा, सपार गल्ली, दत्त गल्ली, सोनार गल्ली, वडगाव मेन रोड, बाजार गल्ली, मारुती मंदिर, तेग्गीन गल्ली, जुने बेळगाव रोड, गणेशपेठ गल्ली, कुलकर्णी गल्ली, कोरवी गल्ली, संभाजी गल्ली, लक्ष्मी मंदिर लक्ष्मी गल्ली, बस्ती गल्ली, खन्नूकर गल्ली, चावडी गल्ली, रामदेव गल्ली, येळ्ळूर रोड, नाझर कॅम्प क्रॉस नं. 3, हरिजन वाडा, हरिमंदिर, विठ्ठल मंदिर, वझे गल्ली, धामणे रोड, विष्णू गल्ली, कारभार गल्ली, आनंदनगर, पाटील गल्ली, संभाजीनगर, पाटील गल्ली मंगाई मंदिर येथे सांगता होणार आहे.

शनिवार दि. 27 रोजी हरिद्रा गणेश मंदिर सदाशिवनगर ते शिवबसवनगर जोतिबा मंदिरापर्यंत दुर्गामाता दौड काढण्यात येणार आहे. हरिद्रा गणेश मंदिरपासून सुरुवात होऊन सदाशिवनगर मेन रोड, गणेश चौक, सदाशिवनगर 2 रा मेन 4 था क्रॉस, बेलदार छावणी, मरगाई मंदिर, सदाशिवनगर पहिला मेन पहिला क्रॉस, 2 रा क्रॉस, 3 रा क्रॉस, 4 था क्रॉस, 5 वा क्रॉस, नेहरूनगर 3 रा क्रॉस, 2 रा क्रॉस, 1 क्रॉस, कोल्हापूर सर्कल, जवान क्वॉर्टर्स, सुभाषनगर, मराठा मंडळ रोड, वड्डरवाडी, रामनगर, अशोकनगरमार्गे शिवबसवनगर येथील जोतिबा मंदिरात सांगता होणार आहे.

रविवार दि. 28 रोजी शहापूर येथील अंबामाता मंदिर ते गोवावेस बसवेश्वर सर्कलपर्यंत दुर्गामाता दौड काढण्यात येणार आहे. अंबामाता मंदिरापासून सुरुवात होऊन नाथ पै सर्कल, लक्ष्मी रोड, कारवार गल्ली, लक्ष्मी रोड, गणेशपूर गल्ली, नवी गल्ली, डब्बल रोड, बसवेश्वर सर्कल, बाजार गल्ली, बनशंकरी नगर, मारुती गल्ली, बसवाण गल्ली, मरगम्मा गल्ली, वर्धाप्पा गल्ली, उप्पार गल्ली, संभाजी रोड, धारवाड रोड, जोशी मळा, संभाजी रोड, आचार्य गल्ली, गाडेमार्ग, पवार गल्ली, खडेबाजार, बसवाण गल्ली, गाडेमार्ग, सराफ गल्ली, बिच्चू गल्ली, आचार्य गल्ली, विठ्ठलदेव मंदिर, नार्वेकर गल्ली, पी. बी. रोड, होसूर बसवाण गल्ली, बोळमल बोळ, खडेबाजार, म. फुले रोड, मीरापूर गल्ली, खडेबाजार, कचेरी गल्ली, हट्टीहोळ गल्ली, म. फुले रोड, रामलिंगवाडी, आनंदवाडी, वडगाव रोड, अळवण गल्ली, खडेबाजार, मेलगे गल्ली, जेड गल्ली, भोज गल्ली, दाणे गल्ली, खडेबाजार, दाणे गल्ली, कोरे गल्ली, बसवेश्वर सर्कल गोवावेस येथे सांगता होणार आहे.

सोमवार दि. 29 रोजी शिवाजी उद्यान ते दुर्गामाता मंदिर (जत्तीमठ) पर्यंत दुर्गामाता दौड काढण्यात येणार आहे. शिवाजी उद्यानपासून प्रारंभ होऊन एसपीएम रोड, कपिलेश्वर उड्डाण पूल, स्टेशन रोड, हेमूकलानी चौक, रामलिंगखिंड गल्ली, जत्तीमठ येथील दुर्गामाता मंदिरमार्गे शिवाजी उद्यान येथे सांगता होणार आहे.

मंगळवार दि. 30 रोजी टिळकवाडीतील शिवाजी कॉलनी ते अनगोळ येथील महालक्ष्मी मंदिरपर्यंत दुर्गामाता दौड काढण्यात येणार आहे. शिवाजी कॉलनी येथून सुरुवात होऊन एम. जी. रोड, महर्षि रोड, नेहरू रोड, फर्स्ट गेट, शुक्रवारपेठ, गुरुवारपेठ, देशमुख रोड, मंगळवारपेठ, शुक्रवारपेठ, गोवावेस स्वीमिंग पूल, सोमवार पेठ, देशमुख रोड, आरपीडी क्रॉस, खानापूर रोड, अनगोळ क्रॉस, अनगोळ रोड हरिमंदिर, चिदंबरनगर, पानसे हॉटेल रोड, हाजुगिरी, विद्यानगर, एस. व्ही. रोड, कुरबर गल्ली, धर्मवीर संभाजी चौक, रघुनाथ पेठ, भांदूर गल्ली, सुभाष गल्ली, हणमण्णवर गल्ली, मारुती गल्ली, लोहार गल्ली, नाथ पै नगर, बाबले गल्ली, रघुनाथ पेठ, कलमेश्वर गल्ली, लक्ष्मी गल्ली, महालक्ष्मी मंदिर अनगोळ येथे सांगता होणार आहे.

बुधवार दि. 1 ऑक्टोबर रोजी ताशिलदार गल्ली येथील सोमनाथ मंदिर ते शनि मंदिरपर्यंत दुर्गामाता दौड काढण्यात येणार आहे. सोमनाथ मंदिरपासून सुरुवात होऊन फुलबाग गल्ली, पाटील गल्ली, शनि मंदिर रोड, मठ गल्ली, कलमठ रोड, अनंतशयन गल्ली, टिळक चौक, रिझ टॉकीज रोड, कोनवाळ गल्ली, अनुपम हॉटेल रोड, कुलकर्णी गल्ली, शेरी गल्ली, शिवाजी रोड, मीनाक्षी हॉटेल क्रॉस, मुजावर गल्ली, कांगली गल्ली, स्टेशन रोड, पाटील गल्ली, फुलबाग गल्ली रोड, ताशिलदार गल्ली, पाटील मळा, भांदूर गल्ली, फुलबाग गल्ली (उषाताई गोगटे हायस्कूल), स्टेशन रोडमार्गे शनि मंदिरात सांगता होणार आहे.

गुरुवार दि. 2 ऑक्टो. रोजी मारुती गल्ली येथील मारुती मंदिर ते धर्मवीर संभाजी चौकपर्यंत दुर्गामाता दौड काढण्यात येणार आहे. मारुती मंदिरपासून सुरुवात होऊन नरगुंदकर भावे चौक, महालक्ष्मी मंदिर बसवाण गल्ली, देशपांडे गल्ली, बसवाण्णा मंदिर, अशोक चौक, रामलिंगखिंड गल्ली, टिळक चौक, रिझ टॉकीज रोड, कोनवाळ गल्ली, अनसुरकर गल्ली, हुतात्मा चौक, रामदेव गल्ली, केळकर बाग, समादेवी गल्ली, संयुक्त महाराष्ट्र चौक, नार्वेकर गल्ली, शनिवार खूट, काकतीवेस रोड, गणाचारी गल्ली, गवळी गल्ली, गोंधळी गल्ली, कंग्राळ गल्ली, काकतीवेस रोड, कंग्राळ गल्लीमागील बाजूचा बोळ, सरदार्स ग्राऊंड रोड, गोंधळी गल्ली, समादेवी गल्ली, कॉलेज रोडमार्गे धर्मवीर संभाजी चौकात दुर्गामाता दौडची सांगता होणार आहे.

The post राष्ट्रभक्ती जागवणारी दुर्गामाता दौड उद्यापासून appeared first on News 24 Tass Marathi.